صالون سيرياستوكس للعطلات للايام(4-5-6-7)نيسان2013

[عابر مجيب]

وانا عم قلب بيخطر ببالي فكرة حلوة ( حسب ظني طبعا )
بضغط على زر اضافة رد بيقطع النت وبقعد استنى
بيجي النت بعد ربع ساعة بس بتكون طارت صيغة الفكرة او الفكرة كلها
لا حدا يقلي من العمر ، والله شي بيقرف فعلا هالنت .

بالنسبة لزر الشكر بظن عرفت العلة بس الصدفة اعطت مؤشر غلط لأبو حكيم
يمكن مو من اعادة النظام رجعت، بس تحسن النت عندو شوي بالصدفة
حبيبي رح تتكرر ، مشكلتك من النت ، بتكبس زر الشكر بيروح وما بيعطي نتيجة
لأن النت بيكون نايص على هلال النار
على اساس بيستوي أحسن على مهلو ( بيتهدى ) وبتنبت الحبة ههههههههههه

[BISO]

خبر عاجل.
.
.
.
.
.
.
.
.
.
.
..
:انفجار بطيخة في زاوية البراد مما أدى الى مقتل بندورة واصابة خمس خيارات وقد تم نقل الجرحى الى مستشفى جاط السلطة..... هذا وقد اعلنت حركة الفلفل اﻷ‌ سود مسؤليتها عن الحادث ............. كان معكم خسة من داخل البراد سنوافيكم بكل جديد

مع تحيات حلبي مهستر عندو مي وكهربا ونت وتليفون ارضي

[لقماان]

اقتباس: المشاركة الأصلية كتبت بواسطة عابر مجيب    بينطبق علي انا الحكي ؟ انا بس خمسين و107 شهور واسبوعين وست ايام ، مشولنا ياها

اقتباس: المشاركة الأصلية كتبت بواسطة عابر مجيب    منشان ما كتير تحسبو بكمل 108 شهور بأربطعش نيسان .ههههههههههههه

اقتباس: المشاركة الأصلية كتبت بواسطة غالب    كلنا بالهوا سوا استاذ عابر كل ما كبر الانسان شوية تصبح خبرته اكثر بس المشكلة ما عاد في مجال يستفيد منها كثير بكل النواحي .

شبكون يا جماعة
تفائلوا بالخير تجدوه...
اي نوح عليه الصلاة و السلام عاش تسعمئة و خمسون سنة تقريبا ......
يعني على الورق لسا في عنكون تسعمية سنة احتمالية ....
اي شو تسعمية ...هدول عمر والله ...
مو عمر اي هدول شي عشر أعمار

[abu mhd]

اقتباس: المشاركة الأصلية كتبت بواسطة عابر مجيب    مؤيد بك، كشفتك مخبي مسبحة وعم تتاجر فيها وترفع السعر، من الشيخ سعد عند الجناني المسبحة 180 أخدتها يوم الأحد الماضي ، وبما ان الكهرباء كانت مقطوعة ، الكيس اللي عطاني ياه كان محمض، وصلت على البيت وكبيتها . أحلى تكون شريكو ! بس للتاريخ انا بكمل للميتين حمص حب بعشرين، بحب كترو مع المسبحة بتطلع اطيب . حتى الحب كان محمض

ماني مشارك حدا الله يخليك بكرة بيطلع عم يصنع قنابل عنقودية على شكل حمص و بيتهموني اني شريكه مالي مصلحة
اخي للعلم بالشيء الجناني ماله معلم بالمسبحة هيك انا بشوفه
كونك مريت على الشيخ سعد عليك بمحل الربيع بجانب موقف الشيخ سعد على الشارع العام بجانب بائعي الخضار الخاصيين بالطبقة المخملية
ما بغير عنه من 20 سنة

[عابر مجيب]

