الدولار في اسبوع - مناقشات الأسعار الدولار والذهب مقابل الليرة السورية ليوم الجمعه 08 / 11 / 2013

[حمصي مع سبق الاصرار]

اقتباس: المشاركة الأصلية كتبت بواسطة a.g.saifo    افتتاح مباركة ياذن الله الموضوع من الصالة السابقة ولكن بسبب اغلاق الصالةقبل الوقت المحدد كتبتها بهل الصالة ... .... لك شببببكن ... على حد علمي هل المنتدى أغلبه من الطبقة المثقفة طبعا مع احترامي للجميع بس انا تقصدت قول مثقفة لانه الحكي الي عم شوفوا والشي الي عم يصير ما شفتو بالبازار لك شبكن والله صرلي حوالي ثلاث سنوات بهل المنتدى وصار في صعود وهبوط للدولار بشكل مخيف ومتسارع متل هل المرة شو الجديد هلأ .... كنت ادخل ما يتجاوز عدد الصفحات العشرين وكنت ما فوت ولا مشاركة لانه بكل كلمة موجودة كنت شوف فائدة .... قسما بالله صرلي كم يوم بدخل بشوف صفحتين تلاتة وبحس خالي ضعت واتخربطت اكتر من مو مخربطني السوق وما عم شوف افادة ... مع احترامي للجنيع اكيد في افادات وفي ناس عم تتعب كرمال بعضها بس 40 صفحة رقم كبيييير ... الموقع كتييييير كتييييير مهم بالنسبة لسوق الصرف لك صرت ماروح عند حدا من معارفي بالسوق وقلو كلمة غير يسألني شو رأيك وطبعا رأي انا بكون نتيجة القراءة من المنتدى مكونه لدرجة قلي شخص من رفقاتي بس شفتك وقلتلي بدك ابطل ابيعك لانه انت عندك كهربا وبعد دقيقة بتلاقي السوق من بعد طلبك شد .... هههههههه ومع هيك ماعم استفيد بسبب ضيق الوقت طولت عليكن بس والله المنتدى ما كان هيك واكيد متلي ناس كتير ضاجت وخاصة انه السوق كتير خطير وبخوف وفي ناس اتدمرت

دوما الاشجار المثمرة ترمى بالحجارة
لا تزعل لان هاد بسبب نجاح المنتدى و شهرته
بس اكيد غيمة و تزول
دمتم بخير

[غسان]

اقتباس: المشاركة الأصلية كتبت بواسطة najm    مسى الخير أنا مبارح لم نزلت تعليقي لم أنتبه لمشاركة أخونا الكبير عابر مجيب والا ما كنت علقت .. لكن أكلنا مخالفة ويمكن كرت أصفر ومشي الحال .. بتعرف وين بتندفع ؟! ياحبيبي رجعنا للصد والرد big grin

خلص انمسحت ولايهمك...لنا معا ذكريات حلوة من وقت الامتال والتراث وكنت حابب اتعرف عليك شخصيا ....كما تعرف عليك البعض هنا... جاية الايام ...... باذن الله نلتقي

[روميو]

السلام عليكم
مسا الخير للجميع
انشالله كلنا بنبقى اخوات واللي صار كلو خلافات وسوء تفاهم بس بتمنى من الجميع يقرب خطوة ناح التاني مشان يتم الصلح
وكمان شيء مهم اذا نسبة اعضاء كبيرة تضايقت من اسلوب احد الاعضاء او نهجو بتمنى منو انو يراجع هالموضوع بينو وبين نفسو مو مشان شي بس لانو فعلا مو حلو يضل الوضع هيك وشكرا
هالكم يوم الامور حواليي تعبانة لهيك الحركة خفيفة مع انو الطلب اكبر من العرض لانو لاحظت وخاصة بعد ما رجع طلع من ال 120 لل 155 انو الناس فهمت اللعبة او كلهن عم يسمعو نصائح اخونا الاستاذ رامي انو الشراء من القاع دوما
مبارح كان السعر بحمص 150 شراء 160 مبيع واستمر هالسعر لليوم تقريبا لبعد الضهر قبل اجتماع المركزي نزل وصل لل 150 مبيع وبعد نتائج الاجتماع شد السعر شوي اخر مرة حوالي الساعة 4 العصر كان 152 مبيع
خلال النهار ما حطيت السعر مشان ما حدا يشكك انو 160 اكيد هدا شطيح
تقبلو اجمل وارق التحيات

