سعر صرف الدولار والذهب مقابل الليرة السورية ليوم الأحد 25 - 05-2014

[OMAR1233]

مرحبا شباب
‏M3Maher , ‏osama khaled , ‏خالد خالد , ‏Mfadel , ‏مجد (مضارب سوري) , ‏shereen , ‏fade.199 , ‏زكور بو يحيى , ‏horizonvast , ‏غلبان , ‏المعتصم بالله , ‏نورالهدى , ‏ghasangsb , ‏رشاد حج علي+ , ‏GoldMan$ , ‏فاميلي , ‏masoud , ‏moutaz , ‏أبو صطيف , ‏Fadii+ , ‏hasan ash , ‏المسار

الشغلي بدها حركة حاج تتصفنو ببعضكون عطونا الاسعار
امريكا عم تدهور بين رجلينا وانتو عم تتصفنو هههههههههههه

[hasobman]

اقتباس: المشاركة الأصلية كتبت بواسطة omar1233    مرحبا شباب ‏m3maher , ‏osama khaled , ‏خالد خالد , ‏mfadel , ‏مجد (مضارب سوري) , ‏shereen , ‏fade.199 , ‏زكور بو يحيى , ‏horizonvast , ‏غلبان , ‏المعتصم بالله , ‏نورالهدى , ‏ghasangsb , ‏رشاد حج علي+ , ‏goldman$ , ‏فاميلي , ‏masoud , ‏moutaz , ‏أبو صطيف , ‏fadii+ , ‏hasan ash , ‏المسار الشغلي بدها حركة حاج تتصفنو ببعضكون عطونا الاسعار امريكا عم تدهور بين رجلينا وانتو عم تتصفنو هههههههههههه

عجبتني هالعبارة
بس مع فرق معقولة تضل اميركا عم تغرق وما تنقذ حالها بالاخير
الي عم يصير بهالعالم وبسوريا خصوصا بيخلي الكافر يقول لا اله الا الله
العالم ضايعة ونحنا ضايعين معها
السياسة الخارجية الاميركية حاليا عندها احتمالين
اما البقاء على نفس المنوال حتى انتهاء حكم الرئيس الاسود
او البدء بسياسة الرجل المسكين والمغلوب على امره الذي سينفجر غضبا قريبا
اما البقاء على نفس هالحالة دائما مستحيل والله اعلم
الروس عم يتوقعو الاسوء بالنسبة لسوريا
الروس رح يعلقو بمستنقع اوكرانيا والقرم الذي سيمتد والله اعلم الى تركيا
الصين مو فرقانة معها بتصف مع الشيطان المهم الاقتصاد الصيني الى الامام
ايران عم تعيش ايامها الاخيرة لانو الافلاس الاقتصادي سيجعل شعبها ينفجر غضبا قريبا
السعودية هي الاخرة عم تعيش ايام الي قبل الايام الاخيرة وبصراحة ومن كل قلبي
اتمنى ان تقوم القيامة على ال سعود اليوم قبل بكرى لانو هنن سبب بلاء الامة العربية
لبنان اليوم ما عندهو رئيس على اساس لما كان عندهو كانو جابو الضبع من ذيلو
العراق دمر ثقافيا واقتصاديا ودينيا واخلاقيا
مصر رح يصير فيها متل العراق برئاسة بيبسي
وشو بدي احكي لاحكي
الله يفرج على هالبلد ويحفظ اهلها
امين يارب العالمين
اليوم انفجار سيارتين عنا بحمص
والشهرين الماضيين قضيناها على انفجارات
بقا ادعولي الله يطول بعمري ويخليني لاهلي ويبعد الناس عني
لحتى خليكون تملو من مشاركاتي

[black_ghost87]

بانياس-البحر-مركز المدينة
شراء:168.5
مبيع:169.5

[black_ghost87]

بانياس-البحر-اليورو
شراء:227
مبيع:232

[black_ghost87]

مساء الخير. ثبات بالسعر و جمود الأسواق. اللهم احفظ لنا بلدنا و أجمعنا بأحبائنا يا أرحم الراحمين.

[عابر مجيب]

عم حاول اتخيل كيف نزل الدولار هالنص ليرة !
يعني حاملي الدولار عم يحركو السوق بتشجيع الشاريين من خلال ( رخصة ) ؟
الحقيقة الرقم مشجع ومغري جدا ، فرصة قد لا تعوض ، (0.5/172)*100 = 0.29 %
يعنى اللي بيشتري هلأ مئة دولار بيطلعلو حوالي ربع دولار ببلاش .

الاحتمال التاني :
الأسود المركزي ( صاحب السوق السوداء ) أو كبير السوق السوداء ، حسب شو معو سوري ، وشو معو دولار ، وأعطى رقم دقيق وواقعي من موجوداتو .
يعني معو مثلا 17492 دولار ، و3000000 سوري
3000000/17492 = 171.5

ما لقيت احتمال تالت !

[mak]

سلام للجميع.....يعني هاد الخبر يللي قرأته قبل قليل بيخلي النعسان يصحى!!

"قدمت سلطات النظام مقترحاً يقضي بعودة مؤقتة إلى قانون الدائرة الاجتماعية القاضي بتأجير المنازل التي تركها أصحابها وغادروا لـ " مواطنين سوريين ".

وينتظر أن يحدث هذا الاقتراح ضجة كبيرة في صفوف المؤيدين في حال إقراره، وذلك كون معظمهم في المناطق الخاضعة لسيطرة النظام، و الكثير منهم تركوا بيوتهم وغادروا البلاد.

