صالون سيرياستوكس للعطلات(1-2-3-4-5-6) -5-2013

[ياسمينة]

صباح الخير

الي يومين عم فكر بشغلة، اديش ما الاعلام بيحب يبرمجنا متل ما هو بدو مو بس الاعلام وكل الدراسات متل مو صاير بالموضوع الي عن الاستبيان حول الشعوب الاكثر كسلا، من وين جابو الاستبيان او على شو اعتمدوه وكل ما كبر الموضوع او الفكرة الي عم يطرحوهابيكون التلقيم والي هنن حابين يوصلوه اكبر .

اوقات منشوف صورة كتير مؤلمة وبتضرب بالصميم وبتهز ضميرنا و مشاعرنا وبتخلينا نتعبى حقد وكره مع انو منعرف انو بدون هي الصورة او الحدث الي شفناه اون لاين عم يصير اسوأ منو بس نحنا ما عم نشوفو .. هالتلقيم والغذاء على شكل اعلام عم يوصلنا، الو بحد ذاتو اهدافو وكتير اوقات اذا مو بكل الاوقات عم ينجحو يشحنونا متل ما هنن بدون .

انا بنصح الكل يحاول ينتبه على حالو شو عم يشوف وكيف عم يشوف وليش عم يشوف .. ما عم الغي انو نتابع كل شي عم يصير حولينا بس نفهم اللعبة الي عم نمشي نحنا فيها ونساعد انو تنجح .

وصباحكون مرة تانية معطر بريحة القهوة

[لقماان]

اقتباس: المشاركة الأصلية كتبت بواسطة مجد    الناجح يحاول ان يتعلم من اخطاء الاخرين وليس من اخطاءه .واذا اخطا تعلم وعلم الاخرين من اخطاءه . الفاشل هو من لا يتعلم من اخطاء الاخرين واذا اخطأ حمل الاخرين اخطاءه .وهو لا يتعلم ولا يعلم .

اقتباس: المشاركة الأصلية كتبت بواسطة مجد    ربما اخي لقمان انت تفسيرك للامورماديةلاني لم اذكر المادة بمشاركتي ابداوهذه مشاركتي السابقة مجد الناجح يحاول ان يتعلم من اخطاء الاخرين وليس من اخطاءه .واذا اخطا تعلم وعلم الاخرين من اخطاءه . الفاشل هو من لا يتعلم من اخطاء الاخرين واذا اخطأ حمل الاخرين اخطاءه .وهو لا يتعلم ولا يعلم .

معك حق....
سأذكرك بهذه الكلمة أيضا ...
كما ذكرتك بكلمتك السابقة اليوم....
-------------------------------------------
على فكرة رجعت لونتلك مشاركتك متل ما كنت ملون الأصلية:
الناجح باللون الأحمر................
و الفاشل باللون الأخضر.....الذي أكتب به
فأنا نجحت بفهم قصدك...و فشلت بأن أسكت و أطنش.....
ما شاء الله عنك متفضي و آعد عمتلون كمان

[عابر مجيب]

صباح الخير

أرقت البارحة وأنا أحاول تذكر فكرة طرأت في بالي أثناء كتابة مداخلة ، ثم تبخرت الفكرة وبذلت جهدا لاستذكارها .

تبخرت من ذاكرتي القريبة، ولكن هل هذا يعني انها تبخرت من حياتي وسلوكي ومنهجي ؟

طبعا لا

ما نؤمن به وما يكوّن شخصيتنا ، ليس مجرد كلمات نستذكرها حين نشاء ، بل من يتبجح بالكلمات والشعارات ربما يكون مدعيا أكثر منه ممارس فعلي .

ما نحن عليه يظهر من خلال تصرفاتنا وكتاباتنا دون تكلف ، يمكن فهمه من السياق ، وما نعرفه ليس شرطا أن نبوبه في كل آن وأوان .

فمثلا يسألك أحدهم لما تحب فلان ؟

أنا شخصيا يقع علي السؤال وقوع الصاعقة !

