صالة أسعار صرف الدولار وباقي العملات مقابل الليرة السورية ليوم الاثنين 24-6-2013

[abd73fr]

اقتباس: المشاركة الأصلية كتبت بواسطة عابر مجيب    والله يا ابو حكيم ما حدا بيغلبك الله يديم عليك هالروح المرحة ملاحظة : الموقع فيه فايروس عم يطمس سعر الدولار بأول الصفحة من خلال دفعه للأسفل ويتم ظهور روابط اعلانية وبعضها يحمل اسماء خلاعية ، همتكم شباب الآي تي ممكن ارضاء المقرصنين بخفض سعر الدولار لأن هنن مفكرين هيك بيتخربط السوق وبينزل سعر الدولار على اساس نحنا هوامير السوق ونحنا اللي بنقرر وبنوجه حبيباتي اللي عم يلعب بالسوق مابيستعمل كومبيوتر ويمكن ما بيعرف لا يقرأ ولا يكتب وعمرو ما استعمل آله حاسبة ، بيحسبها على الطاير . شورأيكم اللي ما بيجي معك تعا معو بنحط سعر انقص من السوق بخمسين ليرة ، وكل واحد منا بيشوف السعر وبيضيف عليه خمسين . مثلا أقفل سعر الدولار اليوم 138 شراء 143 بيع حتي نفسيا أحلى . ينصح علماء البرمجة اللغوية العصبيه السعدان ، انو ينظر بالمرآة ، ويقول يالله ما أحلاني ، ومعو معو بيصير غزال .

على ما يبدو سيد عابر فإن المشكلة عندك والفايروس قد استوطن حاسبك للأسف.. كما أعتقد.. ممكن تجرب حاسب تاني أو متصفح انترنت آخر...
لم أر خلال مراقبتي لسعر صرف الدولار اليوم أي مشكلة في الأرقام فوق.. كما أن زر الشكر كما يبدو موجود عند بقية الأعضاء فهم يستعملونه في شكرك وشكر الآخرين .. وللأسف هو غير موجود عندي بعد لأني من صغار الكسبة ..
تحياتي لك كهامور من هوامير هذا المنتدى

[أبو وحيد]

اقتباس: المشاركة الأصلية كتبت بواسطة عابر مجيب    طبعا زر الشكر تعدموه اذا مبين عم تابع مع إحساس بالإعاقة

أخ عابر مجيب تحية ..
انت عم تعاني من ads بالمتصفح أو بالعربي الإعلانات المزعجة بالصفحة واللي عم تخربطلك الصفحة وتضيع الزرار والفئسات وسعر الدولار ..
الحل انك تنزل متصفح google chrome أو firefox مع إضافة adblock وان شاء الله بتدعيلي

[ابو المجد]

اليوم اشتريت 600 $ عالــ 192 من مضارب عادي مو صراف
ئبل ما اشتري سألت واحد طلب 198 و التاني طلب 197 التالت طلب 200 الرابع طلب 194
و أخيرا الخامس ظبط معنا عالــ 192 ...
طبعا ما ذكر أعلاه تم في حمص من بعد العصر على الرغم من انو السعر كان عالمنتدى هون 191 للمبيع

[سوريا الله حاميها أكيد]

كتب وزير الاقتصاد السابق "نضال الشعار"

لا بد من التعليق على موضوع زيادة الرواتب، على الأقل بشكلٍ جزئي..
1- كان يجب أن تأتي هذه الزيادة منذ 9 أشهر استباقاً لإنخفاض سعر الصرف الذي كان يجب أن يكون متوقعاً.
2- من الطبيعي أن يكون لهذه الزيادة تأثيراً على مستوى الأسعار ارتفاعاً لأنها تضع مجمل الطلب في مستوىً أعلى بإتجاه السعر مقابلةً مع العرض ،هذا في الحالة العادية و لكننا نعلم بأن مستوى الطلب انخفض في الفترة الأخيرة مع ثبات العرض و لكن الجشع و الاستغلال منع ذلك من الظهور في المستوى العام للأسعار..
3- ستسهم هذه الزيادة بشكل نسبي و مؤقت في تحسين الوضع المعيشي و لكن ذلك لن يدوم طويلاً لأن التوقعات بارتفاعات الأسعار ستجعل ذلك أمراً واقعاً و بذلك ستسهم التوقعات وهي أحد العوامل الأساسية في تحديد الأسعار في تحييد و تقليص أثر هذه الزيادة في الرواتب.
4- لن تؤثر هذه الزيادة بشكل مباشر على سعر صرف الليرة السورية إذ أن ذلك تحكمه عوامل الثقة و الأمان.
5- أنا مع زيادة الرواتب و مع أي تعويض نسبي في مستوى معيشة المواطن الذي يعتمد على العملة المحلية في إدارة أموره المعيشية.
6- لابد من تعويض المواطن بطريقة أو أخرى و إلا سينتفي سبب استمرار هذا المواطن بالتعامل مع الدولة و مؤسساتها. نحن هنا نتكلم عن الدولة و الدولة فقط.
7-لا يمكن أن تستمر الدولة في رفع الرواتب وإلا ستدخل في حلقة مفرغة.
8- من أجل الحفاظ على الدولة و كيانها يجب أن تفكر الدولة بطرق عينية للحفاظ على المستوى المعيشي للموظف.
9- موظف الدولة حالياً هو العماد الأساسي لمنع تحول سورية إلى دولة فاشلة.
10- يجب اعتماد نظام الكوبونات لموظفي الدولة للحفاظ على مستوى معيشي مقبول.
11- قد يكون ذلك مجحفاً لعاملي القطاع الخاص وهذا واقع و أنا أقر به.
12- الحفاظ على كيان الدولة حالياً هو الأهم.



