سعر صرف الليره السوريه مقابل الدولار ليوم الأربعاء في السوق السوداء 13-3-2013

[الليرة السورية]

اقتباس: المشاركة الأصلية كتبت بواسطة ماهر محمد    يا عيني لح قلك شغلة نحنا من زمان الأخ ابراهيم وقت يشارك بتصير حركة بهل موضوع تاني شي ارجاع بالتاريخ شي سنة و 10 شهور كان الدولار بـحوالي 50 إزا كنت متابع أنا ألي صديق صراف كنت فوت لعندو تلاقي حركة مش طبيعية تصل باليوم عندو إلى حوالي 5 مليون دولار و ما كان عن يرتفع الدولار (يعني كانت المضاربة و الإدخار أكثر بكثييييييييير) هلأ يازلمة قلي ما بتصل الحركة باليوم للـنص مليون دولار فيك تجاوبني هلأ متى كان في مضاربة أكتر ؟؟ هلأ و لا قبل بعدين أنت بتعرف هلأ بهل أجواء عم تقدر تتحرك بالطريق و بجيبتك مبالغ كبيرة متل هديك الأيام؟!؟ يعني قيمة 100 ألف دولار مثلا يعني بتخلص بالوقفة على حاجز!!!

طبعا المضاربة هلا اكبر لان وقتا كانت حركة سوق طبيعية بيع و شراء
اما لما بيجي شخص بكل براءة بيخبي الدولار بالدرج و بيقلك
" حركة شراء قوية و البيع بالمونة للمبالغ الصغيرة "
فبيكون عم يضارب .... صديقي يمكن عندك خلط بين تعبير التجارة و تعبير المضاربة
على كل حال .... صديقي الليرة متراجعة نسبيا انا معك بهالكلام
بس في تضخيم بالسعر
الدولار بأحد أسواق الدول المجاورة يلي أنا فيها حاليا سعرو 70 ليرة عالسوري
طبعا هون التداول عالليرة طبيعي و ما في مضاربة عالسعر
فيك تفهمني ليش بقا ؟
و يطول الحديث
بالنسبة للطريق فما حدا عم يحمل بجيبتو مبالغ كبير لا بهديك الايام ولا بهالايام
اما عن حركة السيولة فطبعا
انا عن نفسي من شهر طلعت من احد المدن الساحلية باتجاه دمشق و كان بجيبتي 10000 دولار
طبعا رح تشكك بكلامي و انت حر
البضائع بملايين الليرات عم تروح و ترجع على الطرق بشكل يومي
لا تستغبي الشعب صديقي
ممكن البعض يكون قلبو طيب ولكن الشعب مانو غبي
اذا استفزيتو لمدة يوم او تنين او تلاتة و لعبت على العامل النفسي فهاد ممكن تستفيد منو ليوم او تنين او شهر
مو اكتر
و بالنهاية رح يرجع السهم يصير احمر و انت رح تبلش تبيع
و المواطن رح يرجع يفوت بنفس الدوامة
والسعر بالسوق لما عم يطلع ما عم يرجع ينزل " اسعار المواد " اللا ما رحم ربي
انا و انت منعرف تماما معناة هالكلام صديقي
فبيكفي لعب بارزاق الناس و اي نعم الجوع حاليا مسؤولين عنو مضاربين السوق السودة
الاوادم منهم قبل السيئين
لا تواخذونا جميعا فتا ضيوف دمنا تقيل عليكم
نسيت قلك انو الحوالات البنكية شغالة بالليرة و بالعملة الصعبة من و الى سوريا وضمن المحافظات و بيناتن كمان
و عم تروح و تجي و تصل لاصحابا

[لقماان]

مساء الخير
بكم اليورو مبيع و شراء على أرض الواقع

[valley]

بيروت
شراء 103 و المبيع 104

[valley]

الذهب الآن
1578,92 $

استقرار الذهب العالمي ما بين 1575 و 1600 $ و لا مؤشرات على الارتفاع او الهبوط

[GoldMan$]

