نقاش حول بلاد للهجرة والسفر ....

[najm]

استاذ حكم جركو احيك على بلاغتك واسلوبك في التعبير عن فكرة موجودة بعقول الملايين او ربما مئات الالوف كي لا ابالغ ..
ممن هم قادريين على السفر ولا نية لهم بان يسافروا وخصوصا في الوقت الراهن ولا اخفيك سرا باني اخاف على مالي وعرضي وحياتي وحياة اولادي ولا انام من شدة الارق لكن ما يعذين هو اني لست الوحيد ولست افضل ممن بقوا وكلما فكرت في الهروب خلال الفترات الماضية كنت اخذ العبرة من غيري .


موقف غريب رأيته قد لا يكون بمحله لكنه لفت نظري

يوجد شيخ هرم صاحب دكان صغير مقابل شباك بيتي كلما انظر اليه اتفائل بوجوده نادرا ما يفتح لان دكانه شبه فارغ لا تزيد محتوياته عن 500 ل س من مشتريات الاطفال العاب وما شابه .
هذا العجوز يفتح تحديدا في الاوقات الخطرة يجلس على كرسيه بوقار وشجاعة حتى عندما يركض ويهرب اعتى الرجال وعندما تكون المدينة كمدينة اشباح مع دوي الانفجارات والاشتباكات بالاسلحة الخفيفة والثقيلة وزجته العجوز تنظر اليه بقلق وخوف من شباك بيتها فوق الدكان دون ان تجرأ بان تناديه .
دائما اسأل نفسي لماذا..؟؟
ما هي الرسالة التي يريد ايصالها..؟
ولمن لنا ام للمدافع ام للمعتدي و ربما للجميع او ربما ينتظر رصاصة قناص او رصاصة طائشة او شظية تنهي حياته الطويلة وتميته بعز على ان يقال عنه جبان وهرب او اقل شجاعة ممن ماتوا
محبتي للجميع

[Salam L]

القرار مو سهل ياجماعة...

وجهتين النظر كالعادة خمسين بخمسين...

اللي خايف يروح بيته هون بسورية.. طيب هي ابو حكيم راح بيته بحمص! يعني لو كان بقلب البيت وقت راح كان احسن مثلا؟؟

نحن فعلا مستضعفين بالارض... وجار علينا الزمان والحرب مابترحم ولا تبقي ولا تذر....

كل وجهة نظر الها محاسن ومساوئ...

لكن ممكن قول شغلة تساعدكن شوي.... اذا كنتوا فعلا مقتنعين انو الكن دور ايجابي بصمودكن فهيك لازم تبقوا...

واذا كا كانت عندكن هالقناعة برأي الاولى والاضمن هو الهرب.. طالما قدرانين...


المختصر... المهم هو النية!! نية الانسان من جواته شو هي....

[مجد]

شباب من اسبوع ذهبت لسوماركت في مصرمالقيت الاعائلة سورية واحدة اليوم نفس السوبرماركت مليان سوريين .وكثير من الذين اعرفهم يتجهون الى مصر بالذات ولمدينة 6 اكتوبر بالتحديد .لو سلم الرئيس السلطة لنائبه اما كان وفرنا كل هذا القتل والدمار والتشرد للسوريين .وخليه يبقى النظام وقتها كما هو ويتغير الرئيس ومؤسسات الدولة تبقى كما هي .ولكن علشان شخص واحدتدمر البلد .وهنا اوجه كلامي لجميع السوريين .طيب هدمت البلد وتشرد الناس وبعدين كمان راح يطلع الرئيس من السلطة .النتيجة واحدة .ولكن البلد تكون انتهت .لماذا تضم بعض الدول خروج آمن للرئيس ومن حوله .الجواب هو تآمر على سورية هذا الخروج الامن لكي يدمرهؤلاء المجرمين البلدويخرجوا بشكل آمن .

