سعر صرف الليرة مقابل الدولار 10-5-2012

[MBOSS]

حتى هي المافيا الها مصلحة اقتصادية بالكلام الي عم قولوا
ان شاء الله مفكرين انو مافي ببقية دول العالم ناس متلهم
لك في بالخليج مثلا في بواليع اكتر من عنا بالف مرة
لك باوربا في كمان مثلا بيرلسكوني
باميركا ديك تشيني
وين بدك في لك هونغ كونغ في مافيا اكتر من عنا بالف مرة ومع ذلك هي اولا و اخيرا مشاريع مشاريع يعني مصاري للكبار و الصغار كلو بيستفاد منها
لما بتنعمل هيك مشاريع بتزيد السيولة النقدية و الاستهلاك للمنتجات الرفاهية و ما شابه وكلو بيزيد اموال حتى هل المافيات
ولمعلومك انا لو كنت مكانهم انا بعمل هل المشاريع و بستفيد من ايراداتها وبيصير عندي تضخم هائل براس مالي
هي المشاريع بكل دول العالم بتجذب رؤوس الاموال سواء بالحلال و لا بالحرام جاية لانو عائداتها هائلة .
بس نبطل حكي و نبلش فعل و نطرح حلول وما نتحجج بفلان و لا علتان .
ولمعلومك بيرلسكوني مثلا في الو بلاوي قضايا فساد بايطاليا و لفلفوها لانو دخل بمشاريع استثمارية هائلة بايطاليا و جاب معه مستثمرين اجانب من اصدقاؤه .
مو احسن ما بيوم وليلة يروح كل المال لبرا
بجميع الاحوال مالح تطول من هل المال شي بدال ما يستثمر برا ليش ما نحنا منحفزهم ليستثمروها عنا .
حاولوا نكون ايجابيين لازم نهتم اكتر بالمشاريع متل هي اكتر من المشاريع السياحية ويصير تنويع بموارد الميزانية العامة و تنويع مصادر القطاع الصناعي .

[hussam1986]

اقتباس: المشاركة الأصلية كتبت بواسطة mak    دعوة يلي الله عاطيه من المغتربين يعملوا مشاريع ولو صغيرة مثلا مشاريع صغيرة متل محلات للحرفيين الصغار و صناعية صغيرة او كبيرة دعوة لوزير الاقتصاد : نرجو القيام بمشاريع استثمارية استراتيجية و اهمها على وجه السرعة 1_ انشاء مصافي لانتاج المنتجات البتروكيماوية مثلا الديزل و البنزين بدال ماعم تصدروا النفط الخام و تخسروا فرق السعر من استيراد هي المنتجات و كمان بتستفيدوا من الاف فرص العمل 2_ ايقاف تصدير القطن السوري الخام و اقامة مشاريع لتصنيع كامل الانتاج و من ثم تصديره بيفرق كتير بالسعر وكمان بالاف فرص العمل 3 _ في مخزونات ضخمة من الغاز مقابل الشواطىء السورية في المياه الاقليمية السورية و في شركات ضخمة صينية و روسية و اخرى مستعدة للتنقيب و الانتاج اذا مافي سيولة لهي المشاريع الضخمة في حلول مثلا طرح سندات خزينة بفوائد على خمس سنوات او عشر سنوات او الاقتراض من دول صديقة شو المشكلة المهم بعد فترة خمس سنوات بيصير اكتفاء ذاتي بالمنتجات البتروكيماوية و خلق فرص عمل ضخمة و من ايراداتها ممكن تتسددوا القروضؤ و قيمة سندات الخزينة و فوائدها المهم نتحرك من هلق و عدم الانتظار اكتر. واوجه سؤال لماذا لايتم عرضؤ مناقصة لبناء محطة كهربائية تعمل بالطاقة النووية و يا اخي حتى لو اداروها اجانب بالكامل مع وجود متدربين سوريين هاد الشي بيقلل من قيمة الكهرباء و سيوقف استهلاك الديزل و الغاز لانتاج الطاقة الكهربائية و من ايرادات فواتير الكهرباء و الفائض المترتب من عدم ايقاف استهلاك الديزل و الغاز للانتاج تسدد قيمة القروض التي قد تؤخذ لهذه المشاريع وسوف تغطي القدرة الهائلة لانتاج الكهرباء الاستجرار المتزايد للكهرباء خلال السنوات القادمة ارجو ما نستنى اكتر و نضيع الوقت . تخيلوا فقط حجم فرص العمل التي قد تنشأ وبعد قيام هذه المشاريع ممكن القيام بصناعات ثقيلة . وين المشكلة لازم التخطيط لعشر سنوات و العمل على تنفيذ المخططات منذ الان . كلام جميل و مقنع ..بس بدك تشوف الشباب ......ما هاد يللي عم تحكيه هو السبب بهالشي يللي عم يصير....لأنو في ناس بدا يانا نضل مقتنعين انو نحنا شعب متخلف فكريا و اقتصاديا و ما بيطلع معنا شي ...و اذا بدنا نحاول نغير هالحالة فما ادامنا غير الإرهاب و التطرف و التفجيرات صرلنا اكتر من اربعين سنة و وضعنا للأسف كل مالو لورا...ليش ..الله اعلم!

