صالة أسعار صرف الدولار وباقي العملات ليوم الاثنين 22-7-2013

[little_man]

اقتباس: المشاركة الأصلية كتبت بواسطة mak    حكيك مظبوط و مو متناقض مع يللي التو.....اغلب اصحاب الأموال الكبار صارو برا ....طبعا بيقولو رأس المال جبان ......قلة ضللو هون ..او على الأصح خلو جزءمن شغلون هون ...اولا على امل انو ترجع الأمور و ساعتها هنن بيكونو بالسوق و شغالين و بيستلموه ....و ثانيا لغياب المنافسة و امكانية التحكم بالطرف الضعيف يللي هو المستهلك.....و بالتالي ارباح ضخمة على قدر المخاطرة بتجارتهم و رأس مالهم....يعني فرصة لن تتكرر بالنسبة للبعض......حول انهيار العملة و الاقتصاد وانها نهاية العالم فذلك غير صحيح ...هناك امثلة كألمانيا انهارت عملتها و اقتصادها و تقسمت ....بس الآن عادت اقوى اقتصاد باوربا ....و هناك دول عديدة انهارت اقتصاديا و رجعت عمرت ...بس بدها ناس تشتغل من قلبها على بلدها و بس

أخي العزيز mak,

انا رديت عليك اول مرة بس لوضح موضوع واحد,

انو اللي عبيستثمر و بتضل اموالو بهالبلد معناتا هو مو متوقع الانهيار و المئصود هو انا و انت و بائي الاعضاء و خاصة شيرين صاحبة النظرية تبع الانهيار.

اي واحد من اصحاب المال لو كان شايف فيه انهيار ئريب, ببساطة كان بيروح, بس ما حدا شايف انهيار.
و التجار اللي بعرفون بطرطوس و باللادئية و بحلب و اللي هني راس مالهون كبير بما فيه الكفاية ليخافو من الانهيار بعدون هون و شغالين.


بترجاك, بلاها السياسة خلينا بالليرة و الدولار.

[kloush]

اقتباس: المشاركة الأصلية كتبت بواسطة tarek    الذهب يكسر المقاومه الأولى عند 1325 ويتجه لكسر المقاومه الثانيه عند ال1340

الذهب الى نزول حاد أبتداء من
الان 1333 و افتتاح غدا

[عابر مجيب]

اقتباس: المشاركة الأصلية كتبت بواسطة شاري بالعالي ):    الأخوة المحترمون صباح الخير أنا اشتريت عالعالي يعني بحدود 265 , واكلتها بالمشرمحي بدي نصيحة من الخبراء : عم فكر بيع هلق واشتري عالواطي لأنو المركزي شكلو جدي هالمرة بتنزيل السعر ل 150 على الأقل ناطر ردودكم وشكرا

أكلتها وخلصت ، ولسا ما تربيت ؟
خلص قعود عاقل
رح تبيع برخيص وتحقق خسارة أكيدة
وبدك تنتظر لينزل السعر مرة تانية ، ليينزل عن هامش الفرق بين البيع والشراء
وبس بدك تشتري ، رح توقف متل الشحاد ، وبعدين يا بيعطوك 500 أو 200
وبدك كذا يوم لتجمعهم
ما بنعرف أديش المبلغ ولا شو الهدف
هاي نصيحة إذا مدخر
إذا قصدك المضاربة خبرني منشان دلك غلط وخليك تخسر لأني بشوف المضاربة غلط
شو يعني مضاربة ؟
يعني بتستنا شي غشيم يبيع ، وبتتحول خسارتو مربح إلك
أنت ما خسرت غير طولة البال ، ما خسرت ، عندك فوات ربح بس ، ومصاريك حافظين قيمتهم نام عليهم وشوف منامات حلوة

[little_man]

أخي باسل الغالي,

"هذه المرة كانت الرهانات على اقتراب موعد تخفيف الدعم الاقتصادي الاميركي وبالتالي وقفه."

اذا صار الوقف للدعم!! هاد بيرشح صعود ام هبوط الذهب؟؟


مشكور سلفاَ

[عابر مجيب]

اقتباس: المشاركة الأصلية كتبت بواسطة سنان حطيني    أوضحت مصادر مصرفية مطلعة، أن الاجتماع الثاني لمديري المصارف العامة والخاصة مع حاكم "مصرف سورية المركزي" ينعقد ظهر اليوم، بعدما طلب المركزي من جميع المصارف موافاته بأرصدة الحسابات الجارية والودائع والتوفير موقوفة بتاريخ 30 حزيران 2013 وفقط بالليرة السورية.

