صالة أسعار الدولار والذهب مقابل الليرة السورية ليوم الخميس 7 -11-2013

[AYMTAL]

اقتباس: المشاركة الأصلية كتبت بواسطة جوليت    هادا الكلام برسم الادراة ,وبتمنى من السيد aytmal المحترم هلأ يحتد لهلكلام, وهيك كلام سواء منه او من غيره ان كان مقبول هادا صار شي تاني وماعاد حدا يلومني على الشي يلي بدي اكشفو وبالحقائق وبحماة ,انا لا استطيع الشتم

أنس كيفك بعرفك عطول مروق طول بالك
بدي مون عليك انك تحذف من مشاركتك الكلام الناتج عن انفعالك و خلي مداخلتك علمية بحتة و خلي النقاش بالمنتدى علمي اقتصادي و بعيد عن الشتائم و الملاسانات يلي بضر اكتر ما بتفيد و انت اعرف مني بهالمواضيع و الكل بيعرفك انك شب حلو و ذكي جدا و نشيط و خدوم و صادق

انسة جوليت المحترمة صح هون بالمنتدى مو مكان الشتائم أكيد بس كمان هون بالمنتدى مو مكان التهديدات
بتمنا منك تحذفي تهديداتك لانو بجد مو حلوة ابداً

عكل أنا بعتزر نيابة عن الاخ انس عن بعض الكلمات يلي برا السياق

بس بتمنا منك انك ما يكون تعليقك على مداخلات الاعضاء فيه استهزاء او فهمنة او تحدي او تقليل من قيمة اي حدا

نحنا هون لنتعاون و بس و باكدلك كل الاعضاء هون محترمين و مثقفين و مو هينين ابداً

كمان بتمنا منك بشكل شخصي جدا تنهي مهمتك مع يلي وكلك ( لانو هاد الموضوع هو يلي عميخلي معظم الاعضاء متوترين منك) و ترجعي معنا بالمنتدى صديقة عزيزة و عضو عادي شو رأيك

[Ziad Sh]

بقترح أفتتاح صالة للعتب و المهاجمات و الخناقات و الشتم و الوصاية و الفرز و لكل شخص بحب اﻷخد و العطى

صار كتير معيب الموضوع و أخد أكتر من حقه بكتييييييير

مستغرب من المشرفين و مدراء المنتدى ... معطلين مثلا أو يلي عم يصير عاجبكم

يا ريت يكون في أي إجراء أو تنبيه لكل شخص غلط مين ما كان

صدقا مبارح و اليوم شعرت بملل بالصالة ما شفته من أول ما تابعتها

اعذروني بس يعني وصلت القصة لحدها معي

و إحترامي للجميع

[Ziad Sh]

اقتباس: المشاركة الأصلية كتبت بواسطة aymtal    أنس كيفك بعرفك عطول مروق طول بالك بدي مون عليك انك تحذف من مشاركتك الكلام الناتج عن انفعالك و خلي مداخلتك علمية بحتة و خلي النقاش بالمنتدى علمي اقتصادي و بعيد عن الشتائم و الملاسانات يلي بضر اكتر ما بتفيد و انت اعرف مني بهالمواضيع و الكل بيعرفك انك شب حلو و ذكي جدا و نشيط و خدوم و صادق انسة جوليت المحترمة أنا بعتزر نيابة عن الاخ انس عن بعض الكلمات بس بتمنا منك انك ما يكون تعليقك على مداخلات الاعضاء فيه استهزاء او فهمنة او تحدي او تقليل من قيمة اي حدا نحنا هون لنتعاون و بس و باكدلك كل الاعضاء هون محترمين و مثقفين و مو هينين ابداً كمان بتمنا منك بشكل شخصي جدا تنهي مهمتك مع يلي وكلك ( لانو هاد الموضوع هو يلي عميخلي معظم الاعضاء متوترين منك) و ترجعي معنا بالمنتدى صديقة عزيزة و عضو عادي شو رأيك

دخيل يلي خلقك

و بضم صوتي لصوتك

[جوليت]

