صالة أسعار الدولار و باقي العملات مقابل الليرة الخميس 20-6-2013

[arc-samer]

ياسيد قدري////////////////////////////الجميل
أسمع كلامك أصدقك
أشوف أفعالك أستعجب
الكل عم ينادي كلو مشان المواطن
ومو رايحة الا على ها المواطن

[abdullah.id]

اقتباس: المشاركة الأصلية كتبت بواسطة tareq773    الحكومة السورية تقرر زيادة سعر ليتر المازوت إلى 60 ليرة تاريخ المقال: 2013-06-20 الاقتصادي – مواقع إلكترونية: أصدرت الحكومة السورية اليوم قراراً برفع سعر ليتر المازوت إلى 60 ليرة سورية، بعد أن كانت رفعته آخر مرة بداية العام الحالي إلى 35 ليرة لليتر. وبحسب موقع "سيريانديز" الذي نقل الخبر، فإن وزير التجارة الداخلية وحماية المستهلك قدري جميل هو الذي وقع اليوم على القرار. وجاء قرار زيادة سعر المازوت بعد قرارات مماثلة طالت البنزين الذي ارتفع سعره مؤخراً من 55 ليرة لليرت إلى 80 ليرة، ورفع سعر الغاز المنزلي من 550 ليرة سورية إلى 1000 ليرة سورية. وشهدت النقاشات الحكومية حول مشروعها لرفع الدعم عن المشتقات النقطية جدلاً بين رئيس الحكومة وائل الحلقي ونائبه قدري جميل وصلت إلى وسائل الإعلام، وتصدرها الحديث عن ضرورة زيادة الرواتب وتحسين مستوى المعيشة كما طرح النائب الاقتصادي قدري جميل

السيد قدري جميل وعد بانو رح ينزل الدولار ويرجع لليرة بريقها وهي اول الاجراءات العملية بهذا الاتجاه
مصلحة المواطن عندو فوق كل شي يعني على خمس ست مواد اساسية يرفع سعرن كمان بينخرب بيت العالم بيرجع الدولار لل15 ليرة حاكم معا عاد تلاقي حدا معو يشتري دولار

[shereen]

اقتباس: المشاركة الأصلية كتبت بواسطة عمار اللامي    سبحان الله اسعارك ع طول لفووووووووووووووووق طيب تفضلي مدام لأبيعك ع ال 186

انا مالي مدام اول شي بعدين نسيت اسعارك دائما اقل من السوق بعشر ليرات وانا مابدي اشتري انا عم انقل سعر بالسوق اقتنعت فيه اقتنعت مااقتنعت خليك باسعارك وانا بتمنى يصير ب120 على اول الشهر لانو جاييتني دفعة مرتبة سوري بدي اقلبها دولار

[سورية الله حاميها]

مسا الخير للجميع وبهني المشرفين على هالموقع يلي مصداقيتو قطعت اشواط كتيرة

[arc-samer]

أكد النائب الاقتصادي ووزير التجارة الداخلية وحماية المستهلك قدري جميل، أن المستوى المستهدف للدور هو 100 ليرة سورية، وإنه سيهبط خلال أيام إلى ذلك المستوى بشكل تدريجي، منوهاً إلى أن السعر سوف يهبط إلى 170 ليرة ثم إلى 130 ليرة، ثم يهبط إلى هدفه فيما بعد وهو 100 ليرة سورية

. طيب 170 ونحنا الك شاكرين وماتجور ع حالك....................................

