سعر صرف الدولار والذهب مقابل الليرة السورية اليوم السبت 22 -02- 2014

[المسار]

اخي اعذرني اذا وصلت فكرتي الاولى بأن الموضوع غير قابل للطرح بالمنتدى
المقصود التفاصيل

ولكن بالايضاح الاولي الذي تفضلت به

شرعا. اذا كان المستفيد خلال ال15 سنة الماضية هو البائع فيحق للمشتري امتلاك المحل في هذا الوقت بدفع ما تبقى عليه من المبلغ المتفق عليه في يوم المبيع

وان كان باستلام المشتري والمستفيد منه في المدة المنقضية فيعتبر البائع شريك الى هذا اليوم ويتوجب على المشتري (شرعا)حساب ما دخله من ارباح خلال هذه المدة ودفعها للبائع ةيعتبر المحل في عقد شراكه لهذه اللحظة فيقيم المحل في الوقت الراهن ويتم الفصل على اساس الشراكه(وهنا لدينا اسباب مخففه من كان السبب بعدم انهاء العقد وعليه يبنى)

قانونا لا حاجه للتفصيل لعدم وجود عقد

عرف. بمعنى حبيه ولاد عم منو شوي منن شوي وانشالله بتنحل بلا مشاكل

شكرا اخي

[hasobman]

اقتباس: المشاركة الأصلية كتبت بواسطة المسار    اخي اعذرني اذا وصلت فكرتي الاولى بأن الموضوع غير قابل للطرح بالمنتدى المقصود التفاصيل ولكن بالايضاح الاولي الذي تفضلت به شرعا. اذا كان المستفيد خلال ال15 سنة الماضية هو البائع فيحق للمشتري امتلاك المحل في هذا الوقت بدفع ما تبقى عليه من المبلغ المتفق عليه في يوم المبيع وان كان باستلام المشتري والمستفيد منه في المدة المنقضية فيعتبر البائع شريك الى هذا اليوم ويتوجب على المشتري (شرعا)حساب ما دخله من ارباح خلال هذه المدة ودفعها للبائع ةيعتبر المحل في عقد شراكه لهذه اللحظة فيقيم المحل في الوقت الراهن ويتم الفصل على اساس الشراكه(وهنا لدينا اسباب مخففه من كان السبب بعدم انهاء العقد وعليه يبنى) قانونا لا حاجه للتفصيل لعدم وجود عقد عرف. بمعنى حبيه ولاد عم منو شوي منن شوي وانشالله بتنحل بلا مشاكل شكرا اخي

اخي بس فيك تذكرلي بعض الاسباب المخففة وشو بتعني
على ذمة ابو رفيقي هو طالبهم كذا مرة بتسجيل المحل ولكن هم تهربو وتنصلو منو
اخي الغالي بالنسبة لشرعا مارقة عليك متل هالحالة يعني (جواب من شيخ محترم)
اذا كان الجواب بالايجاب بتمنى تقلي كيف تم الاتفاق بالاخر
وشكرا جزيلا

[المسار]

اقتباس: المشاركة الأصلية كتبت بواسطة hasobman    اخي بس فيك تذكرلي بعض الاسباب المخففة وشو بتعني على ذمة ابو رفيقي هو طالبهم كذا مرة بتسجيل المحل ولكن هم تهربو وتنصلو منو اخي الغالي بالنسبة لشرعا مارقة عليك متل هالحالة يعني (جواب من شيخ محترم) اذا كان الجواب بالايجاب بتمنى تقلي كيف تم الاتفاق بالاخر وشكرا جزيلا

بعض الاسباب . يلغى دفع بدل ارباح و يتم حساب قيمة المحل عند اول طلب بانهاء العقد اذا كان الطالب بالانهاء هو المشتري وتم التنصل من قبل البائع على ما ذكرت

وبذكرك ان ابو رفيقك طلب وهم رفضو (يعني بعد وفاة البائع الاصيل) يعني بعد مرور 10 سنوات من الاستثمار

وهذا له بناء منفرد
(صديقي من هذا المبدأ ارتأيت عدم مناقشة الموضوع بالمنتدى (لوجود نقاط كثيره بحاجة للايضاح)

على كل حال بعدني ما زرت الاستاذ عابر بركي منلتقى عندوههههههه

شكرا

[عابر مجيب]

