سعر صرف الليرة مقابل الدولار 11-6-2012 في السوق السوداء

[Abu Amr]

تحياتي للجميع

حرمتونا من طلتكم مبارح

[abo karmo]

ضبط سيارة محملة بـ 700 كغ من المتفجرات في جرمانا بريف دمشق

ضبطت الجهات الأمنية صباح اليوم الاثنين سيارة مفخخة على حاجز في منطقة جرمانا في ريف دمشق.

وأفادت قناة الأخبارية السورية أن " الجهات المختصة ضبطت سيارة مفخخة بـ700 كغ من المتفجرات على حاجز في نهاية جرمانا في ريف دمشق".
وتم إلقاء القبض على سائق السيارة ومصادرتها بالإضافة إلى محتوياتها من المتفجرات.

[Abu Amr]

شباب شو الاسعار هلا بالمحافظات

[Ahmad Hamdi AlSharif]

سعر صرف الدولار مقابل الليرة السورية
شراء 68.90
بيع 69.25
سعر صرف اليورو مقابل الليرة السورية
شراء 86.25
بيع 86.75
المحافظة : دمشق - التوقيت : 7:20 مساء متوفر بيع وشراء مهما كانت الكمية

[عابر مجيب]

اقتباس: المشاركة الأصلية كتبت بواسطة abo karmo    ضبط سيارة محملة بـ 700 كغ من المتفجرات في جرمانا بريف دمشق ضبطت الجهات الأمنية صباح اليوم الاثنين سيارة مفخخة على حاجز في منطقة جرمانا في ريف دمشق. وأفادت قناة الأخبارية السورية أن " الجهات المختصة ضبطت سيارة مفخخة بـ700 كغ من المتفجرات على حاجز في نهاية جرمانا في ريف دمشق". وتم إلقاء القبض على سائق السيارة ومصادرتها بالإضافة إلى محتوياتها من المتفجرات.

يسعد مساكم جميعا
حقيقي شي مخيف ، بس كيف كشفوها ؟ مركبين فيها زمور أم عم تضوي وتطفي وعليها ساعة .
بس لنتنور بلكي صادفنا هيك شي بنروح نخبر .
سؤال أخير
العبوة عبارة عن صرر صرر يعني ووزنهم كل واحدة مكتوب عليها ( أكيد متساويين ) يعني الوزن المكتوب بينضرب بعدد الصرر أو الحزم بيطلع الوزن الكلي . يمكن بيطلع الوزن الصافي ، لأنو لسا في المفجر والساعة ، يمكن ما بدها بطاريات بيكفي بطارية السيارة بيوصلوها بشقفة شريط .
شكرا لسعة صدركم .

[NetPro]

شو القصة ؟؟؟
شو مقطوع النت بكل سوريا يعني ؟
فكرت بس بالشام ولكن من المنتدى يبدو حتى بالمحافظات

[osama khaled]

اقتباس: المشاركة الأصلية كتبت بواسطة NetPro    شو القصة ؟؟؟ شو مقطوع النت بكل سوريا يعني ؟ فكرت بس بالشام ولكن من المنتدى يبدو حتى بالمحافظات

صح

[mak]

اقتباس: المشاركة الأصلية كتبت بواسطة netpro    شو القصة ؟؟؟ شو مقطوع النت بكل سوريا يعني ؟ فكرت بس بالشام ولكن من المنتدى يبدو حتى بالمحافظات

شو هالأخبار المغرضة ....هلأ عالإخبارية السورية كانو عم ينفو هالشي و يتمسخروا عالجزيرة الكذابة!!

[najm]

اقتباس: المشاركة الأصلية كتبت بواسطة f.fatina    بدي شوية لابتوبات ع شوية مو بايلات ولاتنسى شاشة التلفزيون led ولاتسى المكيف هههههههههههههههه وحبة شوكولا من المنطقة الحرة

مساء الخير اخت سنفورة
ولو انو خارج موضوع الدولار
بس بدي اسألك انت ما كنت فاتحة حساب قبل هاد ؟
لان كان في سنفورة واختفت عندها نفس الاسلوب المرح
ياسبحان الله

[عابر مجيب]

اقتباس: المشاركة الأصلية كتبت بواسطة najm    مساء الخير اخت سنفورة ولو انو خارج موضوع الدولار بس بدي اسألك انت ما كنت فاتحة حساب قبل هاد ؟ لان كان في سنفورة واختفت عندها نفس الاسلوب المرح ياسبحان الله

كل الحق معك
تساءلت قبلك بشكل غير مباشر ، ما كان في جواب.
قلت لحالي لو كانت بدها نعرف ما كانت غيرت من أصلو .
لذلك ما كررت السؤال .
احتراما لقرارها اعتبرتها واحدة تانية وارتحت وريحت .
بس لسا فيك تقول مو هيه هي واحدة تانية .
هديك سنفورة بس هي ( يعني هذه ) سنفورة السنافير .