عابر مجيب

تتمة
أول شي ورد خطأ مطبعي في السابق
مختم + ر = مختمر ، سقطت الراء سهوا

لم يبقى الكثير

بقيت ليرات أبي ، أنا صرفت ليراتي على ملذاتي الشخصية
وفي أحد الأيام طلب مني ابي أن ابيع له الليرات ليشتري عقار
سألت أولا عن سعر الأصلي والتجاري ، كان يمكن الفرق 200 ليرة
قلت للصائغ عندي تجاري ، قال هاتهم
شاهد الليرات ، قال هدول أصليات ، قلتلو حبيبي ما بدي غشك هدول تجاري .
انسند على الكرسي وقلي : انا بيختلفوا بحلب على الليرة وبيبعتولي ياها عالشام ليتأكدوا
قلت له انا قلتلك اسطفل

تاري كل الليرات في سورية تجارية ، والأصلي الحقيقي غير موجود
الليرة التجارية مو مصنوعة حديثا ببريطانيا
لا والله عاملينها بسوريا ، عيار 21 وطارقينها ختم ، طاعجها ومنفد للطرف التاني وعامل نبيرة .
والبعض صناعة لبنان تشبه الأصلية بس عيار 21 وما عليها ختم مبهدل من أصلو .وبيعتبروها تجارية مرتبة
كل ليرة عيار 22 هي أصلية ، ولو صناعة لبنانية ، يعني خربيطة

هالحكي من عشرين سنه ، هلأ شو المستجدات ؟ ما بعرف
ما شفت أونصات سورية ، كان عندي سويسري ساده أو عليها صورة بنت الله يسلمها لأهلها ، بيستعملوها للزينة بدها برواظ وسلسال ، بتترك علام بالرقبة وبتسبب حنية ظهر .
بس متل ما بيقولوا : ضرب الحبيب زبيب .

الليرات الأصلية القديمة ممكن تلتقى بالسويداء ، بطرابيش النساء التقليدية ، وبتتوارث ، بس ملحوم عليها حلقات بتسبب خياسها .

عابر مجيب

والله سؤالك سهل بس اللي بيجاوبك كذاب
ممكن تتوقع الجواب لو رحت على درب الكسارة على طريق المشرفة
وبتسأل العربان بيت بيت أديش نسبة المي اللي كل بيت عم يمزقوها ( فصحى قرشية ) بالحليب ، ممكن وقتها تاخد فكرة عن الجواب ، ورشة ورشة .
بتعرفها الكسارة ؟
حيث قال عاشقهم المتيم :

درب الكسارة وحل ما ينمشى بكلاش ...... ندرن ل نا وياك يجمعنا فرد فراش .

أونصة تنتين مو محرزين بيشلفو رقم بخس ، بس أكتر بيتم عمل صونداج ( يعني سبر عشوائي لعينات ) ويتم كسرها وتذويبها وتحليل النتائج بفصل الذهب الصافي وتحديد نسبته .
لي صديق كان يرسل الذهب من أفريقيا إلى بلجيكا ، ونتيجة الفروق في العيارات ، عملو خسارة مليونين دولار .
إذا وصلوا العشر ملايين $، بتغامر وقتها ، وسيدي بيكفي يبقى تمن ملايين ، نعمة كريم .

لقماان

اقتباس:

المشاركة الأصلية كتبت بواسطة expert ارجوا من الخبراء النقد والتصويب ملاحظة قمت بتجاهل حركة السوق خلال ايام العطلة بشكل مقصود

شكرا لك أخونا اكسبيرت على هذا التحليل الفني ...
و على هذه الهدية.....
نقطة المقاومة في تحليلك تساوي سعر الدولار الذي حسب فيه سعر غرام الذهب من قبل المركزي و نقابة الصياغ.....

__________________
أبو حكيم الدين

SyrianWolf

مسا الخير, قريت الموضوع كلو وبالحقيقة بتحس في حلقة مفقودة .

هلأ يللي بقدر أكدو أنو الأونصة الأصلية السويسرية بيكون إلها رقم تسلسلي (شرط لازم بس غير كافي) وعيارها 999.9, بينما الأونصة الوطنية مالها رقم تسلسلي -يللي شفتهون- وكمان مكتوب عليها عيار 999.9 بس إذا بتجيب عدسة بنت عالم وناس بتلاقي مكتوب عالدمغة 99.5 يعني عيار 23.88 (وياريت تكون فعلاً هيك ).

وبالتالي -وهاد حديث افتراضي- إذا سعر الأونصة الأصلية 1470$ فالمفروض يكون سعرها عنا 1462.5$, علماً أنو أنا باستغرب لما بيجوا بيحكولك أنو تضيف أجور شحن على سعر الأونصة لأنو على علمي الذهب عنا شغال على مبدأ "من دهنو سقيللو" (من التسقاية ) نفس الكمية بس بتتغير الأيادي.

وكمان أنا من فترة ملاحظ (وبعدة مناسبات) أنو -بالأخير- سعر الذهب عنا بيلحق السعر العالمي وسعر دولار السوق السوداء بس في عطالة "مقصودة" بتأخرو كم يوم .

