صالون سيرياستوكس للعطلات(4-5-6-7)-تموز 2013

[غسان]

فعلا قصه القوانين ووقت بيطلع تعديل بيذكروا تعدل الماده كذا الى رقم كذا
اي ما عرفناه الاولانيه لنعرف التانيه والاعلان منشور للعامه ليتنوروا قال كمان
عجبي
وبالاخر بتطلع التعليمات التنفيذيه حارئه نفسو للقانون ومخردئتوا خردئه

من ناحيه تانيه ومشان نكون واقعيين وعادلين لازم الواحد يسأل ويبحبش عن الماده القانونيه يلي بتهمو مشان ما يقولو عنو مغفل ويقول له المحامي : الله يصلحلك ليه ما سألت ؟؟ كان لازم تطالع اخراج قيد عقاري للبيت قبل ما تشتريه
غالبا الناس مابتعلم الا من كيسها وفي ناس من كيسها مابتتعلم وبتوقع بالحفره ميت مره

بقي جمله

ومع ذلك القانون له دخلات وطلعات وزواريب تجعل من يحاول ان لايكون مغفلا وان يكون صاحيا
يدور حول نفسه ويدوخ ويدوخ ويدوخ ويدوخ ويقول ياريتني كنت مغفل من الاول وريحت راسي

[bright blue]

ما ذنـبي اذ عشقـت رباهــا ... ووددت أنــي لو أروم ثراهــــا
ما كان ذنبي لـو فنيت تشوقـــاً ... تبـــاً لشــوقٍ مــا اراد سواهـــا
تلك الليالي استحكمت بظلامها ... في غــربتي أفلا تحن... عساهــا
أنــت علي نسائم هبت عـــلى ... دمع... فكانت في الصميم بكاهــا
هل لي إذا جئت دياجي غربتي ... أشــكو لــها قرحاً بطيب هواهــا
كيف السبيل وقد غدوت مودعاً ... لشــبابــه ا ولشيــبها ونســاهــــــا
شوقي حمص ومن تسكًن دارها ... أترع بكــأس فيه عطر دجــاهـــــا
أحمص يا أم الحجارة لهــفتـــي ... لورودك الغناء كـــيف لماهــا... ؟
أحمص يا نبض القلوب تحيتــي ... لهواك من مجرى الوريد تٌــلاهــــا
واغرورقت فيك القصائد تٌــتقتـنى ... يــروى على مر العصور شذاهـــا
فيــك البلابل تستبــيح تــغنـــيا ً ... فيـــك السنــونو الصــادحات غنـاها
ودعت في أم الحجارة مهجتــــي ... والنـــار في همس الشفـــاه لظـاهـــا
ودعت في أم الحجارة صحبتي ... وعزيمتي ودعتها.... وصباهـــا
حتى وقعت تاوهـــاً رهن الأســى ... سحـــقاً لــمن تـــرك العـــلا ونأهــا
آه علي فكـــم اذوب تأوهــــــــاً ... طـــاب الغـــناء إذا عزفـــت الآهــــا
ربـــاه فـــرج كـــل همٍ مشتعلٍ ... ربــــاه واحــــم حمــــص واهـــلاهـــا
نبيل عوف

[عابر مجيب]

اقتباس: المشاركة الأصلية كتبت بواسطة لقماان    <b> و ارتفع مؤشر الغيرة عند أبو حكيم الى الحدود العليا ...... و جاوب ......و هو يمضغ شفتيه و شعاع غريب يخرج من عينيه و رضض الكلام .......... لو ما في عنا بالمنتدى (أستاذ) عابر مين كان كتبلنا هالضررر وأرضف ( أردف بس لزوم الالتهاب هيك طلعت ) قائلا : الاستاذ عابر عطول بيكتب ضرررررر....امممم بضكون ما تواخذوني اللثة عنضي ملتهبة .. و حرف الضال عميطلع معي حرف ضاض ...... ما تاخضوا(كمانة هون حرف الضال مشان التأكيض و التمويه يعني هي الكلمة هي : تاخدوا) لا تاخضوا الموضوع الا بنية بريئة ها............. و مع خالص ودي ... عفوا مع خالص وضي ..... يا الله عن اذنكون راح روح اتودا ...!!!!!! مشان روح على صلاة الجمعة </b>

عامل حالك مو عرفان انك خارج اطار المنافسة ؟
يعني منشان تفقعني وتطققني اكتر !

