يوميات لقمان في حمص

[لقماان]

اقتباس: المشاركة الأصلية كتبت بواسطة لقماان    انفجار الحمراءالأحد2 كانون الأول 2012.. شاب يخدم العسكرية في مكان آمن في دمشق حصل على اجازة ستة أيام جاء مسرعا الى حمص و احتضن والدته و أفكار تأخذه و أفكار تجيبه............ استأذن والدته ليقوم باحضار الخضار لها ... لم يشأ أن يشتري الخضار من حارته فأحب أن يقوم بجولة في مدينته حمص ...فذهب الى الحمراء البعيدة عن بيته ....وقف على زاوية الشارع عند الباب الشرقي لجامع عمر بن الخطاب و هو يحاور نفسه ...ما الذي عليه فعله ... هل يبقى في الجيش فيقتل أو يقتل هل يهرب فيلاحق هل ينضم الى المعارضة المسلحة .... أسئلة كانت تدور في رأسه و تجعله يذهل عن هذه الدنيا ...... شخصت عيناه على صالون الحلاقة المقابل له فرأى الصالون فيه خمسة أشخاص و الحلاق يقوم بحلاقة شعر أحد الزبائن ... هذا الحلاق يعمل صانعا في هذا الصالون بعد أن كان صاحب صالون و أملاك .... كان الحلاق يقص شعر الزبون بعصبية و كأنه يحاول اقتلاع شيئ ... كان يتمنى في الواقع أن يستطيع اجتثاثه..... و بحركة غير مدروسة أصابت الزبون بالألم ... الذي رفع رأسه و قطعت سلسلة أفكاره التي كانت تحاول أن تجد حلا لمأساته و معناته ... فهو بلا بيت و بلا عمل و لا انتاج عنده .. الا نمو هذا الشعر الغزير............ جالت عين الزبون على الجالسين فرأى الهم و التعاسة بادية على وجوههم......... أشاح بنظره الى الخارج فاذا بسبعة نسوة في الخارج كل منها يكاد الهم يقتلها ......... فهذه تفكر في أهلها الذين لا تعرف عنهم شيئا و هذه المرأة تفكر في عيالة أطفالها بعد استشهاد زوجها ............. و هذه الصبية تتمنى أن يكمل الله فرحتها بخطيبها بأن تزف له قريبا ....... و هذه المرأة تفكر ...هل يكفي المبلغ الذي بحوزتها لشراء الخضار و الحاجيات الضرورية دون أن تضطر لسؤال العالم ...... كان بجانب السيدة شاب حسن الطلة و المحيا شاب صغير في العمر وحيد لأهله يفكر في المستقبل الضبابي الذي ستخبئه له الأيام.... فجأة .................... صوت زمور سيارة سوزوكي مستعجل يجعل الناس تستيقظ من سرحان أفكارها .... ما تلبث أن يبتعد الصوت ............. تعود الناس الى شرودها ............. تعود السوزوكي بعد أن لفت لفة كاملة و تزمر من جديد ...... لكن لا يلتفت لها أحد ............ يصف السوزوكي مقابل الباب الشرقي لجامع عمر بن الخطاب و ينزل السائق مستعجلا بدون أن يعار أي انتباه من أحد .... فأصبح منظر السوزوكي في حي الحمراء الراقي أقل من عادي ............ بعد لحظات ................ حسمت أمور الناس .......... فلم يعد العسكري محتارا ....و زال الهم و الغم عن النسوة.......و لم يعد الشاب الوحيد وحيدا و لم يعد يخاف على مستقبله ...فقد حسم مستقبله.......... و زفت العروس كما كانت تتمنى و أكثر .... زفت بأهازيج تقول ...لا اله الا الله ...لا اله الا الله ...لا اله الا الله ................ ............................................ انفجار رهيب راح ضحيته حوالي 18 شخص هم الحلاق و زبائنه و النسوة و العسكري الذي جاء اجازة الى حمص و الشاب الوحيد لأهله .....النسوة السبعة حملت أشلاء متناثرة و تناثرت أشلاء الحلاق و زبائنه و عدة من الرجال و الشباب ............... رائجة الموت تملأ المكان ........ الأشلاء و الدماء الحارة تسيل على الأرض الباردة ...... دماء تسيل بدون أجساد ............... لا أعرف ما الهدف من وراء التفجير .... لكن الذي أعرفه ...أن وراء المكان بالضبط يقع البنك التجاري الذي يفتح هذه الأيام و يأتي موظفوه بأمان من كل حدب و صوب ...و أعرف أيضا أن هناك يوجد مقر سيرياتل و أعرف أيضا وجود حاجز هناك ..... لماذا قام هذا الارهابي باختيار هذا المكان الضيق و لم يختر ذلك المكان الذي كان باستطاعته الحاق قدر أكبر من الدمار بمؤسسات الدولة................... على ما يبدو أن هذا الارهابي ...جبان.... أحب أن يستسهل مهمته ....فزرع سيارته و الموت المرافق لها في هذا المكان ......... سألت أحد سكان شارع الحمراء الأصليين عن أسماء الضحايا من جيرانه ..... فقال لي : قليل جدا هم من أهل الحمراء والحمد لله رب العالمين فغالبية الشهداء هم من النازحين !!!!!!!!!!!؟؟؟؟؟؟؟؟؟؟؟؟؟؟

