صالون سيرياستوكس للعطلات للايام(4-5-6-7)نيسان2013

[Hany Basha]

اقتباس: المشاركة الأصلية كتبت بواسطة غسان    على الاقل حاولت الاجابة وعملت جهدك وهي نقطة ايجابية..,., الالم النفسي موجود ولكن يقابله الصبر والرضا والتسليم بقضاء الله وقدره المشكلة معقدة ,,,,, وتكمن العقدة في طول المدة .... فمشاعر اليأس والتفاؤل تزيد وتنقص بحسب الحال لكن طول المعاناة يقوي المشاعر السلبية ويزيدها قوة ... الحل بالايمان والتسليم مع الرفض واستنكار مايجري وعدم قبول الظلم مهما كان ..,.,, طبعا الكلام سهل ولكن التنفيذ صعب ..,,, الشعور بالاسى تجاه معاناة الاخرين ايضا يدمي القلب ويسليه عن اوجاعه الذاتية والامل بالتفريج عن الشعب الذي عانى ويعاني الكثير اجددانا قالو :::يلي بيشوف مصيبة غيرو بتهون عليه مصيبتو ::: ويمكن يستحي يسميها مصيبة اذا اراد ان يقارنها مع الاهوال التي نراها.... لذلك التفاؤل ......التفاؤل بالغد الافضل ..... ....... ...... بالنسبة للضياع .,,.,, يمكن البدء بتحديد الهدف اولا والاولوية بالنسبة لك والعمل على اساسها تحديد الايجابيات والسلبيات البحث عن الخيار الاقل سلبية والاكثر ايجابية الاستخارة وانشراح الصدر احد العوامل ... يبقى الكلام نظريا حتى الاقتناع بفكرة وحل حتى الوصول للافضل .... المهم التفكير والعمل على تطبيق الفكرة .... الصعاب والمعوقات موجودة وهي جزء من الصورة ولابد من الانتباه لوضعهم في مكان مميز من اللوحة حتى لاتخيب الامال سريعا واخيرا الحمد لله ...الحمد لله.....الحمد لله

الحمد لله الحمد لله الحمد لله
شكراً أخي غسان

[Hany Basha]

اقتباس: المشاركة الأصلية كتبت بواسطة broker    أولاً :: تحية خاصة مخصصة لأخي فراس "ابو عمر" طمنا عنك - ثانياً: بقرأ بالصالون لكن بدون تركيز الله لا يمرركن بهي الحالة ويمكن عندي زايدة لانو انا بدون شي وقت كون عم فكر فتركيزي بكون ضعيف بغير أمور ( لهيك بمر عالمشاركات مرور الكرام ) . - ثالثاً: في أشخاص بتتعرف عليها بتقوم بتعرف حالك اذا رح تكمل معها او ما عجبتك لكن غالبية الناس بيكتشفو هالشي بعد عدة لقاءات ويلي عندو خبرة بيكتشف من اللقاء الأول بس انا ضامن ومتأكد لاني مجربها انو في ناس بتعرفها بدون ما تشوفها أصلاً ولو كانت بشخصيتها الافتراضية ولا بتعرف شكلها ولا سامع صوتها لكن بكون التأكيد بأنك رح تلاقي هالاشخاص متل مو متوقع بعقلك .. ومن ضمن هالأشخاص يلي ما تعرفت عليهن شخصياً لكن ينطبق عليهم الوصف حسب ترتيب التسجيل: - القبطان محمد - نجم - tomabita عبد الله - هاني باشا hany bash وطبعا مر معنا كتيير شخصيات لكن غيابهن أثر شوي بالذاكرة

أستاذ أبو حازم فرج الله كربتك
صدقني بمجرد شوف أي مشاركة من حضرتك بحس بخجل , ومو أي خجل , خجل من مرتبة عالية لأني ما حسنت سوي شي ملموس وهادا أقل الواجب
بس لما أدعيلك والله بدعيلك من قلب صافي لأنو
دعوة المسلم لأخيه المسلم في ظهر الغيب مستجابة
بالمناسبة: في كتير أشخاص بالمنتدى لما خاطبهم بحس حالي إني عم أحكي مع أصحابي وكأني بعرفهم علماً ما حصلي الشرف بمعرفة أي منكم وللأسف
بإنتظار أي فرصة للتشرف بمعرفتكم

[Hany Basha]

اقتباس: المشاركة الأصلية كتبت بواسطة tareq    والله يا مدام رندة من شهر لليوم وانا عم احسد يلي عم يروحوا لاتهون ما عادوا يشوفوا هوان اكتر. معقول وصلنا لمرحلة صرنا نحسد فيها الموتى. منطقة سكنية بحتة أغلب سكانها من الطبقة المتوسطة يلي نزلت بجدارة للفقيرة شو ذنبهون

السلام عليكم
سيدي طارق أبو زياد
بعد التحية بدي قلك:
أنا عنجد كل ماشوف ورقة نعوة معلقة على الحيط بقول ومن قلب مجروح " نيالو "

[Hany Basha]

اقتباس: المشاركة الأصلية كتبت بواسطة sana    بعـض الناس .. نحسبهم أشخاص .. و هم فـي الأصـل .... مجرد فـــراغ ...!! ركّز في هذه الصورة .....

