صالة أسعار الدولار والذهب مقابل الليرة السورية ليوم الثلاثاء 5-11-2013

[hikmat]

من وين هل الأسعار
المركزي يتكلم

[Dynamic Pulse]

دمشق الآن
130‏_‏135
مع شح بالمعروض

[(( أبو جهاد ))]

السلام عليكم ورحمة اله وبركاته
مسّاكم الله بكل خير

مركز الدولار : 128 - 132

حلب

[mak]

ال 200 يللي بدي ياهوم لهلأ ما اتأمنو ......135 بس ما حدا عم يبيع الا المضطر غلى قولة آخر واحد سالته .....

[mite mite]

وين باللدقية ؟؟

[GoldMan$]

اللاذقية

شراء 128 - مبيع 136

انا متأكد من سعر الشراء بس ما متأكد من الكميات المتوفرة للبيع ...والبعض عم يطلب 140

[black_ghost87]

بانياس-الاّن
شراء:130
مبيع:135

[النسر]

اقتباس: المشاركة الأصلية كتبت بواسطة sam sam    انخفاض الدولار (جني للثمار ) والمركزي بالمرصاد خاص- الاعلام الالكتروني - ثائر العجلاني في تصريح حصري للاعلام الالكتروني قال أديب مياله حاكم مصرف سورية المركزي ان السياسة النقدية التي اتبعها المصرف خلال الفترة الماضية اثرت بشكل كبير في انخفاض سعر الصرف، واصفاً الامر بأنه ( جني الثمـار ). وأضاف أن القرارات لم تكن يوماً أنيه بل اتخذها المصرف ليكون لها أثر على المدى البعيد، مؤكداً أن الانتصارات العسكرية التي يحققها الجيش السوري على الارض اضافة الى النجاحات الدبلوماسية للسياسة السورية، كلـها تشكل سله عوامل تودي الى استقرار سعر الصرف. ا واشار ميـالة الى استمرار المركزي في حملة لاهوادة فيها على المتلاعبين من الصرافيين والتجار، ومحاسبتهم بالطرق القانونية، لافتا الى بدء تشكل حركة السوق الاقتصادية من جديد ولو بشكل خجول مبدئياً. وختم الحـاكم أن كرة الثلج تتدحرج لصالح الليرة السورية، وان أي ارتفاع ( بهلواني ) قد يطرأ على سعر الصرف سيواجهه المركزي بالتدخل الايجابي ..

السلام عليكم
من تخوف السيد ميالة من ارتفاع بهلواني للدولار
يتبين من ان هنالك قوى قد اشترت الليرة السورية بكميات ضخمة والتي ستطرحها بالزمن المناسب لها
ليعود الدولار الى ارقامه القياسية بحدود 250
فما كان من المركزي الا ان يهدد ويتوعد بتدخله الايجابي على حد قوله..

[ph-hosam]

من وحي الواقع......
الخمسين ليرة في حوارها مع الدولار .. :



الخمسين : شو شايفتك راجع ؟
الدولار : ما قدرت عالفراق .. شتقتلك
- لا , كنت خليك عند المية والميتين والتلاتمية , بينفعوك
_ بتعرفي انو بيناتنا عشرة عمر , مو بسهولة تتنسى
- اممم عشرة عمر قلتلي , اي كتير عليك ترافئ ليرة انت
_ هلأ ليش هالتجريح , اعترفتلك بغلطي
- الي ما بياخد من ملتو .. بيموت بـ علتو
_ شو يعني هالحكي
- كسرنا الدولار وبطلنا التصريف .. ما عاد رافئت أجنبي
الوطني .. ما في أشرف وأحلى من الوطني

[mite mite]

اقتباس: المشاركة الأصلية كتبت بواسطة لقماان    مساء الخير للجميع دولار مريحا نتمناه لكم ........ لا تفكر كتير و لا تتحسر كتير ........ هاد نصيبك .....يلي خسر ما خسر لئلة حيلتوا ....... و يلي ربح ما ربح لعبقريتو. مافي نصيحة معينة ....... بهالوئت العصيب .......... تئبل وضعك ..و الله يهني يلي ربح و الله يعوض على يلي خسر ........... و تذكر ما تنصح حدن بهيك مواضيع بهالايام .... ... و دعولنا نئدر نهاجر من هالوطن الغالي ...........!!!!

اخ لقمان ماتفكر برا جنة والله متل بلدنا مافي معي جنسية اوروبية وقاعد هون عفطاير التنور وعالكنافة وعرغيف الخبز السخن . بس ادعي الله يكبر عقل البعض منا وبس