صالة أسعار صرف الدولار وباقي العملات ليوم السبت 20-7-2013

[باسل غ]

اقتباس: المشاركة الأصلية كتبت بواسطة alternative    شو يعني عم تستني الوحي حتى ينزل ولا شو نستنى لبكرة اذا صار شي بتطلعي عالساحة واذا ما صار شي بتختفي يلا بقى حاجة سسبنس

يا اخوان خففو شوي كلي شي بالوراء بيطلع اجمل

عطوا شويه وقت وين بدها تحكي وين بدها تعبر بحريه وين بدها ما عبتنزل مشاركتها

وين بدها ما عبتقدر تتواصل مع المنتدى

النقد شيء صحي بس على رواء مع مراعاة الظروف .....

[Jack Pot]

مساء الخير جميعاً

بالنسبة للمشاركات نو كومنت ، كلكون فيكون البركة بس حبيت مسي عالجميع و خاص ناص أخي مؤيد و أخي البروكر رامي و يعطيكون الف عافية

[جوليت]

اقتباس: المشاركة الأصلية كتبت بواسطة حلبية    عن جد ؟؟؟؟؟؟؟؟؟؟؟؟؟ frown11frown11frown11frown11frown11frown11frown11f rown11frown11frown11 مغلق حتى اشعار اخر !! هلأ لما صار بدي طالع جواز سفر ... التغى ! اليوم رحت اتصورت ... يلا الظاهر عالفاضي

عفوا حضرتك وين ساكنة يعني بحلب ... عفوا عالتطفل

[باسل غ]

اقتباس: المشاركة الأصلية كتبت بواسطة جوليت    الانسة شيرين المحترمة هادا الشهر بدك تسمحيلنا فيه , يعني اذا صارت الشجرة بتحب الفأس , واذا صارت الشمعة بتبطل دموع, واذا بردت الشمس , اذا صار الأرنب ملك الغابة .... عندا الدولار بيرتفع اواخر الشهر لانو اذا طلع الدولار في وظائف بالمناصب العليا الاقتصادية بدا تصير شاغرة, وبأكدلك ماحدا من الشباب حابب يترك منصبو , فروقي الله يخليكي منشان ماتقطعي بنصيبون

لا بلش طيرانها من اسبوعين واذا طار الدولار بعد هل الوقت بدها تطير ......

وبدها تنفتح بواب المحاسبه على مصراعيها

[حكم جركو]

يعني إذا بدنا نقيم خطوة المركزي الأخيرة نستطيع القول بتجرد أنه أدى العمل بأحترافية الهوامير وليس بمهارة التدخل المؤسساتي المعهود لدى الدول:
ولنلاحظ مجموعة الخطوات التي قام بها المركزي ومساعديه من الأدارات الأخرى نلحظ الآتي:
1- تم نشر إشاعة المليار دولار المزور المتداولة وكان القصد منها ردع البسطاء عن اللجوء الى الدولار.
2- ثم كان تسريبات التعويضات لمن حافظ على أمواله لدى المصارف بالليرة السورية وكان آخرها الـ40% الممنوحة كفائدة والهدف بأعتقادي منح الأمل للمودعين بأن التعويض قادم وبالتالي سيتمسكون بإيداعاتهم ولن يقوموا بسحبها وتحويلها للدولار وهو ما كان سيشكل عبء وضغط جديد على الليرة.
3- كان هناك حملة القبض على مجموعة كبيرة من الصرافين غير النظاميين.
4- بدء المركزي بالضخ لدى شركات الصرافة ووضع مندوبيه لديهم لضمان قيامهم بالبيع المباشر.
5- الأجراء الأخير وهو الأهم والذي حقق النتائج التي نراها كان بالإيحاء لشركات الصرافة بالأمتناع عن شراء الدولار وبيعه فقط وهنا كان أمام حالة الهلع التي أنتابت بعض المضاربين أو المدخرين من انخفاض الدولار وتقلص ارباحهم بعد أن تيقنوا من حتمية التدخل فقاموا باللجوء الى بيع مابحوزتهم من دولار وعرضوه أولاً على شركات الصرافة التي أمتنعت عن الشراء وهنا لم يكن لديهم مناص من اللجوء للسوق السوداء والتي أمام قلة عناصرها بعد حملة القبض على غالبيتهم وأمام خسائرهم ومعرفتهم بأن شركات الصرافة تمتنع عن الشراء كانوا يعرضون سعراً أقل من سعر التدخل الذي حدده المركزي وكان المركزي باليوم التالي يلاحق سعر السوق السوداء عارضا البيع مع أمتناع عن الشراء ويتهافت الناس للسوداء التي تعرض بفارق سلبي كبير عن المحدد بشركات الصرافة وهكذا تم أنخفاض السعر بهذا الشكل السريع.
ماأراه أن الأمور تمت بذكاء كبير وبدقة متناهية لدرجة أن المركزي بأعتقادي تفاجئ من النتائج حيث لم يكن يتوقع الهبوط الى مادون الـ200 ليرة وهو مافتح الشهية للتصريح عن الـ150 كرقم مستهدف...
النتيجة مايهم المواطن البسيط من كل هذا الأمر هو أن يصل الدولار لسعر ثابت يستطيع المركزي الدفاع عنه أي تثبيته وهو ماسيكون عليه سعر الصرف وهذا ماسيتبين لنا بالأيام القادمة...

