سعر صرف الدولار والذهب مقابل الليرة السورية ليومي الخميس والجمعه (28 -29 ) -11- 2013 ‏

[غسان]

تقدم نضال لخطبة ابنة تاجر الحي الثري أبو محظوظ ...

.. بعد الرسميات والشكليات والتوجيبات والكليشات المعتادة ( اهم شي الاخلاق ونحنا شارين الشب .... ) طلب العم من نضال ان يحدد المهر الذي يستطيع دفعه ......المتقدم والمتأخر
ولكن بالدولار !!!!!
تصبب نضال عرقا وهو يحسب ال 75 الف كم دولار بتطلع ...؟؟؟...
محدثا نفسه : الدولار ب150 يعني الف دولار ب 150 الف نصون 75 الف يعني 500 دولار .... ياحبيبي شو بدي الو 500 دولار والله يمكن بيرفسني برجلو من الشباك ....
استجمع نضال قواه قائلا متأتأ : ااا ,,,خ خ خ خلينا بالليرة عمي انا مابفهم بالدولار والمولار مستعد ادفع 75 الف متقدم واكتب 200 الف متأخر ... هي استطاعتي ومتل مابيقولو ( ارجي عذرك ولاتورجي بخلك ) ههههه
ضحكة تلاشت بسرعة عند مشاهدته لجبين عمه ابو محظوظ وهو يتجعد ويعبس بشدة .....
أبو محظوظ : ظريف انت على فكرة .....أنا بنتي اكتبلا 500 دولار ؟؟!! يخرب بيتك من حالك ملا عريس غفلة ....روح حبيبي روح ومد بساطك على اد رجليك ...... اذا شربت قهوتك .... ورجينا عرض كتافك ..

نضال : يا حيف عالرجال ....انا بورجيك ......عم تتاجر بالعملة مو ... انا بورجيك انا بورجيك

( ابو محظوظ رفسو لنضال... بس من الباب مو من الشباك ...... ونضال طلع خطو حلو ........ )

[سعد أطرش]

إغلاق بيروت 145....148

[muhammad alkhay]

شكرا لكم على كل شيء
اذا كان ممكنا يرجى وضع استراتيجية للهواة امثالنا في كل يوم حتى لا نتبهدل بتحليلاتنا الخاصة
والشكر

[حكيم الزمان]

اقتباس: المشاركة الأصلية كتبت بواسطة غسان    تقدم نضال لخطبة ابنة تاجر الحي الثري أبو محظوظ ... .. بعد الرسميات والشكليات والتوجيبات والكليشات المعتادة ( اهم شي الاخلاق ونحنا شارين الشب .... ) طلب العم من نضال ان يحدد المهر الذي يستطيع دفعه ......المتقدم والمتأخر ولكن بالدولار !!!!! تصبب نضال عرقا وهو يحسب ال 75 الف كم دولار بتطلع ...؟؟؟... محدثا نفسه : الدولار ب150 يعني الف دولار ب 150 الف نصون 75 الف يعني 500 دولار .... ياحبيبي شو بدي الو 500 دولار والله يمكن بيرفسني برجلو من الشباك .... استجمع نضال قواه قائلا متأتأ : ااا ,,,خ خ خ خلينا بالليرة عمي انا مابفهم بالدولار والمولار مستعد ادفع 75 الف متقدم واكتب 200 الف متأخر ... هي استطاعتي ومتل مابيقولو ( ارجي عذرك ولاتورجي بخلك ) ههههه ضحكة تلاشت بسرعة عند مشاهدته لجبين عمه ابو محظوظ وهو يتجعد ويعبس بشدة ..... أبو محظوظ : ظريف انت على فكرة .....أنا بنتي اكتبلا 500 دولار ؟؟!! يخرب بيتك من حالك ملا عريس غفلة ....روح حبيبي روح ومد بساطك على اد رجليك ...... اذا شربت قهوتك .... ورجينا عرض كتافك .. نضال : يا حيف عالرجال ....انا بورجيك ......عم تتاجر بالعملة مو ... انا بورجيك انا بورجيك ( ابو محظوظ رفسو لنضال... بس من الباب مو من الشباك ...... ونضال طلع خطو حلو ........ )

كني فيا يتبع ؟؟؟

[حكيم الزمان]

اقتباس: المشاركة الأصلية كتبت بواسطة روميو    السلام عليكم الله يسعد اوقاتكم جميعا افتتاحية مباركة اخ ابو معاذ هالاهبل طالع نازل نازل طالع جن وجنني معو والله وبكسر الهاء لولا ما حقو غالي كنت نتفتو بايدي

وعليكم السلام ورحمة الله اخي روميو
صدقني هل اهبل اللي عم تحكي عليه ما عم يتحرك وتاكيدا لكلامي حط ايدك على قلب الجوز وشوف مين عم يدق اسرع بتعرف او شوف مين عم يلهث -بس اهم شي مشان تحكم على شيئين تكون واقف على جنب بتشوف اعم واوضح
تحياتي

