16-07-2012, 09:18 PM
|
#343 |
|
عضو مشارك
شكراً: 76
تم شكره 105 مرة في 45 مشاركة
|
رد: يوميات لقمان في حمص
والله يا اخي لقمان الك وحشة ما بعدها وحشة الحمدلله اطمنا عليك يا اخي عندك عائلة وولاد مالن غيرك صحيح الانسان ما بموت وناقص من عمرو ثانية بس كمان الله قال اعقل وتوكل ولازم ناخد بالاسباب وما نلقي بايدينا الى التهلكة الله يرضى عليك دير بالم ع حالك والله انت سكرة هالمنتدى يلي بتخلينا ياه ودائما وجودك الو نكهة غير الله يحميك ويحمي عائلتك ويحمي هالشعب السوري المسكين امانة اذا لزمك اي شي من الشام فلا تتردد وطلبو مني انت متل اخ بالنسبة الي التعديل الأخير تم بواسطة GDahrouj ; 16-07-2012 الساعة 09:25 PM. |
|
|
| 7 أعضاء قالوا شكراً لـ GDahrouj على المشاركة المفيدة: |
مجرد إنسان (21-07-2012),
arnouri (16-07-2012),
لقماان (20-07-2012),
beautiful life (17-07-2012),
BROKER (16-07-2012),
f.fatina (16-07-2012),
جنى (16-07-2012)
|
|
16-07-2012, 11:13 PM
|
#344 |
|
المشرف العام Rami alattar
شكراً: 25,586
تم شكره 37,110 مرة في 9,197 مشاركة
|
رد: يوميات لقمان في حمص
ابو حكيم شو اعمل فيك ؟؟!!! يعني بدك تتذكر انو عندك غير ( ام حكيم والاودلاد ) عندك يا حبيب 3000 اخ .. شو بدو يصير فيهون لو صرلك شي لا سمح الله ولا قدر ؟؟!!! هيك مستغني عنا ؟ الله يحميك دير بالك .... كنا في مهجري حمص فقط والان اغلي السوريين مهجرين بين الاحياء والحدائق في دمشق قد لا تخلو من العائلات المستقرة فيها وهنالك شرفاء يساعدوهم كما ان هنالك مستغلين .... وهنالك حكومة لا تراهم ولا تتنظر اليهم ولا تعترف فيهم ... كما لم تعترف بسكان حي التضامن حيث انها لم تكترث لهم ولم ترعاهم ولم تجهز لهم الاماكن والملاجئ بينما يقضوا على العصابات الارهابية ..... الله يحميك وخلينا نشوفك دائما |
|
|
|
| 8 أعضاء قالوا شكراً لـ BROKER على المشاركة المفيدة: |
مجرد إنسان (21-07-2012),
arnouri (16-07-2012),
لقماان (20-07-2012),
economic opinion (18-07-2012),
f.fatina (17-07-2012),
جنى (16-07-2012),
najm (16-07-2012),
رندة (17-07-2012)
|
|
17-07-2012, 05:03 PM
|
#345 |
|
عضو مشارك
شكراً: 78
تم شكره 396 مرة في 102 مشاركة
|
رد: يوميات لقمان في حمص
والله يا أخي أبو حكيم .... كل شىء وله نهايه نسأل الله بالفرج القريب انشاء الله ... وما بعد الصبر الا الفرج التعديل الأخير تم بواسطة ferasco ; 17-07-2012 الساعة 10:29 PM. |
|
|
|
| الأعضاء الذين قالوا شكراً لـ ferasco على المشاركة المفيدة: |
لقماان (20-07-2012)
|
|
18-07-2012, 10:58 AM
|
#346 |
|
عضوية مميزة
شكراً: 30,202
تم شكره 17,321 مرة في 8,500 مشاركة
|
رد: يوميات لقمان في حمص
آآآآآآه يا أخي أبو حكيم ما أسعدني بقراءة أخبارك لأنها تعلمني أنك بخير من الله جل وعلا وما أتعسني بسماع عذابك اللهم يا فارج الهم فرج عنا وعن أهلنا في سورية واحم أهلها وانتقم من الظالمين شر انتقام بالقريب العاجل وعجل بفرجك وألهمنا الصبر  |
|
|
|
|
20-07-2012, 07:02 PM
|
#347 |
|
عضوية مميزة
شكراً: 18,885
تم شكره 22,038 مرة في 4,797 مشاركة
|
رد: يوميات لقمان في حمص