[pop75]

افتتاح صالة يوم الاحد و ان شاء الله يوم خير على كل السوريين

[حلبية]

اقتباس: المشاركة الأصلية كتبت بواسطة جوليت    عفوا حضرتك وين ساكنة يعني بحلب ... عفوا عالتطفل

ايوا عزيزتي بحلب .. شارع تشرين ♥

[ahmad477]

السلام عليكم ---- اللاذقية مساءا 200\205 شراء 207\210مبيع
مع حالة ترقب لتدخل المركزي غدا

[عابر مجيب]

اقتباس: المشاركة الأصلية كتبت بواسطة oumar    و الله يا صديقي الكل عم يستنى بكرا ... و ممكن تكون لعبة صرافين ليكسبو بهل يومين .... و ممكن يكون المركزي يرفع السعر بيخوف العالم و بيرجع ينزلو .... و ان شاء الله بينزل و الله يفرج ع الجميع

يعني هالمضاربين واجعين راسهم وراسنا ، وعم يعرضوا حالهم للخطر بالظروف الأمنية من طرف وتفتيش الحواجز ، من زمان ما طلعت عن الموضوع ، بدني بيحكني إذا ما عملتا
معلش مرقولي هاي : في حواجز مشددة وعم يفتشوا الشناتي ( الحقائب بالفصحى ) نعم الشناتي النسائية ، بيتخيل الواحد خايفين من دبابيس الشعر ، مع ان التفجيرات اللي عم تصير بعبوات 500 كيلو وبسيارات سياحية ، لو الواحد حط فيها شنطة 40 كيلو بتخفس من الخلف وبترتفع من قدام وبيصير الدركسيون ( المقود ) يلعب متل المي بين ايادي السائق ، ما علينا .
بنرجع للحواجز المشددة والمدججة بالسلاح ، على اساس رابطين المنطقة ، بيكونوا تاركين ثغرة والناس بتمر منها من الخلف وبيتجاوزوا الحاجز ، بس ما متأكد إذا الكل او بس البعض ، بيعملو حركات بأصابعهم من وراء اللي قاعد ومتصنبع وعامل انا ربكم الأعلى .
بنرجع لموضوعنا ، خطورة بنقل المبالغ الكبيرة ، وخطورة بأن السوق مقيد ، والصرافين بيشموا على قفا ايدهم ، يعني بس يوصل أخونا الفالح وبيجتاز الصعاب ، بيردوا عليه وبوش أصفر ، مافي !
مع انو لو اكتفى بالتحوط والادخار أهون واريح وحفظ مالو وحياتو .
ونسيت كمان ان غلطة واحدة أو قرار بينطبخ بالليل بيقلب الموازين وبيحططو الخمير والفطير .
خلينا شي مرة نتفق لنشوف شو بيطلع مع المتلاعب إذا الكل أحجم عن التعامل ، رح تسفق ايدو لحالها ؟
اللي لازمو دولار للسفر ممكن يكتفوا فيه الصرافين ويخورفوه ، وإذا اتصل برقم الشكايات يا أما يركبولن خط متل تبع طوارئ الكهرباء ما بيرد ، يا بكل بساطة مسجلة : ما بنعرف دبر حالك .
هيك بنكون مسكنا العصاية من الوسط .

