سعر صرف الليرة السورية مقابل الدولار ليوم الثلاثاء 13-11-2012 في السوق السوداء ‏

[louis_16th]

اقتباس: المشاركة الأصلية كتبت بواسطة Barbie    بجوز خسارة أولية بس لو تم محتفظ بالليرة بجوز يخسر كمان وكمان حتى لو اتدخل المركزي و نزل الدولار هلأ ماحدا لوين مستقبلا الدولار وين رايح خصوصاً ان ماحدا بيعرف سياسياً لوين رايحين وإيمتى رح نخلص من هالمعمعة

كلامك صحيح باربي التحويل حالياً أفضل من عدم التحويل وقد ما كانت الخسارة هلء كبيرة ما رح تكون بكبر الخسارة بالمستقبل القريب !!

خصوصاً انو اغلب الناس متوقعين اننا ماشيين باتجاه السيناريو اللبناني و برأي الكثيرين انو الليرة رح تنهار في حال تجاوزت الـ 100 و رح تبلش تنط نطات كبيرة متل ما صار مع الليرة اللبنانية بالزمنات .
بعض الناس بيقولو انو المركزي ممكن يتدخل لما الدولار رح يتجاوز الـ 100 !! متل المرة الماضية بشهر 3
بس حالياً .. برأيي المركزي ما رح يقدر يتدخل لا هلء و لا بعدين ..
كمية القطع الاجنبي الموجودة حسب الاعلان عنها من فترة كانت حوالي مليار دولار بس
و بهالمليار .. ما بظن رح يكون في تدخل قوي

[Barbie]

اقتباس: المشاركة الأصلية كتبت بواسطة broker    طيب السؤال المهم ::: الدولار في حال الارتداد من 80 (وقد ارتد) فانه الى 75.5 كحد ادنى ... ولكن مع القرار الجديد للمركزي (في حال عدم تعديله) فانه ربما يتماجتياز \80\ فعندها الى أي هدف جديد سوف يتجه الدولار ؟؟! هذا ما أبحث عنه لكي لا نبقى بمسار عائم وغير معروف وواضح ... وسوف اضع اقرب الاحتمالات عند اغلاق اليوم لكي نتأكد عدم التعديل لقرار المركزي .

والله ياأخي تحليلك علمي 100%

بس بدي قول شغلة
بركي المركزي هو يلي عم يلعب بدولار السوق السودا ولغى القرار قصداً مشان يطلع الدولار كمان بالسوق السودا
وبعدين يفوت فوتة البطل وينقذ السوق ويستفاد بكم ليرة حلوين

مو هاد الإحتمال قائم؟؟؟
يعني إذا عمل هيك ممكن ينزل الدولار لتحت ال 75 كمان
والله أعلم

كلشي مع سياسة المركزي الحكيمة (الله يخليلنا ياه) بصير

[PETER]

إخت باربي الله يعطيكي العافية ممكن سؤال عن صراف؟ وهل السعر للدولار هو نفسه في لبنان و الإمارات مثلا بما معناه في الدول الأجنبية هو السعر دولار=81.5 وشكرا

[Barbie]

في الملف المرفق قرار السيد حاكم مصرف سورية المركزي المعدل للقرار السابق


يلي تغير أن ماعد صفي ألف ليرة لتلبية الحاجات الشخصية

ومشان ال 5000 يلي كان فيك تربطن وديعة ل 6 أشهر صار فقط تقدر تربطن لسنة


كمان هاد القرار ح يأثر سلباً على الليرة في السوق السودا
ورح يرتفع من جديد والله أعلم

[mhdamer]

اقتباس: المشاركة الأصلية كتبت بواسطة barbie    أخي العزيز أحترم رأيك لكن البنوك هي حالياً عصب الإقتصاد ولا يمكن العيش بدون بنوك رغم إني مع عمل البنوك الإسلامية 100% بس أكيد مو البنوك الربوية سبب مشاكلنا سبب مشاكلنا هو أن البعض إبتعد عن الدين وماعم يخاف من الله بشي ومشان هيك كتر الفساد بهالمجتمع والقائمين على الدولة راغبين ببقاء الفساد مشان يقدروا يجمعو أكتر وأكتر وطالما في فساد هن بيبقو طبعاً لازم تعرف أن بنوك الدولة (توفير - عقاري - تجاري) كلها ربوية وبعضا إفتتح بالستينات بعدين حربنا هلأ مع يلي مابخافو من الله ورسولو

انا ايضا احترم رايك

بس البنوكة...عطلت الاقتصاد .. لان لم تمول الاستثمارات وانما اصبحت لشراء السيارات والسسلع الاستهلاكية

اما بالنسبة للمؤسسات المصرفية... فهي لم تتطور والدليل ان بالامكان ارسال الحوالات مهما كان مصدر الاموال مشروع او غير مشروع عبر شركات تحويل الاموال...وليس عن طريق البنوك

فكم عمر ننتظر للاستفادة من هذه المؤسسات المالية

[NetPro]

اقتباس: المشاركة الأصلية كتبت بواسطة باسل غ    كانو ماشربت قهوتك

اقتباس: المشاركة الأصلية كتبت بواسطة باسل غ    50000 دولار ما 5000 دولار

يا حبيبي

فكرت 50 ألف سوري
صديقي معناها هذا زلمة خالص تماماً
وهي أول مرة بشوف واحد معه هيك مبلغ وعايش خارج التغطية ومو عرفان شو صاير بالدنيا

[Barbie]

اقتباس: المشاركة الأصلية كتبت بواسطة peter    إخت باربي الله يعطيكي العافية ممكن سؤال عن صراف؟ وهل السعر للدولار هو نفسه في لبنان و الإمارات مثلا بما معناه في الدول الأجنبية هو السعر دولار=81.5 وشكرا

رقم بدير للصرافة في دمشق 44686648
في دول الخليج ولبنان يختلف السعر عن دمشق حسب العرض والطلب وغالباً بكون الفرق قليل بين قرنة والتانية

بس ممكن بهالنطات السعرية عنا بالشام، بصير ممكن تلاقي فرق سعر بين لبنان والإمارات وسورية منيح
إذا عندك حدا بلبنان أو الإمارات قلو يسألك عن سعر الليرة هنيك

[SyrianWolf]

اقتباس: المشاركة الأصلية كتبت بواسطة Barbie    في الملف المرفق قرار السيد حاكم مصرف سورية المركزي المعدل للقرار السابق يلي تغير أن ماعد صفي ألف ليرة لتلبية الحاجات الشخصية ومشان ال 5000 يلي كان فيك تربطن وديعة ل 6 أشهر صار فقط تقدر تربطن لسنة كمان هاد القرار ح يأثر سلباً على الليرة في السوق السودا ورح يرتفع من جديد والله أعلم

ومستغربين أنو الدولار عم يطلع (أو لسه بقيان حدا متأمل ينزل), إي كتر خيرو لساه هيك...

[Barbie]

اقتباس: المشاركة الأصلية كتبت بواسطة NetPro    يا حبيبي فكرت 50 ألف سوري صديقي معناها هذا زلمة خالص تماماً وهي أول مرة بشوف واحد معه هيك مبلغ وعايش خارج التغطية ومو عرفان شو صاير بالدنيا

والله معك حق
خالص جداً

[louis_16th]

اكيد كل الشعب بيحبو لأديب ميالة :-)