سعر صرف الدولار والذهب مقابل الليرة السورية ليومي الخميس و الجمعه 10 & 11 -04- 2014

[المعلم عمر]

سعر الدولار في البنك المركزي ليوم الأربعاء09/04


146.98 ل.س

147.86 ل.س

[عابر مجيب]

كتب أخونا أحمد الأحمد :

صباح الخير جميعا وشكرا للافتتاح

لايخفى على احد حال اقتصادنا الذي وصلنا اليه.
مع كل ماتم ذكره واستخدامه ...لكل ظرف قوانين قد لاتعجب احد ...
بكلمتين مختصرات وبغض النظر عن سعر الدولار المتداول وبغض النظر عن اساليب فرض السعر..
طالما لم تصل الليرة الى حافة الانهيار فانا اقدر المركزي و د ميالة وبحطهم عراسي من فوق..


ما في خلاف على الدكتور ميالة الله يكون بعونو ويحمل معو
بس في واقع عم يصير والليرة معتمدة على دعم قسري ، والحافة جاية ولو مارحنا عليها
وهاد اللي مخوفني
أنا كنت بفضل ننزل شوي شوي وما نترك مجال تتشكل هاوية من أصلو
وممكن حل التضخم على خطوات ، لأن درهم وقاية خير من قنطار علاج
ويمكن يموت المريض قبل ما نبدأ العلاج
العراق نزلت عملته والناس ضلو عايشين وتماشوا مع الأزمة
لبنان نزلت عملتو كمان شوي شوي وليكون عايشين
ايران نزلت عملتها وكمان ماشي حالهم
ما حدا منهم حصر الأزمة وتركها تتضخم ، لأنها أخطر بس تنفلت دفعة واحدة
مو كل الناس عندهم سياسة الادخار ، وأصلا ما عم يزيد معهم شي يدخروه
واللي متعود على الصرف بدون روية ، ممكن يتدرب شوي شوي على هبوط مستواه
اما يجي يوم يلاقي كل شي معو ما بيشتري أكل يومين ، شو ممكن يصير بحالو وقتها
الأغنياء واللي على قلبهم ملايين متلتلة ، مابتفرق معهم .
العترة على اللي عايش يوم بيوم
أكتر الفقراء وصلوا للفقر بسبب سوء اسلوب حياتهم ، والبعض منهم بيصرف أكتر من متوسطي الحال ، هدول ما ممكن تعليمهم وتدريبهم إلا من واقع يفرض عليهم بالتدريج ، ماممكن يتعلموا بليلة وضحاها .
آسف على الاسهاب والاطالة .

[المضارب الحسكاوي]

يوم سعيد هادئ للجميع
ان من وجهة نظري الارتفاع مستمر ولو بشكل اهتزازي وليس مستقيم حتى ثلاثة اشهر اخرى وبعدين في ظروف جديدة بجوز تفرض مسار اخر بس شو هو السعر اللي بدنا نصلو انا اتوقع فوق خمسماية وبجوز 850 كمان متل ما ذكر اخونا باسل وبجوز اكبر بكتير

[محمد سامر]

صباح الخير للجميع
يوم مبارك إن شاء الله

[محمد سامر]

المركزي صرح بانه لح يمول كل من يملك شهادة إستيراد على سعر 162
بس الفكرة أنه ما فيك تستورد بشكل مباشر بسبب الحظر
فالمستفيد من التمويل عدد قليل من المستوردين
و الباقي عسكري دبر راسك

[المسار]

صباح الخير جميعا

بالعاده الفيقه الساعه 10-11

اليوم كانت الفيقه على اصوات الرعد والبرق

الله يعطينا خيرهم ويكفينا شرهم

[ابن الجبل]

اقتباس: المشاركة الأصلية كتبت بواسطة عابر مجيب    هل سبق ان انقطع البيع عند الصرافين النظاميين ، إن جاز التعبير ؟ لو تم ذلك لكانوا أقفلوا محالهم . إذن التدخل قائم ومستمر ، من حين كان بالأربعينات ، وكان البيع مستمر وآخر ارقام قرأتها من يومين كانت مبيع ، عند السلطان تحت المحافظة 155 ليرة للدولار ، وعند المتحدة خلف المحافظة 157 . واستمر الصعود اليوم المركزي وعد بالتدخل بسعر 162 والكل يعول على انخفاض الأسعار ! يا أنا نعسان ، يا السوق محشش !

اقتباس: المشاركة الأصلية كتبت بواسطة عابر مجيب    أحسن شي رايح نام ، وإذا تباحثنا أنا والمخدة ، بحكيلكم بكرا على شو تفاهمنا . تصبحوا على خير

مين بيعرف الجواب الأول

[ابن الجبل]

صباح الخير للجميع
صباح الوطن الجميل
صباح معطر بالياسمين الشامي

[ابو مالك]

بزمانه خرج السيد ميالة بمقابلة تلفزيونية و قال:
رقم 200 ل.س سعر تصريف للدولار ممتاز بظل الظروف الحالية و نحن لا نطمح اكثر من ذلك

أظن ان هذا الرقم 200 ما زال بباله و تارك الموضوع يرجع لهذا الرقم لغاية ما

[al.faqir]

صباح الخير للجميع واتمنى لكم يوم هادئ ومثمر

شكرا للاخ المسار وبالاخص للاخ عابر مجيب لاني ارى تحليلاته اقرب للواقع.

انا من رأيي ورأيي غير ملزم لاحد حتى قرائته: ان المركزي حاول الحفاظ على قيمة الليرة حتى الان ليس بتصرفاته المدروسة وانما حافظ على هذا المستوى بتصرفاته غير المدروسة والهمجية وفقدان القرار بالتدخل ولاننسى المنفعة الشخصية للمحسوبيات.
اصبح سوق الصرف الان بوضع الشوربة. لا احد يستطيع التنبؤ بشيئ عن اسعار الصرف ولكني متأكد ان الاقتصاد السوري والانتاجي في اسوأ حالاته .