؟؟ انا يلي بدي افهمو هالدرر وين كانت مخباية لما كان بمنصبو يعني بكرا بس يطلع وصي الدولار من مركزو بصير يتحفنا بالدرر ولي كان ميقول عنو وهمي بصير يقول عنو حقيقي والليرة وضعا سيئ لدرجة هوامير السوق السودا بصيرو يخخففوا ويقلولو اي طول بالك يازلمة الليرة مو وضعا سيئ للهدرجة؟؟؟؟؟؟

[أحمد الأحمد]

مساء الخير جميعا
حماه اغلاق 193 ----- 195
بناء على ...... وبما أن....... فسيكون سعر الدولار ..........وبشدة
( هي كرمال ما اتخالف من ابو حكيم )

[عابر مجيب]

اليوم كان في زبون بدو تذكرة بـ 460
سألت الغليظ اللي جنبي قال 143
وأنا راجع سألني جاره شو الأخبار ؟
قلتلو بالمنتدى السعر أقل وهاد مزودها
قال كذاب لاترد عليه هلأ سألت ليكو 136 ، شو تثبت ؟
قلتلو بشوف الزبون
اتصلت بالمكتب قال موافق خليهم 500
اتصل صاحبنا ليثبت ، وعلى الهاتف
شو ؟ ليش ؟
قفل السماعة قال بدو 141
رجعت سألت الزبون ، قال موافق
قلتلو قبلنا
اتصل وبعدين راح لعند اللي كان عم يقول عليه كذاب
قال هداك ما بقى بدو يبيع وهاد قال ماشي بس للمسا
سبيتو وسبيت جارو وقلتهم الحق عليي ، واحدكم شواربو نص وشو ، عيب
رجعت للزبون قلتلو دبر دولار وتعا ، انا ما قدرت اعملك شي .
راح تدين دولار من صديقو ورجع بعد ساعتين
وبناء عليه غالبا بكرا دولارنا بحدود 150 على اقل تقدير .

طبعا الأسعار متل ما اتفقنا

[غسان]

شكرا ابو حكيم على افتتاح الصاله

[غسان]

اعتذر من الاخوه الذين كانت مشاركتهم تحت الرقابه في الصاله الماضيه والحاليه
وتم تمريرها الان .....كل من تجاوز 30مشاركه يمكن له طلب فك الرقابه في قسم الاقتراحات والشكاوي.....

[little_man]

يا ريت لو حدا من المشرفين أو الأعضاء القدماء يعطينا ولو توقع (توقع ما منحاسبك عليه) اذا كان بكرا حينزل شوي (على فرض انو الارتفاع كان بسبب الاشاعة تبع 1913 سنة حبس مع حماتو للصراف).

و شكراَ سلفاَ

[abu mhd]

مسا الخير جميعا
الشكر لابو حكيم الغاااااااااااااااااااااالي العزيز علينا كالدولار على الافتتاحية
ابو حكيم معزة الدولار هاد مدح مو ذم والا كنت قلتلك معزتك متل معزة الليرة ........ اللبنانية

اليوم اقتنعت بالمثل القائل الطمع ضر ما نفع
اجاني مبلغ من يومين بالليرة وكان محسوب على سعر صرف 190 وبدي صرفه لقيت السعر عم ينزل مبارح لحدود 186 قلت يا باب الغنيمة
عزمت انوا اليوم رح اصرف بعدين انشغلت شوي و دكتور الاسنان ما خلى للصلح مطرح ولا خلالي عقل فكر فيه و رجعت عالبيت منهك من بين يديه وكماشاته وحسيت حالي بورشة خراطة وحدادة و على صغر السن و ظبط التدويرة وخود مقاس اول و طابق القياسات
المهم صدمت بالسعر انوا قفز متل الغزال مع انوا كان بيشبه السلحفاة بالصعود
خلاصة الموضوع الله يعوض علي و عليكم