تشييع ضحايا الانفجار
الاثنين 3 كانون الأول 2012
نظرنا سرافيس المعمل كالعادة مشان نروح على الشغل كانت الحركة أليلة بالشارع ............
اجا السرفيس و قسم كبير من الموظفين ما اجا يومتا
عنا بحمص متعودين بنغيب بعد ما تصير المصيبة......
طلعنا بالسرفيس....ايه الله يرحم أيامك يا هالسيارة ...لكل زمان دولة و رجال ............
وصلنا على شارع الملعب كانت الحواجز بهديك المنطقة أكتر من العادة ...
مع انو فبل ما يصير التفجير كانت الأهالي عمتشتكي للمسؤولين مشان يخففوا الحواجز بهي المنطقة على أساس انو ما في شي ....و بالتالي مافي داعي لوجودها ..
و تجاوبوا المسؤولين و خففوا الحواجز ....
اي العالم أخدت راحتا و كترت ....!!!!...
شو آل رجعت تطلع مظاهرات ...و من وين من جامع عمر بن الخطاب بالملعب ....
اي طلعوا مظاهرات ...انتوا أحرار ....
و راح نشيليلكون الحواجز ...انتوا أحرار ...
و راح يجي الارهابي يفجر بحرية و تحملوا النتيجة
و انتواأحرار.................
المهم شفير السرفيس بيعجبني كتير لأنو فضولي ....
لف هيك و مرئنا من محل الانفجار ....
اي صحيح في أضرار كبيرة و سيارات كتير محروقة ......
اي بس للأمانة أنا شفت بحمص و بحلب دمار أكبر و أفظع من هالدمار بكتير .....
بس الموضوع نسبي ...هون الحمراء....
طلعنا على المعمل………………..
صارت الجوامع تنادي على اسماء الشهداء و صار التشيع الأكبر للشهداء من جامع الرئيس بالوعر
هللأ بالجامع التمت عالم منيح و حكتلا شي كام كلمة برات الطري.....هاناس خلاص يعني ما عاد تعرف تسكت......
حكولون شي كام كلمة ...........
بس وئت بدون يطالعوا الجنازات ....
ما بيصير تطلع هالناس معها ...
في قانون سيادي بحمص؟؟؟؟؟؟؟؟؟؟؟
انو كل جنازة بيطلع معها
شخصين فقط كائنا ما كان سبب الوفاة ..............
ايه ..........الله يساعد يلي بدوا يموت هللأ من هدول يلي كانت بتمشي ورا أي جنازة من عيلتون شي مية سيارة ...كانوا بينحسدوا على هالموتة وئتا ................
بس هللأ كل الناس سواسية كأسنان المشط بحارات مو المعارضة ....للأمانة .......خلينا نسميها بالحارات يلي مانها بالمية مية موالاة .....
المهم طلعت كل جنازة لحالها بسيارة مع فارق زمني و برفقة شخصين....
على الطريق أحد الحواجز (هيت تخيلتوا (
انو الا بدو يفتش التابوت ....
بيردوا عليه أصحاب الفقيد شو بدك تشوف اي كلوا نتف و شقف ....... بيرد عليون ..معليش بدي شوفون للشقف.....
أهل الفقيد :يا رفيق بعدين ما في للميت حرمة .....
بيعصب عليون الحاجز مدام مافي للميت حرمة متل حكايتي أنا ماني متجوز عشوا خايفين .......
خلينا نكشف عليه أصلن الأمر أسهل ما انو يكون في عند الميت حرمة .......
......................
دفنت الجنازات
و فجأة انتشرت عناصر من الجيش الحر في حي الوعر
من وين اجو و كيف طلعوا ما حدن بعرف
انتشروا و بكل ديمقراطية و حرية
اجبروا الناس على الاضراب ثلاثة أيام حداد(محلات و سرافيس)
.......
اي يا جماعة راحت هي الأيام ..........
ايام مين بينط و بيدبك بالمظاهرة أكتر و مين بيسكر محلوا و أيام اللافتات ....
يا جماعة اختلفت المعطيات كلياتا.....
يا جماعة تركوا الناس بهمها ...هاد الحكي هللأ ما منوا فايدة
أي لا عاد ضل مظاهرات و لا عاد ضل دكاكين و لا بيوت مشان تتسكر ......
هاد ...كان حكي واحد من الأطفال يلي
كان عميركض و عميؤول لأمو بدي اطلع على الشارع مشان شارك بالاضراب .....
معلومكون الطفل شو ما حكا ما بيتواخذ و ما عندوا معايير واضحة ....
آل بدو يطلع لبرات البيت ليشارك بالاضراب ....
انضرب سكر الباب و عود هون بالبيت
صاحت عليه أمو ............
.......الحمد لله رب العالمين أنا عمري أربعين سنة و شايب و كمانة والدتي متوفاية الله يرحمها و يحسن اليها
ديروا بالكون ما حدن يفكر انوا هاد الطفل هو انا......
أنا لحالي آعد و مضروب بالبيت ........
آل مضروب بالبيت آل ...
أي مو لتلائي حوموص بالبيت بالأول.........
عفوا
مو لتلائي بيض و حوموص بالأول .. ...
عفوا عفوا اشبوا الأكل آخد عئلنا (حوموص و فلافل و بيض)
راح عيد شوي شوي ......

