صالة متابعة أسعار صرف الدولار و الذهب في السوق السوداء ليوم الأربعاء 22 أيار 2013

[black_ghost87]

الله يخليكم يا شباب حطو أسعار الصرف مظبوطة بعيدا عن المصالح الشخصية و كما هي مع تحديد الساعة

[عابر مجيب]

اقتباس: المشاركة الأصلية كتبت بواسطة ابراهيم طاهر    التجار هم الوحيدبن يالي استفادوا من دم الابرياء وهم يصلوا ويربحون

يسعد مساك
لعن الله هذا التاجر الذي أزعجك وأعطاك فكرة سيئة عن الجميع
ثق بأن هذا الموصوف ، يصلي نفاقا وغالبا بلا وضوء . والله ليس غافلا عنه
لا تعمم ، ولا تبدأ بتناول الموضوع متأثرا بحكم مسبق
إن التخلص من فكرة خاطئة ، خير من تعلم عشرة معلومات صحيحة
أعد النظر بمخزون تجربتك وصحح أخطاءك وتقبل بما لك واعترف بما عليك
وستجد الناس تحيطك بالحب والقبول ، لا تستخف بالعقول ، وضع نفسك بموضع الأخر
أعد النظر بسابق مداخلاتك واعتبر نفسك منفصلا عن الكاتب ، بربك هل تجدها مقبولة ؟
يلا ورجيني ابتسامتك بقلب طاهر ، واصفي نيتك ، وكن عضوا بارا بين أهلك في عائلة سيرياستوك الظريفة .
الله يوفقك

[al-kady lebanon]

اغلاق السوق في لبنان
141 متوفر
143 غير متوفر
من المرات النادرة التي يكون سعر المبيع في لبنان غير متوفر

[Humam]

ياجماعة حاجة تشككو بالمركزي بقا
الزلمة قلكون أنو رح يضخ 100 مليون يورو وحط ايدو على شواربو

بس المشكلة أنو ما قال لمين حييعطيون أو ايمتى حيعطيون أو لفترة قديش
يعني ممكن يطلع ميالة بعد كم يوم ويقول أنو هدون مخصصين لتغطية مستوردات الأدوية لفترة عشر سنين كل يوم 3000 يورو

[expert]

اقتباس: المشاركة الأصلية كتبت بواسطة عابر مجيب    يسعد مساك لعن الله هذا التاجر الذي أزعجك وأعطاك فكرة سيئة عن الجميع ثق بأن هذا الموصوف ، يصلي نفاقا وغالبا بلا وضوء . والله ليس غافلا عنه لا تعمم ، ولا تبدأ بتناول الموضوع متأثرا بحكم مسبق إن التخلص من فكرة خاطئة ، خير من تعلم عشرة معلومات صحيحة أعد النظر بمخزون تجربتك وصحح أخطاءك وتقبل بما لك واعترف بما عليك وستجد الناس تحيطك بالحب والقبول ، لا تستخف بالعقول ، وضع نفسك بموضع الأخر أعد النظر بسابق مداخلاتك واعتبر نفسك منفصلا عن الكاتب ، بربك هل تجدها مقبولة ؟ يلا ورجيني ابتسامتك بقلب طاهر ، واصفي نيتك ، وكن عضوا بارا بين أهلك في عائلة سيرياستوك الظريفة . الله يوفقك

من اجمل الحكم يللي سمعتها
فعلا بعض الاعضاء مثل شجرة الورد يسرك النظر اليها وبعد ان تتركها بيقى عبقها عالقا في ثيابك
ويبقة سحرها عالقا في مخيلتك
تحية لمن ادخل الموقع لاقرا مشاركاتهم

[عابر مجيب]

اقتباس: المشاركة الأصلية كتبت بواسطة fearless    السلام عليكم الشعار بالمرجة اليوم كان عم يشتري على 137 و يبيع على 138 وتمت عدة عمليات بيع على هالسعر أدامي بس ألف دولار كحد أقصى

