سعر صرف الدولار والذهب مقابل الليرة السورية لليومي السبت 30 -11- 2013

[عابر مجيب]

اليوم الدولار على ارتفاع ، مو بقصد النكد ، لأنو في الأسباب التالية :
اللي ما بقي معو اكتر من ميتين ليرة وحامل خمسين دولار للطوارئ ممكن يطول بالو ليقبض اليوم أو بكرا .
الطقس متواطئ مع الدولار ، ومافي برد لذلك ما حدا حيصرف ليعبي مازوت ( ماظوط ) وأصلا مافي .
انقطاع البنزين قلل من مصروف اصحاب السيارات الخاصة ووفروا دولاراتهم .
سائقي السيارات العامة ريشو من كتر ما لطشو بحجة صعوبات البنزين ، ورح يحولوا دخلهم لدولار .
اصحاب الدخل العالي اللي رح يقبضوا اليوم ، رايحين بوشهم على الصراف .
مع التشديد والقبض على الصرافين ، اللي لسا فلتانين رح يدللوا ويرفعوا اسعارهم .
اللي كان نازل يبيع كم دولار خاف ينمسك مع الصراف بسبب التشديد ورح يأجل لتروح الرعبة من الخبر .

[taym]

صباح الخير جميعا

[basem_smk]

اسعد الله صباحكم بكل خير ومسرة

[Dynamic Pulse]

صباح الخير جميعا
في كل يوم نجلس في هدا الصالون بضيافة أبو حازم والشباب الطيبة لنتناقش في حركة الدولار صعودا أو هبوطا ونجرب حظنا في المضاربة والحصول على بضع آلاف من الليرات إن حالفنا الحظ
وبعد سنة من متابعتي لسوق الدولار إكتشفت أمورا أهمها أن الإنسان العادي لديه إحتمالات في الخسارة تفوق بأضعاف إحتمالات الربح
كالشخص الذي يذهب ليقامر في لاس فيغاس سيعود غالبا بخفي حنين
المستفيد الوحيد من مبدأ المضاربة هم حيتان السوق وبعض البطاحيش الذين يسيرون معهم وينفذون مخططاتهم والنتيجة حصولهم كتلة مالية ضخمة يتم تحويلها إلى دولار وتهريبها إلى خارج البلاد
طبعا هذه الكتلة لم تأتي من الفراغ بل جاءت من جيوب آلاف المدخرين البسطاء الذين جهدوا تحت ضغط الخوف على شراء الدولار للحفاظ على ماتبقى من أموالهم
ربما يقوم المركزي اليوم بهذه الوظيفة وبغض النظر عن شرعيتها على الأقل الأموال قد تستعمل داخل البلاد ولا تهرب إلى الخارج
أنا من جهتي رح قول للمركزي وللحيتان فشرتو تشلحوني ليرة سورية واحدة بعد اليوم لأني كسرت الدف وبطلت الرقص

[basem_smk]

