سعر صرف الليرة مقابل الدولار 19-5-2012 في السوق السوداء

[عابر مجيب]

اقتباس: المشاركة الأصلية كتبت بواسطة shereen    تعتزم وزارة الصحة السورية استلاف قروض من الجانب الإيراني لتجهيز عدد من المشافي بعد أن سحب الاتحاد الأوربي تمويله لتجهيز هذه المشاريع. تطرح هذه الخطوة على طاولة النقاش بين وزير الصحة السوري وائل الحلقي مع نظيرته الإيرانية في زيارة له إلى طهران، وبالإضافة إلى القروض يجري العمل على تأمين أصناف دوائية إيرانية جديدة لمرضى الأمراض المزمنة بعد أن تم مؤخراً البدء باستجرار عدد من هذه الأصناف لمرضى التلاسميا. كما سيتم البحث في إقامة مشاريع صحية مشتركة في مجالات نقل وتوطين التقانات الحيوية وخاصة في تصنيع بعض الأدوية البيولوجية واللقاحات بالتشاركية مع القطاعين العام والخاص وجذب الاستثمارات لإقامة المشاريع الصحية المشتركة. يذكــر أن وزارتي الصحة في سـورية وإيـران ترتبطان بمذكرة تفاهم صحية مشتركة، وحسب الاتفاقية الصحية يتعاون البلدان في مجال الأدوية وصحة الأسرة والمجتمع كما يتبادلان المعلومات عن الأوبئة حال حدوثها. هي صار عنا كهرباء ايرانية ومشافي ايرانية

إيه الله لا يشمت فينا شامت ، بزماناتو تشرشل قال سأتحالف مع الشيطان في سبيل مصلحة بلادي .
نحنا بدنا العنب .

[عابر مجيب]

اقتباس: المشاركة الأصلية كتبت بواسطة amh_sy    سورية تعتبر العقوبات المفروضة عليها انتهاكاً لحقوق الإنسان وإرهاباً اقتصادياً (دي برس) أكدت وزارة الخارجية والمغتربين السورية السبت 19/5/2012، أن حزمة العقوبات التي فرضت على سورية والتي تجاوزت الثماني والخمسين حزمة تنتهك المبادئ الأساسية التي قام عليها نظام حقوق الإنسان في العالم كما أن مواقف الدول التي فرضت العقوبات تتسم بالرياء لأنها تستخدم حقوق الإنسان كواجهة للتدخل في شؤون الدول الأخرى وفرض سيطرتها عليها وإلا فكيف يكون انتهاك حقوق الإنسان في سورية دعما للشعب السوري. وقالت الخارجية وفقاً لوكالة الأنباء "سانا": "إن الشعب السوري وقع ضحية المجموعات الإرهابية المسلحة مرتين.. مرة من خلال عمليات القتل المباشرة ومرة من خلال العقوبات التي تفرضها الدول التي تمول وتدعم وتؤوي هذه المجموعات".

والله عين العقل . الحق ما فيه منيه .
ياترى بيتجاوبوا ؟

[عابر مجيب]

اقتباس: المشاركة الأصلية كتبت بواسطة amh_sy    مدام المركزي عميتحكم بسعر التدخل رح يضل السعر هيك بس المركزي كتير خسران والأيام الجاي رح تثبت

قلو خود تصريحات متل رصاص
قلو وهي جناب متل النحاس

[shereen]

اقتباس: المشاركة الأصلية كتبت بواسطة عابر مجيب    لا تخوفينا ! لبنان استوى من المشاكل بالزمانات ومابقى يعيدها . بس ممكن يكون في خطر خطف للإماراتيين بشكل فردي . يعني صار الحرامي بيخطف وبيشلح وبيسرق وبس ينمسك بيقول أنا بكره حمد ، وإذا ما انمسك بيصرفهون على ملذاته الشخصية . طبعا كراهية حمد بتغفر كتير . وبتلاقي مين يتشددلو وإذا ما مشي الحال بيقول افتكرتو بحريني . هلأ الجد عم ينخطف ناس ويتحضروا ليدلو باعترافات big grin

مساء الخير اخي عابر
صارو امارات وقطر والكويت يعني بدك تقول الخليج كلو ولمعلومك لبنان عايش عسياحة بس يبدو في شي مصيبة جاية عالطريق للبنان مشان هيك سحبو دول الخليج رعاياهم غير الخطف واللذي منو

[Eng. Hassan]

سعر غرام الذهب عيار 21 قيراط 3075 ليرة بارتفاع50 ليرة عن يوم أمس
سعر غرام الذهب عيار 18 قيراط 2636 ليرة
سعر غرام الفضة الخام المحلي 65 ليرة
سعرالليرة الانكليزية عيار 22 ب26100 ليرة
سعرالليرة الانكليزية عيار 21 ب25000 ليرة
سعر الليرة الرشادية ب23400 ليرة

[shereen]

اليوم مافي غير 44 مشاركة غريبة يمكن اقل يوم انا بظن الناس ملت من قصة الدولار و المركزي هللق بس انا بظن هي لعبة عض اللي بيصرخ اول بيكون خسران المركزي بكرة او بعد شهر او حين من الدهر بدو يفرط الدولار و لح نشوفو 100 واكتر بس بدها طولة بال واللي بيخضع لتاثير المركزي وبيبيع هوة الخسران او شو رايكم؟

[Eng. Hassan]

أسعار العملات مقابل الليرة السورية 19/5/2012:

الدولار شراء 68.75 مبيع 68.90
اليورو شراء 86.35 مبيع 87.21
جنيه استرليني شراء 107.75 مبيع 108.83
ريال سعودي شراء 18.10 مبيع 18.28
درهم إماراتي شراء 18.49 مبيع 18.67
دينار كويتي شراء 242.75 مبيع 245.18
جنيه مصري شراء 10.88 مبيع 10.99

[shereen]

اقتباس: المشاركة الأصلية كتبت بواسطة عابر مجيب    قلو خود تصريحات متل رصاص قلو وهي جناب متل النحاس

قصدك قللو سماع وسطح

[expert]

والله ياجماعة دول الخليج عرفوا شلون يمسكوا لبنان من ايدو يللي بتوجعو
وللا شو رايكم؟

[عابر مجيب]

اقتباس: المشاركة الأصلية كتبت بواسطة shereen    اليوم مافي غير 44 مشاركة غريبة يمكن اقل يوم انا بظن الناس ملت من قصة الدولار المركزي هللق الكل بس انا بظن لعبة عض اللي بيصرخ اول بيكون خسران المركزي بكرة او بعد شهر او حين من الدهر بدو يفرط والدولار لح نشوفو 100 واكتر بس بدها طولة بال واللي بيخضع لتاثير المركزي وبيبيع هوة الخسران او شو رايكم؟

البورصات اليوم مقفلة وبكرا كمان ، تسارع الأحداث محليا والسعر الثابت للدولار على الرغم من ارتفاعه الملفت عالميا أعطى قلقا بدل الاستقرار والثقة ، فالكل مترقبين للإثنين .
لبنان زوبعة في فنجان والغلبة ستكون حاسمة
صحيا لا داعي للقلق
من الناحية المادية ستشهدي ارباح في نهاية تموز
ههههههههههههههه.