سعر صرف الدولار مقابل الليرة مع التحليل 13-1-2013

[AYMTAL]

اقتباس: المشاركة الأصلية كتبت بواسطة انس بكور    طيب بما انك ما سالت بنفسك وبما انو مصدرك رفيق وهل الرفيق ما ذكر لك اسم الصراف معناتو بكون سال الصراف قبل يومين ثلاثة مو اليوم ...وانا رح ربح الصراف وربح صديقك بنص ليرة ورح اشتري منك ب94 فيك تنزلي معك بكرى عشرة الاف دولار ووين مابدك مننلتقي وبالمكان يلي بريحك مع انو كل ساعة الدولار بسعر بس انا رضيان اشتري منك بكرى ب94 وشو ماكان المبلغ ولو ما عنا بالليل حظر تجول ولو قايل لي باي مكان انت كنت قابلتك واشتريت منك اليوم بس هلىء حتى شفت تعليقك ...بانتظار تحدد لي مكان نلتقي فيه بكرى منشان سلمك وتسلمني ومعلومة اخيرة اذا صراف رفيقك كان مخبره على السعر هيك بس منشان يشتري منه برخيص ولما بتطلب منه دولار بسعر 93.50 بقلك ما عندي ..واخيرا بما انك من منطقة الحاضر خطوف رجلك بكرى لعند الجاجة هو قريب كتير عليك قله بأدش اشتريتوا يوم الاحد وبأدش بعتوا ومتل ما قلت لك ناطرك بكرى تجيب لي عشرة الاف دولار واذا ما عندي هل الكمية بشتري منك يلي متوفر معك ولو خمسة الاف

السلام عليكم استاذ أنس بكور المحترم

بجوز يكون كلامك صح انا مو متأكد لاني ما سألت اليوم بنفسي كنت مشغول
بس انت معقول تتصور انو حدا يبيعك بسعر أقل من سعر السوق عند الصرافين و لو بليرة أو أكثر و بعلمك أنو ما حدا ببيع أي مبلغ حتى لو كان 100 دولار أبل ما يسأل أكتر من صراف و أنا متأكد أنك بتوافقني عكلامي هاد
و ما بنصحك تتفق مع حدا انو تشوفو بأي مكان و بأي وقت لآنك أدرى بالأوضاع الأمنية لا بالليل و لا بالنهار يا دوب تدبر حالك تحسن توصل عصراف تبدل و تمشي و انت حاطط ايدك عألبكوعمتحبس أنفاسك ما يصير شي طارئا
بجوز اليوم يكونو بحماة الصرافين متفقين عسعر و عاملين نوع من الاحتكار بس هدا الموضوع ما راح يطول لانو السوق بباقي المحافظات لا بد يفرض نفسو على السوق بحماة كمااااااااااااااان .
و بشكرك كتير على مشاركاتك الكتيرة و المفيدة و بتمنا تضل تفيدنا بمعلوماتك القيمة أخي أنس .

[طارق أبو الذهب]

مساء الخيرللسادة الأعضاء الآكارم ممكن نعرف شو تم إغلاق سعر الدولار في حلب والشام مع جزيل الشكر والتقدير لتعاونكم

[ADIB]

مساء الخير لجميع الاعضاء والمشرفين الاعزاء

[ADIB]

الدولار الان مبيع94.50 92.5 شراء

[ADIB]

والله يا شباب انا شايف الذهب بكرا طالع

[النسر]

السلام عليكم
السعر بحمص
شراء 92.5
مبيع 93.5
واذا كان المبلغ 10000 فما فوق 93.25
وشكرا

[$ABOUD]

ياشباب الضهر بالحسكة عم يشترو ب 94ونص .

[valley]

ما بعرف مدى صحة هل الخبر ؟؟
ولكن بالتأكيد راح يأثر كتير على الناس لان معظم السوريون في هذه الفترة يعتمدوا عاى حوالات ابناءهم بالخارج
_____________________________

سيتم إغلاق جميع مكاتب الحوالات المالية في سوريا ابتداءا من يوم الاثنين 14-1- 2013

[Jack Pot]

اقتباس: المشاركة الأصلية كتبت بواسطة valley    ما بعرف مدى صحة هل الخبر ؟؟ ولكن بالتأكيد راح يأثر كتير على الناس لان معظم السوريون في هذه الفترة يعتمدوا عاى حوالات ابناءهم بالخارج _____________________________ سيتم إغلاق جميع مكاتب الحوالات المالية في سوريا ابتداءا من يوم الاثنين 14-1- 2013

يعطيك العافية أخي ، بس فيك تنورنا بالمصدر لأنو متل هيك قرارات إلها كذا شكل و كذا شقّ ، يعني إيقاف الحوالات للخارج شي و إيقاف الحوالات للداخل شي تاني و الإيقاف من الجهتين إلها شي تالت و الخ.....

[valley]

اسعار اليوم
----
البنك المركزي الحكومي
الحد الأدنى : 78.57
الحد الأعلى : 79.04

البنك التجاري الحكومي
حسب اخر سعر متوفر لدي
تم ايقاف البيع !!

السوق الحرة دمشق مؤكد
الحد الأدنى : 92.50
الحد الأعلى : 94

السوق الحرة حلب
الحد الأدنى : 92.50
الحد الأعلى : 94

--------------------------------
الذهب

غرام ذهب عيار 21
4350 ليرة سورية

غرام ذهب عيار 18
3729 ليرة سورية

الليرة الذهبية عيار 22
36800 ليرة سورية

الليرة الذهبية عيار 21
35200 ليرة سورية

الليرة الرشادية
33000 ليرة سورية