المتابعة اللحظية لجلسة تداول الاثنين 11-6-2012

[abo haydara]

صباح الخير و جلسة موفقة للجميع

[عابر مجيب]

اقتباس: المشاركة الأصلية كتبت بواسطة مجد    طمئنة الناس عن توفر الكاز غير مطمئنة لانه باين انه ازمة الغاز مطولة . رزقة جديدة لمحطات الوقود سوف يخلط بعضهم البنزين بالكاز نظرا لفرق ال 200 ليرة بالتنكة .كما كان يفعل بعضهم بالماضي .هذا عداالتلاعب بكمية البنزين ببعض تلك المحطات .

صباح الخير
لن تمر علينا الخدعة وسنتمكن من تمييز رائحة عوادم السيارات ، سنتقدم يشكوى إلى مؤسسة توزيع المحروقات وستتم المعالجة بذكاء ضمن الأطر القانونية وبنزاهة كما المعهود .
بكل الأحوال نرجوا التغاضي حتى لا تقفل المحطات المخالفة ونبقى لا بنزين ولا كاز .
سيقدر رجائي من سبق له محاولة حمل سيارته على كتفه متوجها إلى المحطة التي يقصدها صهريج البنزين

[economic opinion]

اقتباس: المشاركة الأصلية كتبت بواسطة سمير    مساءكم خير وشكراً لسؤالك عنا أختنا روان الواقع أن مايجري لبلدنا مؤلم جداً ومشكلة أهالي حلب أنهم لايخافون فرغم الحزن والألم فلايزال الشعب يمارس حياته اليومية و يخرج (لشم الهوا) غير مهتم مما يمكن أن يحدث. ويوم الجمعة حاولت الاعتذار عن دعوة عائلية للعشاء في مطعم، وبعد الاصرار ذهبت واستغربت ما رأيت فقد كان نصف المطعم وأكثر مليء بالزبائن ومع وجود مطرب يغني وكأننا في وضع طبيعي. أخت روان: وضعي النفسي يمنعني من المشاركة، وكل ما أتمناه هو كأي مواطن سوري وهو الخروج من هذه الأزمة وسورية بخير وبأقل خسائر من هذه الهجمة الشرسة عليها.

طول بالك أخي سمير إنت لازم تحس وتعرف قديش العالم مخنوقة ومتدايقة ومن حقون الطبيعي يطلعو ويروحو ويجو ويعيشو حياتون الطبيعية، لسا عنا وطن ومن حقنا نفرح فيه وننبسط على أرضو، وأكيد قعدتنا بالبيت وحطتنا للحزن بالجرن مارح تقدم ولا رح تأخر أي شي فيلي عمرو خالص رح يتكل لرحمة الله ويلي مكتوبلو يستشهد رح يستشهد سواء العالم طلعت من بيوتها أو ما طلعت وسواء عاشو الناس أو دفنو حالون بالحياة
والعالم صاير بدها أي منفس لو صغير "أنا كل يوم بمر بالربوة وبشوف العالم هنيك قاعدة فوق بعضها من العجق ومطاعم أوتستراد المزة مليانة عالآخير وأيام ما بتلاقي مكان فلازم تحجز قبل بوقت" الناس مخنوقة ومحروقة
بالعكس أنا بنصحك تطلع كل يوم وتشوف كل أهلك ورفقاتك وتودون وتبسطون وتسأل عن كل يلي بتحبون "يعني تسأل عنا نحنا أهلك بسيرياستوكس" لأنك ما بتعرف إيمتى بتفقد حدا فيون لا سمح الله أو رب العالمين بياخد أمانته "بعيد الشر عنك وإن شاء الله الله يطوللنا بعمرك"
ذكرتني بحالي بأول شهرين من بداية الأحداث إجاني اكتئاب نفسي خلاني مو بس ما اطلع من البيت والله كنت حتى ما اقدر احكي حتى مع أهلي فارجع من الشغل فوت على غرفتي وسكر على حالي الباب وما اطلع لتاني يوم الصبح عالشغل .. مع إنو وقتها ما كان في شي بالشام بس كانت عم تصلني أخبار من جبلة واللاذقية وبانياس ودرعا فوقتها تأثرت كتير وبعدها الحمد لله رب العالمين قواني وطلعت من هالحالة
اللهم إنا نعوذ بك من الهم والحزن ونعوذ بك من العجز والكسل ونستغفرك ونتوب إليك "كل يوم أخي سمير تصبح وتمسى فيها

[economic opinion]

صباح الخير والوطن جميعاً
أين متابعين الصالون... عفواً .... الجلسة المثابرين
طبعاً يمكن حالياً مافي داعي نسأل شو توقعاتكون اليوم للأسهم لأنو كلنا منعرف
فخلينا نبدأ الصالون .... قصدي جلسة المتابعة بالاطمئنان على صحة الجميع

[سمير]

اللهم إنا نعوذ بك من الهم والحزن ونعوذ بك من العجز والكسل ونستغفرك ونتوب إليك

صباح الخير
مشكورة أخت روان وأهنئك على هذا الوعي والخبرة التي تفوق كثيراً من هم أكبر عمراً

وأشكر كل من يسأل بالخير عنا

أتمنى لكم جلسة موفقة

[سمير]

عندما يخطف أصدقاء لك مسالمين لطفاء ويعذبون لمجرد أنهم موظفين متابعين لعملهم (لايضربون عن العمل)
ويدفع أهاليهم فدية لإنقاذهم
حينها لاتستطيع إلا وأن تكتئب

ولو قليلاً

هذه هي القصة باختصار أخي أبو النور

[abu mhd]

صباح الخير جميعا
جلسة مميزة بوجودكم أكيد وخاصة الغائب عنا ابو النور
لازم نرفع فيه طلب عقوبة خصم من الحوافز

[economic opinion]

إيه هه هلأ نورت وحليت المتابعة بوجودك أخي سمير
أهلاً فيك وبكل الأخوة والأعضاء الكرام
بتعرف أخي سمير أنا المشكلة إنو أهلي خانقيني بقصة الفوتة والطلعة .. والله لو بيتركوني شوي بس لحتى ما خلي محافظة بسوريا ما زورها وأنا عنجد نفسي كتييير اطلع على حلب خايفة ما لحق شوفها
وهنة نازلين نق عالفاضي وعلى قولة لتهدى الأوضاع ... تقول يعني رح يردوا شي من قضاء الله وقدرو إذا الله كاتب يصير عليي لا سمح الله

[economic opinion]

اقتباس: المشاركة الأصلية كتبت بواسطة mouayad    صباح الخير جميعا جلسة مميزة بوجودكم أكيد وخاصة الغائب عنا ابو النور لازم نرفع فيه طلب عقوبة خصم من الحوافز

أنا موافقة نرفع عقوبة بالأستاذ غالب لأنو هو بالذات لازم ما يغيب أبداً أبداً
مؤيد رح ابعتلك رقم حسابي مشان تحوللي المصاري

[economic opinion]

اقتباس: المشاركة الأصلية كتبت بواسطة سمير    عندما يخطف أصدقاء لك مسالمين لطفاء ويعذبون لمجرد أنهم موظفين متابعين لعملهم (لايضربون عن العمل) ويدفع أهاليهم فدية لإنقاذهم حينها لاتستطيع إلا وأن تكتئب ولو قليلاً هذه هي القصة باختصار أخي أبو النور

تستطيع أخي سمير أن تقول حسبنا الله ونعم الوكيل نعم المولى ونعم النصير