جميلة ورائعة
إنشاء الله نكون من الأشخاص أصحاب الخير والعمل الصالح

[Hany Basha]

اقتباس: المشاركة الأصلية كتبت بواسطة فراس السكري    اهلا بروكرنا العزيز الحمد الله ان لسا في بالواحد تفكير فمنذ يومين ذهب ابن اخي مع ابيه ليحضر ربطة خبز من خارج المخيم واذا به بين يدين ابيه ميت برصاص قناص غادر تصور بين يدي ابيه فاتى به حامله كالمجنون هل اصبحت ربطة الخبز تعادل الروح هو طالب سنة ثانية جامعية ويدرس في حمص واتى ليرى والديه ولكي يفرحهم بربطة خبز جاءت منيته واحزنهم بفقدانه فالرحمة للجميع والرحمة لك يابن اخي

أعظم الله أجركم ورحم فقيدكم وأدخله الجنة وعوضكم ثواب الصبر والسلوان

[najm]

اقتباس: المشاركة الأصلية كتبت بواسطة Sana    هههه لا طبعا ما بصدق ... الجوعان ابدا مو متل الشبعان و اكيد اكيد تلبية حاجات الجسد مهمة و ضرورية جدا ... بس وين المشكلة ؟؟ لما نلبي حاجات جسدنا ... و ننسى روحنا ...! او لما نخلظ المفاهيم .... و نعتقد انو نحنا إذا أكلنا و شربنا و نمنا " و بس " ... رح نحس بالارتياح و الانشراح و السعادة ....! و بنتفاجئ ببعض الاحيان أنو نحنا عم ناكل و نشرب و ننام تمام التمام ... و رغم هيك مانا مرتاحين ... و حاسين بـ ضيق فظيع ... و السبب هون ... انو روحنا بـ حاجة للغذاء ..... و باعتقادي انو العلاقة ما بين الجسد و الروح هي علاقة مترابطة و تبادلية .... بقدر ما بتكون اجسادنا سليمة ... بقدر ما نكون قادرين نتفرغ لتغذية ارواحنا ... و بقدر ما بتكون ارواحنا مرتاحة ... بقدر ما بينعكس هاد الشي على صحتنا الجسدية .... غالبا الشخص المهموم و الحزين .... بيحس بـ وهن و تعب جسدي دائم ... على الرغم من انو بيكون مانو مقصر بـ تلبية حاجات جسدو على الاطلاق ....! كل الشكر لـ مداخلتك المميزة ... و كل الاحترام لرأيك طبعا ... بالمناسبة اسمي " سنا " ^_^

مين سنا
وليش اخدتيلي لون خطي



بس مو مشكلة على حسابك اهلا وسهلا

[Hany Basha]

سؤال إذا بتريدو
ماهي الطريقة لإدراج صورة في المشاركة لتكون صورة ظاهرة في صلب المشاركة وليست على أسفل يسار المشاركة
والمقصود متل مشاركة الأخت sana
وشكراً

[najm]

اقتباس: المشاركة الأصلية كتبت بواسطة Hany Basha    أستاذي العزيز من الصبح؟؟؟ الله يهدي سرك

روء وطول بالك عند هالمسى وهي صورة صباحية من كمرتي



بس شوف شلون المقهى فاضي مع العلم الطقس بطير العقل يا باشا ماتم مكان للفرح . بس بدها صبر

[najm]

وَلَنَبْلُوَنَّكُمْ حَتَّى نَعْلَمَ الْمُجَاهِدِينَ مِنْكُمْ وَالصَّابِرِينَ

صدق الله العظيم

[najm]

اقتباس: المشاركة الأصلية كتبت بواسطة hany basha    سؤال إذا بتريدو ماهي الطريقة لإدراج صورة في المشاركة لتكون صورة ظاهرة في صلب المشاركة وليست على أسفل يسار المشاركة والمقصود متل مشاركة الأخت sana وشكراً

اضغط على مربع ادراج صورة ثم ألصق الرابط .