أخي هشام و أخي كريم و أخي مؤيد و أخي عبد الكريم و أخي فهد و أخي غ.دحروج و للمرة الثانية أخي البوكر رامي (مو لأنو مدعوم مع انو مدعوم بس هي لمشاركتو التانية ) و أخي فيراسكو و أختي روان .. و الى كل من شارك و سيشارك في هذه اليوميات التي هي في ظاهرها يوميات شخصية ..الا أن حقيقة أمرها هي يوميات و معاناة كل سوري في هذه الأحداث حاولت قدر المستطاع أن أكون صادقا فيها في حب الخير لوطني ...و أحاول قدر المستطاع أن أنقل الصورة الحقيقية التي قد تغيب عن الكثيرين من المعارضة و الموالاة .... اخوتي الكرام شكرا لكم على مداخلاتكم الغالية على قلبي و أعتذر عن عدم استطاعتي الرد على طيب مشاعركم وكرم أخلاقكم و غلاوة مشاركاتكم على قلبي...... لن أستطيع الرد بشكل شخصي على لفتتكم الكريمة و عذري أني أخاطبكم عن طريق الانترنت اللص الثري جي ...يخرب بيتو شو بياكل المصاري أكل و ما بيشبع ........بلكي ان شاء الله على رمضان شهر الصوم الكريم بيخف أتلوا ..عفوا بيخف أكلوا شي شوي.......أؤولوا ان شاء الله .......... |
|
|
|
| 7 أعضاء قالوا شكراً لـ لقماان على المشاركة المفيدة: |
ABDUL KARIM (21-07-2012),
مجرد إنسان (21-07-2012),
BROKER (21-07-2012),
ام محي الدين (21-07-2012),
جنى (21-07-2012),
غسان (20-07-2012),
فراس السكري (20-07-2012)
|
|
20-07-2012, 08:46 PM
|
#348 | |||||||||||||||||||||||
|
عضوية مميزة
شكراً: 18,885
تم شكره 22,038 مرة في 4,797 مشاركة
|
رد: يوميات لقمان في حمص
.......رؤيا جامع سيدي خالد بن الوليد...... (مداخلة طويلة نوعا ما تماشيا مع ما استجد من الاحداث....) نزلت على الحاجز يلي جنب البولمان و صوت دك أبنية حمص يصم الآذان .... مشيت و أنا منقطع عن العالم الخارجي و راسي عمتلف و أفكار عمتاخدني و أفكار عمتجيبني رميت نظرة باتجاه مدينة حمص ....لعلي أرى شيئا يتمت الى بيتي بصلة .......... لم أرى سوى الدخان يتصاعد عاليا و للأمانة رأيت مئذنة جامع العباس و هو الجامع الموجود مقابل بيتي على طريق حماة و قد كنا نصلي فيه عندما يتعذر علينا الذهاب الى جامع سيدي خال بن الوليد ... المهم و الله تروحنت شوي بشوفة المئذنة البيضاء و السوداء للجامع و حمدت الله أنها ما زالت بمكانها ... سبحان الله بتفرج على هالمئذنة بلائيا بيضا متل فستان العروس و أحيانا بلائيا سودا متل تياب الأرملة ... ما هي الحياة هيك بين الأسود و الأبيض ...بين الفرح و الزعل........... صوت عال يصيح :وين رايح حبيب ........ تفرجت حوالي شفت باص النقل الداخلي يلي لونوا أخضر .... أو بالأصح : الباص يلي كان للنقل الداخلي لأنو بعدين صار لنقل عناصر حفظ النظام ..... المهم التلوا على حمص ...... قال لي هدا الباص بيوصل على طريق الشام بس عن طريق التحويلة يلي بتلف حمص من الناحية الشمالية الغربية متقاطع مع طريق طرطوس ثم الدخول الى حمص من الجهة الغربية أو من الجهة الجنوبية جهة طريق الشام.... قفز قلبي من الفرح لأني وجدت وسيلة نقل و فيها ركاب الأمر الذي يخفف الخوف من الطريق ... قفزت داخل الباص و أنا فرح و التلوا على دروشتي و و شدة فرحتي الله يجزيك الخير........... فاذا به يرمقني بزورة كريهة .....نفرتني منه ............ يمكن ما كان لازم أقول الله يجزيك الخير ..... شو بيعرفني على دروشتي و فرحتي هيك طلع معي الحكي ...... قلت له كم الأجرة قال بكل فرح و كأنه يلم النقود لنفسه ... خمسين ليرة ...؟؟؟ خمسين ليرة !!!....بدون ايصال ....و بدون تذاكر .....علما أن اجرة الباص قبل الأحداث كانت 4.5 ليرة ...و هادا باص للدولة و هيك ...... المهم دفعتلوا الخمسين ليرة و أنا ماني حابوا بنوب للشوفير و لائيت حالي باللا شعور عمبعد عنو حتى أعدت بالصفوف الأخيرة من الباص ....مشي الباص و الشوفير حط شريط دبكة و على الصوت العالي ...باعتبار انو الدولة جابت الباصات الأخيرة للنقل الداخلي فيا شوية وسائل ترفيه ... تفرجت هيك بركاب الباص شفتون سبحان الله مقسومين لنصين و في بيناتون فراغ .... النص الأولاني قعد ورا الشوفير و كانوا مطروبين من أغاني الدبكة تبعيت الشوفير و متفاعلين معها و شوية تاني راح يدبكوا ...الا شوي ..... و النص التاني يلي آعد بآخرة الباص كلون صفنانيين و حزينين كأنون مغلوب على امرون هيك متل حكايتي .. لفت نظري كثرة الحواجز الموجودة سواء على التحويلة أو على مداخل حمص ... و على كل حاجز بتطلع عناصر حفظ النظام و بتفتش على الهويات بكل ثقة و أمان ............ لف الباص من على تحويلة حمص ...و دخل حمص من طريق طرطوس و مرينا بطريقنا على دوار أريب من بابا عمروا جنب ملعب الباسل .....أمعنت النظر بأطراف حي بابا عمروا ...لا وحش يسير و لا طير يطير ... و آثار الدمار بادية نوعا ما ...... لا أعرف لماذا استذكرت خالد أبو صلاح مراسل الجزيرة و هو يقسم أن لا يخرج من بابا عمروا الا على جثته .. و بعد أن دكت بابا عمروا و انسحبوا تكتيكيا منها على حد قولهم ..... فاذا به يخرج بجورة الشياح و الخالدية و يؤكد أنه لن يخرج الا على جثته (مع العلم أن المسافة بين الخالدية و بابا عمروا ليست بالقصيرة و خطيرة !!!!!!!! و عندما بدأ دك جورة الشياح و الخالدية ... فاذا بخالد أبو صلاح في مؤتمر القاهرة و بعدها يجلس مع هيلاري كلينتون في فرنسا و قبلها كان في استنبول .....(على فكرة خالد أبو صلاح اسمه خالد الحميد و هو من دير الزور ............) فقط تذكرت الحادثة و بدون أي تعليق ...هيك اجاني خاطر سريع ....... المهم .....سألت المغلوب على أمرون يلي متل حكايتي بمؤخرة الباص ..... عن الحواير يلي بئدر أمشي فيا بدون ما يسلم علي شي قناص بحرارة لأنو ا مشتائلي بعد غيبة خمسة أشهر ... آلولي الحواير الآمنة بحمص ..هي الحمرا...و قسم من حي الانشاءات و قسم من حي الميدان و كرم الشامي و حدوده قسم من طريق الشام من عند فروج أبو فراس هيك و باتجاه الجنوب ...أما طريق الشام باتجاه السوق مرورا بجامع الأتاسي و مقبرة الشيخ المرحوم سليم خلف قدس الله سره ...فممنوع الاقتراب,,خطر القنص ... اضافة الى حي الوعر ...الذي هو عمليا خارج مدينة حمص هيك متل مشروع دمر بالشام ..... و كمانة أحياء الموالاة جميعها بدون استثناء آمنة بشرط ان تكون من سكانها .....و الا .....بتستلمك اللجان الشعبية و ما بتسلمك........ و للأمانة هيك كان يصير بأي شخص من أحياء الموالاة اذا دخل على شي حي من أحياء المعارضة بالغلط .............كمانة بتستلموا اللجان الشعبية لأحياء المعارضة ...أو يا ربي اللجان الشعبية تبعوت أحياء المعارضة سماهون التلفزيون السوري بالارهابيين.... مع انو التنين (موالاة و معارضة) مسلحين...