سعر صرف الليرة مقابل الدولار 6-5-2012

[shereen]

مانزلت الصورة مابعرف ليش

[د.أبو محمد]

اقتباس: المشاركة الأصلية كتبت بواسطة shereen    صحي شو السبب انوعند فوز اولاند معناها اليورو انتهى والتوقعات انو خلال ايام 1,26 بعدين حدا نازل على الانتخابات بكرة واذا بدكم تنتخبو مين لح تنتخبو وليش والسؤال موجه للجميع وشكرا

اي انتخابات انتي شو عمتحكي مو طاروا بالهوا شاشي

انا بكرة راحت علي نومة ومانزلت عالانتخابات

[shereen]

أعلن المرشح المستقل عن مدينة حلب فئة (ب) رجل الأعمال عبد الكريم السيد السبت 5/5/2012، انسحابه من انتخابات مجلس الشعب قبل 3 أيام من بداية الانتخابات احتجاجاً على ما أسماه "الطريقة الخاطئة" لمعالجة الأحداث التي وقعت في المدينة الجامعية بحلب.

وقال السيد إن "حادثة الجامعة التي حصلت فجر يوم الخميس كانت السبب الرئيسي الذي جعلني أعلن انسحابي من خوض الانتخابات، مشيراً إلى أنه "لم يستطع فعل أي شيء تجاه الطريقة الخاطئة المُتبعة في معالجة المشكلة". على حد تعبيره.

هذا وقد كان المرشح المستقل محمد جابر شيخ البساتنة قد اعلن انسحابه أيضا من الانتخابات التشريعية لمجلس الشعب السوري قبل يومين من موعد الانتخابات المقرر عقده في / 7 / أيار الحالي .

و وصف شيخ البساتنة سبب انسحابه الرئيسي بأنه " أكبر منه " و قال أنه أدرك أن هذه المسؤولية كبيرة و تحتاج إلى تفرغ كامل و هو رجل أعمال ولا يملك الوقت الكافي .

[د.أبو محمد]

وانا بدوري اعلن انسحابي من الذهاب الى الانتخابات

[د.أبو محمد]

اقتباس: المشاركة الأصلية كتبت بواسطة expert    والله يا اخت شيرين انا كل المرشحين بحبهم موووووت الله وياريت اقدر اعطيهم صوتي كلهم بسسسس بس خايف روح انتخب يقوم شي مندس بيكره الديمقراطية يحط شي سيارة مفخخة جنب مركز الاقتراع وبعد شوي اطلع انا بنشرة اخبار الدنيا والناس عمتلمني شقف من الشارع بعيد عنا وعنكم وكمان انا ما بحب الشهرة

انشا الله عدوينك

[mazen_wasof]

بدي صوت للمرشح الفوتوجونيك لؤي صاري (ملك البوزات )
واتوقع انخفاض قوي وحاد لليرة السوريه في حال فوزه والعوض بسلامه الشعب السوري

[mazen_wasof]

اقتباس: المشاركة الأصلية كتبت بواسطة amh_sy    ملايين انكبت بالأرض و ضاعت في مهب الريح

على قولة ستي : الجنازة محرزة .. والميت عووووو

[expert]

يا اخوتي والله ان هذا التصويت امانة
وسيسالك الله انك عنها واين وضعت الامانة
هل وضعتها باهلها ام لا
فهل منكم من يعرف المرشح الذي سينتخبه حق المعرفه ويعرف انه اهل ليحمل الامانة؟؟؟؟
او انه يعرف شخصا عدلا يشهد له بالامانة ؟؟؟؟؟
انا متاكد ان جواب الجميع لا
ولو وجد من اثق انه اهل لحمل الامانة لذهبت وانتخبت لكن للاسف ما رايت الا شرار الخلق
يبتسمون في الصور ويطلقون وعودا لا يقدرون على الوفاء بها
مثلا اذا وعدتكم اني ساحرر فلسطين فماذا يعني هذا (يعني اني اولا كذاب و ثانيا اعتبر ان الاشخاص الذين امامي حمقى وسيصدقونني) فهذا الوعد احتقار للشعب الذي يعتبره المرشح غبي وسيصدق اكاذيبه
.
.
.
خلونا بالدولار
بكرا بتتوقعوا يتدخل المركزي وينزل السعر ولا مو فاضي ...... رايح ينافق (قصدي ينتخب)

[expert]

اقتباس: المشاركة الأصلية كتبت بواسطة amh_sy    وانا بدوري اعلن انسحابي من الذهاب الى الانتخابات

حلو وملعوبة
لا حظوا شغلة مهمة
اليوم كانت انتخابات فرنسا
اليوم شوووووو احد يعني عطلة
الدول يللي بتحترم نفسها بتعمل انتخاباتها بايام العطل منشان ما تعطل مصالح الناس
نحن بنعمله بيوم دوام منشان نجبر الموظفين يعبوا الصناديق بالتخجيل او بالاجبار احيانا
وبيروح يوم الدوام بلا شغل وخلينا نتخلف يوم اكتر يعني متخلفين ميتين سنة يوم زيادة مارح يفرق كتير.

والله العظيم وانشاء الله بعدم نظري اذا عم اكذب
اليوم وانا رايح على باب جنين شفت سيارة بيك اب جاية من جنب البلدية بحلب معباية بصناديق اقتراع بلاستيكية
بس شو..... مليانة اوراق والصناديق شفافة ومدكوكة دك
بس شو الاوراق ما بعرف
رح اكون حسن النية وافترض انو هي اوراق انتخاب قديمة وهنن ما رادو يكبوهن بالحاوية جنب القصر البلدي
راحو يكبوهم بمكان تاني وعلى عينك يا تاجر

[mak]

اقتباس: المشاركة الأصلية كتبت بواسطة shereen    صحي شو السبب انوعند فوز اولاند معناها اليورو انتهى والتوقعات انو خلال ايام 1,26 بعدين حدا نازل على الانتخابات بكرة واذا بدكم تنتخبو مين لح تنتخبو وليش والسؤال موجه للجميع وشكرا

أكيد لأ....و يلي لسا لهلأ مو مقتنع ليش يقرأ هالمقالة...مع انو ما بظن يلي لهلأ مو فهمان شو صاير رح تفيدو!!

http://www.syria-news.com/readnews.php?sy_seq=147712

و بالمناسبة انعرض عليي مبلغ محرز مشان انتخب ...بس أكيد هدول يلي عم يدفعوهن هنن من جيبة الشعب.....لأنو عاملين هالمجلس استثمار