صالة أسعار صرف الدولار وباقي العملات ليوم السبت 20-7-2013

[Abo Marwan]

اقتباس: المشاركة الأصلية كتبت بواسطة alternative    اقتراح المركزي برايي الاقتراح كان وهمي بسبب المفاجاة التي روعت المركزي من انخفاض الدولار وخوفه من سحب الايداعات وتحولها لدولار وهن الضرر لحيكون مزدوج اغرب ما في الاقتراح من المركزي منع البنوك من الاقراض يعني اكبر ايرادات البنوك هو الفارق بي الفائدة المدينة والدائنة فمنين حيجيبو ال 40% اذا لح يثبتوا الايداعات وعدم اقراضها هالحالة اما بدون يحولون دولار فبيرتفع الدولار 100% طبعا بيكون هيك في استطاعة بتقديم فائدة 40 % او بيحطوا الدولار ادام الدولاراية بنفس الصندوق فبيجيبوا دودو ضغير وهلم جر

كلامك اخي منطقي وواقعي جدا

لكن لو فرضنا مثلا ان الخبر هو تسريب من المركزي فقط للسبب الذي قلته كي لايسحب احد امواله
ولكن بعد فترة قصيرة جدا ان لم يتم الخبر ستعرف وقتها الناس انه غير صحيح وستسحب اموالها
اذا ما الفائدة من هذا خبر ؟؟!!

[احمد م حسن]

اقتباس: المشاركة الأصلية كتبت بواسطة abo marwan    لا اخي لا اعتقد بالسنة لانه الان نسبة الفائدة حسب ما اعرف هي 9%وحسب كلامه سيصبح 40% طبعا بانتظار رأي الخبراء بهذا الموضوع ان كان بالسنة او بالشهر ...

اخي الكريم الفوائد سنوية وتضاف كل ستة اشهر لحساب الادخار
اما الودائع فتضاف حسب مدة الوديعة

[louis_16th]

أنباء عن تدخل المركزي غداً.. الدولار إلى أدنى قيمة له خلال الأسبوع الجاري.. وتوقع انخفاض جديد غدا....

المصدر: Syrian Days

اذا كان الخبر صحيح .. هالشي بيبرر ارتفاع السعر اليوم

[alternative]

اقتباس: المشاركة الأصلية كتبت بواسطة abo marwan    كلامك اخي منطقي وواقعي جدا لكن لو فرضنا مثلا ان الخبر هو تسريب من المركزي فقط للسبب الذي قلته كي لايسحب احد امواله ولكن بعد فترة قصيرة جدا ان لم يتم الخبر ستعرف وقتها الناس انه غير صحيح وستسحب اموالها اذا ما الفائدة من هذا خبر ؟؟!!

اخي بالنسبة لسحب الايداعات بحب خبرك انو كتير من المودعين وقت حصل الانخفاض
قرروا بسحب الايداعات وتحويلها
لذلك المركزي مو غشيم خلينا نشوف الايام الجاية شو
حيصير بسعر الدولار
السعر المرتفع للدولار من مصلحة الكركزي عموما لانو يل مودع بالبنوك في حال كان سعر الدولار فوق ال200 هاد يعني اذا بدو يحولون للدولار فحيحقق خسارة 80 % من قيمة ايداعاته
فهو مجبر على المراهنة عالليرة والابتعاد عن الدولار اما في حال الانخفاض للمستويات يلي
البعض عم يروج الها من بعض الذي يعتقدون انو بهيك اشاعة لح يساعدو المركزي
المودعين حيصير عندون امل بانقاذ قيمة ايداعاتهن ولو بخسارة 50 % من القيمة
لازم نلاحظ انو في فرق بين تحليل سلوك المودعين وبين سلوك التجار يلي عم يحولوا دولار
يوميا او اسبوعيا
المودع راس ماله ثابت ما ازداد بازدياد سعر الدولار
اما التاجر فسعر بضاعتو مقيمة بالدولار اساسا فوقت يرتفع الدولار لو فرضنا 10 % عن سعر مبيع بضاعته فحيكون عندو دافع للحفاظ على قيمة الباقي وبيلعب
رغبة الاستبدال دور كبير بتحديد اقباله على الدولار وتعويض نفس حجم البضاعة المباعة

[S.O.S]

