صاله الدولار في اسبوع مقابل الليره السوريه 20-9-2013

[shereen]

اقتباس: المشاركة الأصلية كتبت بواسطة مجرد إنسان    جمعة مباركة عليكم جميعا ما تنسوا تقرؤوا سورة الكهف اليوم فاروق الشرع ومن بعده قدري جميل يقران بعدم امكانية انهاء الصراع من قبل اي جهة من الجهات المتحاربة في سوريا! يعني شغلة مطاطة ... اخي نيدو الف مبروك السيارة وما تنسانا من الحلوان -خسائر الناس الفقراء ومتوسطي الحال في مناطق الثورة أكبر من ان تحصى والحمد لله على كل حال فمن خسر وهو في امان في منزله وماله فليحمد ربه على هذه النعم واللي بدو يضارب بالليرة والدولار بدو يكون رضيان بالخسارة متل ما بيرضى بالربح .. الهدوء هو افضل ردود الفعل والمشاركة يجب الا تكون الا بمقدار اقصى ما يمكن تحمله من خسارة... هلأ اللي بيقول خلي الدولار يطلع مو قصدو شي بس المقصود انو يصير السوق حقيقي مو سوق وهمي حيث ترتفع السلع باضعاف مضاعفة عن ارتفاع الدولار ! يعني خلي تصير دولرة واول عن آخر رح تلحق الرواتب باسعار السوق وتصير بالدولار.. الجبنة الشلل مبارح ب ٨٥٠ الجبنة البلدية ٦٥٠ ! بالتنكة ! المكدوس بكلف بقرة جحا ونص الناس ما بدا تساوي مكدوس كيلو البيتنجان ب ٨٥ كيلو الفليفلة ب ١٥٠ كيلو التوم شارينو ب ٢٠٠ كيلو الجوز ب ٢٥٠٠ ١٥ كيلو كلفو فوق ٧٧٠٠ وبزيت دوار شمس مو زيت زيتون يمكن المكدوسة تطلع بتكلف ٥٠ ليرة هههه كنا بزماننا نساوي ٥٠ كيلو وما يكلفوا كل هالشي الله يرحم لبنان بلد غض والشغل فيه ممتاز والدخل عالي رحت على مناطق حسيتا لسا بتتحمل كتير محلات ومصالح وشغيلة ، يومية شغيل ولد بلبنان ١٠$ بس بدا راس مال محرز والمشكلة انو اللبنانيين حاليا كرهانين السوريين فما بشغلونا بسهولة والسوريين اللي بيفتحوا شي مشروع بدن يحاسبو السوري كإنو لساتو بسوريا وبضلوا يكسرولو اياها عالسوري ! السودان بلد ممكن الاستثمار فيه بالزراعة للي معو راس مال ، وعندو خبرة بالزراعة سمعتو صحيح شو صار ؟ اصدرت المالية قرارات بالتحفظ على اموال واحد من آل ثاني .. يا ترى هاد إلو حصة بشي بنك بالبورصة ولا لأ ؟ الله يعجل بالفرج على العباد والبلاد

كلامك صح وياريت الناس اللي انتقدتني تراجع الكلام اللي بالاحمر

[shereen]

اقتباس: المشاركة الأصلية كتبت بواسطة مجرد إنسان    اخي خيرو بلا ما يسكنوا بنص الشام بأرياف الشام اجار البيت شي ١٠ الاف ومناطق آمنة ومعلومك جدي وجدك وايام السفربرلك بدو الواحد يتنازل عن الرفاهية لحتى الله يفرجها

هادا هوة الكلام الصح يعني رفيق اخي عندو بيت بجديدة عرطوز فتحسسو من الاصوات فسكنو بمشروع دمر ببيت اجارو مفروش حوالي 50 الف صرلو 6 شهور واخي عم يقللو رجاع للجديدة حتى صاحب البيت رفع الاجرة لل 85 الف فرجع غصب عنو وبطل يتحسس من الاصوات هوة المصيبة رجعت العالم من مصر ومن لبنان مكسورة الخاطر بعد ماكانو بنو احلام ومشاريع فرجعت العالم للشام وبدها تستاجر باي ثمن( يعني اللي عم يدفع 7500دولار يهاجر فيهم للسويد بالشختورة ويعرض حالو للموت والزل الشديد بمخيم بالسويد ويابقبلوه او بيقلعوه لوضل ضل بالشام واستاجر بيت بالمالكي لمدة سنة باعتبارها امنة 100 بالمية مو احسنلو من هالبهدلة او بمشروع دمر اذا الواحد بيطلب ببيتو 125 الف بالشهر والضاحية ب 60 لل 70 الف عم يستاجرو- كان في قدسيا بس عم تخفف الناس عنها بعد اخر والناس اللي فيها عم تخليها -