اقتباس: المشاركة الأصلية كتبت بواسطة aymtal    مشاركة لأحد اعضاء سيرياستوكس بصالة الجمعة ----------------------------------------------------------------------------------------------------- سيد ماك تحية لك الرجاء منك التفكر بالمعطيات التالية اولا مشاركة لي : مشاركة سابقة لي بتاريخ 21 --- 11 ----2013 في معلومات دولاراتية اذا ضلت ثابتة بتوقع هناك انخفاض بسعر الدلولار بشكل لابأبأس فيه بين 27 -28 من الشهر الجاري ..... بماانو مو متأكدة تسعين بالمية مافيني حطا تحت بند خاص سيرياستوكس وتندرج حتى هذه اللحظة تحت بند التوقفعات ---------- رد من قبل السيد رياض : يا محترمة يا محترمة ياااا محترمة هلأ شو فهمنا من هلمشاركة؟؟؟ هاد اسمو لعب بلمشاعر --------------------------- رد السيد ziad sh إما أكتبي شي مفيد أو لا تكتبي شي كلامك هاد له مغذى واحد و هو اللعب بقرارات البعض أنتي قلتي أنو متابعة سوق سعر الصرف مجرد هواية فبرأي مارسي هوايتك بمفردك و صدقيني لو مو مأفعة معي القصة من مشاركاتك ما كنت كتبت يلي عم أكتبه أقسم بالله هذلت ---------------------------- رد السيد ماك (حضرتك ) مشكورة عالتوقعات .....بصراحة كنت ناوي اصرف 100 او 200 لأني مجنط.......بس بناءا على توقعاتك قررت اجل بيعهم هلأ ....لأنو اجاني احساس انو اذا استنيت اليوم الموعود بيجوز يصير 100 بتكفيني و ما في داعي اصرف 200 !!.....و بنستى للأسبوع الجاية ---------------------------- رد جوليت : مسا الخير اخي : اخي انا عم شارك مو أكتر ولا حدا يبني قرارات ولاهم يحزنون , اخي منشان ماتزعل رح نزل المشاركة من بند التوقعات لبند الاحساس , روق وبلا تأفيع . بعدين انت مو شايف المشاركة مفيدة بس انا شايفتا مفيدة شكرا لك بكل اريحية ------------------------------------- رد السيد عمار اللامي : الرجاء من المشرفين وضع حد لهذه المهزلة --------------------- السيد نوري (طبعا يحق له لانه مشرف عام ولابد انطلاقا من حرصه على مصداقية المنتدى ان يقول ذلك : تحيه لك اذا سمحت ذكر هذه المعلومات وان كانت كانت غير صحيحه او غير متاكده منها فلا يوجد داعي ذكر الخبر والمنتدى هنا ليس لبث اشاعات وانما هو لذكر الحقائق ووصف الواقع شكرا لك واي مشاركه اخرى مثل المشاركه السابقه سوف تحذف مع الاسف شكرا مرة اخرى ----------------- السيد aytmal ماعاد اتذكر اذا نقض هادا الموضوع او يلي قبلو -------------------------- الان بعد التمعن بما سبق الرجاء سيد ماك ابداء رأيك ولك جزيل الشكر علما اني سأحترمه ولاتنسى اني محدةة هالمرة ايام 27 28 وبتاريخ 21 كان الدولار بحيطات 158 تذكر متى بدأ الانخفاض 27 ... و28 اصبح بحيطان 147 والفرق 11 ليرة اي 1 مليون دولار ربح بمقدار 11 مليون ليرة سورية برأيك من كل المداخلات ماذا يفيد من كان يسأل من اين لك هذا او هزلت او ......... طيب ليش مانطرو حتى يصبح الاحتمال حدث وبعدها يحكمو ليش نقضو فورا والبعض وصل لحد الاستهزاء .. طيب ما موقف الذي استهزأ بعد ان اصبح الاحتمال حدث والحدث جاء مطابق للاحتمال بنسبة لاتقل عن 90 بالمية ؟؟؟؟؟ اترك لك الرد وشكرا وعذرا من الادارة الكريمة -------------------------------------- انتهت المشاركة بتذكري توقعك من شي كم شهرلما كان السعر 208 تقريبا التي أنو السعر بدو يصير 227 و كمان حددتي تاريخ و لا هادا التوقع نسيانتيه و ضريتي كتير ناس فيه عزيزتي فعلاً المنتدى هون مو لبث الاشاعات و انتي لما توقعتي نزول ب 27 و 28 الشهر ماذكرتي اديش السعر و هو مجرد صدفة صارت معك لانو بالصدفة يوم 27 دعت تركيا و ايران لوقف اطلاق النار بسوريا فنزل السعر و لا انتي كمان بتعرفي شو بدا تعمل ايران و تركيا و كمان السعر يوم طالع و يوم نازل المركذي بينزل سعرو و بيضخ عادي ينزل بالسوق بس العبرة بالقدرة على الحفاظ على السعر لانو بيطلب ضخ مستمر و هدا مرهق جداً لاي اقتصاد منأكد على كلام المشرف و هو التالي : اذا سمحت ذكر هذه المعلومات وان كانت كانت غير صحيحه او غير متاكده منها فلا يوجد داعي ذكر الخبر والمنتدى هنا ليس لبث اشاعات وانما هو لذكر الحقائق ووصف الواقع شكرا لك و منذكرك انتو كتير مرات ما ظبطت توقعاتك بل معظما ما زبط

شي عادي انو مو كل التوقعات تزبط ...
حتى لو الاقلية زبطت والاغلبية ما زبطت ... بالنهاية اسمها توقعات
يعني مو كلام منزل !!
وبعدين انا فيني جمعلك مداخلات ومشاركات لاشخاص من اول مادخلت المنتدى وهني دائما .... (( اتوقع الارتفاع ))
وانت بتعرفن والاغلبية بيعرفوهن كمان
عالاقل الانسة جوليت على حكيك مرة بالارتفاع ومرة بالانخفاض ومرة بتزبط ومرات بتخطيء ..
ما حدا ملزم ياخد برأيها (( عقلك براسك بتعرف خلاصك )) ..
وبرأيي مافي داعي نضل ماسكين هالموضوع وعمنحكي فيه ...
تقبل انتقادي برحابة صدرك

[alternative]

صباح الخير
الشباب عم يتوقعوا وعم يخمنوا الله يعطيون العافية
ان شاء الله ساطرح موضوع يتناول تاثير شركات التسويق الشبكي على مسار الليرة - دوﻻر خﻻل 2014
وهوة موضوع تنبيهي للفت النظر والعمل على محاصرة اﻻثار السلبية
التي ستنتج في حال لم يتدارك الموضوع

[jamal80]

ذكرت بمشاركات سابقة و برجع بأكد
بأن أي انخفاض في سعر الصرف دون السعر الرسمي للمصرف المركزي
نتيجة زيادة العرض سيكون مؤقت
وذلك لقيام المصرف المركزي بسحب الفائض من العرض
مما يؤدي إلى ارتداد بالسعر خلال فترة قصيرة

يلي بأكد كلامي الانخفاض الأخير الذي شهدناه لحدود 125
إذ لم تتجاوز فترة الانخفاض يوم واحد فقط
وفي اليوم التالي كان سعر الإغلاق 150

[jamal80]

سعر الصرف بحسب أسعار السوق

تاريخ 3-11-2013
الافتتاح 143 - الاغلاق 140

تاريخ 4-11-2013
الافتتاح 133 - الاغلاق 128

تاريخ 5-11-2013
الافتتاح 125 - الاغلاق 150

مع الشكر الجزيل للأستاذ رامي على جهوده

[محمود عليطو]

صباح الخير للجميع يوم هادء يسبق عاصفة الغد
تل رفعت
143 145

[MYSSAR]

ريف حلب الشرقي :
شراء : 143
مبيع : 146