جلسة صالون سيريا ستوكس ليومي الخميس 3 والجمعة 4-11-2011

[غالب]

اقتباس: المشاركة الأصلية كتبت بواسطة kayalij    شو وين مشرفنا الغالي أبو النور

حاضر يا فندم بس والله مشغول شوية بالمحل بمناسبة عيد الاضحى المبارك , ولمن لا يعلم لدينا انا واخي عدنان محل لبيع الالبسة الجاهزة في دمشق - دويلعة .باسم فاميلي .

[سمير]

الكسل ما بيطعمي عسل متل شرب الدخان :لا اوله بسم الله ولا اخرو الحمد لله

[مجد]

اقتباس: المشاركة الأصلية كتبت بواسطة غالب    حاضر يا فندم بس والله مشغول شوية بالمحل بمناسبة عيد الاضحى المبارك , ولمن لا يعلم لدينا انا واخي عدنان محل لبيع الالبسة الجاهزة في دمشق - دويلعة .باسم فاميلي .

مابيصير هذه دعاية ببلاش

[sommmmy]

وهاي مثل

لاتركب الخيل يافصوعة تعديها ........خللي ركوب الخيل لأهاليها

[Ship World]

اقتباس: المشاركة الأصلية كتبت بواسطة سمير    سلمك الله يا أخونا العزيز نحن بخير وعم نستنى تروق الأجواء منشان نعمل رحلة ع طرطوس إن شاء الله

اهلا و سهلا باخي ابو احمد الغالي
و اهلا و سهلا بك بتنور طرطوس كلها و بانتظارك
و الله يهدي الاوضاع في بلدنا الحبيب لتعود ازهى مما كانت و كذلك ليتسنى للاخوة القدوم لمن يرغب

[سمير]

- خذ الأصيلة ونام على الحصيرة
2- يللي بيجرب المجّرب بيكون عئلو مخّرب
3- طول عمرك يا تينة مجعلكة
4-الحية آلت للدودة تضربي على هالآمة الممدودة
5- يآخد الارد على مالو بيروح المال بيصفى الارد على حالو
6- طب الجرة على تما بتطلع البنت لاما
7- عند ملي البطون نايم انطون وعند جلي الصحون نادوا لانطون
8- دق القرفة ولا صباح السلفة
9- كومة حجار ولا هالجار
10-متل السيل بيغدر بالنهار والليل
11-شو ماطبخت العمشى جوزا بتعشى
12- من قلة تدابيره خلطت حنطته مع شعيره
13-طلطميس مابيعرف الجمعة من الخميس
14- لما فرقوا العقول كل واحد عجبوا عقلوا ولما وزعوا الأرزاق ماحدا عجبه رزقوا
15- يللي بيلاعب الاط بدوا يتحمل خرميشوا
16- بعدما كانت خادمة صارت في البيت حاكمة
17- مثل الاردة وشاكلة براسها وردة
18-ارعة ومشطها نص ذراع
19- آل ليه غيرانة وحيرانة وعيونو جوا غطسانة
20-قال خطبوها تعززت تركوها تندمت

[Salam L]

المنحوس منحوس... ولو علقوا براسه فانوس....

[غسان]

اللي بيخفف راسو ........................بيتعبوا رجليه

[sommmmy]

اقتباس: المشاركة الأصلية كتبت بواسطة سمير    - خذ الأصيلة ونام على الحصيرة 2- يللي بيجرب المجّرب بيكون عئلو مخّرب 3- طول عمرك يا تينة مجعلكة 4-الحية آلت للدودة تضربي على هالآمة الممدودة 5- يآخد الارد على مالو بيروح المال بيصفى الارد على حالو 6- طب الجرة على تما بتطلع البنت لاما 7- عند ملي البطون نايم انطون وعند جلي الصحون نادوا لانطون 8- دق القرفة ولا صباح السلفة 9- كومة حجار ولا هالجار 10-متل السيل بيغدر بالنهار والليل 11-شو ماطبخت العمشى جوزا بتعشى 12- من قلة تدابيره خلطت حنطته مع شعيره 13-طلطميس مابيعرف الجمعة من الخميس 14- لما فرقوا العقول كل واحد عجبوا عقلوا ولما وزعوا الأرزاق ماحدا عجبه رزقوا 15- يللي بيلاعب الاط بدوا يتحمل خرميشوا 16- بعدما كانت خادمة صارت في البيت حاكمة 17- مثل الاردة وشاكلة براسها وردة 18-ارعة ومشطها نص ذراع 19- آل ليه غيرانة وحيرانة وعيونو جوا غطسانة 20-قال خطبوها تعززت تركوها تندمت

موسوعه ماشالله

[مجد]

صدر قرار بالغاء الموافقات الامنية لكافة المهن .
ومن ضمنها المدارس والمعاهد .
كانت هذه الموافقة تحتاج لحوالي سنة حتى تصدر وهذا التاخريسبب خسائر بالملايين للمدارس .واذا كانت المدرسة تبلغ تكلفتها 200 مليون ليرة فالخسارة كانت تصل على الاقل ل20مليون ليرة.فوات ربح .