صالة مناقشات سعر صرف الدولار في السوق السوداء السورية ليوم الجمعة 3-5-2013

[ADIB]

مساء الخير جميعا

[expert]

اقتباس: المشاركة الأصلية كتبت بواسطة dynamic pulse    أرجو من كافة المسؤولين والنواب الإقتصاديين الكف عن السق والنق حول مستقبل الليرة والإقتصاد السوريين والإستعاضة عن ذلك ببث روح الطمأنينة في قلوب المواطنين ‏ مشكلة الليرة نفسية أدت إلى تهافت الناس على شراء الدولار حفاظآ على مدخراتهم وليس توقف عجلة الإقتصاد لأن هناك مصادر جديدة للقطع في الوقت الحالي تعادل وقد تفوق المصادر التي سبقت الأزمة يعني هالتصريحات هي إساءة غير متعمدة ( إذا أخذنا بحسن الظن ) إلى قيمة الليرة

مع انو مافي حدا ممكن يعطينا احصاء عن حجم واردات القطع لا انا ولا ميالة حتى بس رح افترض انو الواردات من العملة الصعبة تفوق النفقات متل ما قلت حضرتك
واقلك بيضل في نقطة مهمة لحتى نحاول نكمل الصورة وهي موضوع طباعة العملة بدون تغطية لوحده كافي حتى ينزل سعر اللية حتى لو كان كلشي بالبلد تمام
ولا في حدا لسع ما وصلته الالف ليرة الجديدة يللي ما بتفرق عن القديمة الا بكون الرقم التسلسلي الافقي على اليمين كل ارقامه بحجم واحد على عكس القديمة يللي كانت ارقامة مختلفة بالحجم من الاكبر للاصغر

[باسل غ]

السلام عليكم


اخي لقمان بدك تضل تعذبي بموضوع سعر الذهب ........


حساباتك ناقصها شي كرمال تظبط معك عبتنسى انو في غش وغبن بالسعر


كرمال (( الشحينه تربح )) ومعنى كلمة شحينه بسوق الذهب هوامير تهريب الذهب الى الدول الاخرى


سعر الذهب لاا يأخذ من الصايغ يأخذ من مراكز الذهب

الصائغ وسيط بين الزبون ومراكز الذهب

مركز الذهب ما بتنازل وبيشتري او بيتعامل مع ايا حدا لكثير من الاعتبارات


وكون على ثقه انو سعر شراء الذهب وبيعه ياخد بسعر الدولار بالقرش لا بيزيدوا قرش ولا بنقصوا


__________________________________________________ ______


سعر الدولار الان

142شراء _________ مبيع غير متوفر

[hazwany]

مسا الخير للجميع

[ابو المجد]

مساء الخير للجميع و جمعة مباركة

[Trader]

تقرير جيد للوظائف الأمريكية
أتوقع انخفاض الذهب

[ADIB]

يسلمو على الافتتاحية خي septemper

[valley]

الذهب

1478 $

[ForexBroker]

اقتباس: المشاركة الأصلية كتبت بواسطة expert    مع انو مافي حدا ممكن يعطينا احصاء عن حجم واردات القطع لا انا ولا ميالة حتى بس رح افترض كلامك صح واقلك بيضل في نقطة مهمة لحتى نحاول نكمل الصورة وهي موضوع طباعة العملة بدون تغطية لوحده كافي حتى ينزل سعر اللية حتى لو كان كلشي بالبلد تمام ولا في حدا لسع ما وصلته الالف ليرة الجديدة يللي ما بتفرق عن القديمة الا بكون الرقم التسلسلي الافقي على اليمين كل ارقامه بحجم واحد على عكس القديمة يللي كانت ارقامة مرتبة من الاكبر للاصغر

عذراً ولكن هذا الكلام غير دقيق وهو نوع من الاشاعات المتداولة .. هل تعتقد اخي الكريم ان طباعة العملة السورية تتم في مطبعة موجودة بالمرجة مثلاً وتتبع لرغبة الدولة السورية بطباعة عملتها بلا تغطية مناسبة . ما زالت طباعة النقود تتم وفقا للمخزون الإحتياطي للدولة من الذهب والنقد الأجنبي في المصارف الدولية بما يعادل قيمة النقود المطبوعة ، وخاصة النقود السورية التي تخضع لمراقبة دقيقة من الدول التي تسعى لانهيار الدولة السورية ككل . وفي حال طبعت الكثير من العملات دون رصيد كاف انهارت العملة وضعفت قيمتها الشرائية وهو ما يسمى في علم الاقتصاد بالتضخم النقدي. فحتى الآن طباعة العملة السورية تطبع تحت هذه الضوابط وإلا لكان سعر الدولار الآن 500 ليرة بسبب التضخم . انخفاض سعر الليرة ناتج عن الوضع الاقتصادي وتوقف موارد الدولة بالعملة الصعبة . أما أين يتم طباعة العملة فلا يهم إن كان بسويسرا أو بروسيا ولا يهم الأرقام التسلسلية أكانت عامودية أو افقية . وللمعلومة فإن أميركا هي الوحيدة التي لا تهدأ مطابع عملتها ليل نهار مع أن التغطية لكل 100 دولار هو 12 سنت فقط !!! بسبب الطلب العالمي الهائل على الدولار . فأميركا تطبع الدولارات الكثيرة لتسدد ديونها الكبيرة أي أن اميركا تشتري الوقت فقط ولن يطول الأمر حتى يصبح الدولار لا يساوي قيمة الحبر والورق الذي صنع منه .... والأمر متوقف على التنين الصيني عندما يستفيق ليطالب بمستحقاته ... وهو قريب جداً .

[alternative]

بالنسبة للاخوة يلي عم يقولوا انو مشكلة الليرة نفسية
يبقى شغلتنا بسيطة كتير
بناخد الليرة على
دكتور نفساني وهيك بتتعافى
الله يشفيها
يا رب