[dollar]

اقتباس: المشاركة الأصلية كتبت بواسطة shereen    هادا هوة الكلام الصح يعني رفيق اخي عندو بيت بجديدة عرطوز فتحسسو من الاصوات فسكنو بمشروع دمر ببيت اجارو مفروش حوالي 50 الف صرلو 6 شهور واخي عم يقللو رجاع للجديدة حتى صاحب البيت رفع الاجرة لل 85 الف فرجع غصب عنو وبطل يتحسس من الاصوات هوة المصيبة رجعت العالم من مصر ومن لبنان مكسورة الخاطر بعد ماكانو بنو احلام ومشاريع فرجعت العالم للشام وبدها تستاجر باي ثمن( يعني اللي عم يدفع 7500دولار يهاجر فيهم للسويد بالشختورة ويعرض حالو للموت والزل الشديد بمخيم بالسويد ويابقبلوه او بيقلعوه لوضل ضل بالشام واستاجر بيت بالمالكي لمدة سنة باعتبارها امنة 100 بالمية مو احسنلو من هالبهدلة او بمشروع دمر اذا الواحد بيطلب ببيتو 125 الف بالشهر والضاحية ب 60 لل 70 الف عم يستاجرو- كان في قدسيا بس عم تخفف الناس عنها بعد اخر والناس اللي فيها عم تخليها -

كتبت استفسار بالصالة تاريخ مبارح بس يمكن ما صحلك تشوفيه
الاستفسار : بالنسبة لاستيراد السيارات المستعملة من ايران سمعتي شي عن القرار
لك جزيل الشكر سلفا و ايضا منشكر كل المشاركين اذا حدا بيقدر يفيدنا بشي معلومة
بصراحة ناوي اشتري سيارة

[خيرو الشامي]

اقتباس: المشاركة الأصلية كتبت بواسطة مجرد إنسان    اخي خيرو بلا ما يسكنوا بنص الشام بأرياف الشام اجار البيت شي 10 الاف ومناطق آمنة ومعلومك جدي وجدك وايام السفربرلك بدو الواحد يتنازل عن الرفاهية لحتى الله يفرجها

يا سيدي ماحصل هو عقدة من شيئ اسمه ريف دمشق هناك عائلة انتقلت ثلاث مرات من حرستا الى عين ترما الى بيت سحم فلم تجد ملاذ امن الا الشام وكل عائلة و لها خصوصية
ولا تنسى المواصلات يا سيدي بتكلف اكتر من اجار البيت تبع عشرة الالف ناهيك عن هدر الوقت من والى العمل من والى المدرسة ....بالايضافة الى غلاظة الركب بالباصات والتاخير على الحواجز وقطع الكهرباء...الخ

[مجرد إنسان]

اقتباس: المشاركة الأصلية كتبت بواسطة shereen    هادا هوة الكلام الصح يعني رفيق اخي عندو بيت بجديدة عرطوز فتحسسو من الاصوات فسكنو بمشروع دمر ببيت اجارو مفروش حوالي 50 الف صرلو 6 شهور واخي عم يقللو رجاع للجديدة حتى صاحب البيت رفع الاجرة لل 85 الف فرجع غصب عنو وبطل يتحسس من الاصوات هوة المصيبة رجعت العالم من مصر ومن لبنان مكسورة الخاطر بعد ماكانو بنو احلام ومشاريع فرجعت العالم للشام وبدها تستاجر باي ثمن( يعني اللي عم يدفع 7500دولار يهاجر فيهم للسويد بالشختورة ويعرض حالو للموت والزل الشديد بمخيم بالسويد ويابقبلوه او بيقلعوه لوضل ضل بالشام واستاجر بيت بالمالكي لمدة سنة باعتبارها امنة 100 بالمية مو احسنلو من هالبهدلة او بمشروع دمر اذا الواحد بيطلب ببيتو 125 الف بالشهر والضاحية ب 60 لل 70 الف عم يستاجرو- كان في قدسيا بس عم تخفف الناس عنها بعد اخر والناس اللي فيها عم تخليها -