مو لتلائي بيت بحومص بالأول ...بعدين لتحكي يا أبو حكيم....
........آ..ها هللأ ظبطت ...
مو لتلائي بيت بحومص بالأول ...بعدين لتحكي يا أبو حكيم ...
...يا سلام أحلى نغم وئت الواحد بيصير يعرف يحكي راح عيد
مرة أخيرة كمانة .......................
مو لتلائي بيت بحومص بالأول ...بعدين لتحكي يا أبو حكيم ...

[لقماان]

الجمعة 7 كانون الأول 2012
........انفجار الانشاءات جامع قباء........
الناس تتقاطر الى جامع قباء لأداء صلاة الجمعة بأمن.... الى جامع قباء في حي الانشاءات على مسافة ليست ببعيدة عن حي بابا عمرو الشهيد
عفوا الشهير ......
اذدحام شديد في السيارات و الناس ......
لأمر أراده رب العالمين أطال خطيب الجمعة خطبته
فاذا بدوي انفجار هائل يحطم زجاج المسجد
و يسقط على المصلين و يوقع بينهم عشرين جريحا
الناس ذهلت عن الصلاة و للأسف لم يتم اقامة الصلاة في ذلك اليوم
و هرعت الناس منهم من يساعد و منهم من يطلب المساعدة و منهم من فر ظانا بنفسه أنه يفر بدينه..
أضرار مادية كبيرة جدا بالسيارات ...
لكن لم يسفر الانفجار و الحمد لله رب العالمين عن ضحايا
الا حالة واحدة توفيت متأثرة بجراحها منذ يومين..
لا مجال للمقارنة بين تفجير مسجد عمر في الحمراء و مسجد قباء في الانشاءات ....
وجه الشبه بينهم أن كلا التفجيرين حدثا من مساجد
عادت لتخرج منها المظاهرات و لو على استحياء...

