المشاركة الأصلية كتبت بواسطة محمد عامر النجار

السلام عليكم و رحمة الله كيفكم يا شباب انشاله تكونو بخير و الله يفرج عن الجميع و خصوصا والدة الأستاذ رامي

بالنسبة لمشاركة الأستاذ عابر مجيب عندي سؤالين الأول وين بدنا نسجل أسمائنا منشان المعونة تبع ال 750 ريال وبدكم صورة عن الهوية و اخراج قيد من المختار و دفتر العائلة و لا في شي كمان و ممكن سجل عن أبي و أمي لأنو صعب يجو
والسؤال الثاني أنو رح تسلمونا ياهم ريال ولا سوري لأنو سوري ما عاد تظبط الحسبة تبعك يا أستاذنا من الصبح لهلأ فرقت كثيير بس بكل الأحوال سجلي اسمي وما منختلف أحسن ما يصير فيني شحاد و مشارط و آخر شي نطلع من المولد بلا حمص
سألت واحد قال ما عنده و ما بيعرف السعر والثاني ما عم يرد
باعتقادي الشخصي الأزمة مطولة لأن البلاء لا يعم إلا بكثرة المعاصي و لا يرتفع إلا بتوبة و من واقع الحال مع المحيط لي فقط من أهل و أصدقاء و موظفين و غيره أستطيع أن أؤكد أن الفرج بعيد حالياً مع أنه اللي بيعرف أهلي و أصدقائي بقول يمكن من صحابة هاد الزمان ياريت يكون في شي دواء يخلينا ننام نومة أهل الكهف و ما نحتاج الأكل و الشرب و لما نفيق تكون الأزمة خلصت لكن و بعد هذا كله و غيره و فوقه مما سيأتي زيادة أقول اللهم لك الحمد أنت رب السموات و الأرض و من فيهن ولك الحمد أنت قيوم السماوات و الأرض و من فيهن و لك الحمد على ما ترتضى و لك الحمد إذا رضيت و لك الحمد بعد الرضى لك الحمد كالذي نقول و خيرا مما نقول اللهم لك الحمد وإليك المشتكى وأنت المستعان و بك المستغاث و عليك الثكلان و لا حول ولا قوة الا بك