سعر صرف الدولار والذهب مقابل الليرة السورية اليوم الثلاثاء 20 -05- 2014

[hasobman]

اسعار بعض المواد بالسوق
طبعا الاسعار هي قبل رمضان لان بالعادة برمضان بترتفع الاسعار شوي
علبة حلاوة 4 كيلو ممتازة 2200
علبة حلاوة وسط 1900
طون 185/160
سردين 90
شاي 1100 للكيلو
سكر 120 للكيلو
برغل 110
رز 125/150/175
عدس 160
عدس مجروش 175
فاصوليا بيضا 400
بندورة 60 وبالجملة 45
خيار 100
بازلاء 110 بالجملة
بازلاء مفروطة 300
ورق عنب 200 وبالجملة 175
توت ابيض 100
دراق حبة صغيرة وقاسي شوي 250
موز صغار 250
موز كبار 325
خوخ 200
تفاح 250
بوظة عادية 350
بوظة مع رشة خفيفة فستق حلبي 500
اما بالنسبة لكل شي مشتقات حليب ارتفع سعرها وصارت
سمنة عربية 1150
زبدة عربية 900
جبن عربي 425/500
لبن عربي 140
اما المفاجئة الكبرى بالاسعار لهالشهر
ارتفاع قلاب الرمل الى 37000 بعد الرفعة الاخيرة والي كان عندها السعر 17000
يعني ارتفع قلاب الرمل 20000 ل س دفعة وحدة اني كنت اعرف شو السبب ما قدرت
بقى بالمشرمحي بكرة عند اعادة الاعمار يا ترى اديش بدو يصير حق قلاب الرمل ؟؟؟؟؟؟؟؟؟؟؟؟!!!!!!!!!!

[ahmad z]

[COLOR="Blue"][SIZE="5"][B][QUOTE=ahmad z;343327]

اقتباس: المشاركة الأصلية كتبت بواسطة hasobman    تكرم اخي احمد بتذكر من شي عشر سنوات خالي روح من السعودية وسالتو عالاسعار قاللي بتذكر لليوم ارخص من هون والراتب اعلى من هون الفروجة بتذكر قالي سعرها 12 ريال علما انو راتبو كان 4000 ريال هي على سبيل المثال طبعا دائما اذا بدنا نقيس الاسعار ونسبة تضخمها منقيس سعر السلعة بالنسبة للدخل يعني راتب 4000 ريال حق الفروجة 12 ريال راتب السوري اليوم معدل وسطي 20000 ل س وحق الفروجة شي 900 ل س وعليك الحساب بالخلاصة وبدون ما اروح لا على نيو دلهي ولا على طوكيو ولا على كوالا لمبور اغلى من عنا ما في وما بتوقع في نسبة للدخل فاتورة التلفون زادت رسوم تركيب واشتراك عليها وصارت 200 ل س ميزة كاشف 50 رسوم مختلفة مع ضريبة مالية بيطلعو شي 150 يعني الفاتورة اذا ما حكيت ولا كلمة بتطلع 400 ل س بقا وين عم تقولولي رخيصة ما بعرف فاتورة هاتف وفاتورة كهربا وفاتورة مي ورصيد للموبايل واجور مواصلات بيطلع الراتب خالص بقا بالفعل ارخص من هيك ما في وحاج اذا بدي ضل احكي بضل لبكرة اثبت انو نحنا عايشين برحمة الله واذا حسبتا بالورقة والقلم ما بتزبط منوب منوب وحسبي الله ونعم الوكيل

بدك تطول بالك شوي

نحنا متفقين بالمضمون , الاسعار عنا رخيصة بالدولار , وغالية بالنسبة لدخل الفرد

------------- صح

الدراسات لحتى تكون صحيحة لازم ياخدو مستوى الغلاء مع مستوى دخل الفرد


بالنسبة للرياض يلي ضربت المثال عليها , احتلت المركز العاشر كارخص مدينة ( مركز جيد جدا )
بالرغم من مستوى دخل الفرد المرتفع

[mite mite]

