سعر صرف الدولار والذهب مقابل الليرة السورية ليومي الخميس و الجمعه 10 & 11 -04- 2014

[أحمد الأحمد]

اقتباس: المشاركة الأصلية كتبت بواسطة عابر مجيب    ما عم افهم أخي هاشم ( هاش ) شو يعني تدخل ؟ رح يفتح البيع بدون قيد أو شرط ؟ ما كان من يومين حاطط الصراف على الشاشة سعر 155 - 157 وبتغيب الكتابة وبعدين بيطلع : تدخل المركزي 150 وطلعت الأسعار ، وحتى كانوا عم يبيعوا 500 مو 300 ، ومسهلين الشروط كانت جملة المطلوب مفصولة بكلمة أو ، يعني فاتورة أو سند اقامة أو ..... داق خلقي وما قرأت الباقي . طيب بكرا رح يكتب سعر تدخل المركزي 162 . وبعدين ؟ شو لازم يصير ؟ ما عم افهم هالتفاؤل المشوب بالحذر ، أو هالخوف ! مو غريب أبدا على هيك منطق مقلوب ، نكتشف بكرا ان السوق كسر ، ورجع للأربعينات . ما ضل شقلبة ما مرقت علينا دولار مزور ، ذهب مزور ، طباعة ليرة بلا رصيد مافي شي ثابت غير ارتفاع الأسعار ، وانك بس ترجع على البيت مفلس ، مو السبب انك انتشلت أو وقعوا منك المصاري . لأ ، الكيسين اللي حاملهم وفيهم شي بلا طعمة دافع فيهم ألفات .

صباح الخير جميعا وشكرا للافتتاح

لايخفى على احد حال اقتصادنا الذي وصلنا اليه.
مع كل ماتم ذكره واستخدامه ...لكل ظرف قوانين قد لاتعجب احد ...
بكلمتين مختصرات وبغض النظر عن سعر الدولار المتداول وبغض النظر عن اساليب فرض السعر..
طالما لم تصل الليرة الى حافة الانهيار فانا اقدر المركزي و د ميالة وبحطهم عراسي من فوق..

[omar1964]

صباح الخير

الارتفاع صار عادي متل النزول ما صار عادي وصلنا لمرحلة ما عاد نستغرب شيء الدولار 50 او 150 او 15 او حطو صفار الله لا يقدر .
يعني مو كافي مجازر ... ولا صار لازم بكل شي يكون في مجازر ...!!!
"و هدول يلي بدون يروحو بين الرجلين يلي الله لا يردون "
ليش يعني ما هود الدروايش يلي ما عاد يعرفو شو بدون يعملو بحالون
اذا حيتان الدولار و الصرافة قالو هالحكي منقول هود تجار أزمات همهم الربح حتى لو صار شو ما صار .
بس المصيبة انو يكون المركزي عم يفكر هيك .
ضلو ينفخو بالناس بالجرايد كل يوم ...اشتروا ذهب الليرة اصلية الذهب السوري رائع اكتر من ذهب الكولورادو
بعدين فجأة تغير اللون و صارت التحذيرات كل يوم قبل الطعام 3 مرات ديرو بالكم حالات الغش بالعيار كترانة
لكن اساور عيار 3 بيصير عليها قص و لصق بالدمغة ...!!!!

[omar1964]

كل الشكر للأخ المسار
على افتتاح صالة المتابعة

[omar1964]

حكمة اليوم
نمر مفترس امامك خير من ذئب غادر وراءك.

[عبدالقادر]

اقتباس: المشاركة الأصلية كتبت بواسطة جوليت    سيد عبد القادر مين حكى عن رقم 162 تبع الرقم الفلكي اذا تذكرتو ؟؟؟ كأنو نفس الرقم يلي اليوم ذكرو السيد ميالة بتصريحو التمييزي؟؟؟؟ (لو في سمايل غمسة عين )

صحيح في احد الاعضاء سألني شو معناتو رقم 162الي وصو بعدم الخروج .قلتلو جوليت بتشرحلك اكتر مني لان ذكرتو وهي عرفانه شو حكت مو عن عبث
خلونا نراقب .

[Tomy]

صباح الخير جميعا

انا حسب رايي الشخصي (اعوذ بالله من كلمة انا)

مافي لا تدخل ولا هم يحزنوووون والله يفرج عالجميع

بتوقع 180 ......

[عبدالقادر]

اقتباس: المشاركة الأصلية كتبت بواسطة omar1964    صباح الخير الارتفاع صار عادي متل النزول ما صار عادي وصلنا لمرحلة ما عاد نستغرب شيء الدولار 50 او 150 او 15 او حطو صفار الله لا يقدر . يعني مو كافي مجازر ... ولا صار لازم بكل شي يكون في مجازر ...!!! "و هدول يلي بدون يروحو بين الرجلين يلي الله لا يردون " ليش يعني ما هود الدروايش يلي ما عاد يعرفو شو بدون يعملو بحالون اذا حيتان الدولار و الصرافة قالو هالحكي منقول هود تجار أزمات همهم الربح حتى لو صار شو ما صار . بس المصيبة انو يكون المركزي عم يفكر هيك . ضلو ينفخو بالناس بالجرايد كل يوم ...اشتروا ذهب الليرة اصلية الذهب السوري رائع اكتر من ذهب الكولورادو بعدين فجأة تغير اللون و صارت التحذيرات كل يوم قبل الطعام 3 مرات ديرو بالكم حالات الغش بالعيار كترانة لكن اساور عيار 3 بيصير عليها قص و لصق بالدمغة ...!!!!

شايفك معصب هالمرة فداك والله فداك اقسم بالله ماعدت اهتميت بشي اللصوصية كترت وبلد الله يلطف فيا عم نتحاسب بأخطاء العاطليلن والله اذا ما منصلح فورا كلنا لنندم
وماحدا ربحان

[omar1964]

أنا فهمت أخي عبد القادر
بدون يفضوا الملعب لللاعب الوحيد
و الطابة الو كمان الله يستر
اذا ما بقي غيرو و الله لنشوف أيام أسود من السواد ..
كل طلعة و نزلة بيطالعو الكرت الاصفر للبعض و اللي ما بدو يلعب بيطالعولو الكرت الأحمر
بيلزقولو تهمة سب الحكم
القانون الو أوتار و العازف بإيدو ينغم على كيفو ..

[نورالهدى]

صباح الخير
تمنياتنا بيوم هادئٍ مثمرٍ للجميع

[المعلم عمر]

السلام عليكم ورحمة الله وبركاته

أسعد الله صباحكم جميعاً

افتتاحية موفقة أخ المسار