صالة أسعار الدولار والذهب مقابل الليرة السورية ليوم الأربعاء 6 -11-2013

[خيرو الشامي]

احبابنا الكرام = مبارح كان يوم صعب =نقلا عن فرفور سوق بدمشق اشترى الظهر بسعر118 وباع بسعر123
واشترى بعد العصر بسعر125وباع ب130
واشترى المغرب بسعر135وباع بسعر138
والساعة 8ونصف اشترى 139وباع ب140وكان في فرفير غيرو عم يطلبو145
وقلي لحقت حالي وبعت لانو صار في بياعة على 135

[Ryad]

اقتباس: المشاركة الأصلية كتبت بواسطة الياطر    مساء الخير للجميع اخر سعر للذهب الكسر عيار 21 وصلني الساعة الثامنة مساء من دمشق 5400 للمبيع 4900 للشراء طبعا السعر من تاجر جملة كبير على مستوى دمشق ولما سالتو كيف الشغل قلي لا عم بيع ولا عم اشتري لحتى يبين السوق مضبوط بكرا الصبح

طبعا جمعية الصاغة بتقلك انو في بيع 10 كيلو باليوم
على الهامش السعر محسوب عدولار 133-146 تقريبا

[عابر مجيب]

اقتباس: المشاركة الأصلية كتبت بواسطة أحمد الأحمد    صباح الخير جميعا في فرق كبير بينهم , طاهر كان بيشلف شلف وعلى باب الله ولايدعي بأن لديه معطيات أو معلومات وكمان كل دعواته اتركوا الدولار وروحو عالأسهم .

يعني بس اختلف شوي الأسلوب ، نسيت شوكان يتغير ويتلون ؟ ولما بتحصرو بيهرب وبيتجاهل الاجابة ووووو يعني ما ناقصين دبلة قلب
عطيني شو استفدت من مشاركاتو غير التضليل والنطوطة ؟

[Razan Salkini]

أتجاه الدولار يحدد غدا بريف حلب وبس لا دمشق ولا مركزي ولا غيره موجة الهبوط بدات بحلب وريفها ودمشق كانت بعيدة عن السرب

[عبدالقادر]

ليوم كان السوري فراطة متل المطر بعت بيعة جبلي مليون كلا ميات واخرالمسا كان في مرة عم تبكي قال نبارح بعت وليوم ارتفع السعر وماحدا رضي يبيعني ولا دولار قلتلا ليش لتبيعي انتي قد ها لحيتان قالتلي والله غلطت والله غلطت حلوا بقا نحنا بدنا هالعالم توعا والله عمبعرف السعر نازل وعم بعرف ساعة طلوعو والله مابعت ولا اشتريت والله وراجعوا مشاركاتي شوفوا يوم كان فوق 300شلون قلت ماشين لسعر200وبعدا لسعر120

[عابر مجيب]

تصبحوا على خير البلد

[eng.mdkh]

اقتباس: المشاركة الأصلية كتبت بواسطة عابر مجيب    يعني بس اختلف شوي الأسلوب ، نسيت شوكان يتغير ويتلون ؟ ولما بتحصرو بيهرب وبيتجاهل الاجابة ووووو يعني ما ناقصين دبلة قلب عطيني شو استفدت من مشاركاتو غير التضليل والنطوطة ؟

طول بالك لبكرة إن شاء الله ... في حال أخدت شكر كتير على مشاركتك السابقة فالمعطيات الدولاراتية بتأكد أنو رح تعلن انسحابها رسمياً من الموقع ..... و هيك بتنحل القصة .... أما في حال ما أخذت مشاركتك شكر كتير من الأعضاء .. معناتها مشاركاتها قيمة بس نحنا ما عم نعرف نحسبها صح .

[نورالهدى]

مساء الخير :
السيد مجيب :
حاولنا ارسال الملف الطلوب على الخاص ولم ننجح .
مرفق ملفي كسر يمكنكم استخدام أحدهما .
وكل عام وأنتم وعائلتكم الكريمة بخير
أنور

ملاحظة : السادة الأكارم قد تحتاجون إلى الملف المرفق مع المشاركة للدخول إلى الموقع الموجود عنوانه في مشاركتنا السابقة .

[Ahmads]

مسا الخير

بصراحة انا متابع دائم لصالات الاسعار بالمنتدى لكن بصمت شديد ومن بعيد لبعيد . وبهالأيام هي اللي عم يمر عليها دولار اوباما قررت التخلي عن الصمت ومشاركتكم بتمنى كون خفيف الظل

حبيت بالبداية اتشكر الاعضاء الأكارم على مشاركاتهم المفيدة دايما والصائبة بشكل كبير

بتمنى اتعلم واستفيد منكن اكتر واكتر وتحياتي للجميع

[خيرو الشامي]

بازار ذهبي بين صايغ وكومجي (بعدالعصر تقريبا)وعلى كيلو ذهب طلب الصايغ 4700000ليرة ومارضي الكومجي يشتري من بين ما راح للصاغة القديمة صارالكيلو5500000 وطلع الدولار ===بعدين بالف زور لباعو كيلو كسرعلى 5400000 يعني فرق ساعتين دفع زيادة700000ليرة سورية ومشان ما يزعل فات عند بياع الكاتو واكل شي ست سبع قطع مشكلة وختمون بعلة سفن اب وقلي رايح اتعشى ونام بكير لانو حاسس حالي كاني تخوزقت
وتصبحو على خير