اقتباس: المشاركة الأصلية كتبت بواسطة hasobman    تكرم اخي احمد بتذكر من شي عشر سنوات خالي روح من السعودية وسالتو عالاسعار قاللي بتذكر لليوم ارخص من هون والراتب اعلى من هون الفروجة بتذكر قالي سعرها 12 ريال علما انو راتبو كان 4000 ريال هي على سبيل المثال طبعا دائما اذا بدنا نقيس الاسعار ونسبة تضخمها منقيس سعر السلعة بالنسبة للدخل يعني راتب 4000 ريال حق الفروجة 12 ريال راتب السوري اليوم معدل وسطي 20000 ل س وحق الفروجة شي 900 ل س وعليك الحساب بالخلاصة وبدون ما اروح لا على نيو دلهي ولا على طوكيو ولا على كوالا لمبور اغلى من عنا ما في وما بتوقع في نسبة للدخل فاتورة التلفون زادت رسوم تركيب واشتراك عليها وصارت 200 ل س ميزة كاشف 50 رسوم مختلفة مع ضريبة مالية بيطلعو شي 150 يعني الفاتورة اذا ما حكيت ولا كلمة بتطلع 400 ل س بقا وين عم تقولولي رخيصة ما بعرف فاتورة هاتف وفاتورة كهربا وفاتورة مي ورصيد للموبايل واجور مواصلات بيطلع الراتب خالص بقا بالفعل ارخص من هيك ما في وحاج اذا بدي ضل احكي بضل لبكرة اثبت انو نحنا عايشين برحمة الله واذا حسبتا بالورقة والقلم ما بتزبط منوب منوب وحسبي الله ونعم الوكيل

----------------------------------------------------------------------------------------
اكتر شي محيرني هو انو نحنا من ارخص دول العالم طيب ليش ماحدا بيجي بيستسمر عنا
ليش مثلا نحنا منصنع سابا والمغرب بصنع بيجو وستروين وقطع من البوينغ.
ياريت نقدر نفهم ليش حتى نفهم وين نحنا

[alnhl]

افتتاحية مباركة ع الجميع
القامشلي
169
169.25

[dollar]

السلام عليكم
" منقول عن الاستاذ عابر مجيب "

من البارحة وأنا أفكر بالسبب الذي يدفع المركزي للإعلان عن جلسة تدخل ، كما في المرة الأخيرة مثلا .
طيب السوق مستقر والأمور عال العال ، وبدأ الاستقرار يعود للتجار والمتعاملين ، ما الذي يدفع المركزي لرمي حجر في مياه البحيرة الهادئة ؟! هواية مثلا ؟
تبين لي أن كل مرة يعلن المركزي فيها عن تدخل ، يتحرك السوق هبوطا ثم لا يلبث أن يرتفع ، ومؤخرا بات يرتفع ودونما انخفاض ، شيء محير وعكس المتوقع .
ما التفسير إذن ؟
ربما من خلال المثال التالي يمكن معرفة ما يحصل :
تسير حركة المرور بشكل سلس في معظم شوارع المدينة ، ولكن لسبب ما تزداد الحركة وتتكاثر السيارات في عقدة ما ، مما يربك الحركة .
تصل الأخبار إلى ادارة المرور ، فتتخذ بدورها الاجراءات اللازمة وترسل شرطيا لتسهيل الحركة وتوزيع السير في اتجاهين أو أكثر ، تبعا للعقدة المرورية .
يستنتج المارة والسائقين خطأ أن الأمور كانت أفضل كل يوم ، ويظنون أن سبب الارباك هو حضور الشرطي ، فيكيلون له السباب ، ويقسمون ان الأمور كانت تسير على افضل ما يرام قبل أن يتدخل هذا الشرطي !
هل يجوز تشبيه دور المركزي بدور هذا الشرطي المظلوم ؟
أظن انني قد اتيت بثالثة الأثافي ( هاي لحالها بدها مشاركة مستقلة لشرحها ) يعني شي متل ماتقولو جبت الديب من ديلو .
نحن لنا الظاهر ، ولكن المركزي غالبا يستشف الأحداث ويسبقها ويحاول التخفيف من الأثر ، أما نحن فنلومه ونسمعه ما يسيء .
من المخطئ ياترى ؟ وهل كان عليه مصارحتنا أم يتركنا نتلمس طريقنا ، كمن يسير في الظلام ويتعثر بين قطع الأثاث ويتلفظ بعبارات متضاربة ، تارة يلوم الظلام وتارة يلوم الكراسي والطاولات .

و انا عم يخطر ببالي انه معقول يكون المركزي بدو يرفع السعر بس السوق السوداء ما عم تتجاوب
يعني كل يومين او تلاتة بيرفع سعر الشراء 2 ل.س " السوق السوداء ما عم تتغير لهل الدرجة "
شكرا

[hamod.kopani]

اقتباس: المشاركة الأصلية كتبت بواسطة مجد (مضارب سوري)    صباح الخيرات والمسرات صباح مليء بالنشاط

اقتباس: المشاركة الأصلية كتبت بواسطة مجد (مضارب سوري)    وين المشاركات وين الشباب ؟؟؟؟

صباح الورد اخ مجد
السوق مستقر لاتغير

[ahmad z]