عندي نظرية معتمدها بحياتي :
المصاري اللي معك وحدا بيعرف فيون هدول مو إلك
هدول لفك ازمات اللي بيعرف عنهم
وما حدا بيشفق عليك، ببرر لحالو وبيقول معو بيلقى
اتنين مرتاحين :
اللي ما معو
واللي كاسر ايدو وعم يشحد عليها وعلى قولة الله يعفي عنا (سلال )

[عابر مجيب]

اقتباس: المشاركة الأصلية كتبت بواسطة مرهف83    سؤال : من الناحية التحليلية فقط وبعيدا عن التشابك الحاصل من الأمور السياسية والعسكرية والاقتصادية ماالذي يجعل السوق يرتد صعودا؟

ما بنعرف
انت بقا قلنا شو اللي بدو يحافظ على النزول

[الليرة السورية]

اقتباس: المشاركة الأصلية كتبت بواسطة عابر مجيب    أكلتها وخلصت ، ولسا ما تربيت ؟ خلص قعود عاقل رح تبيع برخيص وتحقق خسارة أكيدة وبدك تنتظر لينزل السعر مرة تانية ، ليينزل عن هامش الفرق بين البيع والشراء وبس بدك تشتري ، رح توقف متل الشحاد ، وبعدين يا بيعطوك 500 أو 200 وبدك كذا يوم لتجمعهم ما بنعرف أديش المبلغ ولا شو الهدف هاي نصيحة إذا مدخر إذا قصدك المضاربة خبرني منشان دلك غلط وخليك تخسر لأني بشوف المضاربة غلط شو يعني مضاربة ؟ يعني بتستنا شي غشيم يبيع ، وبتتحول خسارتو مربح إلك أنت ما خسرت غير طولة البال ، ما خسرت ، عندك فوات ربح بس ، ومصاريك حافظين قيمتهم نام عليهم وشوف منامات حلوة

صديقي من مشاركة صاحبنا و ردك عليه بيبين الآتي

العالم يلي عم تشتري دولار حاليا ما بتعرف شو يعني ادخار

شافو فروق السعر و كلام الناس عن الدخول و الخروج و جني الارباح
فاتو بدويخة ما بيعرفو كيف يطلعو منها
لهيك المفروض الكلام عن مضاربة و ادخار يكون فيه مسؤولية اكتر من قبل البعض
او المشرفين بالافتتاحية يشرحو الفرق بين التنين

في ناس شافو لمعة المرابح الكبيرة و سمعو نصائح البعض " اشتري اليوم قبل ما تندم بكرة " و اشترو بالغالي
و رجعو سمعو كلام البعض " بيع اليوم قبل ما تبيع بالرخيص بكرة " و باعو بالرخيص

و هدول يلي على طول بقول عنهم " الشعب الفقير "

يلي مفكر انو بدو يقبر الفقر
و من هون بتجي المسؤولية الاخلاقية للمنتدى
و يلي المفروض اتجاهها العام يكون " لتوعية المواطن العادي " و ليس شؤون المضاربين الحريفة


تحياتي للجميع اولتن الاستاذ عابر " الي زمان ما اتناكشت انا و ياك "

[باسل غ]

اقتباس: المشاركة الأصلية كتبت بواسطة little_man    أخي باسل الغالي, "هذه المرة كانت الرهانات على اقتراب موعد تخفيف الدعم الاقتصادي الاميركي وبالتالي وقفه." اذا صار الوقف للدعم!! هاد بيرشح صعود ام هبوط الذهب؟؟ مشكور سلفاَ

اخي الكريم كل تصريحات ابو الشوارب الفدرالي بتقول بالوقت الحالي

ما فينا نوقف التيسير الكمي بس من التصريحات بنشوف انو باول 2014 رح يتخفف

وتخفيض التصنيف الائتماني ( ايطاليا فرنسا )

وفوز الائتلاف الحاكم بقيادة رئيس الوزراء الياباني شينزو آبي

كل هيدي الاحداث اعطيت دفع للذهب وانتكاسه للدولار عالميا

ومجرد اعطاء اي اشاره لتقليص التيسير الكمي او اقافه ينعكس سلبيا على الذهب

واعطاء دعم قوي للدولار

الذهب والدولار عالميا علااقه تناسب عكسي

[احمد م حسن]

شو السعر المناسب لشراء اليورو
مع الشكر مقدما

[abu mhd]

اقتباس: المشاركة الأصلية كتبت بواسطة zaher66    مساء الخير هل احد يعرف اذ كان من الممكن الذهاب من دمشق الى اللاذقية والعودة اي طريق يسلك وهل الطريق مؤمن وهل يستطيع الذهاب بسيارة فاخرة ام لا وشكرا للجميع

نعم امن باذن الله

بدك تطلع عن طرق المتحلق الشمالي الى ما بعد عدرا و العودة كذلك صحيح اطول قليلا ولكن باذن الله احسن

موضوع سيارة فاخرة غير محمود