اقتباس: المشاركة الأصلية كتبت بواسطة aymtal    أنس كيفك بعرفك عطول مروق طول بالك بدي مون عليك انك تحذف من مشاركتك الكلام الناتج عن انفعالك و خلي مداخلتك علمية بحتة و خلي النقاش بالمنتدى علمي اقتصادي و بعيد عن الشتائم و الملاسانات يلي بضر اكتر ما بتفيد و انت اعرف مني بهالمواضيع و الكل بيعرفك انك شب حلو و ذكي جدا و نشيط و خدوم و صادق انسة جوليت المحترمة أنا بعتزر نيابة عن الاخ انس عن بعض الكلمات بس بتمنا منك انك ما يكون تعليقك على مداخلات الاعضاء فيه استهزاء او فهمنة او تحدي او تقليل من قيمة اي حدا نحنا هون لنتعاون و بس و باكدلك كل الاعضاء هون محترمين و مثقفين و مو هينين ابداً كمان بتمنا منك بشكل شخصي جدا تنهي مهمتك مع يلي وكلك ( لانو هاد الموضوع هو يلي عميخلي معظم الاعضاء متوترين منك) و ترجعي معنا بالمنتدى صديقة عزيزة و عضو عادي شو رأيك

كل الكلام يلي قلتو يلقى عندي الاحترام , الا انو تتهمني اني شغيلة عند حدا هادا الكلام مرفوض تماما ولا اقبله , واذا مصدق انت هالشي فخالصين , انا مابعرف بالمنتدى حدا اصلا مارديت على اي رسالة خاصة الا للضرورة , بس انا بدي انو لما يكون في ارتفاع نبه للارتفاع كل بحسب الله مابيسرلو ولما بكون في انخفاض كمان نعمل هالشي وبكل شفافية ... يلي عم يلعب بالسوق طرفين المركزي والسودا وعم يلعبو فينا , نحنا مابنقدر عليهم والله بيشهد ولكن ممكن بشوية معلومات من هون ومن هون نقدر نفهم شو عم يصير , مو رايحة الا علينا هادا الشي لازم الكل يعرفوه , عن مين بدي دافع عن المركزي , ليكو تبع غسيل الاموال شو طلع , طلع فاسد برأيك مافي غيرو ؟؟؟؟ والسوق السودا يلي الله بذاتو مابتعرفو برأيك بصف معها ...
هادا الكلام يلي عندي .وبس
ولاتفكر مجرد تفكير انو كل شي بعرفو قادرة احكيه , انا لما بدي احكيه بحسب مليون حساب

[hayyanebrahim]

اقتباس: المشاركة الأصلية كتبت بواسطة ziad sh    دخيل يلي خلقك و بضم صوتي لصوتك

وانا كمان بضم صوتي لصوتكم والادارة لازم تكون صارمة شوي و تحدد شو مسار النقاش المسموح

[انس الحموي]

اقتباس: المشاركة الأصلية كتبت بواسطة AYMTAL    بس بتمنا منك انك ما يكون تعليقك على مداخلات الاعضاء فيه استهزاء او فهمنة او تحدي او تقليل من قيمة اي حدا

انت بتامر امر اخي ايمن ومو بس طلب واحد بنفذلك الف طلب ...حابب عقب على كلامك ياريت تتفهمن الواحد ما بيزعل بس كل كلامها تخويف للناس لك ببتذكر مرقت فترة كل يوم تقول اخي المبلغ بعرف انك عما تراقبنا وتجيب سيرة الجهات الامنية ....بقيت اكتر من اسبوعين تذكر هل العبارات ....بعدين مرقت فترة تروج انو سحب هائل لليرة السورية من ريف حلب الشمالي ودخلوا معها بالمسرحية بعض الاعضاء طبعا بيتشكروا بعض انت الكل عارفهم ....بعدين باليوم يلي بدأ فيه طلوع روجت انو تلقت الحكومة نص مليار دولار للشلل الاطفال بس ما فلحت فيها لانو الحيتان دخلت عالسوق وقبلوا الطاولة راس على عقب ...بعدين مشاركتها على طول اسعارها مافيها اي دقة ....بطلب هلىء من اخي جمال يوافينا بسعر دمشق وياكد لنا سعر 138 ...142 شوف كيف نزلت سعر الشراء تحت خط المقاومة140 نقلته من منطقة الاربعينات لمنطقة الثلاثينات ....بفارق ليرتين ...وهادا الشي باثر على المضاربين وبخليهم احيانا يتخبطوا بقراراتهم ...للاسف اهدافها واضحة تنزيل سعر الدولار باي طريقة.....احلى ايمن على راسي الحموية