و التنين كانوا يرهبوا أي واحد غريب يفوت على الحارة و كان الهدف المعلن لمسلحين المعارضة هو حماية المظاهرات المعارضة و الناس ...اي لا أدروا يحموا المظاهرات و لا أدروا يحموا البيوت حتى يا ربي ما تم في مظاهرات ..... يعني استدرجوا استدراج لحمل السلاح...الذي انعكس وبالا و نارا و جحيما على أحياء المعارضة ...فهجرت الناس و هدمت البيوت و ضاعت الأرزاق .... أما اللجان الشعبية بشوارع الموالاة ....كمان ما عملت شي يذكر داخل أحياء الموالاة .......لأنو هدفها المعلن كانت حماية الناس و المسيرات المؤيدة ......و هاد الشي كان يؤوم فيو الجيش و قوات حفظ النظام ............... بس بغير محل للأمانة ما بعرف بالضبط شو عملت اللجان الشعبية ........ لأنو بحقيقة الأمر الجيش النظامي هو يلي كان عميحمي الشوارع المؤيدة للنظام ...... و سبحان الله للمفارقة ...قسم كبير من الجيش يلي كان عميحمي شوارع الموالاة و لجانون الشعبية هنن من أبناء شوارع المعارضة و ان كان من غير مدينة ........ ....و الله العسكري من أولاد حارات المعارضة ما بينحسد على وضعوا .....الله يكون بعونوا و بعون أهلوا؟؟؟!!!و كمان العسكريين المجندين من أحياء الموالاة ما بينحسدوا على وضعون ..الله يكون بعون الجميع و يفرج على الكل و ما يحرء ألب أم على ولادا مين ما كانوا يكونوا ....... المهم مرء الباص من عند اشارة السفير ..مفرء شارع الملعب البلدي يلي بالحمرا هون فرحت و الت لحالي في عندي أصحاب كتيرين.......... هون الا ما لائي حدن أأدر بات عندوا .... التلوا للشوفير نزلني على الاشارة ... و لساتوا شريط الدبكة شغال...ما وأف منيح الباص ...كنت هوب زاتت حالي من الباص ..فكرتني العالم انوا اندمجت بالدبكة ...و زتيت حالي على الأرض هيك متل الدبيكة البروفيشينال ......يلي كانوا بعد كل دبكة مميزة بتاريخ مميز يترقوا لمنصب مميز على أولة ياسر العظمة (مين بيدبك و بيزخ عرق أكتر هو مؤهل أكتر ......)(أوعكون يروح فكركون لبعيد يا جماعة صدقا أنا هون بالمنتدى ما دبكت بنوب...؟؟؟ و أنا بحقيقة الأمر بس عمحاول أنزل من الباص بسرعة ..بدون ما أأولوا الله يجزيك الخير للشوفير ....لكان الواحد لازم يتطورلوا شي شوي ......و يتعلم من تجاربو السابقة... لملمت حالي و توازنت و رجعت عبيت مركزي هيك كأني نازل من شي سيارة ب ام دبليوا متل سيارةأخونا أبو محي الدين مستقبلا هللأ بتسألني العالم مين أبو محي الدين هاد أبو محي الدين هاد يلي ساكن بركن الدين...ما عرفتوا .. .....لكان ..مو أنا بدي اهدي ياها للسيارة ..... اخطيطوا خلي يفرفح ألبو شوية بالسيارات الفخمة و يشعر بشعور الرفاهية يلي عمنعيشوا نحن بأحلامنا..؟؟!! بس اخطيطوا وين بدو يصفا ...مو ركن الدين كمانة صايرة مليانة مسلحين ...... أحسن الشي ما اهديه السيارة والله اذا صرلا شي السيارة بخاف على أخونا أبو محي الدين ...ما يتحمل و ينضم لصفوف ...صفوف المرضى ...لكان يا عمي الرزق غالي ........ بنرجع لموضوعنا صاير عمشت كتير و عمفت كتير برات الصحن مدري من وين مسكت هالعادة .... الهم : كسرت على ايدي اليسار و فت بشارع الملعب ... (هي المنطقة تابعة للحمرا و بدون تشابيه متلا متل المالكي عنكون بالشام يعني فيا قصر المحافظ و بيوتا مانا حلوة كتير من برا بس غالية كتير كتير و بتقعد فيا بالعادة الطبقة المخملية من أهالي حمص ... صحيح هللأ أبل ما كانوا يخترعوا المخمل شو كانوا يؤولوا على هي الطبقة عجب الطبقة القطنية و لا الطبقة الكتانية ...