سعر صرف الدولار مقابل الليرة 7-3-2012 (السوقي)

[ماهر محمد]

لا يوجد بيع ذهب في السوق 4300 الغرام

[عابر مجيب]

اقتباس: المشاركة الأصلية كتبت بواسطة ماهر محمد    حاكيت صراف صديقي هلأ قال بيشتري بـ 87 بس ما عم يبيع دمشق 10:45 صباحا

هادا لا صديق ولا صراف ، اصرفو .

[غسان]

اقتباس: المشاركة الأصلية كتبت بواسطة عابر مجيب    هادا لا صديق ولا صراف ، اصرفو .

والله الك نهفات حلوة يا اخي عابر

ضحكت من قلبي مع اني مفور مفور

[ماهر محمد]

اقتباس: المشاركة الأصلية كتبت بواسطة عابر مجيب    هادا لا صديق ولا صراف ، اصرفو .

هههههههههههههه
و الله و أنا هيك قلت فرطو ليرات دغري

[غسان]

اليوم طلعت بتكسي وبس وصلت قلت للشوفير

اديش بتريد ؟؟؟

قال : دولارين ؟

قلت : شو تفضلت سيد راسي

قال : دولارررررررين عم حاكيك عربي ولابدك حاكيك روسي بالروبل ؟؟؟؟

قلت :ايه بس انا مامعي دولار؟؟

قال : ارشن عالسوري وهات 200 ليرة

قلت : ايه بس هيك بيذدلي معك عشر ليرات؟؟

قال : ايه مامعي سنتات رجعلك ...الله يعوض عليك .........دربل من وشي

فانا هون بدي اقصر الشر ودربلت من وشو

[Salam L]

اقتباس: المشاركة الأصلية كتبت بواسطة غسان    اليوم طلعت بتكسي وبس وصلت قلت للشوفير اديش بتريد ؟؟؟ قال : دولارين ؟ قلت : شو تفضلت سيد راسي قال : دولارررررررين عم حاكيك عربي ولابدك حاكيك روسي بالروبل ؟؟؟؟ قلت :ايه بس انا مامعي دولار؟؟ قال : ارشن عالسوري وهات 200 ليرة قلت : ايه بس هيك بيذدلي معك عشر ليرات؟؟ قال : ايه مامعي سنتات رجعلك ...الله يعوض عليك .........دربل من وشي فانا هون بدي اقصر الشر ودربلت من وشو

عم تحكي جد او مزح؟؟؟

[ferasalahmad]

الدولار بـ 90 ليرة في السوق السوداء.. ويحافظ على سعره رسميا عند 59.61 ليرة
الاربعاء 07/03/2012 12:00 ص

حدد مصرف سورية المركزي اليوم الثلاثاء، سعر صرف الدولار مقابل الليرة شراء وحوالات بـ 59,25 شراء, في حين وصل المبيع إلى 59,61 ليرة. محافظا على سعره رسميا لليوم الرابع على التوالي, فيما وصل سعر صرف الدولار في السوق السوداء الى 90 ليرة, مرتفعا بنحو 10 ليرات مقارنة بسعره الاثنين.

وكان مصرف سورية المركزي حدد السبت الماضي سعر صرف الدولار مقابل الليرة شراء وحوالات بـ 59,25 شراء, وذلك بارتفاع 42 قرشا عما كان عليه الخميس, في حين وصل المبيع إلى 59,61 ليرة.

وحدد المركزي، وفقا لنشرة أسعار صرف العملات الأجنبية الصادرة عنه، اليورو بـ78,20 ليرة ,بينما وصل المبيع إلى 78,75 ليرة سورية.


وخسرت الليرة السورية في الآونة الأخيرة أكثر من 60 % من قيمتها أمام الدولار, فيما لم تستطع الإجراءات الحكومية المتخذة من كبح انخفاض الليرة.

[COLOR="Red"]وأشار حاكم مصرف سورية المركزي أديب ميالة في وقت سابق، إلى أن المركزي سوف يتدخل بشكل إيجابي في السوق لحماية الليرة السورية، مبينا أن المصرف سيقوم بضخ قطع أجنبي في السوق لحماية الليرة ولتغطية النقص في الموارد ولمساعدة المصارف على تمويل المستوردات بالأسعار الطبيعية، واصفا سعر صرف الدولار في السوق الموازية بأنه "وهمي"، وهدفه إثارة الخوف والهلع لدى المواطنين.
[/COLOR]
المصدر
http://www.alraddar.com/ar-sy/NewsView/17/6207.aspx

[المغتربة]

أخ غسان لو سمحت هدا الكلام عن جد ولا نكتة

[ماهر محمد]

سألت من نصف ساعة بدمشق
1:30
93 بيع 91.75 شراء

[غسان]

شايفين انو صدقتو..... معناها ممكن يصير ......

بس ماصارت لسه .......