سعر صرف الدولار والذهب مقابل الليرة السورية ليوم الاربعاء 15/10/2014

[hasobman]

شي بيحط العقل بالكف
سعر المركزي مركب خامس
وسعر السوق السودا مركب انرييه
شنون هيك ما عم تخرط مشطي
اقتصاد عجيب غريب
الله وكيلكون كل شي درسناه بالجامعة عالاقتصاد طلع حقو فرنكين مصديات
شي بيخيل

[ghasangsb]

ههههههههههههههههههههههههههه

شر البلية مايضحك...............

[خالد خالد]

الي درسنا بالجامعه مزبوط بس عندنا في وضع معين وكلو الو حساباتو

[shereen]

اقتباس: المشاركة الأصلية كتبت بواسطة hasobman    شي بيحط العقل بالكف سعر المركزي مركب خامس وسعر السوق السودا مركب انرييه شنون هيك ما عم تخرط مشطي اقتصاد عجيب غريب الله وكيلكون كل شي درسناه بالجامعة عالاقتصاد طلع حقو فرنكين مصديات شي بيخيل

اخي لاتستغرب واذا بدك النفط عالميا نازل بقوة وعنا رفعو سعرو ووزير النفط وعد اذا بينزل الدولار (قصدو تحت ال 100)لح ينزل السعر ولاتستغرب الارتفاع الهستيري المطلق لاسعار السيارات من مبارح لليوم مرتفعة 10 بالمية السوناتا 2011 كان حقها على دولار 225 مليونين ونص اليوم حقها 4مليون و100 وبكرة بتصير 4 ونص على رغم من رفع سعر البنزين والناس عم تشتري اي هبوط لسعر الدولار عم يخرب بيوت العالم وعم يرفع اسعار المواد عندك شاي كرزة على دولار 300 كان ب 575 واليوم سعرو 725 بس شعب مرتب وعارف يفكر صح

[hasobman]

اقتباس: المشاركة الأصلية كتبت بواسطة shereen    اخي لاتستغرب واذا بدك النفط عالميا نازل بقوة وعنا رفعو سعرو ووزير النفط وعد اذا بينزل الدولار (قصدو تحت ال 100)لح ينزل السعر ولاتستغرب الارتفاع الهستيري المطلق لاسعار السيارات من مبارح لليوم مرتفعة 10 بالمية السوناتا 2011 كان حقها على دولار 225 مليونين ونص اليوم حقها 4مليون و100 وبكرة بتصير 4 ونص على رغم من رفع سعر البنزين والناس عم تشتري اي هبوط لسعر الدولار عم يخرب بيوت العالم وعم يرفع اسعار المواد عندك شاي كرزة على دولار 300 كان ب 575 واليوم سعرو 725 بس شعب مرتب وعارف يفكر صح

من فترة منيحة نوينا نشتري سيارة
اقلو لوالدي في واحد عاقل بيشتري سيارة بزمن الحرب
المهم اقتنع مني وبطلنا نشتري سيارة
كان الدولار ب 250 والسيارة يمكن شي 600
اليوم والدي عم يقلي لو مشتريين السيارة كان كسبناها
قلتلو كان كسبناها على جنبين
اول شي كان الدولار عالي وتاني شي السيارة رخيصة
اليوم ما منقدر نشتري السيارة لانو ما شاء الله السيارة بالنار والدولار بالارض
انا الي بستغربو انو كل شي بالنار الا الدولار بالارض
يعني كانو سعر الصرف مقابل الدولار هو اهم نقطة اقتصادية وهي الي بدها تخرب البلد
طيب جينا معكون الله يلعن ابو الدولار على ابو امريكا على ابو فرانكلين الاولاني
نزلونا شوي اسعار المواد الاساسية واهم شي الغاز والمازوت
والله اذا نزلو هالمادتين رح تفرق كتير مع المعترين الي متلنا
هي برايي الشخصي اهم من تنزيلة الدولار لل 25
كلو غالي والدولار بعدك واطي
ما اختلفنا خليك واطي بس وطيلنا معك جشع هالتجار شوي
والله اكلونا بلا ملح وشربو ورانا كولا كممان
لكان الزيت صار ب 4200 والدولار نزل قريب ال 10 ليرات لحد الان
لا حول ولا قوة الا بالله
الله يكون بالعون احسن شي
صرنا احياء اموات

[Trader]

حدا عندو علم قديش سعر بيع مكاتب الصرافة اليوم وقديش عم ببيعو وهل في دور كبير ولا الامور سلسة

