رندة

من اشهر من عرف الحب بالعربية كتاب طوق الحمامة لابن حزم

"أن الحب أوله هزل وأخره جد و هو لا يوصف بل لابد من معاناته حتى تعرفه . و الدين لا ينكره و الشريعة لا تمنعه إذ القلوب بيد الله عز وجل "


ابن حزم طوق الحمامة

__________________

أولاً يتجاهلونك , ثم يسخرون منك , ثم يقاتلونك , ثم تفوز أنت .

المهاتما غاندي

وفي النهاية لن نتذكر فقط كلمات اعدائنا بل أيضاً صمت اصدقائنا .

مارتن لوثر كنج

economic opinion

صباح الخير والوطن جميعاً
أنا مبسوطة إني لحقت صالون بروكرنا يلي فعلاً فتحلنا ياه فتحة مميزة وبعنوان مميز "استراحة من الواقع الأسود"
لأنو فعلاً وصلنا لمرحلة خمول القلب واستشرت فينا
الله يفرجها على كل السوريين

__________________

عابر مجيب

يسعد صباحك بالحب والحبور انت وكل السامعين يعني القراء طبعا .
إذا بحكي عالحب هلأ بيقولو هاد عديم العواطف ، مع اني من الصبح عم اتجادل انا والبنات هون على فارة صغيرة لجأت لعندنا وأكيد جوعانة ، قال شو ؟ بدون يجيبولها سم ، ياحرام !
بنرجع للحب
الحب الحقيقي هو احساس رائع بس يكون بمحله ، وللأسف بينشأ هاد الاحساس بفترة بتسبق الوعي عند الانسان ، وبيخلط بين الحب والرغبة بالاستحواذ على الآخر وخنقه . وبعد مدة بينكشف انو المتحابين غير متلائمين وينتهي زمن القشور وتظهر البواطن .
المشكلة في التطور انه أصبح حجة للانفلات من الماضي ، مع أن الانسان لم يتغير ، فقط بدلنا الحصان بسيارة مكيفة ، وبدلنا الحمام الزاجل بالإيميل ، أما ما تبقى فهو على حاله ، ما زال طعم المرار مزعج في أول الخيارة ومازلنا نكشر عندما نأكل الليمون ، وهلأ لعابنا سال لمجرد ذكر الحمض .
بس تسارعت الدنيا لا غير
بس عند الشباب صارت الحكاية انو هالعالم القديمة شو بيفهمها بالفرمته مثلا ، وتحديث الويندوز ...الخ .
كثير عزة وجميل بثينه وقيس ليلى وابن الملوح مدري الملولح أو المخلوع يمكن ، كل هدول كانوا عاهات ومرضى نفسيين ، وهالقصص هي عن اللي مات من حبه واخلاصه ، لو كان الحب بيموت كانو الاناث ماتو مو الرجال ، ولا شو رأيكم ؟
يمكن بيكفي ! بس شغلة صغيرة ، الحب يبنى على اسس سليمة وممكن مادية ، مو مصاري ، الجمال نفسه مو مادة ؟ ويزداد الحب المؤسس على قواعد مع الوقت ، اما مجرد اتباع الهوى فيطير في الهوا . ( حذفت الهمزة لضرورة القافية )

غسان

البنت لامها : بحبوا ياماما

الام : بلا حب بلا بطيخ انا ماشفت ابوكي الا ليلة الدخلة

وليكنا متل السم....نة والعس ....ل

يا بنتي الحب بيجي بعد الزواج من الالفة والمودة والعشرة الطيبة مو من مهند ونور وهدول المسلسلات الكذابة
الله يرضى عليك حطي عقلك براسك واستهدي بالرحمن خلي الله يوفقك

رندة

الشعور الذي لا يسبب السعادة ليس حباً

__________________

أولاً يتجاهلونك , ثم يسخرون منك , ثم يقاتلونك , ثم تفوز أنت .

المهاتما غاندي

وفي النهاية لن نتذكر فقط كلمات اعدائنا بل أيضاً صمت اصدقائنا .

مارتن لوثر كنج

economic opinion

أظبط وأدق تعريف بنظري والله يا أستاذي ووالدي ما بتحكي غير درر

__________________

لقماان

اقتباس:

المشاركة الأصلية كتبت بواسطة رندة صباح الخير جميعاً انشاء الله تكونوا جميعاً بخير لانو مبارح صوت القصف كان مرعباً على الأغلب رح نسمع حكايا بتبكي بعد هيك أصوات

صباح النور مدام رندة.........
ما شاء الله في عندك مشروع شاعرة في البيت............
كان الله بعونك هدول الشعراء شي بيخوف
اذا ما عرف الواحد يكسبون .....
.....................................
بالنسبة لأصوات الضرب و القصف على ما يبدوا كان القصف عنيف جدا ....
وصل صوتوا للأردن لعند بروكرنا
الله يتلطف بالعباد و البلاد.......