اقتباس: المشاركة الأصلية كتبت بواسطة mite mite    ---------------------------------------------------------------------------------------- اكتر شي محيرني هو انو نحنا من ارخص دول العالم طيب ليش ماحدا بيجي بيستسمر عنا ليش مثلا نحنا منصنع سابا والمغرب بصنع بيجو وستروين وقطع من البوينغ. ياريت نقدر نفهم ليش حتى نفهم وين نحنا

استاذ mite

انا متأكد انك عم تسأل وبتعرف الجواب ( انت استاذنا )

بس بدي قول انو الاستثمار بدو أولاً قوانين حديثة و عصرية لتسهيل الاستثمار و حركة الاموال

مو متل قرار اعادة قطع التصدير يلي صدر من اسبوع , ناهيك عن الوضع العام يلي منعرفو

و مو مهم الغلاء أو الرخص بدليل دبي من اغلى 10 مدن بالعالم ومن أفضل المدن لجلب المستثمرين

[hasobman]

[SIZE="5"][QUOTE=ahmad z;343350][COLOR="Blue"][B]

اقتباس: المشاركة الأصلية كتبت بواسطة ahmad z    بدك تطول بالك شوي نحنا متفقين بالمضمون , الاسعار عنا رخيصة بالدولار , وغالية بالنسبة لدخل الفرد ------------- صح الدراسات لحتى تكون صحيحة لازم ياخدو مستوى الغلاء مع مستوى دخل الفرد بالنسبة للرياض يلي ضربت المثال عليها , احتلت المركز العاشر كارخص مدينة ( مركز جيد جدا ) بالرغم من مستوى دخل الفرد المرتفع

اخي انت عايش بالبلد وبتعرف البير وغطاه
بدي افهم الدراسة لما عملوها شنون يعني ارخص سلعة بالدولار وشهرية بعض الناس 10 دولار
في دول بافريقيا واسيا الدخل الشهري كلو على بعضو ما بيتعدى 10 دولار على حسب برنامج شفتو عالجزيرة الوثائقية
ما احلاهون والله يعملو مقارنة باسعار السلع باوروبا نسبة لدخل الفرد بتشاد
على مضمون هالدراسة يبلوها ويشربو ميتها لانها غير صحيحة اطلاقا
يعني ما فيك تقول انو المدينة الفلانية ارخص مدينة بالاسعار هالحكي على دراستهم غلط
المهم وبلا طول سيرة يجي يلي عمل دراسة ويعيش برابع افضل مدينة من حيث الاسعار
اذا ما شلخ دراستو وكبها بالزبالة
بعدين خيي نحنا نسبة التضخم خلال هالازمة ما واكبت ارتفاع سعر صرف الليرة مقابل الدولار
وفي امثلة كثيرة على هالحكي يعني لنفرض فرضا انو دخلنا بالدولار
صرنا افقر من قبل نسبة لارتفاع اسعار السلع
الله يفرجها علينا وعالجميع ان شاء الله
وما بدي لا دراسة ولا فلان يقلي انو نحنا عنا رخيص وعايشين بالفردوس الاعلى
عايشين برحمة الله الله وكيلك

[hasobman]

الله يسامحك اخي احمد فتحتلي شهيتي عالمشاركة بعد ما كنت عامل ريجيم
بالنسبة لسعر الدولار بالسوق السودة هناك عوامل عديدة لا تساعد على الارتفاع الحالي
نحنا هلا بشهر انتخابات وهذا الشهر مهم جدا
العالم مفلسة وعم تصرف من الي معها مو تا تشتري
القبضة القوية عالسوق السودة مع انو ما بتفرق مع الصرافين السود كتير
موسم القمح موسم ضعيف هالسنة
واهم شي قرارات المركزي الي مو عرفان منين بدو يحصل دولار
شي من الحوالات وشي من تصدير الاغنام وشي من التصدير بشكل عام وشي من كبار رجال الاعمال
ولا زلت مع تحليلي الشخصي اننا سنشاهد في الشهرين تلاتة القادمة مفاجاة من العيار الثقيل
لذلك انصح المدخرين يقعدو بالبيت ويحافظو على مدخراتون بهالفترة الحالية مدفونة احسلون
سعر المركزي صار فوق ال 150 كسعر رسمي
سعر المركزي للشراء من السوق السودة صار فوق ال 160
لذلك الامور مبينة وواضحة والي عم يستنى ال 150 تا يشتري راحت عليه

[hamod.kopani]

مساء الخير
في العام الماضي كان موسم جيد نوعاً ما اما هالسنة ياحصرة يادوب الي يطالع مصروفو بيكون ملك حتى حصادات يمكن اكتر من نصف حصاداة ما تحرك من ارض يعني في المحصلة ما بتوقع بصير طلب على دولارمن جهة المزارعين في العام الماضي كان طلب نار من جهة المزارعين