أسعار صرف الدولار والعملات في السوق السوداء ليوم الخميس 28-3-2013

[hazwany]

مسا الخير شباب
شو القصة؟؟؟ بطلت اقرا...
صرلي ساعتين عمبقرأ الصالة السابقة ولما حسيت حالي خلصت جيت لهون ولسا في صفحتين
شو قصتكون صايرين عمتحكو كتيييييييييييييييييير
الله يفرج عنا وعن هالبلد عقد ما علقتو مبارح عالدولار.

[hazwany]

اقتباس: المشاركة الأصلية كتبت بواسطة hany basha    هذه مشاركة ولفتة كريمة من السيد مؤيد اقتباس: المشاركة الأصلية كتبت بواسطة mouayad استاذ هاني مساء الخير طمنا عنك و عن ابنك شو اخبار العملية شكراً سيدي مؤيد الحمد لله سويت العملية بس ماخرجت الولد لبكرة إن شاء الله مشان يضلو تحت عناية صحية أفضل إنتو بس إدعولنا بالمناسبة: أنا و الله كتير فرحان من سؤالك عني وعن إبني حاسس حالي عنجد بين أهلي وناسي شكراً لك ولمن سأل عني وعن رأفت

إن شاء الله كلنا أخوة هون، ووجعنا واحد، وفرحنا واحد بإذن الله
والحمد لله على سلامة ابنك أخي هاني، وإن شاء الله بتطلعو من العناية بأسرع وقت معافى ومالي عليك البيت.
وإن شاء الله بتكمل سعادة أخونا العزيز البروكر رامي بأن يكحل عينيه برؤية والدته وعودتها إلى بيتها وأهلها بإذن الله تعالى لا يمسها مكروه

[Jack Pot]

حاسسني قلبي أنو يوم ١ نيسان رح نعيش كذبة ، بس كذبة حلوة ولا كابوس ما بعرف الله أعلم ، بس المهم الله يتلطف بعبادو و خصوصي الفقراء

[hazwany]

شو شباب؟؟؟
نتمو؟؟؟ ما في حدا سهران؟؟؟

[M-PMP]

اقتباس: المشاركة الأصلية كتبت بواسطة Hany Basha    اقتباس: المشاركة الأصلية كتبت بواسطة m-pmp اخي الكريم بيتم صرف العملات الرئيسية متل اليورو دولار او العكس حسب السعر اللحظي على الشاشة سعر الزوج يورو/دولار بالوقت الفعلي "الحالي" هو 1.2770 بس الصراف يللي رح تصرف عندو انتبه يشتري منك اليورو مقابل الدولار بفارق كبير انتبه ممكن يقلك الصراف انا بشتري منك ناقص نقطة عن السعر العالمي يعني بيقلك 1.2670 طبعا في هذه الحالة يكون لطش منك 100 نقطة وليس نقطة لماذا؟ لانو النقطة هي وحدة قياس تحرك الزوج يورو/دولار وتمثل اخر رقم عشري في سعر الزوج وبيتكون سعر صرف الزوج من 4 ارقام عشرية وفي حالة استثنائية يكون فيها سعر صرفها مكون من رقمين عشريين "مثل الين" وبالتالي سواء بالارتفاع او الهبوط فهذا يعني ان السعر تحرك بمقدار نقطة.. سيدي العزيز m pmp أسعد الله أوقاتك برأيك وحسب ماتعرف وحسب المتعارف علي كم نقطة يجب أن يكون الإتفاق عند عمل تبديل الزوجي العالمي يورو - دولار؟؟؟؟ يعني أديش الرقم المنطقي وشكراً