وأول ما يتبادر إلى ذهني ، أن أقول لا أدري . هل أنا حقيقة لا أدري ؟ طبعا لا ولكنني لا أجد كل الأسباب فورا، وكما قال الشاعر عندما تعرض للموت، وطلب منه تبرير موقفه، مع الفارق طبعا بين الموقفين ولكن لا بأس من القياس ، حيث قال :

وأي امرئ يدلي برأي وحجة...... وسيف المنايا فوق رأسه مصلت ؟!

لذلك مهما صدر من هفوات ممن اقتنعت به ولا أقنع بسهولة أبدا . أعلم أنها هفوة عابرة أو أنه لم يتوفق يومها تحديدا ، في بيان مايريد حقيقة ، أو أنه نظر لموضوع ما من أحد جوانبه فقط . فمن دخل قلبي وجبت له كل تبريراتي، على ان لا أخادع نفسي، أو أخون ضميري .

أعود إلى ما أرّقني ولم انم حتى تذكرته ، هو ربما واحد من طبائعي :

عندما أنصح أقدم كامل ما عندي بل وأبحث وأتأكد حتى لا يكون في ما أرى ثغرة واحدة تنقصه ، فإن كان محبا فقد لزم نصحه واستحق ذلك ، وإن كان غير ذلك فقد يصبح وليا حميما ، وفي ماعدا ذلك سآمن شره وسيهابني بالغا ما بلغ به ضعف العقل، وقلة التمييز .

وتأكيدا على التبريرات مو بيقولوا :

حبيبك بيبلعلك الزلط ....... وعدوك يتمنالك الغلط .

[غسان]

مسا الخير للمتابعين المثابرين

[غسان]

بالنسب لموضوع العريس مارح اقدر كملو ....مو لانو مافي نصيب لاسمح الله ....... الله يوفق لنصفق...

ولكن كان لب الموضوع هو تصوير تلك اللحظات التي ترافق بداية الخطبة وتفاصيلها.......
وبالتالي انتهى الموضوع عند هذا الحد ......

[ياسمينة]

اقتباس: المشاركة الأصلية كتبت بواسطة غسان    بالنسب لموضوع العريس مارح اقدر كملو ....مو لانو مافي نصيب لاسمح الله ....... الله يوفق لنصفق... ولكن كان لب الموضوع هو تصوير تلك اللحظات التي ترافق بداية الخطبة وتفاصيلها....... وبالتالي انتهى الموضوع عند هذا الحد ......

عن جد كان تصوير موفق وحسيت انو فكرة الموضوع بهالقفلة بس نحنا هيك منحب نشوف الصورة لاخر لحظة ووقت ينكتب بالفيلم متل الافلام العربي القديمة "النهاية"

اوقات بحضر فيلم اجنبي بيجنن مضمون وفكرة وتمثيل بس بينقطش ما هو خلص بحس بقفشة بدي شوف البطل والبطلة بفستان العرس والبدلة واولادون وابتسامتون اذا بصير وهنن ختايرة

[رندة]

اسعد الله أوقاتك جميعاً
تحياتي أبو عمر

[BROKER]

اقتباس: المشاركة الأصلية كتبت بواسطة غسان    مسا الخير للمتابعين المثابرين

مسا الخيرات
بس ليش سارق مصطلحات المدام رندة ؟؟

[عابر مجيب]

اقتباس: المشاركة الأصلية كتبت بواسطة غسان    بالنسب لموضوع العريس مارح اقدر كملو ....مو لانو مافي نصيب لاسمح الله ....... الله يوفق لنصفق... ولكن كان لب الموضوع هو تصوير تلك اللحظات التي ترافق بداية الخطبة وتفاصيلها....... وبالتالي انتهى الموضوع عند هذا الحد ......

ياسيدي يكتر خيرك انت عملت اللي عليك
الله يجعل التمام على خير
بس كنا متأملين بالملبس وراحت علينا
يسلمو

[Sana]