تحليل وصالة لسعر الدولار مقابل الليرة 18-6-2013

[ابو البراء]

يسعد مساكم
بدء السوق اليوم باسترجاع بعض التوازن واعتدال باسعار الخضار والفواكه
أفصل سعر بدمشق على حد علمي 185 - 190
نسأل الله العفو والعافيه

[RAFEK]

اقتباس: المشاركة الأصلية كتبت بواسطة ringoo83    233.5 تقسيم 1.33= 175

233.5 + 2% = 238
238 تقسيم 1.33 = 178

يعني شو انجز اديب ميالة؟؟؟؟؟؟؟؟؟؟؟؟؟؟؟
بمناسة ذكر اسم اديب ميالة
انا بنصح السيد اديب العضو هنا بالمنتدى انو يغير اسمو
بلا ما يصيبو شي بالمعية من دعاوي الناس على اديب ميالة

[sarab1618]

اقتباس: المشاركة الأصلية كتبت بواسطة shereen    اي والله في بعض الابطال اتوقعو اليوم ب 170 مشان يستغلو سذاجة الناس ويصدقوهم يقوم الناس تخاف وتبيع

أنا بتذكر لما كنت ولد صغير كان أهلي كل وقعت أو اصطدمت بشيء بيقولولي شو لقيت أو يخوفوني بإني خربت الحائط الذي اصطدمت به ... ومع هذا التخويف انسى بأنني وقعت أو اصطدمت بشيء ... وحتى إني أنسى الالم .... ونفس اللي بيصير اليوم ... الناس نسيت الغلى ... وكل ما يشغل الناس ارتفع الاخضر أو نزل ... واللوم كله على هذا الاخضر العملاق ...

[لقماان]

مساء الخير للجميع
سؤال
هل سيضخ المركزي اليورو في حلب و ادلب و الرقة
و الحدود الشمالية .......
من كام يوم ما عميضخ المركزي عملة سورية على هالمناطق
و كان في فرق بسعر الصرف يصل الى عشر ليرات...
طيب هللأ شلون بدو يضخ يورو الى مدينة حلب ...
فكر فيها و دورا منيح بعئلك...
كيف المركزي بدو يضخ يورو الى حلب و المناطق الشمالية .........
فكر و اتخذ قرارك بناء على تسعيرة المركزي ...و صعوبة ايصال العملة....
-----------------------
حمص
الى العصر
غير دقيق من يقول أن سعر الشراء 175
لم يصل سعر الشراء الحقيقي
أقل من 185
و البيع
كان يتراوح من 193 الى 200

[arc-samer]

أهل الكهف نامو 309 سنين فاقو لقو ال مصاري اللي معهم ما بتشتري شي
نحنا عم نغفو .....309 ثانية على شاشة الكمبيوتر منلاقي المصاري اللي معنا
ما بتشتري شي
ولله الحمد على كل شي
لكن مو حرام بيع بضاعة بقيمة 6000 دولار يوم الاربعاء عسعر 150
اذابدي رجعهم اليوم دولار بيرجعو 4000 يعني خلال 3 ايام خسرا ثلث القبمه
يعني الواحد لو مبطل شغل وقالب المصاري اللي معو دولار كان اربح بكتير
بس عم نقول حرام هالشباب اللي عم يشتغلو عنا بس والله حرام
ولله المشتكى وهو المستعان كلو مو مشكله بس الله يفرجها يارب
وشكرا للجميع لان الا الان ما كتشفت وين موقع زر الشكر

[أبو وحيد]