صباح الخير سيدي العزيز هاني
الحمدلله على سلامة ابنك وبالشفاء العاجل يارب
بالنسبة لسعر صرف الزوج يورو/دولار
المعترف به بأنو جميع العملات الرئيسية الأجنبية في العالم تصرف وفقا لأسعار أكثر تنافسية لاتتجاوز نقطة او نقطتين وللمثال انت قررت بأنك تبيع يورو مقابل دولار والسعر العالمي 1.2700 فالصراف بيشتري منك 1.2699 او 1.2698 ولاحظ اخر رقمين عشريين "هالنقطيتن او هالفرق البسيط هو هامش ربحي بيستفيد منو مكتب صرافة او وسيط.. الخ "ولكن الا "عنا" غير شكل وبتلاحظ الصراف ممكن ياخد هامش ربحي من 50 الى 200 نقطة وبالتالي بيكون ضرب صفقة مزدوجة بدون ما تحس شو حجم خسارتك لسمح الله

لانو اذا بتلاحظمكاتب الصرافة يللي عنا مافي قانون الا وما احتالوا عليه.. والفضل الاكبر للمركزي، اقوى جهاز عنا بالعالم
كل ما قدرت تقلل من النقاط اثناء عملية الشراء او البيع كل ما كان لصالحك وحاول تتفاوض مع الصراف عرقم يكون اقل من 25 نقطة ما استطعت الى ذلك سبيلا..

انت معك يورو لنقول مشتريه ب "ليرة" والصراف مشتري "دولارو"ب 1000 هذا ليس له علاقة اثناء شراء وبيع الزوج لا من قريب ولا من بعيد ولا يحزنون.. واذا الصراف مافهم هالحكي يعتبر مختلس لاموال الناس وحرامي او جاهل لعلوم واستراتيجيات الفوركس من حيث بيع وشراء الازواج الرئيسية..
في شركة لبنانية "حلاوي للصرافة"
سعر صرف الازواج الرئيسية عندهم تنافسي للغاية ولايتجاوز نقطتين

[M-PMP]

اقتباس: المشاركة الأصلية كتبت بواسطة hazwany    شو شباب؟؟؟ نتمو؟؟؟ ما في حدا سهران؟؟؟

[البحر الهائج]

أتوقع نزول الدولار غدا بعد الظهر طبعا بشي تصريح من المركزي واستمراره بالنزول لحدود 110 للسبت وطبعا رح تكون نقطة دخول ممتازة برأيي والأحد اذا ماتدخل المركزي بشكل جدي سيبدأ بالصعود لنهاية الأسبوع وبتوقع بحدود بين 122و125وقتها بتكون نقطة الخروج المناسبة.

[البحر الهائج]

أتوقع نزول الدولار غدا بعد الظهر طبعا بعد شي تصريح من المركزي واستمراره بالنزول لحدود ???للأحد وطبعا رح تكون نقطة دخول ممتازة برأيي والأثنين اذا ماتدخل المركزي بشكل جدي سيبدأ بالصعود لنهاية الأسبوع وبتوقع بحدود ???و??? تكون نقطة الخروج المناسبة

[مجد]

صباح الخير

[Hany Basha]

صباح الخير

باحث اقتصادي يسأل:
هل سيرضى المضارب شراء شهادات الإيداع التي أعلن عنها المركزي

سأل الباحث الاقتصادي مظهر يوسف، حول نية "مصرف سورية المركزي" إصدار شهادات إيداع بفوائد مرتفعة قائلا: "هناك مضاربة على الليرة السورية ومن يضارب ويحقق أرباحاً هل سيرضى المضارب شراء شهادات الإيداع التي أعلن عنها حاكم المركزي؟.

وأضاف يوسف: "إن المواطن والتاجر يعانيان بشكل عام وخلال المرحلة الحالية من نقص في السيولة، وهذا الإجراء سيؤدي إلى نقص في السيولة في السوق، كما أن مشكلة الدولار هي في الأساس مشكلة مضاربة، وهي على نطاق محدود جداً يقوم بها أشخاص محدودون وليس كل مواطن يبيع ويشتري بالدولار، لذلك يجب الانتباه جيداً إلى هذه النقطة".