[لقماان]

.....هل هي طائرات ميغ أم سوخوي..........
....الأحد 9 كانون الأول 2012........
نزلت من السرفيس في شارع الحمراء بحدود الساعة الثانية ظهرا
و أصوات الطائرات تثير الرعب في الأنفس ...
و الناس تصيح هي هي ميغ أم سوخوي ...................
مشيت في الشارع و عيني كأعين كل الناس شاخصة الى السماء تتابع اختراق الطائرا للأجواء الحمصية على ارتفاع منخفض .......
كانت الطائرات تقوم بحركات هستيرية من الانقضاض و الارتفاع و الدوران و رمي الصواريخ......
صاح أحدهم ليك الطيارة ما هدت ضرب ليك الانفجارات و الدخان ورا الطيارة .....
لا أعرف من تكلم ......
لكنني جاوبته دون أن أنظر اليه ...
انه ليس ضربا ...
هذه هي تقنية البوالين الحرارية ..
قال لي دون أن يعرف من يتكلم معه....
شو هي بوالين حرارية ...
قلت له : هي تقنية كان يستخدمها سلاح الجو الاسرائيلي في لبنان عندما كنت أخدم هناك الهدف منها تجنب الاصابة بصواريخ كوبرا و ايغلا الحرارية و المعروفة ب سام 7 الحرارية...
هذه الصواريخ تستطيع التقاط حرارة محرك الطائرة من على بعد بواسطة جيروسكوبها الذي يتابع توجيه الصاروخ و اللحاق بالطائرة أينما ذهبت....
و عند رمي هذه البوالين فهي تعتمد على موضوع مخادعة الصاروخ ليقوم باللحاق بالبالون الحراري
الذي لا يلبث أن ينفجر تلقائيا بعد فترة فيتيه الصاروخ .......
..قامت الطائرة بحركات التفافية و دورانية كثيرة
متحاشية رصاص المضادات لأرضية الذي كان يطلق على استحياء......
فصاح صوت حمصي بجانبي
شلون هيك ما بيدوخ الطيار من كتر الدوران ...
التلوا ...و الله شي بيدوخ .......
أحصينا ستة انفجارات ضخمة قامت بهم الطائرة
اثنان نواحي بساتين بابا عمروا
و صاروخ في الصفصافة جانب جامع الزعفرانة
و صاروخ في باب هود ...أمام أعيننا أحدث افجارا رهيبا تصاعدت سحبه الى السماء
و صاروخين لم نعرف أين ذهبا ...........
سألنا أين انفجر الصاروخين الباقيين لم يعرف أحد .......
في نفس الوقت تقريبا كان التلفزيون السوري يعلن نبأ تهدم ثلاثة أبنية بشكل كامل و سقوط أكثر من عشرين جريحا
في حيي الأرمن و الزهراء ...
نتيجة سقوط قذائف هاون أطلقها المسلحين عليهم
...و حيي الأرمن و الزهراء هما من الأحياء شديدة الأمن و الأمان في مدينة حمص العدية.......
و الى الآن لم نعرف هل هي طائرات ميغ أم سوخوي

[علي الفلقة]

بس أنا سمعت إنو تم إقامة الصلاة في جامع قباء وقت الإنفجار

وزميلي في الجيش الحر يقاتل في باب هود ، إذا بدك أي معلومات أنا جاهز

[لقماان]

[SIZE="5"][COLOR="Green"][FONT="Arial Black"][COLOR="SeaGreen"][B]

