سعر صرف الدولار مقابل الليرة 20-3-2012 بالسوق السوداء

[BROKER]

اقتباس: المشاركة الأصلية كتبت بواسطة ماهر ابو عدنان    سعر صرف الدولار الساعة 4.15 دمشق شراء 78 مبيع 79

شكرا اخ ماهر ابو عدنان

الله يعطيك العافية

مجهودك تشكر عليه

[$ABOUD]

*=== (( ما يلفظ من قول إلا لديه رقيب عتيد )) ===*

[دبي العرب]

الله سبحانه يحمي الليرة السورية وان شاء الله بتستقر وبترجع اقوى

[mak]

اقتباس: المشاركة الأصلية كتبت بواسطة دبي العرب    الله سبحانه يحمي الليرة السورية وان شاء الله بتستقر وبترجع اقوى

آمين....بس لإستجابة الدعاء لازم يكون في أسباب و يللي شخصيا مالي شايف شي منها غير اذا عم يشتغلوا عليها بالسر!
متل يللي عم يدعي الله يرزقه ولد و هو ما تجوز و لاحتى ناوي!

[shereen]

اقتباس: المشاركة الأصلية كتبت بواسطة broker    شكرا اخ ماهر ابو عدنان الله يعطيك العافية مجهودك تشكر عليه

اشكر الاخ رامي لانو شكر الاخ ابو عدنان

[عابر مجيب]

اقتباس: المشاركة الأصلية كتبت بواسطة shereen    مساء الخير اخي عابر نظرية من دهنو سقيللو نظرية مظبوطة تماما والمركزي عم يكب اشاعات من يومين مواقع عكس السير والمواقع الحكومة كلها حطت خبر الاستبدال تبع العملة واليوم كلو نفا يعني الشغلة اشاعة متل التدخل وبيع الدولار لصرافين مجهولين الاسماء - سؤال ليش عم ياخدو صورة الهوية الصرافيين الرسميين وموجود الدولار او حسيت غصب من عنهم باعوك وشكرا

كانوا بيتمنوا الناس تخاف وتنسحب ، شوفي لما بدهم يخففوا الزحام وصاح المستخدم اللي بدو يشتري دولار يعطيني هويته ، تلكأ الحاضرون وظنوا أنه عنصر أمن !
من لا يوجد لديه مبرر يفترض أن يشتري من السوق السودة الغامقة حيث يزداد السعر قليلا ، وإلا فهو تحت خطر المساءلة في حال التكرار والأرقام الكبيرة .
تحياتي .

[expert]

هلا شو بدكن بالتحليل
الناس كلها عم تستنا اسعار يوم
الاربعاء
بالنسبة لضخ الدولار من قبل المركزي
انا بخالف الاخ يللي عم يقول انو مافي ضخ
انا اظن انو الضخ موجود فعلا
لكن ولا قرش عم ينباع بالسوق السودا او الحمرا او الخضرا
المبالغ عم ياخدها الهوامير الكبار
يللي مضطرين يستوردوا بضايع بالدولار و يدبروا راسهم
هلا اكتر الموجودين رح يقولولي ليش ما بيشتروا من الصرافين
و الجواب انو كل الصرافين بسورية ما رح يقدروا يجمعوا خمس ملايين دولار باليوم
و اذا بديو بالتجميع رح يرتفع السعر كتير
يعني السوق السودة لامثالنا من اهل الميات و الالفات عم تمشي
متل ما قالو الشباب
من دهنه سقيله
و المبالغ تبع المركزي ما عم تصل ريحتها للمواطنين
سؤال تاني
ليش المركزي يبيع؟
الجواب
اولا منشان ما يزعلوا الهوامير الكبار لانو زعلهم ما بيسوا بنوب
تانيا لانو مضطر يلم حوالي المليارين و نص سوري كل شهر
حتى يامن رواتب الموظفين
يعني هاد الكلام انو المركزي لسع رح يبيع كمان دولار
بل لازم يبيع كتير
طبعا في عنده سوري من قبل
يعني مارح يلم كل المليارين ونص من الدولار
بس اتوقع انو لازم يلم اكتر من نص الكمية
عن طريق بيع العملات الاجنبية
وحتى يبدا المنحني الصاعد يبقى السوق
من دهنه سقيله

[غسان]

تبلغ كتلة الرواتب في سورية شهريا 17،4 مليار
ليرة
سبعة عشر مليار واربعمئة مليون ليرة

[najm]

شكرا على هذه المعلومه استاذ غسان لطالما جال هذا السؤال في خاطري

[shereen]

اقتباس: المشاركة الأصلية كتبت بواسطة expert    هلا شو بدكن بالتحليل الناس كلها عم تستنا اسعار يوم الاربعاء بالنسبة لضخ الدولار من قبل المركزي انا بخالف الاخ يللي عم يقول انو مافي ضخ انا اظن انو الضخ موجود فعلا لكن ولا قرش عم ينباع بالسوق السودا او الحمرا او الخضرا المبالغ عم ياخدها الهوامير الكبار يللي مضطرين يستوردوا بضايع بالدولار و يدبروا راسهم هلا اكتر الموجودين رح يقولولي ليش ما بيشتروا من الصرافين و الجواب انو كل الصرافين بسورية ما رح يقدروا يجمعوا خمس ملايين دولار باليوم و اذا بديو بالتجميع رح يرتفع السعر كتير يعني السوق السودة لامثالنا من اهل الميات و الالفات عم تمشي متل ما قالو الشباب من دهنه سقيله و المبالغ تبع المركزي ما عم تصل ريحتها للمواطنين سؤال تاني ليش المركزي يبيع؟ الجواب اولا منشان ما يزعلوا الهوامير الكبار لانو زعلهم ما بيسوا بنوب تانيا لانو مضطر يلم حوالي المليارين و نص سوري كل شهر حتى يامن رواتب الموظفين يعني هاد الكلام انو المركزي لسع رح يبيع كمان دولار بل لازم يبيع كتير طبعا في عنده سوري من قبل يعني مارح يلم كل المليارين ونص من الدولار بس اتوقع انو لازم يلم اكتر من نص الكمية عن طريق بيع العملات الاجنبية وحتى يبدا المنحني الصاعد يبقى السوق من دهنه سقيلهbig grin

يعني قصدك انو المركزي بيوقف بيع دولار وبيستناه ليطلع لل 100 او 150 وبعدين بيبيع اللي اشتراهم من الناس ب 75 مشان يغطي معاشات الموظفين معقول هالخطوة...... ؟؟؟؟؟