هلأ وجهة نظري : ضل ببيتك للرمق الأخير
حتى تحت القصف بينقعد بالبيت اذا في فوقه شي طابقين طالما بتقدر الناس تطلع وتفوت من المنطقة
يعني لا تموت ليجيك الموت ..
واللي إلو عمر ما بتقتلو شدة ..
طبعا خلافا لرأي شيرين انو مغامرة البحر مو زابطة انا مؤيد لهالشي عالآخر
دخيلك : اللي بيقعد تحت القصف ليل نهار وشهور وسنين وما صابوا شي بينفد من شمة هوا بالبحر بدون ما يصيرلو شي -اذا الله كاتبلو- اقرأي مذكرات ابو حكيم ..وقناص الخالدية وكيف رغيف الخبز مغمس بالدم متل حلب هلأ مثلا ومعبر بستان القصر الوحيد المفتوح وعليه قناصة من الجهتين !
بعدين اللاجئ بس يوصل فورا بيعطوه بيت وبياخد اقامة مؤقتة ٣ سنين بعدين دائمة وبحطوه بدورات تعلم لغة سويدية مع راتب وسط وبيقدر الواحد يشتغل اشغال حرة تكون مو مسجلة للدولة .
حتى بهولندا بيعطوا اللاجئين سيارات هههههه
بس بياخدوا لاجئين إيرلندا الشمالية مو سوريين
يا عمي خليه يعتبرها شمة هوا ..
سفرة محرزة لشم الهوا عأوربا بتكلف شي ٣٠٠٠ دولار
شهر بدول شرق اوربا التعبانة تبع الاتحاد الاوربي بكلف شي ١٥٠٠ يورو اذا الواحد عاش وشم هوا على قدو ..
فخلي الواحد يشم الهوا ويعيش كم يوم بالسويد ب ٤٠٠٠-٥٠٠٠ دولار
وبالمعية كمان بأسس لقدام وممكن يساعد اللي ضلوا هون بالبلد
في ناس رفقاتي معلمين مصالح وقف شغلن من اول الازمة فكروا : قالوا شغلة طوالة بدا سنين ..فورا باعوا بيوتن وكل املاكن وعلى السويد والنرويج
قلتلن ليش هيك ؟
قالولي بسنتين ٣ لتخلص بنكون بلشنا حياتنا هنيك واستقرينا وصرنا ننتج ، احسن ما نقعد هون نصرف القرشين اللي معنا ونحنا عايشين بمنطقة بأخطر منطقة بالعالم ...
وطلع كلامن صح مو سنتين او ٣ قولوا ١٠ بكل تفاؤل ..
بكونوا صاروا مأسسين حياة جديدة ومعن جنسية بتفتحلن ١٧٣ دولة بدون فيزا ونحنا عم نستنى لتخلص ..
بعدين اللي بدو يستأجر ب ١٠٠ الف بعد ما يخلص ال٥٠٠٠ دولار اللي معو ب ١٠ شهور وين بدو يروح يا شيرين ؟
وما بخفى عليكي حال البلد شغل ومافي ومصاري ومافي واللي بروح ما بيجي بدالو.
بكون رجع لحالة الإفلاس وما امن شي لقدام
الا اذا رأيك انو رح تخلص بسنة ..

دمتم بخير

[مجرد إنسان]

دوروا بالعكس أخي خيرو
عضاحية الاسد او عضاحية قدسيا والجديدة ما بها شي هلأ او قرى الاسد ..

[Ryad]

بتزكر من فترة انو كان ممكن يطلع قرار مشان تعويض العالم يلي حاطا مصاريي بلسوري بالمصارف
ازا حدا بيعرف شي بتمنى تساعدونا

[shereen]

اقتباس: المشاركة الأصلية كتبت بواسطة dollar    كتبت استفسار بالصالة تاريخ مبارح بس يمكن ما صحلك تشوفيه الاستفسار : بالنسبة لاستيراد السيارات المستعملة من ايران سمعتي شي عن القرار لك جزيل الشكر سلفا و ايضا منشكر كل المشاركين اذا حدا بيقدر يفيدنا بشي معلومة بصراحة ناوي اشتري سيارة

مساء الخير اخي الكريم استيراد من ايران ؟؟؟ ماسمعت عن ايران يعني شو بدنا نستورد سابا مستعملة مثلا او السيارات اللي فوق السابا حقها بايران اغلى من عنا بكتير عليها ضرايب بس بظن الاستيراد يكون من اوربا وكندا يطلع القرار هللق وبعد ماتهدا الامور والحرب تنتهي يبلشو يستوردوهم بتاريخ معين يعني 2005 وطالع -بس اللي اسمعتو باخر فترة وعلى زمة الراوي انو اللي انسرقت سيارتو بيحقللو يستورد سيارة مستعملة وبدون جمارك او ضرايب-بالنهاية بنصحك ماتشتري سيارة هللق منوب

[shereen]