[روميو]

اقتباس: المشاركة الأصلية كتبت بواسطة حكيم الزمان    وعليكم السلام ورحمة الله اخي روميو صدقني هل اهبل اللي عم تحكي عليه ما عم يتحرك وتاكيدا لكلامي حط ايدك على قلب الجوز وشوف مين عم يدق اسرع بتعرف او شوف مين عم يلهث -بس اهم شي مشان تحكم على شيئين تكون واقف على جنب بتشوف اعم واوضح تحياتي

تحياتي اخي حكيم
ما فهمت عليك كيف ما عم يتحرك؟؟؟
ومين قصدت بالجوز اللي معو سوري واللي معو دولار يعني؟؟

[حكيم الزمان]

اقتباس: المشاركة الأصلية كتبت بواسطة روميو    تحياتي اخي حكيم ما فهمت عليك كيف ما عم يتحرك؟؟؟ ومين قصدت بالجوز اللي معو سوري واللي معو دولار يعني؟؟

اخي انت قصدت بالأهبل الدولار انو عم يتحرك طالع نازل بس هو ثابت والسوري اللي عم يتحرك
وقصدت انا بالجوز العملتين الدولار والسوري ما قصدت اللي حاملهون

[جوليت]

اقتباس: المشاركة الأصلية كتبت بواسطة نورالهدى    صباح الخير اسمحوا لنا أن نزيدكم من الشعر بيتاً : إضافة إلى الفرق ما بين سعري الشراء والمبيع الذي تكرمتم بالإشارة إليه وإلى نسبة العرض إلى الطلب توجد بعض المؤشرات السعرية من المهم متابعتها منها : - الفرق ما بين سعري الشراء الحالي والسابق لنفس المنطقة والفارق الزمني بينهما . - تجاوز العتبات النفسية صعودا أو هبوطاً ومن الممكن أن تكون صفرية وقد يكون قد تم التركيز عليها سابقاً _ كهدف أو كنقطة من الصعب الوصول إليها آنياً _ وخصوصاً حالياً فيما يتعلق الهبوط . - تجاوز نقاط الدعم والمقاومة والوصول إلى نقاط غير متوقعة آنياً وممهدة نفسياً لنقاط أبعد مع بعض المساعدات من أهمهما الإعلانية _ وليس الإعلامية لوجود فوارق كبيرة ما بين الإعلان والإعلام _ . وتفضلوا بقبول فائق الاحترام والتقدير أنور

سيد نور المحترم (وسمحلي ناديلك نور ),برأي المرحلة الحالية للدولار يطلق عليها الدولار السياسي ونقطة على مااظن من اخر السطر .
وطبعا هادا الشي مؤسف (انا بكرهو ) ,بس موشرط نحب الواقع لحتى نقتنع فيه, بجوز تألي كيف سياسي ؟ ليش الامور زابطة سياسيا ؟؟؟ انا رح جاوبك :مو اصدي هيك , السؤال الذي مارح يحل عنك الا مايفرض نفسو ... سياسي لمين ؟؟؟ ممكن تسألني اصدك للطرف الاول بألك موشرط بتألي للتاني بألك كمان موشرط بتسألني لمين لكان . ساعتا أكيد رح اسكت

[خيرو الشامي]

اقتباس: المشاركة الأصلية كتبت بواسطة ابو ليلى 44    صباح الخير للجميع واسعد الله اوقاتكم بكل خير سؤال لاصحاب الخبرة ماهو توقعكم للذهب لفوق ولا لتحت؟ يعني خرج الواحد يشتري ولايستنى؟ بالله صاروا سؤالين!!

مساء الخير ابو ليلى انا برايي الهامور الذهبي مابيعرف يجاوب ويضمنلك النتيجة
انا مرة رحت عند هامور وشفت شلون عم يشتغل اذا بدك بحكيلك عنوبدون ذكر منطقتو وبأنو طابق
وبدون ما قلك بانو هوالان برات البلد
حتى تعرف بانو (احيانا) كبير الهوامير ما بيعرف بكم ممكن ان يشتري بعد ساعة

لي صديق باع ذهب من يومين 5350وتاني يوم صحلو يشتري ب5075ما رضي
اليوم اشترى نفس الكمية بسعر5350يعني تي تي - تي تي -متل ما رحتي -متل ما اجيتي

[روميو]

اقتباس: المشاركة الأصلية كتبت بواسطة حكيم الزمان    اخي انت قصدت بالأهبل الدولار انو عم يتحرك طالع نازل بس هو ثابت والسوري اللي عم يتحرك وقصدت انا بالجوز العملتين الدولار والسوري ما قصدت اللي حاملهون

يا رجل طيرتلي أعلي فكرت حالي نايم وعم كوبس