سعر صرف الليرة السورية مقابل الدولار ليوم الأحد 23\9\2012

[وحيد]

اقتباس: المشاركة الأصلية كتبت بواسطة ابراهيم طاهر    مرحبا" بكم يوجد بوادر حقيقية لتخفيض سعر صرف البنك الحكومي الى 65 ليرة للدولار وتخفيض سعر التدخل الى 63 ليرة للدولار لكن سيتم البيع ايضا" بنفس الوقت من قبل البنك عن طريق صرافة غير نظاميين قريبا" بسعر 70 ليرة للدولار كميات هائلة من اجل زيادة سيولة البنوك الى ضعف الموجود حيث يتم تأمين الدولار للمركزي من عملية بيع الدولار تضاربية بااتجاه الاسفل وعلى العالي والشراء على المنخفض وهذه العملية تم دراستها والجدوى الاقتصادية منها وسيكون دخلها للبنك من الدولار اكثر من عدة ابار للنفط وهو مربح نظيف وحلال يخفض الدولار ويخفض اسعار الطعام وهي لصالح 90% من الشعب السوري الجائع الآن لكن المشكلة لدى الدولة ان التجار متمسكين بالاسعار الحالية للبضائع من مواد غذائية وماشابه ذلك وهي اسعار اعلى من دول الجوار حادثة حصلت لي يوم السبت انا : اعطني اكغ لبنة التاجر 170 للكيلوا انا : لماذا هذا السعر التاجر غلي الدولار احد الموجودين كان صراف في سوق السودا قال: مو صحيح انا ابيع الدولار الآن 72.5 ليرة اليوم , الدولار انخفض من 78 الى هذا السعر وكان التاريخ 22/9 2012 احد الموجودين انا اشتري الصراف معي الآن 1000 دولار فتمت الصفقة البائع انا مابهمني انا بدي سعر اللبنة 170 للكيلوا انا ألحق السوق وغيير التاجر كلامه وغضب . والبائع متدين جدا"أنا اعرفه تماما" واعرف محله تحت المرجة بدمشق .

اخ ابراهيم بحترم رأيك شو ماكان يكون بس الي الفضول التقيك او حتى شوف صورتك شب ولا رجال كبير بالعمر لانو انت بالفعل عايش بغير كوكب وماكذبت ابدا لما حطيت انو الك مجرتك الخاصة فيك
مشان اصدقك القول احيانا بفتح المنتدى خصوصي لشوف شو كاتب لانو الواحد بظل الظروف الحالية بحاجة بسمة وكتاباتك تخلي اي حدا مهما كان مكتئب يبتسم
بس في سؤال خطر عبالي دايما اتمنى تجاوبني عليه بصراحة انت جدي بكتاباتك ولا بتخوتها علينا كرمال نضحك ونغير جو

[Abu Amr]

السعر الان في حلب
72.25
72.75

متوفر

[Barbie]

كل الشركات
دون استثناء ناطرين يشترو من المركزي

إذا فعلاً المركزي اتدخل معناها رح ينزل الدولار وإذا ما إتدخل فعلاً معناها عالدنيا السلام

والدولار ح يولع

الناس قدام الشركات ألعن من طابور الغاز
وكلن واقفين ناكرين المصاري


يالطيييييييييييييييييييييييييييييف شو عم يصير بهالبلد

[mhdamer]

سعر المبيع اقل من الشراء حاطينو بالغلط

لح روح بيع واشتري ليصير معي تزلياااااااااار

[BROKER]

اقتباس: المشاركة الأصلية كتبت بواسطة barbie    كل الشركات دون استثناء ناطرين يشترو من المركزي إذا فعلاً المركزي اتدخل معناها رح ينزل الدولار وإذا ما إتدخل فعلاً معناها عالدنيا السلام والدولار ح يولع الناس قدام الشركات ألعن من طابور الغاز وكلن واقفين ناكرين المصاري يالطيييييييييييييييييييييييييييييف شو عم يصير بهالبلد

يلي مو مفهوم انو هالعالم من وين اجو ؟
شو القصة بين يوم وليلة واقفين عالصرافات وليش بس بالشام ؟
يعني حسب الصور يلي واقفين نساء ورجال وعاملين دورين ....

هالبلد كلو الغاز !!!!!

[Barbie]

اقتباس: المشاركة الأصلية كتبت بواسطة broker    يلي مو مفهوم انو هالعالم من وين اجو ؟ شو القصة بين يوم وليلة واقفين عالصرافات وليش بس بالشام ؟ يعني حسب الصور يلي واقفين نساء ورجال وعاملين دورين .... هالبلد كلو الغاز !!!!!

لأن ببساطة في ناس كتييييييييييييييير عاطلين عن العمل وخصوصاً في ظل الأوضاع الحالية
والفرق بين السوق السودا والتدخل محرز
يعني بألف دولار في مربح شي 3 آالف ليرة بأسوأ تقدير

3 ألاف ليرة بيوم واحد بتساوي ثروه لواحد عاطل عن العمل بصراحة
وشو راس مالها

ألف دولار بس

[Barbie]

الدولار الأن الساعة 3 إإلا عشرة
71.5 - 72

[Barbie]

مونيتا للصرافة قلعو كل الناس يلي واقفين عالدور
وقالولن لبكرا رغم أن أجاهن دولار من المركزي

[Barbie]

معقول يكون المركزي ضخ دولار بالسوق السوداء لحتى نزل الدولار هيك

يلي بشوف كل الناس على طوابير الدولار بقول خلص الدولار مابقا ينزل بحياتو

بس الدولار بالسوق السودا عنم ينزل والناس متل القطيع على شركات الصرافة

[ابراهيم طاهر]

اقتباس: المشاركة الأصلية كتبت بواسطة وحيد    اخ ابراهيم بحترم رأيك شو ماكان يكون بس الي الفضول التقيك او حتى شوف صورتك شب ولا رجال كبير بالعمر لانو انت بالفعل عايش بغير كوكب وماكذبت ابدا لما حطيت انو الك مجرتك الخاصة فيك مشان اصدقك القول احيانا بفتح المنتدى خصوصي لشوف شو كاتب لانو الواحد بظل الظروف الحالية بحاجة بسمة وكتاباتك تخلي اي حدا مهما كان مكتئب يبتسم بس في سؤال خطر عبالي دايما اتمنى تجاوبني عليه بصراحة انت جدي بكتاباتك ولا بتخوتها علينا كرمال نضحك ونغير جو

اخي وحيد انا شاب رياضي والعب الرياضة يوميا" ساعة من 12 ظهرا" الى 1 بعد الظهر وهي اثناء عملي بفترة الاستراحة وانا ذو شهادة تكنولوجية بعلوم دقيقة لكن احتكاكي مع بني جلدتي صاحبين الدين جعلني ارى العجب من نقاق من حولي كافحت سنوات بالمحاكم من اجل تحصيل حقوقي فكشف عن بصيرتي لدرجة اختراق قوانين الطبيعة فأنقلبت على المتدينين وليس على الدين فالدين سمح لكن للاسف اغلب الناس منافقين
وانا ماعم بخوتها عليك والله انا كل كلمة اقولها هي لصالح الفقراء من الشعب السوري وهم 90% ارجوا ان تكون صديقي لاسرد لك قصص كانت سبب تخلفنا وظلمنا لبعضنا منذ 1400 عام
لذلك الربح من المضاربة الدولار هو كفر ومال حرام ويضر بالفقراء ويحدث تضخم
وداعا" اخي وحيد