اقتباس: المشاركة الأصلية كتبت بواسطة لقماان    .....هل هي طائرات ميغ أم سوخوي.......... ....الأحد 9 كانون الأول 2012........ نزلت من السرفيس في شارع الحمراء بحدود الساعة الثانية ظهرا و أصوات الطائرات تثير الرعب في الأنفس ... و الناس تصيح هي هي ميغ أم سوخوي ................... مشيت في الشارع و عيني كأعين كل الناس شاخصة الى السماء تتابع اختراق الطائرا للأجواء الحمصية على ارتفاع منخفض ....... كانت الطائرات تقوم بحركات هستيرية من الانقضاض و الارتفاع و الدوران و رمي الصواريخ...... صاح أحدهم ليك الطيارة ما هدت ضرب ليك الانفجارات و الدخان ورا الطيارة ..... لا أعرف من تكلم ...... لكنني جاوبته دون أن أنظر اليه ... انه ليس ضربا ... هذه هي تقنية البوالين الحرارية .. قال لي دون أن يعرف من يتكلم معه.... شو هي بوالين حرارية ... قلت له : هي تقنية كان يستخدمها سلاح الجو الاسرائيلي في لبنان عندما كنت أخدم هناك الهدف منها تجنب الاصابة بصواريخ كوبرا و ايغلا الحرارية و المعروفة ب سام 7 الحرارية... هذه الصواريخ تستطيع التقاط حرارة محرك الطائرة من على بعد بواسطة جيروسكوبها الذي يتابع توجيه الصاروخ و اللحاق بالطائرة أينما ذهبت.... و عند رمي هذه البوالين فهي تعتمد على موضوع مخادعة الصاروخ ليقوم باللحاق بالبالون الحراري الذي لا يلبث أن ينفجر تلقائيا بعد فترة فيتيه الصاروخ ....... ..قامت الطائرة بحركات التفافية و دورانية كثيرة متحاشية رصاص المضادات لأرضية الذي كان يطلق على استحياء...... فصاح صوت حمصي بجانبي شلون هيك ما بيدوخ الطيار من كتر الدوران ... التلوا ...و الله شي بيدوخ ....... أحصينا ستة انفجارات ضخمة قامت بهم الطائرة اثنان نواحي بساتين بابا عمروا و صاروخ في الصفصافة جانب جامع الزعفرانة و صاروخ في باب هود ...أمام أعيننا أحدث افجارا رهيبا تصاعدت سحبه الى السماء و صاروخين لم نعرف أين ذهبا ........... سألنا أين انفجر الصاروخين الباقيين لم يعرف أحد ....... في نفس الوقت تقريبا كان التلفزيون السوري يعلن نبأ تهدم ثلاثة أبنية بشكل كامل و سقوط أكثر من عشرين جريحا في حيي الأرمن و الزهراء ... نتيجة سقوط قذائف هاون أطلقها المسلحين عليهم ...و حيي الأرمن و الزهراء هما من الأحياء شديدة الأمن و الأمان في مدينة حمص العدية....... و الى الآن لم نعرف هل هي طائرات ميغ أم سوخوي

أين ذهب الصاروخين الباقيين.....
سؤال حير الكثيرين في حمص مع توالي خبر يبثه التلفزيون السوري عن تهدم ثلاثة أبنية في أحياء الموالاة في حمص و سقوط عشرات القتلى ..................
المهم صاحب السرفيس الذي أركب معه من النوع الفضولي جدا ......و بملازمته أستطيع اشباع بعضا من فضولي الشديد أنا أيضا....
المهم ذهبنا الى بائع قهوة متجول على الطريق العام و هو يقطن في أحياء الموالاة
سلم عليه شوفير السرفيس بحرارة كيف لكان
هدول صحبة في الشارع من أكثر من عشرين عاما .....
بعد السلام سأله ....لك [يا أبو فلان [مسح الاسم (للضرورات الأمنية )لك شو صاير عنكون بالحارة ...
أجاب البائع : لك سكوت [يا أبو (أيضا مسح الاسم لضرورات أمنية
هدول المسلحين ضربوا قذائف هاون على المدنيين بحاراتنا آمت تهدمت البنايات و متلوا شي عشرين واحد غير عشرات الجرحى ...
هون قاطعوا شوفير السرفيس و ألوا ...لك يا زلمة قذائف هاون بتعمل كل هالدمار مو تخينة شوي هي .......
البائع : شو بدك هللأ شاي و لا قهوة ...
شوفير السرفيس: ما جاي على بالي شي ...
بالله عليك يا أبو فلان شو صار عنكون بالحارة
هون بياع القهوة حس حالوا انوا محرج ادام رفيئو ...صحبة شوارع...لأنو صحبة الشوارع في الها أدبيات و سلوكيات محددة لازم الشوارعجي يحترمها..........
آم اللوا
هدول المسلحين ضربوا صواريخ على الطيارة آم نزل الصاروخ على الأبنية و هيك صار ...
هون شوفير السرفيس ضائت خلائوا و ركب أول و بدو يمشي.......
و آللو لك يا زلمة صاروخ طولوا متر بينشال على الكتف و بيفجر بالسما هيك بيعمل ........ و هو بدوا يمشي اتذكر
انو لسا ما طلب قهوة من البياع و البياع على باب الله عميترزق....
المهم طلب القهوة منوا و ألو اي يا أبو فلان
هللأ خبرنا شو يلي صار .....
البائع و هو عميقبض ثمن القهوة
قال: و الله يا أبو فلان ...
هاد الطيار الحيوان عمل مساواة بين الكل ضرب حواير المعارضة المسلحة و حواير الموالاة السلحة ....
يخربيت قلبوا .......كيف هيك تيحيوان...
أضاف البائع : يخربيتوا يمكن شوفير هالطيارة ايراني و ما بيعرف حواير حمص منيح ...
رأسن آموا الشباب من الحارة اتصلوا مع القيادات و رجعوا على المطار .....
شوفير السرفيس مخاطبا البائع: ولوو من وين عرفت انو شوفير الطيارة ايراني
اي شو وقف اشترى قهوة من عندك بعدين كمل ضرب ...
بعدين كيف سمعت الاتصال يلي صاير بين الطيارة و المطار ...
علي الحلال يا أبو فلان (البائع ) انتي صاير عمتخرط كتير ......
يعني طيارة ضربت حوايركون بالغلط ببتصدق
بس تقولي طيار ايراني ...
اي حاجتك يا ...شو على أساس عمتعزف على النغمة المعتادة مشان اشتري فنجان قهوة تاني من عندك ......
اي ما تحلم فيا ...هو فنجان قهوة باليوم راح اشتري من عندك ...و لو قلتلي انو الطيار كان أوكراني .......
يحرء شيطانك ....هاد اسموا اعلام ....و الاعلام يجب أن يتصف بشئ من المصداقية ......
....آل طيار ايراني آل ....
اي قلة طيارين مخلصين عنا...........