كلنا سوريين عايشين بالداخل وانخفاض سعر صرف الليرة عم يأثر علينا ويحرق آمالنا وأحلامنا بعيش متوازن .
وبعرف ان كل الموجودين معنا هون بالمنتدى إما مواطن عادي مصمد كم دولار ومخبيهم من شقى عمره ... أو موظف عم يتابع بمرارة سعر الليرة الهابط شاقولياً أو بعض المضاربين اللي بعتقد ما بتتجاوز قيمة مقتنياته من الدولار أو الذهب أو غيره عتبة المليون ليرة وعم يسترزق منهم ..
بعض الموجودين معنا بالمنتدى (بعض) عم يحاولوا يوهموا الناس الباقيين أن الدولار سعرو هابط ورح يرجع بـ150 ليرة أو أقل وأن الأمور راجعة متل ما كانت من شهر او شهرين !!
وكلنا منعرف الأحداث على الأرض هي السبب بهبوط سعر الصرف ووصوله للمستوى الحالي .. وطالما المسبب موجود فالوضع حتماً إلى أسوأ وسعر الصرف الليرة إلى الهاوية بإطراد..
لذلك من يود أن يوهم رواد المنتدى بأن سعر صرف الليرة سيعود لـ150\دولار او أقل ويحثه على بيع هالكم دولار المخبايات للأيام السود الجايات بعتقد هاد الشخص لا عم يخدم بلده ولا عم يخدم المواطن اللي وثق بالمنتدى وخبراء المنتدى وبنى بنسبة كبيرة آراءه على ما يرد بهالمنتدى
اتقوا الله ... هي ارزاق ناس عم تستمع لنصيحتكم
إنما الدين النصيحة
والله أعلم

[أبو وحيد]

كلنا سوريين عايشين بالداخل وانخفاض سعر صرف الليرة عم يأثر علينا ويحرق آمالنا وأحلامنا بعيش متوازن .
وبعرف ان كل الموجودين معنا هون بالمنتدى إما مواطن عادي مصمد كم دولار ومخبيهم من شقى عمره ... أو موظف عم يتابع بمرارة سعر الليرة الهابط شاقولياً أو بعض المضاربين اللي بعتقد ما بتتجاوز قيمة مقتنياته من الدولار أو الذهب أو غيره عتبة المليون ليرة وعم يسترزق منهم ..
بعض الموجودين معنا بالمنتدى (بعض) عم يحاولوا يوهموا الناس الباقيين أن الدولار سعرو هابط ورح يرجع بـ150 ليرة أو أقل وأن الأمور راجعة متل ما كانت من شهر او شهرين !!
وكلنا منعرف الأحداث على الأرض هي السبب بهبوط سعر الصرف ووصوله للمستوى الحالي .. وطالما المسبب موجود فالوضع حتماً إلى أسوأ وسعر الصرف الليرة إلى الهاوية بإطراد..
لذلك من يود أن يوهم رواد المنتدى بأن سعر صرف الليرة سيعود لـ150\دولار او أقل ويحثه على بيع هالكم دولار المخبايات للأيام السود الجايات بعتقد هاد الشخص لا عم يخدم بلده ولا عم يخدم المواطن اللي وثق بالمنتدى وخبراء المنتدى وبنى بنسبة كبيرة آراءه على ما يرد بهالمنتدى
اتقوا الله ... هي ارزاق ناس عم تستمع لنصيحتكم
إنما الدين النصيحة
والله أعلم

[ابوموفق]

أحاول أن اتفاءل بالخير بأن يهبط سعر الدولار لكن الواقع يعاكس هذا دوماً .
في حمص صحيح أنه أدنى من سعر الأمس بعشرة ليرات كحد أدنى إلا أنه لا يوجد بيع فقط شراء .

[الدولار الادلبي]

الحمد لله رخص الدولار
وبكرة كمان وكمان

ان شاء الله

خاف الله يارجل مبارحه كنت عبتقول الانخفاض 170 وأقل وأقل
اللي عملو المركزي جريمه ونصب خرب بيوت الناس يعني رأيك صار 190 سعر رخيص ونسيت كلامك مبارح
البعض يوجه المقود كما يشاء بحسب مصالحه ونسي أنو الكلام أمانه وممكن يخرب بيوت اللي رح ياخدو بكلامو









[/quote]

[fearless]

اقتباس: المشاركة الأصلية كتبت بواسطة hasan shaalan    شباب أنا رحت لعند الشعار من شوي يلي بالمرجة وعببيع الدولار 200 وبيشتري ب198 وانتو بالصفحة مسعرين الدولار ب 195 والله شي غريب ياريت لو بتوضحولنا

بعد ماشفت مشاركتك رحت لعند الشعار ع المرجة

كان عم يشتري 190 و يبيع 192 و متوفر