[silvar]

اقتباس: المشاركة الأصلية كتبت بواسطة حكم جركو    يعني إذا بدنا نقيم خطوة المركزي الأخيرة نستطيع القول بتجرد أنه أدى العمل بأحترافية الهوامير وليس بمهارة التدخل المؤسساتي المعهود لدى الدول: ولنلاحظ مجموعة الخطوات التي قام بها المركزي ومساعديه من الأدارات الأخرى نلحظ الآتي: 1- تم نشر إشاعة المليار دولار المزور المتداولة وكان القصد منها ردع البسطاء عن اللجوء الى الدولار. 2- ثم كان تسريبات التعويضات لمن حافظ على أمواله لدى المصارف بالليرة السورية وكان آخرها الـ40% الممنوحة كفائدة والهدف بأعتقادي منح الأمل للمودعين بأن التعويض قادم وبالتالي سيتمسكون بإيداعاتهم ولن يقوموا بسحبها وتحويلها للدولار وهو ما كان سيشكل عبء وضغط جديد على الليرة. 3- كان هناك حملة القبض على مجموعة كبيرة من الصرافين غير النظاميين. 4- بدء المركزي بالضخ لدى شركات الصرافة ووضع مندوبيه لديهم لضمان قيامهم بالبيع المباشر. 5- الأجراء الأخير وهو الأهم والذي حقق النتائج التي نراها كان بالإيحاء لشركات الصرافة بالأمتناع عن شراء الدولار وبيعه فقط وهنا كان أمام حالة الهلع التي أنتابت بعض المضاربين أو المدخرين من انخفاض الدولار وتقلص ارباحهم بعد أن تيقنوا من حتمية التدخل فقاموا باللجوء الى بيع مابحوزتهم من دولار وعرضوه أولاً على شركات الصرافة التي أمتنعت عن الشراء وهنا لم يكن لديهم مناص من اللجوء للسوق السوداء والتي أمام قلة عناصرها بعد حملة القبض على غالبيتهم وأمام خسائرهم ومعرفتهم بأن شركات الصرافة تمتنع عن الشراء كانوا يعرضون سعراً أقل من سعر التدخل الذي حدده المركزي وكان المركزي باليوم التالي يلاحق سعر السوق السوداء عارضا البيع مع أمتناع عن الشراء ويتهافت الناس للسوداء التي تعرض بفارق سلبي كبير عن المحدد بشركات الصرافة وهكذا تم أنخفاض السعر بهذا الشكل السريع. ماأراه أن الأمور تمت بذكاء كبير وبدقة متناهية لدرجة أن المركزي بأعتقادي تفاجئ من النتائج حيث لم يكن يتوقع الهبوط الى مادون الـ200 ليرة وهو مافتح الشهية للتصريح عن الـ150 كرقم مستهدف... النتيجة مايهم المواطن البسيط من كل هذا الأمر هو أن يصل الدولار لسعر ثابت يستطيع المركزي الدفاع عنه أي تثبيته وهو ماسيكون عليه سعر الصرف وهذا ماسيتبين لنا بالأيام القادمة...

100%