اقتباس: المشاركة الأصلية كتبت بواسطة الليرة السورية    طبعا المضاربة هلا اكبر لان وقتا كانت حركة سوق طبيعية بيع و شراء اما لما بيجي شخص بكل براءة بيخبي الدولار بالدرج و بيقلك " حركة شراء قوية و البيع بالمونة للمبالغ الصغيرة " فبيكون عم يضارب .... صديقي يمكن عندك خلط بين تعبير التجارة و تعبير المضاربة على كل حال .... صديقي الليرة متراجعة نسبيا انا معك بهالكلام بس في تضخيم بالسعر الدولار بأحد أسواق الدول المجاورة يلي أنا فيها حاليا سعرو 70 ليرة عالسوري طبعا هون التداول عالليرة طبيعي و ما في مضاربة عالسعر فيك تفهمني ليش بقا ؟ و يطول الحديث بالنسبة للطريق فما حدا عم يحمل بجيبتو مبالغ كبير لا بهديك الايام ولا بهالايام اما عن حركة السيولة فطبعا انا عن نفسي من شهر طلعت من احد المدن الساحلية باتجاه دمشق و كان بجيبتي 10000 دولار طبعا رح تشكك بكلامي و انت حر البضائع بملايين الليرات عم تروح و ترجع على الطرق بشكل يومي لا تستغبي الشعب صديقي ممكن البعض يكون قلبو طيب ولكن الشعب مانو غبي اذا استفزيتو لمدة يوم او تنين او تلاتة و لعبت على العامل النفسي فهاد ممكن تستفيد منو ليوم او تنين او شهر مو اكتر و بالنهاية رح يرجع السهم يصير احمر و انت رح تبلش تبيع و المواطن رح يرجع يفوت بنفس الدوامة والسعر بالسوق لما عم يطلع ما عم يرجع ينزل " اسعار المواد " اللا ما رحم ربي انا و انت منعرف تماما معناة هالكلام صديقي فبيكفي لعب بارزاق الناس و اي نعم الجوع حاليا مسؤولين عنو مضاربين السوق السودة الاوادم منهم قبل السيئين لا تواخذونا جميعا فتا ضيوف دمنا تقيل عليكم نسيت قلك انو الحوالات البنكية شغالة بالليرة و بالعملة الصعبة من و الى سوريا زضمن المحافظات كمان و عم تروح و تجي و تصل لاصحابا

أخي ياريت تحكي بمنطق " 70 ليرة " ... اذا المركزي مسعر الدولار ب 83,57 وما ببيع الا للاستيراد والمواد الاساسية حصرا تقلي انو بدول الجوار 70 ليرة ليش ...؟؟؟
حضرتك عم تطلب انو الاخ ماهر محمد لا يستغبي الشعب ....ياريت وانت كمان ما تستغبي اللي عم يقرأ المشركات هون بالمنتدى ....

[الليرة السورية]

اقتباس: المشاركة الأصلية كتبت بواسطة goldman$    أخي ياريت تحكي بمنطق " 70 ليرة " ... اذا المركزي مسعر الدولار ب 83,57 وما ببيع الا للاستيراد والمواد الاساسية حصرا تقلي انو بدول الجوار 70 ليرة ليش ...؟؟؟ حضرتك عم تطلب انو الاخ ماهر محمد لا يستغبي الشعب ....ياريت وانت كمان ما تستغبي اللي عم يقرأ المشركات هون بالمنتدى ....

فيك تجي لعندي و تشوف بعينك
بتكلفك الحكاية مسافة 1029 كيلو متر و تيكيت طيارة ب 250 دولار
..........
السعر موجود بالسوق عند اي مركز صرافة و تحويل اموال بهي الدولة
طبعا العمل بهالمجال هون خاضع للقانون و الضرايب
و يلي بيبيع بالسوق السودة بتنقطع ايدو و بينحبس يا صديقي
مو فليتو

[mak]

شايف طلع لجحا قرايب.........وين هالجوار يللي ببيع بارخص من البنك المركزي!
ليكون جوار اندروميديا......يرجى احترام مستوى اعضاء المنتدى و التكلم بشكل واقعي

[الليرة السورية]

اقتباس: المشاركة الأصلية كتبت بواسطة mak    شايف طلع لجحا قرايب.........وين هالجوار يللي ببيع بارخص من البنك المركزي! ليكون جوار اندروميديا......على كلن هيك حكي مو بس استغباء لأ غباء كمان.....يرجى احترام مستوى اعضاء المنتدى و التكلم بشكل واقعي

كل اناء ينضح بما فيه
و الاساءة يلي توجهتلي فيها مردودة

[Ahmad.S]

السلام عليكم

دولار المصرف المركزي. يقارب 84

دولار المصرف التجاري. يقارب. 97

دولار الذهب الرسمي. 103

والبضائع المستوردة يدفع ثمنها بالدولار أو اليورو

فإذا حدا بيعرف وين في دولار بأقل من 103. يدلنا عليه لأنو بدنا ندفع للموردين

شكرًا

[GoldMan$]

بما انو ما حدا جبلنا الاسعار المسائية سألتلكم ...

اللاذقية الساعة 5,30
شراء 104
مبيع 106 وكميات قليلة

صار السعر بخوووف انا الصبح اشتريت ب 104,5 والله ما عم يطاوعني قلبي اشتري ب 106 رح استنى لبكرا الصبح بركي بيهدئ السعر شوي .. لانو خايف تكون لعبة جديدة من المركزي يترك السوق ليجن شوي ويرجع يتدخل بعد كم يوم ليكمل ترباية للسوق ... والله شي بيحير ...