صالة أسعار الدولار والذهب مقابل الليرة السورية ليوم الأحد 6- 10 - 2013

[أبو حسن]

اقتباس: المشاركة الأصلية كتبت بواسطة arnouri

لا حول ولا قوة الا بالله
عن أبي موسى الأشعري رضي الله عنه قال : ( كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ يُحَدِّثُنَا أَنَّ بَيْنَ يَدَيْ السَّاعَةِ الْهَرْجَ . قِيلَ : وَمَا الْهَرْجُ ؟ قَال : الْكَذِبُ وَالْقَتْلُ . قَالُوا : أَكْثَرَ مِمَّا نَقْتُلُ الْآنَ ؟ قَالَ : إِنَّهُ لَيْسَ بِقَتْلِكُمْ الْكُفَّارَ ، وَلَكِنَّهُ قَتْلُ بَعْضِكُمْ بَعْضًا ، حَتَّى يَقْتُلَ الرَّجُلُ جَارَهُ ، وَيَقْتُلَ أَخَاهُ ، وَيَقْتُلَ عَمَّهُ ، وَيَقْتُلَ ابْنَ عَمِّهِ . قَالُوا : سُبْحَانَ اللَّهِ ! وَمَعَنَا عُقُولُنَا ؟ قالَ : لَا ، إِلَّا أَنَّهُ يَنْزِعُ عُقُولَ أَهْلِ ذَاكَ الزَّمَانِ ، حَتَّى يَحْسَبَ أَحَدُكُمْ أَنَّهُ عَلَى شَيْءٍ وَلَيْسَ عَلَى شَيْءٍ )
رواه أحمد في " المسند " (32/409) وصححه المحققون في طبعة مؤسسة الرسالة، وصححه الشيخ الألباني في " السلسلة الصحيحة " (رقم/1682)

[Ryad]

المركزي حدد شو هو سعر التدخل بكرا؟؟؟
او مجرد قال ١٠ مليون دولار؟؟؟

الجواب على السؤال رح يأثبت انو الدولار حيرتفع او لأ للعيد
رح تكون قمة عدم الامانة ازا المركزي ما حدد سعر التدخل

[salkiny]

اقتباس: المشاركة الأصلية كتبت بواسطة عبدالقادر    سألت اكتر من خمسين واحد مالعامة قال لاتشتروللاثنين قلتلون ليش قال نهار الاثنين رح ناخدو 150 كلون مجهزين مصرياتون وقاعدين للأثنين عرفت ليش اخ انس جمود بالسوق الكل محضر حالوا قطيع بكاملو بس شلون كلون بيتفقوا عقرار واحد وكيف بيجمعو بعضون مابعرف ولا التفكير الصحيح هيك وانا تفكيري غلط ارجو تنبيهي

والله ما حدا خرب الدنيا غير القطيع
بيهب على الشراء بيساوي الدولار ب 300
بيهب على المبيع بيساوي الدولار ب 150
وبالاخير الي بياكل هوا هنن التجار الي ما عاد يعرفوا يشتغلو شي طلع شي نزل
لذلك الكل صاير عم يعميل احتياك بالتعسير لصعود مفاجئ بسبب هجوم القطيع على الشراء
( اتحدث عن محلات الموبيلات والكمبيورات طبعا .. كوننا الوحيدين الي عم نتحرك مع الدولار بشكل لحظي )

[عابر مجيب]

اقتباس: المشاركة الأصلية كتبت بواسطة جوليت    - اكيد بعد كم مشاركة سياسية من شخصك الكريم بتعلم سياسة ماحدا خلق وبيعرف كل شي - مصر من كم شهر ماكانت بتهمني (سياسيا) , هلأ اكيد صارت بتهمني -الباب أكيد بفوت جمل (وللتنين) ..منشان ماتفكر اني مافهمتا