وقال كمال جنيات المستشار في محكمة النقض إن " المقترح المذكور ينطلق من باب الحرص على فتح المنازل الآمنة والمغلقة للتخفيف من معاناة الكثير من السوريين الذين تشردوا وهلكت منازلهم، على أن يتمّ تأجير تلك المنازل بأجور تقدرها اللجنة والاحتفاظ بالأجور في صندوق خاص وتُعطى لأصحابها عند عودتهم من خلال كشوف تسليم تنظمها اللجنة ".

وعن أهم الإشكالات التي تعكف اللجنة المسؤولة عن المقترح على دراستها، قال جنيات إنها " ضبط حالة المزاجية لدى الخبراء في تقييم العقارات، ويتمّ العمل على وضع معايير محددة للخبير تقيده وتمنعه من التلاعب في تقدير القيمة، وكذلك تتداول اللجنة موضوع إنهاء العلاقة الإيجارية بالنسبة للسكن العشوائي الذي لايملك الكثير من أصحابه سندات تثبت ملكيتهم ".

شو رأيكم بهيك خبر!!!!!!!!!!!

[أبو تيم]

السلام عليكم
أغلق سوق دمشق
170شراء.................171.5

[أبو تيم]

أخي رشاد شو السعر ببيروت

[عابر مجيب]

اقتباس: المشاركة الأصلية كتبت بواسطة mak    سلام للجميع.....يعني هاد الخبر يللي قرأته قبل قليل بيخلي النعسان يصحى!! "قدمت سلطات النظام مقترحاً يقضي بعودة مؤقتة إلى قانون الدائرة الاجتماعية القاضي بتأجير المنازل التي تركها أصحابها وغادروا لـ " مواطنين سوريين ". وينتظر أن يحدث هذا الاقتراح ضجة كبيرة في صفوف المؤيدين في حال إقراره، وذلك كون معظمهم في المناطق الخاضعة لسيطرة النظام، و الكثير منهم تركوا بيوتهم وغادروا البلاد. وقال كمال جنيات المستشار في محكمة النقض إن " المقترح المذكور ينطلق من باب الحرص على فتح المنازل الآمنة والمغلقة للتخفيف من معاناة الكثير من السوريين الذين تشردوا وهلكت منازلهم، على أن يتمّ تأجير تلك المنازل بأجور تقدرها اللجنة والاحتفاظ بالأجور في صندوق خاص وتُعطى لأصحابها عند عودتهم من خلال كشوف تسليم تنظمها اللجنة ". وعن أهم الإشكالات التي تعكف اللجنة المسؤولة عن المقترح على دراستها، قال جنيات إنها " ضبط حالة المزاجية لدى الخبراء في تقييم العقارات، ويتمّ العمل على وضع معايير محددة للخبير تقيده وتمنعه من التلاعب في تقدير القيمة، وكذلك تتداول اللجنة موضوع إنهاء العلاقة الإيجارية بالنسبة للسكن العشوائي الذي لايملك الكثير من أصحابه سندات تثبت ملكيتهم ". شو رأيكم بهيك خبر!!!!!!!!!!!

من أحلى الأخبار حقيقة ، على الرغم من تناقضه مع ممارسات سابقة حيث ان أصحاب البيوت المخصصة للإيجار ، واجهوا مشكلة إخلاء بيوتهم عند مراجعة الموافقة الأمنية الممنوحة للمستأجر ، واكتشاف انها لم يتم التمحيص بها بشكل كافي . وتم طرد المستأجر ، مع ان المفروض كان إما ابقاءه أو اعتقاله ، ما بعرف شلون طلع في حالات نص نص !
مابدها مزاجية لجان ولا شي ، إذا المطلوب هو حل مشكلة المهجرين ، مافي لزوم للجان ، كل واحد يدفع اللي بيطلع من خاطرو ، وممكن يعطوه الخيار بين البقاء بالبيت أو الاكتفاء بأخذ الفرش إلى المكان اللي بيناسبو أكتر .
أما موضوع المورد للبيوت ، فما لزومه أصلا ؟ إذا الواحد مسافر ومو حاسب حساب الاستفاده ، يعني رح يجيه مال بدون رغبة أو حاجه ! ممكن يتم احالة المبلغ فورا إلى لجنة اعادة الاعمار .
ولازم جنيات يعمل حساب المهجر المسكين ، بحيث مو بمجرد عودة صاحب البيت يرميه بالشارع ، على القليلي يا يدبرلو بيت بديل ومريح ومناسب ، يا أما بيمهلو حتى يتم تكوين نفسه ويقدر يرتب اموره ويعمر بيتو المهدود .
شوف الحظ ! الله يهنيه اللي انهد بيتو ، مابقى عنده شي يشغل بالو .
طيب لتنفيذ العدالة مو المفروض اعدام اللي انهد بيتو وكان بالصدفة خارج البيت ، بينما جاره مات تحت الانقاض ؟!
لأ وكان الناس خايفين من اعادة دراسة قانون الايجار ! طلع قضى اهون من قضى .
كانوا يقولوا البيت اللي مو ببلدك لا إلك ولا لولدك . طلع بالعكس .
كلو من مال الله ، وما بتملك إلا أموالك وأملاكك اللي خارج بلدك . وبيرجع الغشيم بيسأل ، ليش عم يرتفع الدولار ؟