[عابر مجيب]

تحديد قيمة الليرة يعتمد على خطة سياسيه أكثر منها اقتصادية
لا يستطيع أحد امتداح أو انتقاد الخطة طالما أنه لا يعرف ما وراء الكواليس ، وقد يكون في التحليل والتوقع اضرار في سرية الأهداف .
أرجو أن تكون النتائج بحسب ما هو مخطط لها إن كان خيرا . ومن يريد السلامة عليه الابتعاد عن المضاربة مالم يكن على صلة بمواقع صنع القرار .
مخاطر المضاربة لا تضر بممارسها وحيدا وإنما تطال الجميع .
بكل الأحوال ما زلت أجد في المضاربة عملا غير محبذ إذ يأكل فيها القوي الضعيف .

[عابر مجيب]

اقتباس: المشاركة الأصلية كتبت بواسطة trader    حدا عندو علم قديش سعر بيع مكاتب الصرافة اليوم وقديش عم ببيعو وهل في دور كبير ولا الامور سلسة

اسعار المبيع والشراء 182 و 184 ، ثم يظهر بعد قليل سعر ثالث اسمه سعر التدخل 186
مافهمت شي ولقيت المكاتب فارغة تماما إلا من أصحابها وموظفيها ، أردت السؤال ، ولكنني وجدت أن أي سؤال سيقابل بالاستصغار ، ففضلت احترام نفسي .

[hasobman]

اقتباس: المشاركة الأصلية كتبت بواسطة عابر مجيب    تحديد قيمة الليرة يعتمد على خطة سياسيه أكثر منها اقتصادية لا يستطيع أحد امتداح أو انتقاد الخطة طالما أنه لا يعرف ما وراء الكواليس ، وقد يكون في التحليل والتوقع اضرار في سرية الأهداف . أرجو أن تكون النتائج بحسب ما هو مخطط لها إن كان خيرا . ومن يريد السلامة عليه الابتعاد عن المضاربة مالم يكن على صلة بمواقع صنع القرار . مخاطر المضاربة لا تضر بممارسها وحيدا وإنما تطال الجميع . بكل الأحوال ما زلت أجد في المضاربة عملا غير محبذ إذ يأكل فيها القوي الضعيف .

هو دولار المضاربة مو جاي من دولار شركات الصرافة التي تبيع للمواطن
مو عمرو المواطن ما يشتري دولار
اصلا كلو هالبيع عم يصير غالبا للمضاربين
انا لو محل المركزي بدعم الاستيراد
وبوقف بيع المواطن نهائيا وبشكل قاطع
والي بدو دولار يصطفل يروح يجيب من عند اوباما
اصلا ما خرب الدنيا الا بيع المواطن دولار وصار الي بيفهم والي ما بيفهم بدو دولار
وبس طلع الدولار بيخاف المسكين وبيروح بيشتري دولار
وبس نزل الدولار بيخاف وبيروح ببيع دولاراتو
هدول عينة ملموسة من الواقع المحيط حواليي واكيد نسبتون كبيرة
لو ضالين متل ما كانو يشتغلو احسلون
المهم وبلا طول سيرة
دولار التدخل والبيع للمواطن هنن دولارات المضاربة الي عم تصير بامتياز
وطالما هنن عم يقولو انو المضاربة هيي الي خربت الليرة
خلص لا تبيعو المواطن العادي ولا دولار
انتو ادعمولنا الاستيراد والغاز والمازوت وانا بضمنلكون اقتصاد ماكن متل الحديد
و اذا صار هالشي انا بتوقع انو ما حدا رح يفكر يشتري دولار او يحويه اصلا

[hasobman]

وفي شوية تفاصيل بتدخل بموضوع الشراء والدولار كتيرة بس من باب الامثلة
الي الو حدا عم يدرس برا البلد مثلا والي بدو للمشفى برا البلد والي والي
يعني شغلة عويصة ومعقدة
بس بالاصل الي خلا العالم تشتري دولار القفزات القوية للدولار
وهي اهم نقطة خلت العالم تشتري دولار
وعقولة خيي عابر الثبات نبات
وازيد عليه وبقول الطلعة الهادئة الخفيفة المنتظمة شراب (ما لقيت كلمة تناسب نبات غير هي)
لذلك تقلب السوق لصرف الليرة عم يفيد ناس ويخرب بيوت كتير ناس
وبالاخر قد ما حللت ووخططت وجكجكت ابر بالاخر المريض بدو يموت والصاغ بدو يموت