في الخمسينيات كانت الناتج المحلي لسوريا = الناتج المحلي لكوريا الجنوبية
اربعين سنة تخلف تكفي ....يعني بأختصار خلونا نعيش يااصحاب السلطة ....حاجتكم 40 سنة ..

وتعليقي علي الانفجارات
من يقصف المدن بالصورايخ والدبابات ويقطع الماء والكهرباء والغذاء والدولاء ......يمكن ببسساطة ان يفجر بدون ادني مسؤولية اخلاقية وانسانية

[syrian6]

الليرة السورية تفقد 45% من قيمتها

بيروت - ا ف ب:
2012-05-10 13:00:28

أعلنت مساعدة المديرة العامة لصندوق النقد الدولي يوم الاربعاء أن الليرة السورية فقدت 45% من قيمتها في السوق الموازية، وأن البورصة السورية انخفضت بنسبة 40% منذ بدء الاضطرابات في البلاد.
وقالت نعمت شفيق للصحافيين أثناء وجودها في بيروت "انخفضت (قيمة) الليرة السورية بنسبة 45% في السوق الموازية، و25% في السوق الرسمية" ، وأن الاقتصاد السوري يعاني بالتأكيد جراء الازمة في البلاد، لكن المعطيات المتوافرة عن هذا الأمر قليلة. ولم يتسن لصندوق النقد الدولي ارسال فريق إلى سوريا "لاسباب امنية"، وأضافت "نعرف أن اجمالي الناتج الداخلي انخفض وأن هناك تكاليف اقتصادية، لكننا لا نملك أرقاما لأنه ليس لدينا أشخاص هناك على الأرض".
واشارت إلى أن البورصة السورية انخفضت من جهتها بنسبة 40% ، ورأت أن "انخفاض الأسهم مؤشر مهم (على تأثير الازمة) على قطاع الاعمال وآفاقه" ، واوضحت نعمت شفيق أن "تاثير العقوبات على صادرات النفط الخام السوري سيكون الاكثر سرعة"، مذكرة بأن اجمالي الناتج الداخلي الليبي انخفض بنسبة 60% فور توقف صادرات النفط بسبب النزاع ، وقالت "مع أن النفط أكثر أهمية في الاقتصاد الليبي منه في الاقتصاد السوري، إلا أنه يبقى موردا مهما من موارد الحكومة" والمصدر الاول للنقد الاجنبي ، وفي سبتمبر حظر الاتحاد الاوروبي استيراد النفط السوري الخام في إجراء قاس على السلطات السورية التي تذهب 95% من صادراتها النفطية الى الدول الاوروبية.
وبحسب أرقام صندوق النقد الدولي فإن معدل نمو اجمالي الناتج الداخلي في سوريا بلغ 3.4% في العام 2010، بعدما كان 5.9% في العام 2009.