[AYMTAL]

اقتباس: المشاركة الأصلية كتبت بواسطة جوليت    كل الكلام يلي قلتو يلقى عندي الاحترام , الا انو تتهمني اني شغيلة عند حدا هادا الكلام مرفوض تماما ولا اقبله , واذا مصدق انت هالشي فخالصين , انا مابعرف بالمنتدى حدا اصلا مارديت على اي رسالة خاصة الا للضرورة , بس انا بدي انو لما يكون في ارتفاع نبه للارتفاع كل بحسب الله مابيسرلو ولما بكون في انخفاض كمان نعمل هالشي وبكل شفافية ... يلي عم يلعب بالسوق طرفين المركزي والسودا وعم يلعبو فينا , نحنا مابنقدر عليهم والله بيشهد ولكن ممكن بشوية معلومات من هون ومن هون نقدر نفهم شو عم يصير , مو رايحة الا علينا هادا الشي لازم الكل يعرفوه , عن مين بدي دافع عن المركزي , ليكو تبع غسيل الاموال شو طلع , طلع فاسد برأيك مافي غيرو ؟؟؟؟ والسوق السودا يلي الله بذاتو مابتعرفو برأيك بصف معها ... هادا الكلام يلي عندي .وبس ولاتفكر مجرد تفكير انو كل شي بعرفو قادرة احكيه , انا لما بدي احكيه بحسب مليون حساب

كمان كلامك الو مني كامل الاحترام

و مو اتهام الك ابدا بي خلينا نجي معك و انا مصدقك انك مو شغيلة عند حدا
بس ممكن تفسري مداخلتك التالية و شكراً مسبقاً

للتنويه المشاركة الأصلية كتبت بمداخلة ل jamal80
------------------------------------------------------------------

اقتباس : المشاركة الأصلية كتبت بواسطة جوليت
رقم 151 تاريخ 2-11-2013
سيد عمار المحترم :
اولا بمشاركتي كنت عم امزح متل مامزحت مع السيد غولدمان , وانا لما شفت الرد هيك عرفت انك اخدتا جد , فسارعت الى حذف كل المشاركات التي تخصك
ثانيا منشان نسكر التساؤل عن موضوع الاجندات وكيف اعلنت انسحابي وليش رجعت
مبارح بعد مااعلنت انسحابي تم التشاور مع يلي موكلني بالمهمة , عرف اني انسحبت وحصل احتداد بين بعض لدرجة رح توصل للضرب , الحاصل الي شو بدك(كمذكر عم يخاطبيني لانو حضرتك سيد عمار الت سيد ونسيت التاء) لترجع عن قرارك ( لانو بيعرف انو ماعندي شي مجاني ) طلبت معلومة مهمة (اول مرة بطلب هيك شي لشخص بهمني امرو مع انو هو ماطلب مني هالشي ) الي خير خلال نصف ساعة المعلومة بتكون بفكرك , وفعلا وفى بوعدو فانا لازم اوفي بوعدي وكفي الاجندة الموكلة بها ..... هيك بنكون خالصين منشان موضوع الاجندة ...اخر كلمة : على سيرة ابراهيم طاهر مين ابراهيم لانو كتير صار مذكور

ردك على مداخلة جمال كان التالي :

كنت مفكرة اني باعتا عالخاص طلعت ناشرتا عالعام ,جد انا غبية , الله لايعطيني الا العافية والصحة والقوة المتزايدة
انا علقت عنك

[dollar]

اقتباس: المشاركة الأصلية كتبت بواسطة royal    شكرا الك اخ انس .. مع كل الاحترام لاعضاء المنتدى يمكن هي المشاركة الوحيدة غير مشاركة الاستاذ رامي الي تعتبر مفيدة بعد 31 صفحة