أول شي أنا بعتذر من الموقع لأن المفروض مو هاد مكان الشرح كان ممكن هالحكي يكون بالصالون تبع العطلات للحوار والفضفضة والثقافة وما شابه .
للأسف فهمتي غلط
أنا آخر واحد بيحكي بالسياسة أو بيفهم فيها ، وانا ما كتبت سياسة ، أنا كنت عم أكتب منطق ، بصرف النظر عن التأييد والمعارضة .
وأنا ما اتهمتك بالجهل بالسياسة ، بس عم أضرب مثل عن اللي لوكان ما بيعرف أو ما مهتم ، بمجرد متابعة التلفزيون بيقدر يوصل لشي . واتخذت من مصر مثال على الماشي .
والفكرة أنه من كان كذلك( أي لا يعرف بالسياسة ، مو انتقاص بمعلوماتك )نعم من كان كذلك ، وصل لشيء ، فما بالك بمن كان متخصص وله أقارب ومعارف وسبق له معرفة البلد أو ربما اكتوى بضعة أيام بالسجون .
كونه على صح أو خطأ وكونه بناسبني أو ما بناسبني فهاد أمر آخر .
أنا ما عدت أذكر أين ولكن بها اليومين ، قرأت مقالا عن انتقاد من لا يحمل شهادة وأصبح مليونير !
يعني الشهادة بتركب عقل مثلا ؟! والطبيب قطعا بيدير اقتصاد بيته أفضل من بياع البندورة ؟! هاد المنطق مرفوض عندي أن نسأل وين أنت بيقول والله بمالطا ، بنقول لكان شو بيفهمك بالسودان، ولوكان متابع !؟ أو مجرد واحد ما معو شهادة ، ونقول له سكوت بلا حكي فاضي انت شو بيفهمك ؟
والمفروض بنسمع كلامو بعدين بنقرر .
أنا صدقا ما بعرف أسماء شخصيات كتيرة المفروض يكونوا معروفين ، على أساس أنا مثقف ومطلع ، وبيتفاجأ الناس وبيقولوا : معقول ما بتعرفو ؟ والله ما بحفظ أسماء وبصنف الناس ابو شوارب وأبو طاقية والأصلعاني . أنا بتابع كلام المتحدث على التلفزيون وبعرف من أجوبته وتهربه والكلام الخارج عن السياق والحديث عن فكرة فاضية وكأنها إلهام . بكتشف ان هالرجل كذاب أو لأ وصدقا بصرف النظر عن انتماءه .
وكمثال : عقاب صقر( كنت سميه اللبناني الحليوة ) تابعته عدة مرات ، كانت فكرتي عنه سيئه جدا ،ما غيرت رأيي فيه ، بس ما قدرت اكرهو .
أما أخيرا واللي فهمتيها غلط كمان لما قلت صاروا على الباب ، قصدت أني ربما انفهت غلط وجاء من يعتقلني . لأن للأسف كتير ناس بيقرأو غلط .

[salkiny]

اقتباس: المشاركة الأصلية كتبت بواسطة arnouri    الشهيدتان بإذن الله لين و ليلى عطفة للأسف جريمة تندى لها الإنسانية مثلها مثل الكثير غيرها فهي ليست الأولى و لا أظن أنها الأخيرة للأسف كانت المرحومة وعائلتها بطريقها من حمص \ حيث تسكن هي و عائلة زوجها \ الى منطقة القدموس لحضور عرس أختها ولكن يبدو أن العرس المقدر هو لهم في الجنة بإذن الله نسأل الله أن تكون هذه الجريمة نهاية لما سبق و ليست بداية سلسلة جديدة من الأحداث الغير مألوفة سابقا

حسبنا الله ونعم الوكيل
اللهم تقبلهم مع الشهداء واقتص من قاتليهم يارب العالمين

[ابن الجبل]

اقتباس: المشاركة الأصلية كتبت بواسطة عابر مجيب    أما أخيرا واللي فهمتيها غلط كمان لما قلت صاروا على الباب ، قصدت أني ربما انفهت غلط وجاء من يعتقلني . لأن للأسف كتير ناس بيقرأو غلط .

من يومين رجعت على البيت مهموم مثل كثير من المغتربين اللي عم يفكروا بالعودة للوطن باسرع وقت و احسب و شيل و حط براسي و صرت بضيقة نفسية ما عرفت لها سبب الحمد لله الأمور كلها بخير بس ما عرفت ليش بدات الامور تسوء نفسياً دون سابق إنذار و أمس قال لي أحدهم أنه خلال اليومين الماضيين كان هنالك تغيراً في المغناطيسية نتيجة أحدات حدثت بالشمس و أن الكثير حصلت لهم تلبكات نفسية و خربطات و صارت الناس تفهم بعضها غلط من الضغط النفسي المتشكل و بعضهم بعيد الشر عن الجميع توفوا بجلطات و إلى ما هنالك قمت صبيتله كاسة متى و قلته روق و شراب كاسة هالمتة ما رح تشرب أطيب منها

[رياض تمو]

صباح الخير ..
أسواق عين العرب (الساعة 12:00)
الدولار :174ـــــــــــــــــــ177
الليرة التركية :86ـــــــــــــــ88

[najm]

السلام عليكم والرحمة للشهدتين براعم من ال عطفه وأمهم وكل شهداء سوريا الأبرار

[shereen]

هي صورة التوابيت بجزيرة لابميدوزا اغلبهم سوريين مهاجرين لاحول ولاقوة الا بالله

[خليل حسو]

القامشلي الساعة الواحدة ظهرا:
مبيع: 170
شراء: 166