اقتباس: المشاركة الأصلية كتبت بواسطة مجرد إنسان    هلأ وجهة نظري : ضل ببيتك للرمق الأخير حتى تحت القصف بينقعد بالبيت اذا في فوقه شي طابقين طالما بتقدر الناس تطلع وتفوت من المنطقة يعني لا تموت ليجيك الموت .. واللي إلو عمر ما بتقتلو شدة .. طبعا خلافا لرأي شيرين انو مغامرة البحر مو زابطة انا مؤيد لهالشي عالآخر دخيلك : اللي بيقعد تحت القصف ليل نهار وشهور وسنين وما صابوا شي بينفد من شمة هوا بالبحر بدون ما يصيرلو شي -اذا الله كاتبلو- اقرأي مذكرات ابو حكيم ..وقناص الخالدية وكيف رغيف الخبز مغمس بالدم متل حلب هلأ مثلا ومعبر بستان القصر الوحيد المفتوح وعليه قناصة من الجهتين ! بعدين اللاجئ بس يوصل فورا بيعطوه بيت وبياخد اقامة مؤقتة ٣ سنين بعدين دائمة وبحطوه بدورات تعلم لغة سويدية مع راتب وسط وبيقدر الواحد يشتغل اشغال حرة تكون مو مسجلة للدولة . حتى بهولندا بيعطوا اللاجئين سيارات هههههه بس بياخدوا لاجئين إيرلندا الشمالية مو سوريين يا عمي خليه يعتبرها شمة هوا .. سفرة محرزة لشم الهوا عأوربا بتكلف شي ٣٠٠٠ دولار شهر بدول شرق اوربا التعبانة تبع الاتحاد الاوربي بكلف شي ١٥٠٠ يورو اذا الواحد عاش وشم هوا على قدو .. فخلي الواحد يشم الهوا ويعيش كم يوم بالسويد ب ٤٠٠٠-٥٠٠٠ دولار وبالمعية كمان بأسس لقدام وممكن يساعد اللي ضلوا هون بالبلد في ناس رفقاتي معلمين مصالح وقف شغلن من اول الازمة فكروا : قالوا شغلة طوالة بدا سنين ..فورا باعوا بيوتن وكل املاكن وعلى السويد والنرويج قلتلن ليش هيك ؟ قالولي بسنتين ٣ لتخلص بنكون بلشنا حياتنا هنيك واستقرينا وصرنا ننتج ، احسن ما نقعد هون نصرف القرشين اللي معنا ونحنا عايشين بمنطقة بأخطر منطقة بالعالم ... وطلع كلامن صح مو سنتين او ٣ قولوا ١٠ بكل تفاؤل .. بكونوا صاروا مأسسين حياة جديدة ومعن جنسية بتفتحلن ١٧٣ دولة بدون فيزا ونحنا عم نستنى لتخلص .. بعدين اللي بدو يستأجر ب ١٠٠ الف بعد ما يخلص ال٥٠٠٠ دولار اللي معو ب ١٠ شهور وين بدو يروح يا شيرين ؟ وما بخفى عليكي حال البلد شغل ومافي ومصاري ومافي واللي بروح ما بيجي بدالو. بكون رجع لحالة الإفلاس وما امن شي لقدام الا اذا رأيك انو رح تخلص بسنة .. دمتم بخير

صح كلامك بس للتوضيح السويد درجة حرارتها -30 تحت الصفر بالشتا وبعدين اللاجىء بسويد والنروج والمانيا ممنوع يشتغل مافي غير سويسرا مسموح يشتغل فيها واذا كان دكتور او مهندس بدو يفوت بدوامة تعديل الشهادة بعدين على اول الشهر 10 بيصير البحر خطر جدا بالاخص قدام جزيرة صقيلية وعندك السويد والمانيا بيحطو الاجىء بكمب (مخيم)ومننوع يغادرو وبيعطوه بين 600 يورو لل 800 يورو مصروف شهري يعني بياكول وبيشرب وبيلبس منهم
وتكلفة الوصول عالية بس ممكن اذا كان معلم صحية او كهربجي او نجار يشتغل تهريب باوربا لانو هنيك اجورهم غالية كتير اصحاب المهن بقي عندك تركيا الحد الادنى للاجور للاتراك 3000 ليرة تركي بس عم يجيبو السوري بيعفو صاحب المحل من الضرايب وبيعطوه 1000 ليرة تركي

[خيرو الشامي]

اقتباس: المشاركة الأصلية كتبت بواسطة مجرد إنسان    دوروا بالعكس أخي خيرو عضاحية الاسد او عضاحية قدسيا والجديدة ما بها شي هلأ او قرى الاسد ..

مساء الخير وشكرا لنصيحتك ولكن للتوضيح....المكالمة التي اورتها مكالمة لاتخصني ولكن احببت ان اعرض لكم واقع اناس سوريين ومعاناتهم وهذه المكالمة من بين الاف المكالمات التي تحمل ماسي واحزان كثيرا من السوريين .....اما انا فالله اغناني واكرمني ولكني احب الفقراء
ما لذة العيش الا صحبة الفقرا ........................هم السلاطين والسادات والامرا