الله يسامحك هاد يلي طلع معك
مع احترامي الشديد لمشاركات السيد انس بس كانو حضرتك عم تقطش بعض الصفحات
شكرا

[Dynamic Pulse]

عم بسمع أروشة ياشباب بالصالة
بدنا ننام الله يرضى عليكون
يللي مارح يكن بدي خلي يعد بكرى مليون ليرة خمسينات قديمة ومهرية ويحط الصورة عالصورة هه

[Ahmads]

اقتباس: المشاركة الأصلية كتبت بواسطة غسان    الدولار = 0،707 دينار اردني دينار = دولار تقسيم 0,707 دينار = 140 تقسيم 0,707 = 198 ليرة الدولار = 3,75 ريال سعودي بنفس الطريقة ريال = 37 ليرة

شكرا كتير سيد غسان ما قصرت والله الله يعطيك العافيه

اقتباس: المشاركة الأصلية كتبت بواسطة عابر مجيب    في مواقع مذكور فيها الأسعار انا بتابع ( إكس إي دوت كوم ).وهي صورة الصفحة ، كل شي فيها بيتحدث إلا الليرة السورية وكانت من فترة 95 راسلتهم وعلى اساس صلحوها 112 ومن سعر الدولار بتحيب بقية العملات لأنها مقيمة بالدولار بهي الصفحة . أسف حاولت نزل الصفحة طلعت مفشكلة فلغيتها .

استاذنا العظيم شكرا كتير الك .. يبدو انو ليرتنا شايفة حالها كتير عليهن هههه

والك مني احلى كرت أحمر ... "يعبر عن الحب والاحترام" تحياتي سيد عابر

اقتباس: المشاركة الأصلية كتبت بواسطة محمد المضارب    تكرم عينك الدينار الأردني تقريبا = 1.41 دولار أمريكي

شكرا كتير سيد محمد فضلت والله

اقتباس: المشاركة الأصلية كتبت بواسطة نورالهدى    صباح الخير : السيد الفاضل : بالنسبة لسؤالكم بصورة عامة وليست دقيقة : نأخذ نسبة العملة المراد حسابها على الدولار ونضربها بسعر الدولار أي العملة y بالنسبة للدولار تساوي 1.12 هذا يعني : نضرب 1.12 بـ 140 السعر المقترح من قبلكم فتكون النتيجة : 156.8 = العملة y نكرر لكم تأكيدنا بأن هذه الطريقة ليست دقيقة لوجود العديد من العوامل التي قد تحكم سعر الصرف . وتقبلوا فائق الاحترام والتقدير أنور

سيد انور ما قصرت والله كتر خيرك .. وفعلا يبدو انو في امور تانية عم تتحكم باسعار بعض العملات بالنسبة للعملة السورية غير الدولار ..

لأن وبحسبة بسيطة بالاعتماد على المعادلة اللي افادنا فيها السيد غسان بيطلع معنا سعر الدينار الاردني 198 اذا كان سعر الدولار 140

لكن بالسوق "السودا" وهاد الحكي اليوم .. ما حصلت اكتر من 187 ليرة سوري للدينار الاردني .!! تخيل الفرق قديش كبير.! مع العلم انو بشركات الصرافة مسعر بطريقة متفاوتة كمان بس ببضع ليرات مو اكتر .. بساحة المحافظة عند بيكو 187 - 185 .. شركة شام للصرافة شارع 29 ايار 189-190 .! طبعا دولارهن 138 تقريبا .!

يبدو انو بسبب الطلب القليل على الدينار الاردني هو سبب هيك سعر بالسوق .!

المشكلة اني جايبهن معي من الاردن وغلطت وما قلبتهن دولار من هنيك للأسف وهلأ عم حاول اتخلص منهن بسعر منيح واخد بدالهن دولار يورو او دهب ... انشالله اقدر صرفهن بسعر منيح

عموما شكرا كتير كتير ..

ملاحظة اخيرة : سوق دمشق اليوم الساعة 6 المسا حصلت على سعر 145 - 140 بظن مع عمولة شي ليرتين ليلي عم يصرفلي :d

تحياتي الكن جميعا