و لا الطبقة البوليسترية و لا الطبقة الحريرية ؟؟؟؟؟ ما بعرف المهم ...هون كان و ما زال قصر المحافظ ...هون كان آعد محافظ حمص القديم اياد غزال أبل الأزمة يلي انشال أول الأزمة ..مدري وين أراضيه هللأ ... ...... لأنوا ما شاء الله عنوا الو تاريخ حافل بمدينة حمص ........ المسكين طوش العالم بمشروع حلم حمص و أدي لملوا مصاري ليساويه ...بس ما أدر يهد و لا بيت مشان يساويه ..كان علطول لاحقلي هدم المخالفات بالبياضة و دير بعلبة و الخالدية و بابا عمروا و جورة الشياح و أحياء حمص القديمة و حتى الرستن و تلبيسة و القصير.. و كان روح ألبوا يمسك حدن مركب ساعة مي و كهربا كان يخليون عبرة لمن يعتبر ...كيف لكان ..بدك مي و كهربا و انت معمر مخالف كمان ...... آخر فترة من عصروا بحمص ....لاحق البسكليتات..و لاحق البسطات ...و لاحق الكل .... كان بائي يركب عداد على أنفاس كل مواطن و يدفعوا عليون ضرايب ..... سبحان الله لاحق كل شي بحمص بس مدري لي ما كان يأدر يلاحق الحرامية الكبار ...بيجوز ما كانت سرعتوا كافية ليلحق فيون .. يعني كان هاد المحافظ واحد من أهم الأسباب لانفجار الوضع بأحياء مدينة حمص .. و القيادة ببداية الأزمة ...الشهادة لله التفتت لهالأمر و استجابت لمطالب أهالي حمص و شالتوا لهالمحافظ...... يلي كان بدوا يهد مدينة حمص و يرجع يعمرها على كيف كيف.... أحلاموا....سبحان الله كان دائما يسحب شفة غميقة من دخان السيجار الرأسمالي.....؟؟؟؟و هو عميحضر مبارايات الكرامة...هللأما ضل في كرامة و لا ضل في شي ..يعني فريق الكرامة ...لا تشتوا بتفكيركون ...لا تشتوا الدنيا صيف ...... (و المفارقة أن أفخم و أغلى نوع سيجار هو صناعة دولة اشتراكية هي كوبا ..؟؟!!) كان المحافظ هيك بياخد سحبة سيجار....و ينفخ نفخة غميقة ...... و يترك الكوفي .. لأحلاموا.......عفوا يترك العنان لأحلاموا ......(آخد عقلنا كوفي عنان ) المهم وين صرنا حدن يذكرني ..... آ...اي ...كنت بجهنم الحمرا ..عفوا بشارع الحمرا .... مشيت باتجاه دوار الغوطة و بالطريق مريت من عند مدرسة شفت أداما الكتير من الولاد عميلعبوا ...ألت لحالي ما شاء الله عنون أكيد هنن بالفرصة ...بعد شوي طلعت كام مرأة من المدرسة ألت لحالي الله يقويهن أكيد عميعملوا دورة محو أمية.............!!!!!!!!!!!!؟؟؟؟؟؟؟؟؟؟؟؟؟؟ و بعد شوي شفت مجموعة من الرجال و الأطفال و النساء و الشيوخ ..........!!!!!؟؟؟؟؟؟ كمانة ..ضل الحس الوطني عندي عالي و ألت لحالي ماشاء الله عنون كلون عميدرسوا ....؟؟؟؟؟؟؟؟؟!!! اي بحياتوا ما راح يأدر حدن يهزمنا اذا كنا هيك بهالطريقة عمندرس و نروح على المدرسة .....؟؟؟؟!!!!! آخر شي يلي صحاني صوت طفل رضيع ما بيتجاوز عمروا الأيام و بكاؤوا يصم الآذان ...اي بقا ...... لحد هون ماعاد حسي الوطني يأدر يكذب مشان يصدق ..... هاد صوت طفل مولود في هذه المدرسة هذه الناس هي جموع المشردين و النازحين ...الغرباء في وطنهم !!! كتير أثر في صوت بكاء الطفل الخديج و كنت شوي تاني راح ابكي معوا...... مو طلعوا هدول الناس عميندرسوا متل القمح مو عميدرسوا ............. رجع طلع صوت الخديج والله عملي غصة بألبي .. حمدت رب العالمين و ألت لحالي مدام في ولادة معناتا في أمل ..... أسرعت بالمشي مشان شوي اضحك على حالي و ما عاد اسمع صوت بكاء الطفل و بالمقابل اقنع حالي انو الولد هللأ عميضحك باعتباري ما عمأسمع صوتوا...... مشيت لوصلت لدوار الغوطة ..