[ام محي الدين]

نقاش جميل وفيه الكثير من المعلومات المفيدة
ولكن انا لن اترك بلدي للمجرمين حتى ولو قتلوني
ومازلت اقول لهم سلمية ........سلمية

[ABDUL KARIM]

لم نظن يوما اننا سنناقش موضوع السفر للسوري خارج وطنه , لقد اصبح السوري لاجئ مع الاسف رغم صعوية هذه الكلمة.
هنا في اليونان بلد الترانزيت الى السويد حيث يوجد اشخاص مهمتها تأمين السفر الى السويد (بشكل خاص هذه الايام لسهولة الحصول على اللجوء) وطبعا سورين من يقومون بذلك باستخدام الجوازات السورية وعليها اقامة ليمر مع السياح وليعاد الجواز بعد ذلك وليستخدم للشخص التالي.
اللهم نسألك ان ترأف بنا ويعود السلام لوطننا

[NetPro]

اقتباس: المشاركة الأصلية كتبت بواسطة حكم جركو    بدايــــــــــة أنني لا أنصح أي شخص بمغادرة سوريا اليوم لعدة أسباب

أخي بالأحوال العادية كان بعضنا يسافر يجمع رأس مال ويرجع لبلده فتراه يفيد بلده أكثر مما لو بقي فيها.
أنا لا أجيد حمل السلاح ولا بعمري حملت سلاح ففكرت أن خروجي لجمع شيء من المال عن طريق ما أجيد عمله (مهنتي) والعودة بعد فترة قد أفيد الوطن أكثر مما لو بقيت فيه الآن راتبي قدرته تتقلص ومع الوقت سأصبح غير قادر على مساعدة أحد وربما نفسي.
بينما بالسفر سأعود ومعي رأس مال أستطيع مساعدة بلدي فيه.

شو رأيك بهكذا طرح

[NetPro]

اقتباس: المشاركة الأصلية كتبت بواسطة salam l    لكن ممكن قول شغلة تساعدكن شوي.... اذا كنتوا فعلا مقتنعين انو الكن دور ايجابي بصمودكن فهيك لازم تبقوا...

لايك
هذا بالضبط ما حاولت قوله لأخي حكم

[economic opinion]

اقتباس: المشاركة الأصلية كتبت بواسطة Salam L    القرار مو سهل ياجماعة... وجهتين النظر كالعادة خمسين بخمسين... اللي خايف يروح بيته هون بسورية.. طيب هي ابو حكيم راح بيته بحمص! يعني لو كان بقلب البيت وقت راح كان احسن مثلا؟؟ نحن فعلا مستضعفين بالارض... وجار علينا الزمان والحرب مابترحم ولا تبقي ولا تذر.... كل وجهة نظر الها محاسن ومساوئ... لكن ممكن قول شغلة تساعدكن شوي.... اذا كنتوا فعلا مقتنعين انو الكن دور ايجابي بصمودكن فهيك لازم تبقوا... واذا كا كانت عندكن هالقناعة برأي الاولى والاضمن هو الهرب.. طالما قدرانين... المختصر... المهم هو النية!! نية الانسان من جواته شو هي....

أول شي كيفك سلام
مو العبرة إنو الواحد لما يكون عم يصر على ما إنو ما يعمل فكرة يكون لأنو بداخلو حابب ينفذها فلازم ينفذها
اسمحيلي اضرب مثل ولو إنو بعيد شوي بس بيوصل فكرة
الأصل في الدين هو مخالفة النفس بالمعاصي صح يعني مثلاً لنفرض إني كنت والعياذ بالله بدي اشرب نبيذ "وهو محرم بالدين يلي أنا بتبعو" فأنا بصير بقول لحالي لأ ما بدي اشرب لأني أنا بخاف من رب العالمين وما بدي اعصيه، صح أنا عندي رغبة داخلية بارتكاب المعصية هي يلي عم تخليني كرر فكرة إني "ما بدي اشرب" بقلبي وبلساني يمكن، بس بنفس الوقت أنا عندي كمان رغبة داخلية بأني ما اعصي الله وما ارتكب المعصية هية يلي عم تخليني ردد هالجملة، فهون بكون بحالة صراع داخلي بمشاعري والقرار يلي بتخذوا بارتكاب المعصية أو عدمها حيكون هو القرار يلي انتصر بنفسي بهديك الدقيقة. ممكن بوقت تاني أو معصية أخرى "الله يعفو عنا يا رب ويبعدنا عن المعاصي" ينتصر قرار إني اعمل المعصية وارتكبها مع إني بعرف إنها معصية "والله يغفرلي يارب بس صارت معي كتير لأني بشر بالنهاية ولأني بمر بلحظات ضعف إيمانية في بعض المواقف والأيام فالله يارب يثبتني على صراطه ويعينا جميعاً على طاعاتة
وفي حالة تانية: لنفترض إنك بدك تقطعي الشارع فواقفة وفي حواليكي ناس تانيين بدون يقطعوا الشارع بلحظة معينة قطعو شي 4-5 الشارع فإنت هون ممكن تهمي بخطوة مشان تقطعي الشارع بعدين تحسي إنك ما رح تلحقي فترجعي مكانك، هون إنتي تكونت عندك الرغبة بتقطيع الشارع لأنو في مجموعة من الناس قطعو قدامك مو لأنك حسيتي إنك بتلحقي تقطعي هلأ
ونفس هالشغلة عم تصير مع السوريين هلأ، في ناس عم تشوف إنو في كتير ناس حواليها عم تغادر البلد فبيصيروا بيفكروا بفكرة المغادرة أو بينقضوها لأنون عم يشوفوا كتير ناس عم يعملوها متل حكاية تقطيعة الشارع