الله كريم ، مرسي راجع قريبا ، ورح يبعتلي (هدول) مصاري ، بعد مايشوف اديش دافعت عنو .
ووقتها بشتري أوسمة وميداليات وبراغي فولاذ ما بينطقوا .
رح تشوف ساعتها إذا حدا بيسترجي يقللي يا ما أحلى الكحل بعيونك .

بس حتى ما ارجع طالما نحنا فيها وفي اطار الطيب مرسي
المدعي العام السابق المصري ، استقال بسبب الحرج ، أم طمعا بمنصب أعلى ؟
الخبيث بنقول عنه سعدان ، ونادرا ما يتطابق الظاهر مع الباطن ليلتقي مع الحلقة المفقودة في فرضية داروين
بيحكي وبيغطي تمو بالكامل ، بلغة الجسد ( مو من عندي ) بيكون فاعلها كذاب .

[RAFEK]

اقتباس: المشاركة الأصلية كتبت بواسطة غسان    فعلا قصه القوانين ووقت بيطلع تعديل بيذكروا تعدل الماده كذا الى رقم كذا اي ما عرفناه الاولانيه لنعرف التانيه والاعلان منشور للعامه ليتنوروا قال كمان عجبي وبالاخر بتطلع التعليمات التنفيذيه حارئه نفسو للقانون ومخردئتوا خردئه من ناحيه تانيه ومشان نكون واقعيين وعادلين لازم الواحد يسأل ويبحبش عن الماده القانونيه يلي بتهمو مشان ما يقولو عنو مغفل ويقول له المحامي : الله يصلحلك ليه ما سألت ؟؟ كان لازم تطالع اخراج قيد عقاري للبيت قبل ما تشتريه غالبا الناس مابتعلم الا من كيسها وفي ناس من كيسها مابتتعلم وبتوقع بالحفره ميت مره بقي جمله ومع ذلك القانون له دخلات وطلعات وزواريب تجعل من يحاول ان لايكون مغفلا وان يكون صاحيا يدور حول نفسه ويدوخ ويدوخ ويدوخ ويدوخ ويقول ياريتني كنت مغفل من الاول وريحت راسي

وفي كمان الاستثناءات كما قال عنها ايمن زيدان في مسلسله يوميات مدير عام
هيه طريقة لعمل شي غير قانوني بطريقة قانونية
بعدين اي دخيل القانون والدستور وارقامو انا
باي وقت وبدون اي انذار يوقف العمل بالقانون كذا ليصبح قانون كذا
وإذا في قانون مو عاجبنا بنغيرو بيصير بيعجبنا
آل قانون آل

[omar1964]

اقتباس: المشاركة الأصلية كتبت بواسطة mouayad    وينه اخي عمر1964 أو ابو عمر والله ضيعني اسمه عمر وكاتب ابو عمر ؟؟؟؟؟؟ بعدين ابو عمر كان لقب حصري لي وييييييييين فايت بهالعجقة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يعني هلأ بخلي ابو حكيم يسلخك مخالفة تبقى تجمع فيها سنتين لقدام

أنا حاضر
يسعد صباحك أخي أبو عمر الأصلي
بس داخل عليك توسطلنا عند أبوحكيم
بدو يسحب الحساب 1000 ورا 1000
بس ما رح يستفيد شي لأنو ما عندي حساب بالبنك
بحياتي ما حبيت البنوك بسورية ..
-----
مرة من زمان قلت لحالي عم تجينا حوالات كتير كان الشغل ممتاز
خلينا ننفع بنك الدولة أحسن ما ننفع الهرم (( هلق بيزعل الاستاذ هشام ))
طلبت من تاجر شامي يبعت الحوالة ع البنك الي عنا
بعتا هاتفية رحت حتى أقبضا اول شيء قال لي الموظف في خطأ حرف بالاسم،
اتصلت مع الزلمي .. رجع ع فرع البنك الي بعت منو و صلح الغلط ،
اي نعم .. الموظف ما رضي يعطيني المبلغ ، لحتى يجي المدير و يوقع أمر الصرف
انتظرت شي ساعة لحتى اجا المدير . و وقع أمر الصرف اي عطونا الحوالة يا عمي ..
قال ما فينا لأنو جهاز الفاكس تبع فرع البنك الي بالشام في رقم شيفرة (( أو هيك شيء )) و يبدو انو معطل و بالصيانة و بعتو الفاكس من جهاز تاني ما في عليه الشيفرة ..
الخلاصة ضيعت نص النهار و أنا ناطر بالبنك و ع الفاضي و رجع سحبا الزلمي و حولها بالهرم..
بس بعد 3 شهور خبروني انو الي حوالة هاتفية عندن ...........!!!!!!!!! ههههههههه

