صاله سعر صرف الدولار مقابل الليرة السورية ليوم الثلاثاء 30-7-2013

[كاوا قامشلي]

اخ باسل صفي نيتك وتوكل على الله يلي فهمتوا منك انك تفكر بشيء بعيد كتير ونحنا بهل وقت ما بدنا بالدولار والليرة الا نعيش حالنا مو اكتر وتاكد اذا صار شي من يلي بالك رح تضل الليرة السورية تاج على راسنا وما نستغني عنها شو ما يصير

[لقماان]

الآن الاتجاه المعاكس على الجزيرة
الحلقة تناقش موضوع ارتفاع الدولار في سوريا

[انس الحموي]

اقتباس: المشاركة الأصلية كتبت بواسطة كاوا قامشلي    اليوم ساعة 6:30 بعت 200 دولار لشركة اوربت ع232 مع العلم انه لم يكن هناك بيع للدولار في ذلك الوقت اذا حدا يفهم ليش اسعار قامشلي هيك يخبرنا تقول نحنا بغير كوكب انا من اكبر الداعمين لليرة السورية وبتمنى يرجع بكرا ع50

عدة عوامل عما تلعب بسعر الصرف بالقامشلي والحسكة بس بحب قول للناس يلي مفكرة انو القامشلي كانت دايما سعرها اعلى من كل المحافظات هو مخطىء ...قبل 4 اشهر كانت القامشلي والحسكة سعرها اخفض من كل المحافظات وكنا نشوفها اقل بعشر ليرات عن جميع المحافظات ...اما الاسباب يلي ادت للارتفاع الحاد من 3 اشهر للان فهي عدة عوامل البعض منها ظاهرة ومعروفة للجميع والبعض منها لا استطيع ذكرها ... وكلنا نتمنى ان يصبح الدولار ب100 مو ب50 ورح نكون اسعد الناس وهل الموضوع ماله علاقة هادا وطني وهادا لا الموضوع انخفاض سعر الصرف مصلحة للجميع وكل واحد بقول او بوجه اتهام للاخرين برفع سعر الصرف للاستفادة بكون مع احترامي اله مابيفهم شي لانو ارتفاع الصرف محد بيستفيد منه ولو كان الدولار بالف اما انخفاض سعر الصرف وعودته لل100 على الاقل واستقراره الكل بترجع ثقته بالليرة السورية على الاقل فينو الواحد يتحرك ويشتغل مو طامر هل الدولارات تحت البلاطة وما مستفيد منه مهما طلع السعر لانو طلوع السعر بأدي لطلوع كلشي معه

[ismail]

ما عبفهم شلون ما عبوصل سعر النزول مع اني كل الناس عبتبيع

[ToBeOrToBe]

اقتباس: المشاركة الأصلية كتبت بواسطة homam    مساء الخير صديقي سائل مقيم بالنسبة لسعر التدخل اليوم كان 129.79 كحد ادنى و 131.10 كحد اقصى هاذا السعر يتماشى مع سعر السوق السودا يرتفع نسبيا بارتفاعة ويهبط معه فعندما سجل الدولار سعر ال 180ب 18/7 كان سعر التدخل 105 وعند ارتفاع الدولار لحدود ال 240 ب 10/7 كان سعر التدخل بحدود 131 .......... واليوم سعر التدخل كان 131 على الرغم انو الدولار 205 متل الاسبوع الماضي http://www.banquecentrale.gov.sy/for.../int-today.pdf

السلام عليكم....
صديقي للتوضيح المركزي يصدر عدة نشرات منها النشرة الرسمية والتي يسعر الدولار فيها ب 105.7+~
ونشرة التدخل التي يسعر عندها ب 131.1
النشرتين مستقرتين الى حد كبير بمنحنى متصاعد بشكل بطيء
مثلا نشرة التدخل في بداية الشهر كانت عند 128 مبيع.
نشرة التدخل هي نفسها نشرة تدخل البنك التجاري سابقا التي باع عندها الف دولار في تشرين الأول 2012 ثم تم اعتمادها من المركزي كنشرة اساسية في ايار هذا العام واصبح يمول عندها المستوردات الحكومية.
وتاثرها بالسوق السوداء ضعيف جدا...
النشرة الاولى بصراحة ما بعرف شو لسا عمتعمل...

[ToBeOrToBe]

السلام عليكم...
ممكن تبديل ريال سعودي بدولار من شركات الصرافة؟؟ وعلى اي سعر؟؟

[homam]

اقتباس: المشاركة الأصلية كتبت بواسطة ismail    ما عبفهم شلون ما عبوصل سعر النزول مع اني كل الناس عبتبيع

بالعكس صديقي الكريم هنالك اشخاص كثر دخلو على سعر180>> 190 والى الان ينتظرون
وبالمقابل اشخاص اشترو علىالغالي240>>>>350 ولم يقتنعو بحتمية النزول مادون ال 200 وينتظرون ارتفاع السعر لجبر الخسارة
وهنالك اشخاص وان كانو نادرين دخلو على 175 وبالتالي ينتظرون ارتفاع السعر لارقام قوية لحصد ربح لابأس به

[أبو العلاء المعري]

من يحاول أن يشتكي على سوء أداء شركات الصرافة الى البنك المركزي، بحب قلو لا يعذب حالو
لأنو السياسة المتبعة من قبل هذه الشركات من تأخير و تطفيش و تقنين و بهدلة و سب و هدر كرامة المصطفين على الدور، هي سياسة ممنهجة و بالاتفاق مع المركزي و حيتان الطرفين ، و الهدف منه التقزيز و التنفير و عدم تشجيع الناس على الاستفادة من هذه المنافذ، و البيع يتم بنسبة 99% لناس معينين و محسوبين على الطرفين و من تحت الطاولة.
جرب روح على المركزي و قلون بدي قدم شكوى، بقولولك روح خود طلب و عبيه و حط طوابع كذا و كذا و كذا بحوالي 300ل.س و سجلوا بالديوان و جيبو و حط بياناتك ووووو.......هيك صار مع صديق لي من حوالي اسبوع، و قام شق الشكوى و رجع عم يحكي كع حالو.المسكين مفكر حدا رح يرد عليه.
يعني بالمختصر هنن عرفانبن و رضيانين و التوافق موجود و المنفعة مشتركة لاشخاص من داخل المركزي و قسم لشركات الصرافة. يعني الكعكة مقسومة بيناتهون.
و بيعطوا كم واحد على عيون الناس مشان يقولوا أنو في بيع للعموم و في تدخل مستمر.
مافيا واحدة ما بيعطوا على بعضهم.
شكراً

[Razan Salkini]

سبب عدم ظهور مربع الاسعار في الأعلى وظهور مربع ابيض أالدخول يتم عن طريق العنوا ببدايته https أذا دخلت عن طريق برنامج expatshield بتحل المشكلة

[the liberty bird]

مساء الخير لكل الأعضاء الأكارم:سؤالي الى المشرفين على الموقع ...انسجاماً مع مايقوله الأخ ابو العلاء حول الدور السيئ لشركات الصرافة ...كنت قد نشرت اليوم مشاركة تثبت هذا الدور من خلال تحقيق صحفي موجود على موقع دام برس...ولم أجدها يبدو أنها حذفت !!!!!!!!!!!!!!!!!..وحسب معلوماتي لم أخالف شروط المنتدى ....ولكن يبدو المشاركات....من نموذج صباح الخير...ومسا الخير ...على راسي حارتك....حاكيني على الخاص ...هي الموضة السائدة هذه الأيام.....شكراً لكم