[خيرو الشامي]

مساء الخير للجميع ولمن طلب نكته =انسان خسر بيتو ومعملو وسيارتو ونزل استاجر بيت بالشام غرفة واحدة وسكن هو وخمس ولادو وامهم وشو بدو يشتغل ؟؟ خسر كل مصرياتو وطلع الساعة تنتين بالليل مكتئب لقى البلد عتمة ومافي حدا بالطرقات والشارع مافي ولاسيارة وعندها بدا بالبكاء بصمت ووجد تنكة سمنة فارغة ومصدية على الرصيف فشاطها بقدمه فخرج له مارد وفال له شبيك لبيك اطلب واتمنى ففرح كثيرا وطلب فورا منزل خمس غرف في افخم منطقة بدمشق فقال له المارد يخرب بيتك شو اهبل بدك بيت فخم شو مو شايفني كيف انا ساكن بتنكة مصدية

[محمد المضارب]

مساء الخير إغلاق مدينة دمشق . شراء 140 - مبيع 145

[عابر مجيب]

انا حاولت اعمل شي للمنتدى
للأسف كان في مخالفين وكان متوقع منهم
بس تكون المخالفة من اللي مفروض فيهم يكونوا أكثر حرص على المنتدى شيء غير مقبول
هدول كنت بتوقع يساعدوني
الله يهنيكم ويديم عليكم منتداكم ويباركلكم بالعي اللي عم تحاربوه وترجعو على عي اكتر منو .
يبدو اني كنت دخيل وبغير مكاني
آسف

[arnouri]

اقتباس: المشاركة الأصلية كتبت بواسطة عابر مجيب    انا حاولت اعمل شي للمنتدى للأسف كان في مخالفين وكان متوقع منهم بس تكون المخالفة من اللي مفروض فيهم يكونوا أكثر حرص على المنتدى شيء غير مقبول هدول كنت بتوقع يساعدوني الله يهنيكم ويديم عليكم منتداكم ويباركلكم بالعي اللي عم تحاربوه وترجعو على عي اكتر منو . يبدو اني كنت دخيل وبغير مكاني آسف

تحيه لك
اخي ابو هائل
انت اصبحت اساسي في المنتدى
ومن قال انك دخيل
وهنا مكانك

ومكان كل مواطن يحب بلده واهله

[arnouri]

اقتباس: المشاركة الأصلية كتبت بواسطة محمد المضارب    مساء الخير إغلاق مدينة دمشق . شراء 140 - مبيع 145

سعرك غير صحيح
رجاء تأكد من مصدرك

[a.g.saifo]

بتعرفو بصراحة انا ما بعرف مين المشرفين ومين مستلم صالة الدولار ... بس لازم يكون متواجد معنا اكتر من هيك
استاذ عابر انا مابحط شكر كتير ولا بشارك بس بحب اقرأ مشاركاتك لانك انسان مثقف وصاحب خبرة ... بس بتصعبها احيانا للمشاركات وبدها ترجمان محلف هههههه

[جوليت]

اقتباس: المشاركة الأصلية كتبت بواسطة عابر مجيب    انا حاولت اعمل شي للمنتدى للأسف كان في مخالفين وكان متوقع منهم بس تكون المخالفة من اللي مفروض فيهم يكونوا أكثر حرص على المنتدى شيء غير مقبول هدول كنت بتوقع يساعدوني الله يهنيكم ويديم عليكم منتداكم ويباركلكم بالعي اللي عم تحاربوه وترجعو على عي اكتر منو . يبدو اني كنت دخيل وبغير مكاني آسف

حسب رأي الشخصي (حتى لو بتكرهني ) ,انت انسان حكيم وبتشوف الواقع وبدك تحكيه متل ماهو ,واحترامك واجب علي حتى لو كنت اختلف معك بكثير من الامور
تقبل اعتذاري ان صدر مني اي كلمة بحقك .........جوليت