آسفة كتيييير كتيييير طولت عليكي

[حكم جركو]

اقتباس: المشاركة الأصلية كتبت بواسطة netpro    أخي بالأحوال العادية كان بعضنا يسافر يجمع رأس مال ويرجع لبلده فتراه يفيد بلده أكثر مما لو بقي فيها. أنا لا أجيد حمل السلاح ولا بعمري حملت سلاح ففكرت أن خروجي لجمع شيء من المال عن طريق ما أجيد عمله (مهنتي) والعودة بعد فترة قد أفيد الوطن أكثر مما لو بقيت فيه الآن راتبي قدرته تتقلص ومع الوقت سأصبح غير قادر على مساعدة أحد وربما نفسي. بينما بالسفر سأعود ومعي رأس مال أستطيع مساعدة بلدي فيه. شو رأيك بهكذا طرح [/right]

أخي الغالي كنان:

أنا لا أريد أن أدخل في الحالة الخاصة لأي واحد منا فكل شخص أعلم بظروفه ....والأفكار التي طرحتها

عامة ...

ولكن بما أنك سألتني سأجيبك:

يستحسن البقاء حتى تحسم الأمور وبعدها سافر أينما شئت وأسعى

في مناكبها والله سيرزقك إن شاء الله لكن اليوم ماآراه ان علينا البقاء ومساعدة بعضنا بقدر مانستطيع .

وبالنسبة للضائقة فهي تطال الجميع وإن بنسب مختلفة.

ثم من قال أن من يبقى بالبلد هو مقاتل حصراً.... البلد تحتاج لجهود الجميع....أما إذا أردنا أن نبحث عن

المبررات للسفر فسنجد الكثير ولكن صدقوني السفر الآن خيار غير صائب خصوصاً لمتوسطي الحال

حيث سينفق ماأدخره هذا إذا لم يضطر لبيع مايملكة بثمن بخس وسيكون هناك بدون عمل وبعد

شهر أو شهرين سيشعر بالضيق والملل وكان الله بعونه بعد ستة أشهر ناهيك عما سبق وقلته سابقاً.

[فراس السكري]

اقتباس: المشاركة الأصلية كتبت بواسطة حكم جركو    أخي الغالي كنان: أنا لا أريد أن أدخل في الحالة الخاصة لأي واحد منا فكل شخص أعلم بظروفه ....والأفكار التي طرحتها عامة ... ولكن بما أنك سألتني سأجيبك: يستحسن البقاء حتى تحسم الأمور وبعدها سافر أينما شئت وأسعى في مناكبها والله سيرزقك إن شاء الله لكن اليوم ماآراه ان علينا البقاء ومساعدة بعضنا بقدر مانستطيع . وبالنسبة للضائقة فهي تطال الجميع وإن بنسب مختلفة. ثم من قال أن من يبقى بالبلد هو مقاتل حصراً.... البلد تحتاج لجهود الجميع....أما إذا أردنا أن نبحث عن المبررات للسفر فسنجد الكثير ولكن صدقوني السفر الآن خيار غير صائب خصوصاً لمتوسطي الحال حيث سينفق ماأدخره هذا إذا لم يضطر لبيع مايملكة بثمن بخس وسيكون هناك بدون عمل وبعد شهر أو شهرين سيشعر بالضيق والملل وكان الله بعونه بعد ستة أشهر ناهيك عما سبق وقلته سابقاً.

هذا هو الكلام الاصلي
مشكور استاذ