صالة أسعار الدولار والذهب مقابل الليرة السورية ليوم الثلاثاء 29-10-2013

[Ryad]

اقتباس: المشاركة الأصلية كتبت بواسطة عابر مجيب    كمان صباح الخير يلا تبحبحوا هههههههههه المشكلة نحنا بنكتب على المكشوف وما عنا شي نخبيه ، المركزي على الهسي، بس فجأة بيزلق وبينكشف ، على كل حال مابيوقع إلا الشاطر . شو كان بدو بها القرار الجديد، يعني غص بالكم واحد اللي ما عندهم حدا غير اخواتهم يشترولهم؟! هيك كشف عجزو ، مو على اساس فاجر وقادر وعم يهدد ويتوعد ، وعندو ملاءة وبيقدر يغطي المطلوب ! احترنا يا قرعة من فين بدنا نبوسك . بس بيكفي كشفنا قرعتك ، تبوسك زلقطة انشاء الله .

يا سيدي المركزي كل هدفو بالمرحلة السابقة أنو يضوّع العالم و ما يخليون يعرفو شو بدون يعملو
هاد سبب من اسباب هبوط اسعار الدولار
بس هي اللعبة بتفقد أهميتا وقت كل العالم تعرف شو الهدف منا
هاد المركزي هيك بيعمل
يعني واضح واضح واضح انو المركزي مزعوج من الأخوة يلي بيشترو لبعض دولار من شركات الصرافة
و واضح واضح واضح انون مانون قلال و مشان هيك سفقون قرار من جنابو

و بلمحة صغيرة انا بشوف انو المركزي ماااااااااا بدو ينزل الدولار
سعر الدولار بالموازنة 170
واضح انو القرار بيوضح انو هالعالم معا سوري و عم تقلب دولار و رح تضل عم تقلب دولار حتى لو من السوق السودا

يعني بمعادلة صغيرة ازا القرار رح يستهدف 5000 شخص و هدول كل واحد منون عم يشتروا 1000$ بالشهر غير يلي من السودا
معناتا رح يزيد الطلب 5.000.000$ شهرياً غير سياسة القطيع

[خليل حسو]

القامشلي
صباحا
159--------------------------------------161

[ياسمينة]

انو ليش الناس بتحملها اكتر ما بتتحمل
الي متخبط بحياتو ككل ومو عرفان كيف رح يتصرف كان معو دولار ما رح يرتاح... قلبون سوري ما رح يرتاح..المشكلة مو بالسوري والدولار... المشكلة بعقلو المخربط ...مو استخفافا ..بس لانو فعلا الجو العام مخربط وحقو يشعر بهالتخبط.. بس السبب عقلو مو القرارات ..اوطلع ونزل الدولار
والي مو متخبط بحياتو وحاطط اسس باني عليها بشكل واضح.. كان معو دولار رح يكون مرتاح.. اشترى عقار مرتاح ...خلاهون سوري مرتاح ...ما هو باني خريطة اقتصادية واضحة قدامو لشو بدو وشو اهدافو
نقطة من اول اسطر

[جوليت]

صباح الخير

[(( أبو جهاد ))]

اقتباس: المشاركة الأصلية كتبت بواسطة shereen    كلام ممتاز اخي عابر بس الناس ضاجت وماعاد تهدا يعني اللي شاري على 250 شو يعمل بحالو عم نضل نحكي انو طولو بالكم بيجي واحد بيقول اي المركزي بطل نزلها من 330 لل 160 يعني النص تقريبا فهوة قادر ينزل لل 100 عاول السنة هداك اليوم عنا زميلنا بالمكتب لح تجيه الجلطة شاري ب 240 شي 30 الف دولار لك ماكان يهدا بعدين قلتلو ركاب سيارتك وروح قريب من صالاات حرستا تبع السيارات فبعد مارجع وشاف الدمار بعينو قللي هادا لازم يكون ب 500 واكتروالبيوت لازم تكون اسعارها بالارضي فقللي احسن شي بيع بيتي ومالح بيع دولاراتي بالرخيص هي لعبة ولح بتنكشف قريبا فشو رايكم

هذا الشيء الذي شافه لا يشكل إلا جزء بسيط من الموجود بحلب

[حكيم الزمان]

انا اللي بشوفو انو هلأ جايه آخر السنه وبتعرف في مكافآت وبدلات وهاد س من الناس آعد ورا المكتب مو عرفان منين بدو يبيض وش حاطط هل اسماء على برنامج الأكسيل ويقلبها شي من الأسم الأول وشي من اسم العيله وشي من اسم الأم وشي من تاريخ الولاده وشي من تاريخ الوفاة (لأ ما بتزبط شلون ميت وقبض دولار )مي راكبه طيب غير اسم الأب آم لقا انو 95% منون اسم ابوه محمد راح طبع 1000ماعون ورق وركد لعند معلمو سيدي سيدي لقيتا قام ألو عليك بها نزل الشرط وتعا لوقعو- هلأ انا بظن انو اللي عم يصير معنا شي من الخيال النقدي (من النقد) بس انو مافي غير هيك - لكن معقوله الشرط تبع انو مالك الا 500$ دولار بالشهر وبالسنه 10000$ انو منين بدي جيب سنه ب20شهر

[ابن البلد البار]

اقتباس: المشاركة الأصلية كتبت بواسطة عابر مجيب    كمان صباح الخير يلا تبحبحوا هههههههههه المشكلة نحنا بنكتب على المكشوف وما عنا شي نخبيه ، المركزي على الهسي، بس فجأة بيزلق وبينكشف ، على كل حال مابيوقع إلا الشاطر . شو كان بدو بها القرار الجديد، يعني غص بالكم واحد اللي ما عندهم حدا غير اخواتهم يشترولهم؟! هيك كشف عجزو ، مو على اساس فاجر وقادر وعم يهدد ويتوعد ، وعندو ملاءة وبيقدر يغطي المطلوب ! احترنا يا قرعة من فين بدنا نبوسك . بس بيكفي كشفنا قرعتك ، تبوسك زلقطة انشاء الله .

صباح الخير للجميع
يلي بدو يشتغل ما في داع يحكي لأن يلي بيحكي كتير بيغلط أكتر
ومشكلة المركزي أنو مفكر حالو هو يلي عم يرفع قيمة العملة أو عالأقل اللاعب الوحيد
وهون أخدتو نشوة النصر فرجع لعادتو القديمة وهي الكركرة والحكي وهون انكشف أنو بيسئ ما بينفع.
ما في مجال يتغير طالما نفس الموظفين وعندكم المسطرة يلي داخله بالمنتدى هون وعاملي حالها ذكية .

[ابو خالد]

بعد قرار المركزي اليوم رجعت الناس تسال عن الدولار اليوم شششششو شباب توقعاتكم بلش الصعود اليوم ولا شو صاير ؟

[حكيم الزمان]

[حكيم الزمان]

الى جميع سكان مدينة ضاحية قدسيا الراغبين في الحصول على مادة المازوت ماعليهم سوى التوجه الى فرع محروقات ريف دمشق وتسجيل طلب على دفتر العائلة وسيتم التعبئة خلال 10 ايام على أبعد تقدير .. الجدير الذكر أن فرع محروقات ريف دمشق يقع خلف ثانوية جودت الهاشمي في منطقة التجهيز بدمشق