[BROKER]

كل يوم اتسيقظ صباحاً فاتأكد اننا بعلم وليس حلم ...

[يوسف س]

اقتباس: المشاركة الأصلية كتبت بواسطة لقماان    ...........رغيف الخبز في حلب.......... (بحثت عن رغيف الخبز لم أجده في حلب.... رأيت الناس تتزاحم على الصمون فحلمت بأنني حصلت عليه و سرحت بأفكاري و كتبت............................) بعد ما نزحت بحلب و أعدت عند عديلي و كأني فهمت منو انو مافي خبز...التلوا انا نازل على العزيزية و بجيب معي خبز سياحي اذا ما لائيت .... الساعة عشرة بشارع الشلالات بالعزيزية مافي الدومري ماشي وأفت هيك أنا و موظفين بنك بيمو برا عمنشوف طيارات الهليوكبتر وين عمتضرب .... سألني واحد أولتك وين عمتضرب .. جاوبتو بدون ما أتفرج عليه هللأ الاتجاهات ما بعرفا بس يمكن هون قاضي عسكر و باب الحديد و الميسر سألتوا أنا و بدون ما اتفرج عليه و هديك الطيارة .... جاوب ....يمكن صلاح الدين و السكري و تيناتون بعدين بيسلموا على باب الجنين..... راح كل واحد على شغلوا بدون ما يتفرج على التاني و عيونا معلقة بالسما ..... المهم سحبت مصروفي من البنك باعتبار الواحد ما عاد يسترجي يترك ألف ليرة بجيبتوا .... و مشيت دور على خبز ما لائيت ... دخلت على السوبرماركت تبعيت العزيزية .... دورت ما لائيت ...سألتوا بالحمصي ..ما في عنكون خوبز أخي..... تفرج علي هيك باستغراب ....خوبز ..لساتكون بحومص بتتذكروه للخوبز ...... خبز ...من وين و كيف بدنا نجيب خبز .... التلوا بألبي أنا شغلتي أعرف كيف بدك تجيبا للخبزات ان شاء الله تجيبا بهي الهليوكبتر المهم بدي خبز... فتلت كل المحلات يلي بالطريق ما لائيت .... طلعت على الأشرفية ..و هنيك بسوق الخضرا لائيتلمون المئات من العالم متجمعين و بابدون مصاري ....و عميدافشوا بعضون ... ألت لحالي مافي كلام أكيد هدول الشباب وائفين على دور الخبز ....طبعا آصد الخبز السياحي .... أما الخبز أبو يلي أبو الربطة بخمسطعش... فمافي ولا فرن شغال ....بقدرة قادر ....و فجأة صار في أزمة خبز بحلب ....؟؟؟؟؟؟؟؟!!!!!!!! حطيت راسي بين هالروس و ألت يا أطاع الروس.. و أدفش هيك بالخمسين ليرة مشان ياخدوها مني ... المهم كيف و شلون بعد شي نص ساعة ...طارت الخمسين من ايدي ....... و انزت كيس صخن على ايدوا ....حضنتوا هيك متل ما بتحضن الأم ابنا و ركضت فيو ..... و ما هديت الركيض شوي الا لخوفي من الهليوكبتر تشوفني عمأركض بسرعة و أنا ضامم شي على صدري بيؤولوا أكيد هاد شي انتحاري .... و يؤوموا ...يناولونا يلي فيو النصيب من فوء .... من فوء .....من عندون..... المهم أنا و هيك عمأمشي بسرعة شافني رجالل ختيار يا دوبوا عميئدر يمشي ...... و فتح تموا بسرعة و راح تطير بدلة سنانوا ... و سألني خاي ...من وين جبت هالصمونات .... أنا هون متل شي واحد انكتت عليه طاسة مي باردة عفوا يا ربي شي طاسة مي سخنة بالشوب و بالصيام ......التلوا و ألبي صار يدق ... أيو صمونات حجي ... أشرلي على الكيس يلي معي ...هدول الصمونات خاي .....نيالك ما شاء الله عنك شو محظوظ ... الي من السبعة بكير عدور و ما عميصيرلي .... تفرجت هيك على الكيس فاذا به يا سبحان الله صمون و الصمونة جنب اختا الصمونة ....... تذكت وأتا ماري انطوانيت و مقولتا الشهيرة ليش طالعين الناس بهالمظاهرة ...آلولا مشان الخبز... آلتلون ...خليون ياكلوا كعك مو أحسن..... .......لا خبز في حلب الا على قناة الدنيا ..... .......لا خبز في حلب الا على قناة الدنيا ..... .......لا خبز في حلب الا على قناة الدنيا .....

