صالة أسعار صرف الدولار وباقي العملات مقابل الليرة السورية ليوم الجمعة 17-5-2013

[ADIB]

بكرا ما تتفاجؤ اذا ارتفع عل 160$

[mdhat]

اقتباس: المشاركة الأصلية كتبت بواسطة المضارب الحسكاوي    ارحمو عزيز قوم قد ذل يا صديقي ساجد والله الشعب السوري انذل لما تم طرده من بيوتهم وصار لاجئ ويعيش بالمساعدات والله يكون بعونهم وما ضل شي نفتخر فيه طار كل شي والله يستر من الاعظم

اقتباس: المشاركة الأصلية كتبت بواسطة abdulmajed    يسلم هل التم استاذ عابر مابفوت على المنتدى إلا لاقراء كتاباتك ياكيدهم big grinbig grinbig grin

صديقي الشعب السوري انذل قبل هيك لما صار يطلع بالسرفيس يوقفوه جماعة الحرية ليمارسو حرية القتل الطائفي واذا مرضنا بالاعلام انو ما حكى باياما الحقيقة لانو كان ينكتب ممن يعطون اوامر القتل بس نحنا هالارض ومنعرف منيح تسلسل الاحداث ما حلنا ننسا

[black_ghost87]

مسا الخير..بس مجرد سؤال اذا الشخص حب يشتري دولار الاسبوع القادم برأيكم الانتظار ليوم الاثنين او الأحد في حال عدم تدخل المركزي و ما هو أفضل سعر للشراء؟ عقولة شيرين(يلي بيسبق بياكل بندق)؟؟؟

[Abdulmajed]

اقتباس: المشاركة الأصلية كتبت بواسطة ADIB    بكرا ما تتفاجؤ اذا ارتفع عل 160$

الله يبشرك بالخير

[ADIB]

وينو ابراهيم طاهر قلتلي االمواطنين عما يشترو اسهم وعما تاكل منغا بس رح قلك بكرا لي شتروا الاسهم رح ياكلو خرما ارخص

[د. همكي]

اقتباس: المشاركة الأصلية كتبت بواسطة adib    بكرا ما تتفاجؤ اذا ارتفع عل 160$

نحنا ما عم نتفاجىء .... نحنا عم ننقهر ونزعل وننغاظ و...و....و...
مثل ما قالو كثيرين قبلي: الكل بيعرف إنو فيه استمرار بالارتفاع طالما فيه أزمة
بس مع هيك لابد من إنو ننزعج وننقهر كلما تحقق ذلك... لأنو بالنهاية كلنا خسرانين وبلدنا كمان خسران

[Abdulmajed]

اقتباس: المشاركة الأصلية كتبت بواسطة ADIB    وينو ابراهيم طاهر قلتلي االمواطنين عما يشترو اسهم وعما تاكل منغا بس رح قلك بكرا لي شتروا الاسهم رح ياكلو خرما ارخص

[S
عجبتني هي خرما

[AYMTAL]

اقتباس: المشاركة الأصلية كتبت بواسطة shereen    حابة رد عليك بخصوص اول شي وتاني شي مين قللك انو بسوريا مو صاير ابشع من لبنان بمليون مرة وين قللك مالح تصير حروب باردة بعدين وتاني الكويت وليبيا صار فيهم تدخل اجنبي فوري والاضرار اقل بكثير من سوريا ناهيك انو الكويت في قلها ببنوك امريكا كان شي 3000 مليار دولار وعطو تعويضات هائلة بس لخلصت الحرب وليبيا عندها احتياطات مالية مرعبة والنفط مااتضرر بالحرب وعودة رؤوس الاموال من المعتربين يعني فيها وجهة نظر بس بحب ذكرك انو الملايين العراقيين اللي هربو من العراق مارجع 10 بالمية منهم على الرغم من انتهاء الحرب من زمان وشكرا

شيرين العزيزة :
أنا قصدت بأول شي مو يلي عميصير هلا لانو معك كل الحق يلي عميصير عنا أبشع مو بس من لبنان أصلاً يمكن ما صار بكل الدنيا أن أصدت بعد انتهاء الأزمة أنو الحل ما يكون متل الحل يلي صار بلبنان يلي أصلاً ضل تحت السيطرة السورية لهلأ
بالنسبة لتاني شي اكيد بتعرفي انو يلي صار بليبيا مو هين ابداً و هو أقرب شي ليلي عما يصير عنا و بليبيا صار دمار كتير كلنا شفناه يوم بيوم و تابعناه لانو استخدم فيه الطيران و الصواريخ و التدخل الدولي ما صار فورا صار بعد دمار كتير بس أقل من عنا بكتير
بالنسبة للعراق انا الت انو العراق متل لبنان و انا حرفياً الت ( بس بألك اذا انتهت الازمة و لا سمح الله بطريقة اخرى متل لبنان مثلا أو العراق فبأكدلك انو العملة السورية راح تكون متل العملة اللبنانية .
) يعني انا متلك حاطط احتمال بجوز يكون 80 % و هو انو العملة السورية راح تكون متل العملة اللبنانية في حال كان الحل بسوريا متل الحل يلي صار بلبنان و العراق
بس في 20 % انو اذا انتهت المشكلة و رجعت سوريا موحدة و شعب واحد بمعنى الكلمة أكيد راح ينعكس هالشي عسعر الصرف يلي بجوز ما يرجع تماماً متل ما كان بس ممكن يرجع مقبول و طبعاً بعد لا يقل عن سنتين من انتهاء الأزمة و انتهاج سياسة اقتصادية جيدة و بتصور انو نص مصيبة اهون من مصيبة كاملة
و شكراً لاهتمامك

[محمد المضارب]

مساء الخير وشكرا ألك على هالمشاركة بس حبيت أتأكد حضرتك تأكدت من أكتر من مصدر حول السعر بحلب ؟ , سمعت أنو بحلب وصل لأسعار قياسية ياترى رجع كسر السعر ؟

[sajed]

اقتباس: المشاركة الأصلية كتبت بواسطة المضارب الحسكاوي    ارحمو عزيز قوم قد ذل يا صديقي ساجد والله الشعب السوري انذل لما تم طرده من بيوتهم وصار لاجئ ويعيش بالمساعدات والله يكون بعونهم وما ضل شي نفتخر فيه طار كل شي والله يستر من الاعظم

أنا بشكرك أخي المضارب الحسكاوي لرأيك

لكن ألفت عنايتك الكريمة بأن المحنة ليست بمذلة، الذين طردوا من ديارهم أو نهبت ممتلكاتهم أو....أو لم يذّلوا بل هم من كرام الناس وتبقى كرامتهم ثابتة وعزتهم شامخة ومهما عصف بهذه البلاد من محن وفتن وهرج ومرج تبقى الكرامة محفوظة ويحق لكل سوري أن يقول:

سوري وأفتخر

(والافتخار هنا ليس بالمال أو بناطحات السحاب أو السيارات الفارهة..،انما هو بالكرامة)