اقتباس: المشاركة الأصلية كتبت بواسطة engshaam    وأنا عم شوف السعر شوي شوي عم يطلع خطرت ببالي أصة أو هوي بالأحرى شعور شعور المريض بمرض خبيث أو مزمن او مالو علاج بيمر علي كتير فترات بين رفض لمرضو وبعدين تعاسة يتخللها تفاؤول هوي ويلي حولي وبالاخر هوي بيفوت بالتعاسة بس يلي حولي وبالرغم من هجمات التعاسة يلي بيتمروء عليهون بيتخللا فترات تفاؤول وبحث عن علاج جديد أو سحري أو متطور وبالاخر أغلب الأصص بتنتهي بأنو مافي علاج المريض أخر فترة بيعرف إنو مافي علاج ولا أمل حتى بس هلأ فهمت شو بيحس لما يشوف بعيون يلي بيحبو انو عن جد مافي علاج أكيد الشعور مو فرح لأنو رأيو يلي طلع صح حزن ممزوج بمرارة وتسليم لرب العالمين أنا والله مالي مضارب أنا زلمة خسرت بيتي بيت أهلي بيت أهل زوجتي مدخر لما تبقى معي صح بس ما بيهمني ازا طلع السعر أو نزل ما بيهمني لأنو همي متل هم كتير ناس أكبر من ربح 6 أضعاف أو 4 أضعاف متل ما ألت أخت كريمة ألنا أسف أخي مؤيد لأنو أنا متلك مابحب المشاحنات وأصلا ماعاد إلنا ألب للمشاحنات بس بالفعل متل ماعم يحكي أخي عابر مجيب يلي ببصملو بالعشرة إنو كلامو صح وإنو شايف الصورة صح بس بحب إلو شي يمكن هوي ما عم يحب يحكي بمداخلاتو وأنا متأكد إنو بيعرفو بس مو حابب يزكرو كفاية الصورة ولتكون كاملة إنو بيوتنا نخربت تهدمت زكريات وشقى عمر الله بيعوض ست جولييت (وهي ياء زيادة ليزبط الاسم)ازا عم تؤولي عنا خونة وتجار ووووووووووو فإنتي غلطانة أنا من ناحيتي مبلغ صغير يلي معي $ لك ازا بيصير شو ماصار وأد ماربحت مارح تتعوض خسارتي وخسارة أهلي وأهل حارتي وجيراني ورفئاتي وبنفس الوئت أد ما خسرت مارح تفرء معي لأني خسرت كتير وكتير وكتير وصفيت نازح ببلدي ومشرد ومشتاء لبيتي وحارتي وأنا لسا هون لهيك يا ستنا أنا مدخر ولمبلغ صغير وما بئبل حدا لا يخوني ولا يزاود علي ولكبارنا بالمنتدى كمان مرة عتبي كبير لأنو هي تاني مرة بتاخدي العبرة متل ما بيؤولو وبحكي يلي بألبي لأنو مليت وتعبت متل كتير عالم من المزاودات وهادا بيئلي انتا ضد الوطن وهوي مع الوطن [/center][/color]

اخي الكريم :
بتصور ماخليت حكي بعد هالحكي والله انا وعم اقرا مداخلتك عشت احساسك بس صدقني في كتير عالم عايشة احساسكم ولو كانت بعيدة عنكم .
الله الكريم بتفرج علينا وعليكم

[FSultan]

المصرف التجاري سيعاود بيع اليورو للمواطنين مطلع الأسبوع القادم, بعد توقف دام نصف شهر

أكد مدير عام التجاري، أن التجاري وبناءا على توجيه "المركزي سيعاود مطلع الأسبوع القادم بيع اليورو للمواطنين للاحتياجات الشخصية. وذكر المدير أن سبب التوقف تقني بما يتعلق بالربط الشبكي. سيتم بيع 1000 يوروا شهريا على ألا يتجاوز البيع 10 آلاف سنويا. ويتقاضى التجاري بعمولة على عمليات بيع القطع الأجنبي

بتصرّف - المصدر: http://sy.aliqtisadi.com/%D9%81%D8%B...4%D8%AC%D8%AA/

ما هي الضوابط!؟

[zaher66]

اقتباس: المشاركة الأصلية كتبت بواسطة عابر مجيب    اثار جحى جلبة وصاح بأعلى صوته تعالوا عندي أخبار مهمة اجتمع الناس متشوقين قال اتعرفون ماذا سأقول ؟ قالوا لا . قال : إذن لا داعي لمعرفة ما قد يؤذيكم ويقض مضجعكم . انصرفوا ساخطين بعد ايام أعاد الكرة وصاح مناديا أهل البلد قال اتعرفون ماذا سأقول ؟ وكانو متفقين مسبقا على عكس الجواب الماضي ، فقالوا نعم نعرف . قال انصرفوا إذن طالما انكم تعرفون ! انصرفوا وقد ملأهم الغيظ وكظموه ومرة أخرى نادى جحا الناس كما في السابق وعندما حضروا كانوا متفقين على مكيدة ولما سألهم هل تعلمون ؟ فالنصف قال نعرف والنصف الآخر قال لا نعرف فال حسنا فليخبر العارف الذي لا يعرف انقلب السخط كلاما وقالوا له توت تتوت توووت تتتتوت توت توت تتتتتتتتوووووت ، عذرا لضرورة الحذف مراعاة للآداب العامة .

قصة حلوة ومفيدة بس مين جحا عتيق والله عرفتك من اول يوم عتيق ومعتق

[عبدالقادر]

حكينا معكون لاتركدو عالصرافة ماحدارد خليون اذاشاطرين يوقفوابوجه المركزي روجو لارتفاع السعر ونجحوا بوجود الغشما وماخسروا شي من جيبتو وقلكو ن عابر وباسل عكلن مبروك خسارة جديدة المركزي رح ينزل السعر للمية واذا ضاربو الكبار الصغار بتنبطح

[الياطر]

اقتباس: المشاركة الأصلية كتبت بواسطة لقماان    مبروك لألنا وجودك معنا أخونا الياطر .... بنشاط و حيوية تزود المنتدى بأسعار الدولار و الذهب .... شكرا لك .....و يا ريت فينا نعرف ..اسمك ..أو أبو شو على أقل تقدير مع انو اسم الياطر ...رأسن بخلينا نتخيل البحرو أمواجوا و عواصفوا.... مبروك مرة أخرى لنا و لك وسام النشاط ....

الله يبارك فيك اخي ابو حكيم الدين
انا يلي لازم اتشكرك لانك من الاعضاء يلي خليتوني اتعلق اكتر بالمنتدى من خلال مشاركاتك المفيدة
ومنشان الاسم محسوبك ابو عبد الرحمن

[zaher66]

اقتباس: المشاركة الأصلية كتبت بواسطة s.o.s    اخي الكريم : بتصور ماخليت حكي بعد هالحكي والله انا وعم اقرا مداخلتك عشت احساسك بس صدقني في كتير عالم عايشة احساسكم ولو كانت بعيدة عنكم . الله الكريم بتفرج علينا وعليكم

الله المعين وهو صاحب الفرج الله معكم ويكون بعونكم ويخفف عنكم