[S.O.S]

مسا الخير للجميع

[shereen]

قالت صحيفة "نيويورك تايمز" الأمريكية إن الليرة السورية فقدت 30% من قيمتها خلال عطلة نهاية الأسبوع الماضي.
ونقلت الصحيفة عن صرافين واقتصاديين في سوريا، أن تدهور الليرة سببه عدم رغبة أو عدم قدرة المصرف المركزي على التدخل، ما يعني أن احتياطي النقد الأجنبي عند الحكومة بدأ بالنفاد.
وتابعت الصحيفة : " كان سعر الدولار مع بداية الثورة السورية 70 ليرة، و بدأ هذا الرقم بالازدياد تدريجياً ليصل الأسبوع الماضي إلى 170 ليرة، ومن ثم وصل إلى 220 ليرة يوم الاثنين، وهو ما يعكس الحالة الفوضوية بالبيع و الشراء، إضافة إلى قلق السوريين من تدهور أكبر.
وقال خبراء سوريون إن البنك المركزي كان يملك حوالي 17 مليار دولار كاحتياط للنقد الأجنبي مع بداية الثورة، إلا أن هذا الرقم تراجع ليصل إلى حوالي ملياري دولار فقط.
ونقلت الصحيفة عن أندرو تابلر وهو باحث مهتم بالشأن السوري في معهد واشنطن لسياسات الشرق الأدنى قوله : " الحكومة السورية لم تعد تملك أموالاً .. ربما هم جيدون بإطلاق النار على الناس .. لكنهم ليسوا جيدين بالأمور الاقتصادية".
وقال باحثون آخرون بحسب الصحيفة، إن مجهودات البنك المركزي أعادت سعر الدولار إلى 190 ليرة يوم أمس، إلا أن ذلك لن يمنع الليرة من الاستمرار في السقوط، و أضاف بعضهم أنه من الممكن أن يصل سعر الدولار الواحد إلى 500 ليرة، ما يعني التسبب بمشكلة تضخم كبيرة في سوريا.
-منقول-وناقل الكفر ليس بكافر فلا حدا يزعل
شوفو الصحف المعادية شو عم تكتب عنا الله لايوفقهم قال بدو يصير ب 500 ليرة مافشرو

[رسملجي]

اقتباس: المشاركة الأصلية كتبت بواسطة رسملجي    اليوم من ساعتين كنت بسوق الصاغة ببلد الفيجة واشتريت دهب عيار 18 بسعر 5814 ل.س/غرام يعني الـ 21 حقو 6783 ل.س/غرام وازا عرفنا انو سعر اونصة تروي عيار 21 بالمغضوب (قصدي بعملة الدولار) هو 1,135.66 مغضوب بيطلع معنا سعر دولار الدهب ببلد الفيجة هو 185.78 ل.س قالو تسلى عن المحبوب قلت بمن كيف التسلي وفي الأحشاء نيران ان التسلي في مذاهبنا حرام وكيف أرضى بكفر بعد ايماني ,,,,, يا ليل يا ليل وأه يا حلب

على فكرة ,,,,
بنفس محل الدهب وانا واقف فاتو كبل Couple (يعني واحد ومرتو)
وسألو الجوهرجي ازا بيشتري محابس
تصورو هاد مثال للأسرة السورية ببلد الفيجة بلشت العالم تبيع محابس الزواج مشان تعيش
هاد مؤشر خطير والله يستر عالعالم
لك لوين رايحي

[عمار اللامي]

اقتباس: المشاركة الأصلية كتبت بواسطة shereen    انا مالي مدام اول شي بعدين نسيت اسعارك دائما اقل من السوق بعشر ليرات وانا مابدي اشتري انا عم انقل سعر بالسوق اقتنعت فيه اقتنعت مااقتنعت خليك باسعارك

عفوا يا انسة بس ادعيلك الله يذل الدولار و ايمت ما حبيتي اليوم ع 185 تكرم عينك

[shereen]

اقتباس: المشاركة الأصلية كتبت بواسطة عمار اللامي    عفوا يا انسة بس ادعيلك الله يذل الدولار و ايمت ما حبيتي اليوم ع 185 تكرم عينك

يارب ينزل لاول الشهر على 120 لانو جاييتني دفعة منيحة سوري وبدي اقلبها دولار يارب