سعر صرف الليرة السورية مقابل الدولار ليوم 9- 1- 2013 في السوق السوداء ‏ syp/ usd

[ADIB]

ولسا منرجع ومنسمع انو البنك المركزي ادخل ويا ارض اشتدي وما حدا قدي يالطيف

[GoldMan$]

اقتباس: المشاركة الأصلية كتبت بواسطة Damaslover    أخ جولد مان، اتوقع السبب و الهدف، هو ردم الفجوة بين السعر النظامي و السوداء بتخفيض سعر الدولار بالسوق و رفعه بالمركزي و يتم لاحقا خفض سعر الدولار شوي شوي و الله اعلم

وبعد ردم الفجوة ... !!!!

هذا حدث سابقا لما ارتفع السعر من مستويات ال 50 الى 68 وتوقع الكثيرون المحافظة على هذا السعر الذي كان قريبا من سعر السوق 73 ... لكنه كمل المشوار وهي صرنا عند 79 ....والسوق حاليا عند 93 ....!!!
والمشكلة انو مبيين انو الطريق طويل والمشوار اطول ... الله يستر ....

[GoldMan$]

اقتباس: المشاركة الأصلية كتبت بواسطة لقماان    صباح الخير للجميع بالله في شي مدينة بسوريا ما عمينزل فيا تلج اليوم يرجى من مراسلي سيريا ستوكس في المحافظات تزويدنا بحال الطقس و التلج ..... و بالمرة و بطريئون................. ينورونا على سعر الدولار عندون.............

صباااااااح الخير أخي لقمان ... طبعا في مدينة ما بينزل فيها تلج متل اللاذقية وجبلة وطرطوس
بس البرد شي فوق العادة والمطر اللي عم ينزل ياريتو تلج لانو لما عم يضرب بالوجه كانو دبابيس عم يلامسو وجهي ........ ييي عالسيرة بلشت ابرد وفوق كل هاد التقنيين عنا صار حوالي 8 ساعات متواصلة .... الله يكون بالعون ....

وعلى سيرة الدولار اللي صار آخر همنا بعد هالبردات

السعر باللاذقية شراء 91,5 بيع 93

[Damaslover]

اقتباس: المشاركة الأصلية كتبت بواسطة goldman$    وبعد ردم الفجوة ... !!!! هذا حدث سابقا لما ارتفع السعر من مستويات ال 50 الى 68 وتوقع الكثيرون المحافظة على هذا السعر الذي كان قريبا من سعر السوق 73 ... لكنه كمل المشوارfrown11 وهي صرنا عند 79 ....والسوق حاليا عند 93 ....!!! والمشكلة انو مبيين انو الطريق طويل والمشوار اطول frown11... الله يستر ....

أخ جولد، بعدم ردم الفجوة، و تنزيل الدولار بحدود الليرة او الليرتين، بيعملو كسر للعملة بحدود ال 15 ليرة لل 20، و ساعتها ياللي اشترى اشترىو ياللي باع باع، و بتكون راحت عند ياللي ما عندو خاطر عند ميالة.

و متل ما ئلت قبل، كلو عند علم رب العالمين

[النسر]

انخفاض الطلب على القطع الأجنبي لدى المصارف السورية إلى 7.5 ملايين دولار
تاريخ المقال: 2013-01-09
الاقتصادي ـ صحف:

أنخفض الطلب على العملات الأجنبية لدى المصارف العاملة في السوق المحلية بصورة حادة أمس إلى مستوى عادل 7.5 ملايين دولار مقارنة بمستوى 12 مليوناً في تداولات أمس الأول.

ويعود ذلك وفقاً لبيانات "مصرف سورية المركزي" إلى انخفاض في الطلب على اليورو بواقع 2 مليون إلى مستوى 4 ملايين إضافة إلى انخفاض الطلب على الدولار بواقع نصف مليون دولار.

بالمقابل ارتفع العرض من العملات الأجنبية إلى مستوى 2 مليون مقارنة بمستوى 40 ألف دولار في تداولات أمس.

وبحسب صحفية "الوطن" المحلية، واصل الدولار الأميركي تراجعه في تعاملات السوق السواء لليوم الثاني على التوالي، حيث وصل سعر الشراء إلى 91.5 ل.س في حين يتم البيع بـ93 ل.س كأقصى كحد، وأحياناً بـ92.5 ل.س وذلك في تقلب للسعر من صراف لآخر ومن منطقة لأخرى.

أما رسمياً فقد انخفض الدولار مقابل الليرة في نشرة أسعار صرف العملات الأجنبية الصادرة عن "مصرف سورية المركزي" أمس إلى مستوى 78.85 ل.س للدولار مقارنة بمستوى 78.90 ل.س، بينما ارتفع سعر صرف اليورو إلى مستوى 103.55 ل.س مقارنةً بـ102.89 ل.س.

[valley]

اقتباس: المشاركة الأصلية كتبت بواسطة arnouri    قرأت خبر على bbc ان هولنده تعمل على تدفئة الطرقات الدراجات الى درجة 15 مئوية في شتاء وذلك لسلامة السائقين الدراجات وعنا .............

شو هل التخلف 15 درجة بس يعني برد وممكن الواحد منهم ينصاب بشيء كم عطسه لازم يطوروا حالهم و يصيروا متلنا على الاقل

[النسر]

اللهم
بعدد قطرات المطر

وعدد حبات الثلج
التي هطلت على بلدنا الغالي
ان تفرج علينا كربنا

[Arman]

اللاذقية الساعة 2:00
الدولار 93 91

[Arman]

سؤال للأعضاء السعر برايكون مناسب الآن انو الواحد يشتري دولار

[valley]

الاسعار هذه اللحظة

غرام الذهب عيار 21
4250 ليرة

الدولار
مبيع:94
شراء:92

اليورو
مبيع:124
شراء:120

الليرة التركية

مبيع:52 ليرة سورية
شراء:51 ليرة سورية

الجنيه المصري

مبيع :15
شراء:14

الريال السعودي

مبيع:26
شراء:25

البنزين :300 ليرة

المازوت :220 ليرة

مازوت أسود :70

الحطب : 30 ليرة كغ

خزان الماء سعة 1000 لتر : 2500 ليرة

اسطوانة الغاز :4500

الخبز :100 ليرة

الطحين : 60 ليرة