__________________

ابو الحسن عمر

اخ مؤيد واخ ابو عناد اب والطريقة التانية هي
1467تقسيم 35.55=41.265823 هيك بيطلع سعر الغرام بالدولار
بنضربه بسعر الدولار المحلي41.265823=5859 ليرة سورية

لقماان

اقتباس:

المشاركة الأصلية كتبت بواسطة باسل غ السلام عليكم اخي لقمان بدك تضل تعذبي بموضوع سعر الذهب ........ حساباتك ناقصها شي كرمال تظبط معك عبتنسى انو في غش وغبن بالسعر كرمال (( الشحينه تربح )) ومعنى كلمة شحينه بسوق الذهب هوامير تهريب الذهب الى الدول الاخرى سعر الذهب لاا يأخذ من الصايغ يأخذ من مراكز الذهب الصائغ وسيط بين الزبون ومراكز الذهب مركز الذهب ما بتنازل وبيشتري او بيتعامل مع ايا حدا لكثير من الاعتبارات وكون على ثقه انو سعر شراء الذهب وبيعه ياخد بسعر الدولار بالقرش لا بيزيدوا قرش ولا بنقصوا __________________________________________________ ______ سعر الدولار الان 142شراء _________ مبيع غير متوفر

والله انتو يلي بدكون تجننوني...أبل ما يجي يوم الأربعا حتى..
خاي
مو من فترة عطيتنا طريقة الحساب بدقة
اي مانا عمتظبط ...
على كل حال سؤالي بسيط بدون تعقيد
الأونصة السورية عيار 24 كام نسبة الذهب الصافي فيها ...مع الأخذ بعين الاعتبار نسبة الغش و التشحيين....من فترة كانت الحالة معكوسة كان دولار الذهب وئت نزل سعروا عالميا 126 و السوق السودا 119 ......
أخي باسل فتحنا موضوع خصوصي لفك هي الطلاسم ...
فيدنا بخبرتك و اشرحلنا....

__________________
أبو حكيم الدين

لقماان

---

اقتباس: المشاركة الأصلية كتبت بواسطة -mouhamad كل اخ بالمنتدى عميفكر انو مبارح الخميس كان الصياغ عميبيعوا عال 5400 الغرام بقلن هاد سعر جمعية الصاغة الصبح بس الضهر صار 5566وبعد الضهر 5625

مساء الخير
يا سيدي هللأ خصوصي مشانك اتصلت مع صايغ عتيئ عنا و هو بياخد أونصات من الشام
يوم الخميس سعر النقابة :5400 ليرة سورية و بحمص ما حدن زود فرنك
و بالتالي مفروض بالشام هيك
لأنو الحماصنة عمتجيب الدهب من الشام...
ممكن يلي عمتحكي عنون استغلوا الفورة ...ما أكتر ....
ا

__________________
أبو حكيم الدين

abo haydara

يسعد مساكم جميعا....حقك علي ابو حكيم من الصبح كنت حابب كتير شارك بهالمناقشة الحلوة بس يا غافل الك الله رحنا اسعاف على دكتور الاسنان فجأة من غير سابق انذار سحب عصب و بنج و وجع و الحمد للله صرنا احسن

__________________
يا رب احم سوريا واهلها الطيبين

abo haydara

مبدئيا في عدة نقاط لازم تكون واضحة اخوتي الاعزاء :سعر النقابة هو السعر الذي يتم البيع عليه بالنسبة للذهب المصاغ و هو طبعا يشمل الليرات و الاونصات و هو طبعا يضاف عليه الاجور لذلك السعر اذا بتحسبو بالمحصلة حايكون اعلى من السعر المخصص للذهب الكسر (الخشر) اللذي يكون بلا اجور او بالاقل مساوي له ...تسعيرة النقابة كانت الخميس 5400 للغرام و نحن ملزمين بالبيع عليها و بالنسبة للخشر او الكسر اللذي بلا اجور كان سعر الشراء 5525 ليرة سورية و سعر المبيع 5650 ليرة سورية هادا السعر طبعا بين الصياغ و التجار و مراكز الذهب اما بالنسبة للشراء من الزبائن ففي حمص كنا نشتري من الزبون اما على التسعيرة او ناقص 25 او50 ليرة بالكتير نتيجة الطلب القوي على الذهب من الصياغ مما يعني مضاربة قوية و ضرب تحت الحزام

__________________
يا رب احم سوريا واهلها الطيبين

najm

اقتباس:

المشاركة الأصلية كتبت بواسطة abo haydara يسعد مساكم جميعا....حقك علي ابو حكيم من الصبح كنت حابب كتير شارك بهالمناقشة الحلوة بس يا غافل الك الله رحنا اسعاف على دكتور الاسنان فجأة من غير سابق انذار سحب عصب و بنج و وجع و الحمد للله صرنا احسن

الحمد لله على السلامة ابو حيدرة عاش مين شافك ؟!

__________________
لطف حديثك فالنفوس مريضة
ومن الكلام محنن ومجنن