المشاركة الأصلية كتبت بواسطة hasobman

صباح النور للجميع
وهي صحينا ومخنا على اساس مفتح وما شاء الله علينا
بفهم من كلامك استاذ عابر انو في نزلة عالطريق جاية
هيك بيكون تحليلي ذهب ادراج الرياح وطلع سرطان وانا مفكرو ورم حميد

المشاركة الأصلية كتبت بواسطة جوليت

مقتطفات من تصريح السيد أديب ميالة حاكم مصرف سوريا المركزي
1- حجم تمويل المستوردات بالقطع الأجنبي ارتفع خلال الأسابيع القليلة الماضية من 600 ألف إلى 2.5 مليون دولار في اليوم الواحد.
2- ما يدل بكل وضوح على وفرة القطع الأجنبي لدى المصرف المركزي وقدرته على مواجهة طلبات المستوردين لتمويل عمليات الاستيراد الخاصة بهم مهما بلغت كميات مبالغها.
3-ولفت ميالة إلى أن تمويل المستوردات كافة من شأنه المساهمة بالنسبة الكبرى في تعافي الاقتصاد الوطني ثم من شأن هذا التعافي أن يعيد عجلة الإنتاج إلى الدوران ما يخلق فرص عمل جديدة لقوة العمل السورية، وفي الوقت نفسه يعيد تشغيل المعامل والمنشآت التي توقفت بسبب تخريب وإجرام المجموعات الإرهابية المسلحة ما يعيد مرة أخرى فرص العمل المفقودة لمن كانوا يشغلونها قبل توقف المنشآت ومصدر رزقهم.
-------------------------------------------
تنويهات :لنربط مايقوم به رجال الاعمال من تصريف لدولاراتون بما صرحه ,نعرف انو هدول رجال الاعمال يلي ميصرفو مقتنعين بالهلكلام ومصدقيون وبدون يشتغلو ويسترزقو (وهذا ماقصدتو به بولاءات معينة وليس ماذهب به البعض بأنو هدول أصحابو للمركزي ,كونو المركزي مالو صاحب وقت الجد )
ان يقوم هؤلاء بتصريف دولاراتون بالسوق السوداء فعادي لأنو المركزي ماعم يعرف وين ميصرفون يعني ماعندو معلومات ولو بواحد بالمية وين عم يصرفو واديش عم يصرفو وبكم السعر يلي ميصرفو فيه ,يعني عادي شو المركزي قادر يضبط كل سكان سورية ويمنعها من التعامل بالسوق السوداء ؟؟؟ ابسوليوتلي لا
يعني رجل الاعمال او التاجر الكبير كيف عم يفكر دل الوقتي : بروح بصرف دولاراتي بالسوق السودا وباخد السوري وبروح المركزي وباخد طلب تمويل استيراد وبسعر المركزي وبشكل نظامي وماحدا بيقدر يقلي تلت التلاتة شقد ... وخلي السوق السودا تقدر تلبي طلبات التصريف للشباب الطيبة ومصاري المركزي كب من القطع الاجنبي وقادرا تلبي اي طلب تمويل استيراد وماحدا الو منية ,صرف بالسودا وتمول من المركزي

المشاركة الأصلية كتبت بواسطة mak

هلأ آخر نقطة تبع يبيعو بالسودة و يتمولو من المركزي ...معقولة و كانت عم تصير من زمان على مستوى كبير و هاد احد اسباب تخفيف و تجفيف تمويل المستوردات من المركزي

هلأ بقية النقاط مو كتير راكبة...خصوصا انك من فترة صرحتي انو المركزي صاير متل فرع امن ...يعني معقولة فرع امن و ما يعرف وين عم يصرفو و باديش .....هلأ هو ما بدو يتدخل ممكن .....بس اذا جوليت عرفانة اسمائهم و قديش المبلغ و ووين باعوه ...المركزي ما بيحسن يعرف؟

بنرجع لقصة تمويل المستوردات ..و ان شاء الله بتدور عجلة الاقتصاد و المعامل المدمرة بترجع تتعمر و الموارد المحروقة بترجع بينعاد انتاجها (مع انو هالشي اكيد مارح يصير بهالسرعة يللي عم يحاولو يخلونا نتفائل فيها) بس اذا صار كل هالشي هاد يعني زيادة طلب كبيرة عالدولار و تمويل المستوردات بحياتو ما كان يلحق يمول كلشي ...يعني بمول نسبة ..اديش ما بعرف ممكن 2 % ..ممكن 50% ممكن تصير 90% بس بيضل 10% ضرورية للتجار و بدهم يامنوها من السوق السودة .....طبعا هاد في احسن الأحوال .....يعني بلا ما نعمل البحر طحينة ..لئنو الطحينة صارت غالية كتير يمكن شي 750 الكيلو بعد ما رخصت