[shady]

الله يرحم الشهداء جميعا
لا حول ولا قوة إلا بالله

[manar]

دمشق الان
شراء 68.55
بيع 69.00
متوفر

[محمد s]

نرجو من جميع الاخوة الاعضاء عد م الخروج عن سياق موضوع والدخول في مهاترات جانبية

[العملة حديد]

حلب الساعة ١:٤٠
٦٨،٣٠
٦٨،٥
متوفر

[MBOSS]

انا ما بيهمني فلان قاعد و فلان شو عم يساوي
انا بيهمني نعمل حلول
ونشكر ربنا و نحمده لانه بالشكر تزيد النعم
( ولئن شكرتم لأزيدنكم ) بالسراء و الضراء مشان ماحدا يتفزلك عليي
اخواني قارنو بس بين سنة 1990 و سنة 2010 تعرف ان سورية كانت قبل عام 90 مافي محارم , سمنة كنا نوقف بالطابور مشان يعبيلي من المؤسسة الاستهلاكية سمنة بالكيس و الزيت كنا نوقف بالدور مشان نعبي البيدون و نصه كان ينكب من كتر الزحمة و الخناق و الضرب بين الناس مشان الدور لو بدي احكي بيحكي لبكرا الصبح لك يا اما اكلين هوا على الفرن مشان الخبر
لك تعرف انا شو كنت اكل مع اهلي والله العظيم كنا نفت الخبز و نحط عليه شاي مشان ناكل ولتاني يوم
لك المي يلي بنتشطف فيها بسوريا عم اشتريها بالغربة بالمصاري وكل هاد تقلي شوووو لا حدا يزاود عليي كل واحد عنده هموم لحد ما يكفيه
انا الحمد لله الله فتح عليي و بحمد ربي اولا و اخيرا
ان الله لا يغير ما بقوم حتى يغيروا ما بأنفسهم
ما قال لا يغير مابقوم حتى يغيروا فلان و لا سين من الناس
الاصلاح بيبدأ بصلاح الرعية مو بالعكس
ويلي عم يتحجج بكلام ابن تيمية اصلا ابن تيمية اغلب الكلام يلي عم ينقال على لسانه هو بريء منه و اذا مالك مصدق يا ماك اقرأ كتاب فضائل أهل الشام لابن تيمية
انا عم حاول لاقي حلول لساعد البسطاء و مشان ولادنا و احفادنا يدعولنا مو يدعوا علينا لانو رجعنا البلد 200 سنة لورا مشان نرضي حالنا بتغيير الرئيس
انا مغترب لو بدي اعمل متل البعض بقول انا مو فارقة معي و خليها تولع و قاعد برا ومو صاير عليي شي
شو الغلط انو نتسامح و نلاقي حل خلص صار دم من جميع الاطراف
اذا مالي قدران انا او المغتربين الي تفكير البعض منهم متلي ايجاد حلول سياسية على الاقل نساهم بتحسين الوضع الاقتصادي
شكلو كلامي تقيل لذلك مشان ما ادخل بمهاترات فاضية وبتضيع وقتي ووقت البعض
انا طالع و يلي عندي قلته ويلي بدو ياخدو بحسن نية الله يجزيه الخير و ويلي ما بدو ياخدو هيك الله يسامحه .

[ابراهيم طاهر]

لا حول ولا قوة الا بالله ان لله وان اليه راجعون والبقاء للخالق العظيم
والله اغلب الشعب السوري معتر ومحروم منذ الطفولة ياحسرتي على الاطفال والنساء والشباب ياحسرتي على من مات ظلما"والذي فعل ذلك ليس انسان حتما" وبلا ضمير وهو حيوان مفترس كان من كان لا اعرف كيف الله سيحاسبه

[hesham]

اقتباس: المشاركة الأصلية كتبت بواسطة العملة حديد    حلب الان 68،3 68،6 متوفرورر

اخي الغالي
شكرا لك ولمساهماتك ولمشاركاتك
ولكن أعتقد ان سعر الشراء 68.30 بحاجة الى اعادة نظر
واعتقد ان اصغر وابسط صراف في حلب ودمشق يشتري على سعر 68.50
لذلك ارجو توخي الدقة في وضع الاسعار لأن العديد من الاخوة والاعضاء والزائرين يعتمدون على الاسعار التي يضعها الاعضاء في المنتدى
ولنتذكر جميعا اننا لم ولن نكون الا ثقة للجميع بالاسعار التي نضعها كأعضاء وكمنتدى
ومهمتنا فقط هي وضع السعر الحقيقي فقط .... لا أكثر ولا أقل
وتقبل تحياتي