اقتباس: المشاركة الأصلية كتبت بواسطة لقماان    يا أبو النور ما هيك اتفئنا النالك روح صلي الجمعة على الموضة الجديدة مو هيك ..... و صاير عمتبعت العالم على جهنم و بئس المصير كمان ..... شو صرلك صاير من جماعة القاعدة السلفية الجهادية ..... الله يخليك خيو .....خليك كاثوليكي ... و صلاتك يوم الأحد ....ما بيمشي الحال معك يوم الجمعة ... اي شو هالاندماج السريع... رجاع خيو لمقولة سيدنا المسيح عليه الصلاة و السلام : لمن ضربك على خدك الأيمن فدر له الأيسر... لسا ما الك بالأصر الا من اليوم العصر .. و صرت تؤول : الى جهنم و بئس المصير.. اذا بتضل لبكرة مشكلة ها ...ارجع الله يخليك و بنحاول نستر عليك مشان ما نعتبرلك ياها ردة..................

من جهة أنو ماقال : ادر له الأيسر ، قال
وقال كمان اعطوا مال قيصر لقيصر ومالله لله
بس كمان قال :
كونوا ودعاء كالحملان وحكماء كالحيات
يعني يكون الواحد واعي مو يهبلا
الهندوس اللي هنن هندوس بعد ما تم غزوهم عشرات المرات وكانوا يستسلموا للمغول
مللو بالآخر وطلع منهم كتائب السيخ ، حلفوا ما يحلقوا ولا شعرة قبل ما يقتلو آخر مغولي ( منشان ما نقول مسلم ) ويتهموني اني عم ثير الفتن بيننا وبين دول البريكس .
بالتالي ما حدا قليل ووقت اللزوم في تعليمات بتنصح باللين وقت بيلزم اللين، وتعليمات بتنصح بالوحشية حسب المقتضى .
طبعا أفضل الكل التقية بمعنى النفاق بس بنلبسها معاني جليلة من الحكمة والتروي والدبلوماسية ، أو ما يقول عنه البعض ان الغاية تبرر الوسيلة ، وهي فكرة مرفوضة تماما . بس وقت الضرورة الله غفور رحيم
ولا تلقوا بأيديكم إلى التهلكة
بالخلاصة عندك كل الخيارات والفرق بين الناس بيعتمد على الأصالة والمنبت الطيب، والفطرة السليمة لفهم العدالة والمعاني الانسانية، مو على المتاح من التبريرات .

[Hany Basha]

السلام عليكم ورحمة الله جميعاً
مساء الخير
سلامي للجميع وشكراً على الصالون الجميل
حاولت أتصفح جميع المشاركات في هذا الصالون ولكن بإختصار مشان ماتعب عيوني
المشاركات حلوة وفيها أدب وشعر وتاريخ وسياسة و و و
بس الصور كتيير مزعجة ومحزنة والله يعجل الفرج
المشكلة الأولى إنو أنا مابعرف حدا منكم شخصي وهادا الشي بعمل حاجز بسيط لعدم معرفتي بكم عن قرب خلافاً لمشاركاتكم الرائعة عن لحظات أمضيتموها سوياً
المشكلة الثانية ماحسنت أعمل شكر لأنو زر الشكر عندي بكتيييير أحيان عم يختفي وكأنو الأخ أبو حكيم عداني
سلامي للجميع مرة تانية وبتمنى تضلكم بخير

[Ship World]

الحلو يا شباب

[Om Omar]

[Om Omar]

كُن بَسِيطاً ، تَكُن سَعِيداً ،
وَخُذ الحَيآةْ بَطِيبةٍ مُتجَاهلاً ظُلم مَنْ حَولك .♥.

[Ship World]

أمس انتهى وغداً لا نملك ضماناً لمجيئه فقط اليوم هو ما نملكه ونملك

الإستمتاع به. عش يومك واستفد من تجارب

الماضي من غير أن تعيش مشاكله وهمومه . ثق بخالقك الذى يعطى للطائر

رزقه يوما بيوم .

هل سمعت عن طائر يملك حقلاً أو حديقة ؟ ، إنه اليقين بالله والتوكل عليه

والثقة بما عنده .الأفضل قادم شريطة أن

تحسن الظن بخالقك ولا تضيع يومك.