و هنيك تذكرت بيتي مع أنو بعيد كتير على هالمنطقة بس سبحان الله تذكرتوا ..و تذكرت اطلالة جامع سيدي خالد بن الوليد ..و شو تمنيت أأدر شوفوا .... لفيت نص لفة حوالين الدوار و تفرجت فاذا بجامع سيدي خالد بن الوليد يرتسم في الأفق عن يميني ...دمعت عيني و ألت لحالي أكيد هي كرامات رب العالمين لسيدي خالد بن الوليد الله يرضى عنو....خلتني شوف الجامع ... ألت للحئ حالي دوبني بساعة صفا و أدعي يا رب يزيل هالغمة و هالكابوس عن البلد و يرزقني شي عشرة ملايين دولار ... فجأة متل شي واحد كب علي طاسة مي باردة ....اي راح أعمل حالي قديس و صاحب كرامات و أنا بالفترة الأخيرة يا دوبني محافظ على الصلوات الخمسة لاء و بصراحة أكتر.. في أيام ماني عمفيئ على صلاة الصبح كمانة ...اي بدي رء بالعصي لأنو وأت الأزمات لازم الواحد يقوي صلتوا برب العالمين ......مو يؤعد و يحط الحزن بالجرن...... صرت حكي حالي :طيب أنا ماني صاحب كرامات ...شو جاب منظر جامع خالد بن الوليد على يمين دوار الغوطة ...معقول هاد العفريت تبع سندباد مو سندباد المنتدى يلي ساكن بالميدان أو بالأحرى بتوقع يلي كان ساكن بالميدان ...الله يعلم وين أراضيون هللأ؟؟؟؟ الت لحالي مععقول هاد العفريت الأزرق يلي كان يشيل القصور بئيدو و ينقلها من محلا .....هو يلي نقل جامع سيدي خالد .............. و لا يا ربي متل ما صار بملكة سبأ انتقل ملكا بواسطة من عنده علم الكتاب و بتقدير من الله عز و جل ....... صفنت هيك............................ و الى من يعلم بحواير حمص كان هناك بين دوار الغوطة و جامع سيدي خالد بن الوليد حي كامل متكامل اسمه جورة الشياح و كخط نظر من دوار الغوطة كان هناك مشفى حديث للقطاع الخاص ...اسمه مشفى الأمل و قد شارك المحافظ اياد غزال في افتتاحه من فترة قريبة بناء على دعوة من أصحابه الأغنياء مشان البركة فسبحان الله...يا أغنياء حمص يا أصحاب مشفى الأمل ... الظاهر ايد المحافظ يلي قصت الشريط الحريري كلها بركة اي ها الله يقويكون عرفتوا من وين تؤكل الكتف ...... ما عاد في شي اسموا مشفى الأمل ....صار في بقايا حطام بالأرض على أمل ترجعوا تعمروا انتوا بعد ما تتعلموا ..... المأساة الحقيقية ما راح يشعر فيا مظبوط كل القراء ليومياتي أد القراء ما راح يشعر فيا القراء من أهالي مدينة حمص.....لأنكون ما راح تتخيلوا مشهد الدمار متل ابن مدينة حمص....................... المهم طلعلي وأتا عفريت شارع الميدان بالشام أو يمكن عفريت شامي من أي حارة شامية ..... و هو متأثر على منظر الدمار الشديد في حمص و صار يبكي و ينتحب و يؤول بأعلا صوتوا : .........أُكلت يوم أكل الثور الأبيض...... .........أُكلت يوم أكل الثور الأبيض...... ........................يتبع .................. التعديل الأخير تم بواسطة لقماان ; 21-07-2012 الساعة 05:43 PM. سبب آخر: أغلى نوع سيجار صناعة كوبا+لفظ الجلالة |
|||||||||||||||||||||||
|
|
|
| 12 أعضاء قالوا شكراً لـ لقماان على المشاركة المفيدة: |
ABDUL KARIM (21-07-2012),