حالنا بحلب اليوم بالنسبة لتاريخ 27-07-2012
بموضوع الخبز ... غير قابل للمقارنة . بس صامدون وبكل حيادية

[لقماان]

الحمد لله رب العالمين ..............
افرحي يا أم حكيم استأجرت بيتا في مدينة حمص مساحته ؟؟؟؟!!!!...........مساحته....؟؟؟!!!!
اي صلي على النبي ...اللهم صلي عليه و سلم تسليما
مساحته290000 سنتيمتر مربع
تسعة و عشرون ألف !!!!!!!!!!!!
......................يتبع.......................

[عابر مجيب]

اقتباس: المشاركة الأصلية كتبت بواسطة لقماان    الحمد لله رب العالمين .............. افرحي يا أم حكيم استأجرت بيتا في مدينة حمص مساحته ؟؟؟؟!!!!...........مساحته....؟؟؟!!!! اي صلي على النبي ...اللهم صلي عليه و سلم تسليما مساحته290000 سنتيمتر مربع تسعة و عشرون ألف !!!!!!!!!!!! ......................يتبع.......................

الله يعطيك من واسع فضله وكرمه ، الحمد لله وكل شي فيه ميزات ، بيت سهل التنظيف والخدمة ، سهل التدفئة ، فيه حميمية وتلاصق مع الأولاد وتشبع بالحنان لكلا الطرفين ، ما حدا بيطالبك بالحلوان ، ما ممكن تعزمنا وتتكلف ، مرحلة مؤقته وبتمر انشالله وبتنحل على خير .
يسعد أوقاتك .

[لقماان]

اقتباس: المشاركة الأصلية كتبت بواسطة لقماان    الحمد لله رب العالمين ..............

اقتباس: المشاركة الأصلية كتبت بواسطة لقماان    افرحي يا أم حكيم استأجرت بيتا في مدينة حمص مساحته ؟؟؟؟!!!!...........مساحته....؟؟؟!!!! اي صلي على النبي ...اللهم صلي عليه و سلم تسليما مساحته290000 سنتيمتر مربع تسعة و عشرون ألف !!!!!!!!!!!! ......................يتبع.......................