اقتباس: المشاركة الأصلية كتبت بواسطة hasobman    بسبب الاغلاق المبكر جدا جدا نقلت الموضوع لهون مرة تانية شباب عندي استفسار ابو صديقي اشترا من عمامو (اهل مرتو ) محل تجاري اتفقو عالمبلغ 280 الف هالحكي من شي 15 سنة دفعلهو مبلغ 220 الف كاش وضل عليه 60 الف وعلى اساس لينزل المحل باسمو بيكمل حقو المهم راحت ايام واجت ايام ولسه ما صار شي الطرفين نسيانين الموضوع ابو مرتو الي اشترا منو المحل توفى من شي 5 سنوات وهلا والد صديقي خاف ليروحو اخوت مرتو (ابناء صاحب المحل )(ورثة)انو ما يعترفو بالشراء عم يسالني انو المبلغ الي بقيان عليه بيضل نفسو ولا بيزيد حسب المتغيرات الي تغيرت ارتفاع سعر المحل من جهة وانخفاض قيمة الليرة من جهة اخرى شو الحل برايكون علما اني اقترحت عليه كذا اقتراح بس حبيت كمان استفيد من خبراتكم

صباح الخير للجميع

بيجوز ما أعطي رأي نهائي بس ممكن النقاش يفتح آفاق جديدة ، وبحب وضح :

أولا طرح الموضوع في صالة العملات ليس مخالفا ، لكون الموضوع يتعلق بفرق طرأ على قيمة ذمة مالية . يعني الموضوع مو قانوني بحت ، بكل حال أكيد الاستاذ حكم ما رح يقصر بإعطاء رأيه .
ثانيا ممكن تقليص الوهم الحاصل من ارتفاع سعر المحل من خلال القاء الضوء ايضا على ان المبلغ المدفوع عند الاتفاق الأول منذ 15 عام ليس بالرقم القليل حينها . وبقي الخلاف على نسبة 60/280= 21% تقريبا يعني الخمس .
ثالثا زوجة الشاري أليست وريثة هي أيضا ؟ ولها حصة في المحل موضوع النزاع ؟
بقي سؤال مهم هل المحل باستلام الشاري ؟ لو هيك بيكون المسؤولية الأكبر بتوقع على اهمال البائع ومن ثم ورثته ، وكون الجميع نسيان القصة كمان هاد دليل انهم متفضيين على المبلغ ، وهلأ فلسوا وقاموا يدوروا على الدفاتر العتيقة وينهشوا صهرهم .
لو كانوا مطالبين وهوه عم يماطل بيدفع الفرق وبيعطيهم 180 ألف ولو كان عم يطالبهم بالفراغ وهنن تأخروا بيدفع 60 .
هلأ إذا أحد الأطراف متفضي ما في مشكلة بزايد بناقص ، بس بيقولوا بين حقك وعيفو .

بالقانون ممكن تفرق الأمور في حال عدم توفر عقد ، بيحتاج شهود أوتحليف الورثة ، يعني يا بيجيب بينة ( عقد أو شهود ) يابيحلفوا المنكرين .
لو مستلم المحل ، شو التبرير ؟ ولو بمنطقة غير منظمة صار بحكم المالك بوضع اليد
ضياع الطابو مو مشكلة إلا إذا كان مفقودة السجلات بالدوائر العقارية نتيجة الأحداث ، وساعتها بتطول القصة أكتر .
إذا تذكرت شي برجع بضيفو .

[محمد سامر]

صباح الخير للجميع
إنشاءالله يوم مبارك

[المعلم عمر]

السلام عليكم ورحمة الله وبركاته


أسعد الله صباحكم جميعاً


افتتاحية موفقة

[أبو عدي]

صباح الخير جميعا

[حكيم الزمان]

أصبحنا وأصبح الملك لله ...

ربنا لا تزدنا تعلقا بشيء لم تكتبه لنا , واجعل لنا فيما نحب نصيب ,

رَبِـنا إِنْ ضَــآقَـتْ آلــأَحــوَألُ يَـومَــاً أَوسِــعْــهَــآ بِـرَحـمَــتِــكْ .♥~

ربنا لا تكسر لنا قلبآ , و لا تصعب علينا أمرا ~

اللّهم لا تجعلنا مِمّن يَتذللون لكَـ, وقت حاجَتِهم ,

ويَتغافَلُون وَقت اِنقضاءِ الحَوائِج ،

اللّهم بَاركـ لنا فيما اَعطيت , واُرزُقنا مِن خَيرِكَـ, والرِضَا ,

صباح الخير والبركة ...

[ahmad1972]

صباح الخير للجميع وشكرا اخ ساحر عالافتتاحية طرطوس امس شراء 154

[رشاد حج علي]

افتتاح بيروت ١٥٣،٥ شراء المبيع ١٥٤،٢٥