مجرد إنسان (21-07-2012),
arnouri (21-07-2012),
best time (21-07-2012),
BROKER (21-07-2012),
ام محي الدين (21-07-2012),
جنى (21-07-2012),
رندة (21-07-2012),
tarek (21-07-2012),
غالب (21-07-2012),
غسان (21-07-2012),
فراس السكري (20-07-2012)
|
|
21-07-2012, 12:48 AM
|
#349 | |||||||||||||||||||
|
مشرف
شكراً: 22,320
تم شكره 18,769 مرة في 4,996 مشاركة
|
رد: يوميات لقمان في حمص
بل شعر بها اهالي سوريا كلها والله ياابو الحكيم انت عم تكبس على مكان الجرح سوريا شهدت الكثير من القتلى والذين دمروها واعمعنوا بها الفساد ولكن سوريا بقيت وهم اصبحوا في مزابل التاريخ |
|||||||||||||||||||
|
|
|
| 6 أعضاء قالوا شكراً لـ arnouri على المشاركة المفيدة: |
مجرد إنسان (21-07-2012),
لقماان (21-07-2012),
BROKER (21-07-2012),
ام محي الدين (21-07-2012),
رندة (21-07-2012),
sooadchamden (21-07-2012)
|
|
21-07-2012, 01:54 AM
|
#350 | |||||||||||||||||||||||
|
عضو أساسي
شكراً: 7,036
تم شكره 2,024 مرة في 602 مشاركة
|
رد: يوميات لقمان في حمص
اخي ابو حكيم أبل ما تكمل السيارة كانت إلي ولا نسيت انا عم ذكرك لان الامل بالله كبير ومافي شي بالدنيا بيضل متل ماهو الله كريم وبالفعل معك حق لوكانت السيارة البي ام دبل يو عنا كانت اليوم اكلت كم رصاصة طايشة يمكن لانو العصابات المسلحة المزعومة انتقلت لركن الدين وبما انو السلطات قررت تقضي عليهن فاخدت الطرق الايسر وقررت تقتل كل الشعب لعل العصابات تموت مع الشعب وهيك بقتلوا او على أولتك بيضربوا عصفورين برصاصة عفواً بحجر ليوم رح اشهد شهادة حق بإذن الله بعد الصلاة اخذت الناس تكبر وتهتف وكانت النساء والاطفال على نوافذ الابنية تشاهد ابنائها وشباب بلدنا وهم يهتفون ويكبرون الله واكبر حتى ان المظاهرة لم تكن منظمة والشباب لم يكن معهم لا اعلام ولا لافتات ولا مكبرات الصوت بس بصراحة كان صوتهم عم يزلزل الارض الله يحميهن المهم اقل من عشر دقائق جاء الامن وبدأ باطلاق الرصاص من بعيد على الابنية حيث تقف النساء والاطفال فلم يبقى بناء لم يصب بطلقات الغدر والحمد لله ربك ستر لم يصب احد من الابرياء هذا على حد علمي ولكن المظاهرة انفضت ولم يبقى احد بالشوارع لكن اطلاق الرصاص لم يتوقف حتى الان .......للعلم الاطلاق ليس متبادل لاننا حين نظرنا اليهم من وراء النافذة وجدناهم كمن يلعب او يتسلى بألعاب الموت بس اكيد مو مطولة الله كبير لا تأخذني اخي ابو حكيم طولت المهم الحمد لله على سلامتك |
|||||||||||||||||||||||
|
|
|
| 7 أعضاء قالوا شكراً لـ ام محي الدين على المشاركة المفيدة: |
مجرد إنسان (21-07-2012),
arnouri (21-07-2012),
لقماان (21-07-2012),
BROKER (21-07-2012),
جنى (21-07-2012),
رندة (21-07-2012),
sooadchamden (21-07-2012)
|
 |
«
لبطاقات الشخصية الحديثة هو شائعات ..ولن تصدر قبل عامين
|
عبر "سكايب"اجتماع وزير الموارد المائية مع "المؤسسة العامة لمياه الشرب والصرف الصحي" في اللاذقية،
»
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصة لقمان الحكيم عليه السلام | فراس السكري | المنتدى الإسلامي | 2 | 26-09-2011 12:50 PM |
| يوميات مواطن حلبي | the king | استراحة المضاربين | 2 | 13-09-2009 12:18 PM |