مسكت بايدا لام حكيم متل تنين مخطوبين جديد شافوا بيت راحوا ليشوفوا .....
كنا طايرين من الفرحة و هيك متل راقصين الباليه تبعوت بحيرة البجع ....
المهم وصلنا على البناية ....أم حكيم فرحانة و مانا عرفانة شو يلي ناطرها فوء .....
كلشي سمعتو مني اني لائيت بيت مساحتو 290000 سم ...اخطيطا مع انو دراستها هندسة.....!!!!
بس سمعت انو لائيت بيت و مساحتو بالألفات ما ركزت منيح .....
مدخل البناية معؤول و الموقع كتير منيح ...لكن يللي مش معؤول...شو يا حزركون .............
وئفت أم حكيم على باب الأصنصير...التلها مافي داعي البيت بالطابئ الأول...
طلعنا الدرج برومانسية غريبة ووصلنا على الباب و فتحتلها الباب .....
دخلت أم حكيم و هي عمتؤول ...وينو ..وينو
علشو عمتسألي يا أم حكيم لسا يا دوبك فتي البيت .....
عم اسأل على المطبخ ....وينو .....
عشو عمتسألي حبيبتي على المطبخ ..
اي و الله وينو المطبخ ....و دورت على المطبخ و أنا اتظاهرت انو عمدور عليه ..
آخر شي و أنا هيك عممثل التعب التلها على ما يبدو لاطشينوا للمطبخ ....
يلعن الشيطان الرجيم هالناس صايرا بلا أخلاء...يعني حدن بأجر شئة و بعدين بيلطشلا المطبخ .......
رجعت أم حكيم عمتسأل طيب وينوا ....
سألتوا مينوا .....آلتلي الآظان لا بل الحمام..
على ما يبدوا كمان لاطشنوا يا حبيبتي
بس منيح تاركيلنا السخان و المغسلة ...
و الحمد لله رب العالمين فيو بي دي كمان ..
أم حكيم كالعادة اغرورقت عيناها بالدموع و فتحتلي الموشح الأندلسي عن الحلم الأموي المفقود
هاد البيت يلي واعدني فيه ...هاد البيت يلي خليتني أترك أهلي و اجي عليه ....
هاد ...و هاد ...هاد ...وهاد ......
التلا احمدي ربك أحسن من غيرنا بمليون مرة شايفة هي العيادة يلي مو عاجبتك ألف شخص بدون ياني بس ما آخدها مشان يجو يسكنو هنن فيها .....
آلتلي أنا مو موافئة أتجوز بهيك بيتو اترك بيت اهلي بحلب ...
التلها اصحي يا حبيبتي...ليش ضل في بيت أهلك بحلب ...بعدين بصراحة أنا وقعت العقد
و عمآخد رأيك بالبيت مشان توافئي !!!....
ونحنا متجوزين و عنا جوز ولاد كمان .....
هون صحيت على حالها وين الولاد .....
التلها ما تركناهون ببيت الجماعة يلي آعدين فيو ...يا الله عدي نضفيلك البيت شوي لروح جيب الولاد و الغراض....
نضف البيت ....هاد بيت هاد ....
هاد مو بيت هاد عيادة ...
سمي الأمور بمسمياتا يا أبو حكيم ....هاد عيادة مو بيت
و أنا رايح مشان جيب الولاد التلها ...حمدي رب العالمين
هي صار عنا مفاتيح تلت بيوت و عيادة
يعنا صرنا من أثرياء الحروب ...
بعدين احمدي ربك أكتر ,,,مو عنا حكيم
آلتلي ايه ...
التلا و حكيم ما بدو عيادة ...و لا نتركوا هيك بلا عيادة ....
هي رب العالمين رزئنا عيادة ....يعني صار في حكيمو في عيادة.................
آلتلي(و هي عمتشئشئ بالحلبي )
اي و البيت الجاي خاي ان شاء الله اشو
مكتب هندسي ...مو أنا مهندسة ....
تركتا عمتعد و تبكي و نزلت ركيض مشان الحئ جيب الأولاد....
كل هذا بدون أن نلتفت لطائرات الميغ أو السوخوي و طيران الهليوكبتر الذي كان يدك أحياء دير بعلبة و حمص القديمة و بلدة تلبيسة بعنف شديد يومها .....
................من كترما شفنا تبلدت أحاسيسنا ......