__________________
أبو حكيم الدين

economic opinion

أنا بشوف الحب ثقة واحترام وتفهم وتوافق "أمور بأغلبها مادية متل ما تفضل أستاذي عابر مجيب" بتجي من العشرة ومن وقوف الشخص إلى جانب محبوبه بشكل دائم وفي كل الأوقات بالصحة والمرض والزعل والفرح، لما ما حدا تاني بيقدر يكون موجود بكل هدول

وبحس إنو في خلط بين مفهوم الهوى ومفهوم الحب
الهوى بمفهومي: متل اسمو يعني متل الهوى بيروح وبيجي وبيكون عبارة عن مشاعر "سعادة... ما بيقدر ينام الليل ليسمع صوت المحبوب... استحواذ... غيرة) بس هو برأيي زائل وليس بالضرورة إنو الأشخاص يلي بيرتبطوا بناءً على الهوى إنو بيستمروا بالعكس أنا الحالات يلي حواليي للأسف معظمها انتهى بطلاق سريع لأنو على ما يبدو إنو الهوى بيعمي البصيرة في معظم الأحيان عن العيوب وبنفس الوقت بيخلي الشخص يتنازل ويتقبل كتييير شغلات بالبداية من الشخص يلي بيهواه لأنو "بيحبو" وبعدين بس يروح شعور الهوى هاد بيبطل يتنازل وهداك بيصير يشوف العيوب يلي كانت معمية بصيرتو عنها ..... وهاد بيقول ياحيف ويا ندم وهداك بيقول يا حيف ويا ندم

__________________

رندة

الحب هو الميْل الدائم بالقلب الهائم، وإيثار المحبوب على جميع المصحوب،
وموافقة الحبيب حضوراً وغياباً، وإيثار ما يريده المحبوب على ما عداه،
والطواعية الكاملة، والذكر الدائم وعدم السلوان
ويكبيديا

__________________

أولاً يتجاهلونك , ثم يسخرون منك , ثم يقاتلونك , ثم تفوز أنت .

المهاتما غاندي

وفي النهاية لن نتذكر فقط كلمات اعدائنا بل أيضاً صمت اصدقائنا .

مارتن لوثر كنج

لقماان

اقتباس:

المشاركة الأصلية كتبت بواسطة economic opinion أنا بشوف الحب ثقة واحترام وتفهم وتوافق "أمور بأغلبها مادية متل ما تفضل أستاذي عابر مجيب" بتجي من العشرة ومن وقوف الشخص إلى جانب محبوبه بشكل دائم وفي كل الأوقات بالصحة والمرض والزعل والفرح، لما ما حدا تاني بيقدر يكون موجود بكل هدول وبحس إنو في خلط بين مفهوم الهوى ومفهوم الحب الهوى بمفهومي: متل اسمو يعني متل الهوى بيروح وبيجي وبيكون عبارة عن مشاعر "سعادة... ما بيقدر ينام الليل ليسمع صوت المحبوب... استحواذ... غيرة) بس هو برأيي زائل وليس بالضرورة إنو الأشخاص يلي بيرتبطوا بناءً على الهوى إنو بيستمروا بالعكس أنا الحالات يلي حواليي للأسف معظمها انتهى بطلاق سريع لأنو على ما يبدو إنو الهوى بيعمي البصيرة في معظم الأحيان عن العيوب وبنفس الوقت بيخلي الشخص يتنازل ويتقبل كتييير شغلات بالبداية من الشخص يلي بيهواه لأنو "بيحبو" وبعدين بس يروح شعور الهوى هاد بيبطل يتنازل وهداك بيصير يشوف العيوب يلي كانت معمية بصيرتو عنها ..... وهاد بيقول ياحيف ويا ندم وهداك بيقول يا حيف ويا ندم

أختي روان ما دخل الحب بالثقة و بالاحترام و التفاهم هاد اسموا تعايش
يعني تأقلم و مراعاة ....
................
على فكرة كلمة الحب المتبادل من الطرفين التي يقول بها الكثير غير دقيقة ...
هناك شخص صادق يحب و هو الذي يتحمل و يضحي في سبيل محبوبه ....
و آخر يتلقى المشاعر التعبيرية و يقوم بالرد عليها بايجابية لسبب من الأسباب.....
طبعا أنا أقصد الحب بين الشاب و الصبية ..
الذي سينتهي بل يجب أن ينتهي
بالمسار الطبيعي ألا و هوالزواج....

__________________
أبو حكيم الدين