[رندة]

[abu mhd]

[bright blue]

اقتباس: المشاركة الأصلية كتبت بواسطة mouayad

طيب اجبروا بخاطر الدراويش وخلوه يحلم انه ياخد ام ال100
بس ما يطلع عينه زايغة على ام ال1000

[abu mhd]

ﺍﻟﻤﻠﻚ ﻓﺎﺭﻭﻕ :1952 ﻣﻠﻚ ﻣﻨﻔﻰ .
ﻣﺤﻤﺪ ﻧﺠﻴﺐ :1954 ﺭﺋﻴﺲ ﻣﻌﺰﻭﻝ .
ﻋﺒﺪﺍﻟﻨﺎﺻﺮ :1970 ﺭﺋﻴﺲ ﻣﺴﻤﻮﻡ .
ﺍﻟﺴﺎﺩﺍﺕ :1981 ﺭﺋﻴﺲ ﻣﻘﺘﻮﻝ .
ﻣﺒﺎﺭﻙ :2011 ﺭﺋﻴﺲ ﻣﺨﻠﻮﻉ .
... ﻣﺮﺳﻲ :2013 ﺭﺋﻴﺲ ﻣﻌﺰﻭﻝ .
ﻭﻗﺒﻠﻬﻢ " ﺷﺠﺮﻩ ﺍﻟﺪﺭ " ﻣﺎﺗﺖ ﺑﺎﻟﻘﺒﺎﻗﻴﺐ .
ﻭﻗﺒﻠﻬﻢ " ﻓﺮﻋﻮﻥ " ﻣﺎﺕ ﻏﺮﻳﻖ .
ﻭﻗﺒﻠﻬﻢ " ﻛﻠﻴﻮﺑﺎﺗﺮﺍ " ﻣﺎﺗﺖ ﺑﺎﻟﺴﻢ .
ﻳﺎﺳﻴﺎﺩﺓ ﺍﻟﺮﺋﻴﺲ ﺍﻟﻘﺎﺩﻡ ﻳﺎﻟﻠﻲ ﺃﻛﻴﺪ ﺇﻧﺖ ﻓﺮﺣﺎﻥ ﺩﻟﻮﻗﺘﻲ
ﻋﺸﺎﻥ ﻣﺮﺳﻲ ﻭﻗﻊ ﻭﺍﻟﻜﺮﺳﻲ ﻓﻀﻴﻠﻚ , ﻣﺎﺗﻔﺮﺣﺶ ﺃﻭﻱ
ﻛﺪﻩ , ﺃﻛﻴﺪ ﻫﺎﺗﻜﻮﻥ ﺭﺋﻴﺲ ﻣﺸﻠﻮﻝ ﺃﻭ ﻣﺤﺮﻭﻕ ﺃﻭ ﻣﺸﻨﻮﻕ
ﺃﻭ ﻣﺒﻠﻮﻝ ... ﺃﻱ ﺣﺎﺟﺔ ﺑﺼﻴﻐﺔ ﻣﻔﻌﻮﻝ

هههههههههههههههه ربنا يستر عليه ويتولاه

[رندة]

بما أنو الاعلام السوري الرسمي يواكب بث مباشر تطورات الأحداث في مصر بعين الشقيق المحب !!!
ونحن كمان رح نتابع معكن أهم أخبار مصر الشقيقة
الاتحاد الافريقي يعلق عضوية مصر بعد اطاحة مرسي