ذهبت بنفسي إلى الشعار ووجدت التالي :
زبون على الشباك الأول يعبئ استمارة ، مفهوم أنها تتعلق بأسباب طلب العملة الصعبة ، عطوه 100 دولار فقط .
الشباك التالي والذي له فتحة على ارتفاع فم المتحدث ، وكان هنالك رجلان تجاوزا العقد الخامس ، أحدهما صرف 500 دولار بسعر 137 ، أخذ الموظف الدولارات ووضعها بالدرج .
كنت بين المتفرج والراغب بالسؤال ، ولكني لم أجد أي وجه مشجع .
دخل شاب واندفع قبلي إلى النافذة
وسأل : ممكن تبيعني دولار ؟
الموظف بدون نفس : كم المبلغ ؟
الزبون : 1000
القرفان : رفع رأسه بالرفض
الزبون : 500
القرفان رفع رأسه بالرفض
الزبون : شوماكان 200 - 100
القرفان : روح صور الهوية وتعا
الزبون : معي ليكها
وجدت لو أني سألت سأكون سخيفا فعلا ، أو أنني سأغسّل فيه المزابل وأطلب منه فتح الدرج واخراج على الأقل 500 رأيتها بعيني .
فضلت التوجه إلى الحجي بصدر المحل
أنا : عم تبيعوا دولار
الحجي : اليوم خلصوا ، لبكرا
انا : لأ أنا مابدي بس بيجيني زباين بدهم تذاكر سفر ، ممكن ابعتهم ويشتروا من عندك ؟
الحجي : بنفاذ صبر وهو يمضغ الكلمات اب عت هم ، ب ك ر ا
أكيد الحجي الله يتم عليه غني ، بس ما في على وجهه نضرة النعيم ! في شي تاني انتو تخيلوه .

هل وضحت الصورة ؟

[Hadi979]

السلام عليكم و رحمة الله و بركاته

يا شباب انا برأيي ما نرمي كل عتبنا على التجار على اساس ان هنن مصاصين دماء و اكلين لقمة الشعب و الى اخره من هاد الكلام

انا برأيي اي شخص بيتجه للدولار بهدف البيع و الشراء و تحقيق المكاسب فهو متلو متل اي تاجر بالعكس بيتحمل مسؤولية اكتر من التاجر لانو الهجمة على الشراء هي اللي بتزيد السعر بزيادة الطلب و الهجمة على البيع هي اللي بتتدخل بنزول السعر و انا برأيي هاد هو العامل الاكبر سواء المركزي طرح او ما طرح زيادة الطلب دائما رح يترافق بصعود السعر و زيادة الطرح دائما مرتبطة بالهبوط
اما التاجر (و انا ما عم احكي من باب الدفاع و انما من باب المنطق ) بارتفاع الدولار بتزيد كلفة البضاعة اللي عندو و بالتالي بيضطر يزيد السعر ( طبعا هاد الشي غير مواضيع الاحتكار اللي هي غير شي اصلا )
يعني منركض ورا الدولار لتحقيق مكاسب بنعمل فوضى بالسعر بيترافق بفوضى بجميع اسعار السلع و لما بنروح لعند اي تاجر و بيعطي سعر مرتفع بنقول عنو مصاص دماء
انا شخصيا الي تجارة معينة بالجملة عندي احد الاصناف انا كنت وزعوا قبل الازمة ب 175 ل.س القطعة كنت بيع بالشهر من 7000 الى 10000 قطعة كنت اربح 15 ل.س بكل قطعة بمعدل 14%
هاي القطعة حاليا نتيجة ارتفاع الدولار اللي سببوه الراكضين على مكاسب منه صار رسمالها عليي 525 و نتيجة زيادة السعر خف الطلب و خف البيع من 10000 الى 200 و نتيجة ارتفاع السعر انا ما بقى اقدر حقق نفس نسبة الربح و صرت اربح 25 ليرة بالقطعة يعني بنسبة اقل من 5% و بيجي واحد من الزباين بيقللي شو خسران انت بضاعتك عم تربح عندك وبيخليك تنطح راسك بالحيط
يعني برايكن 10000 قطعة بمربح 15 و لا 200 قطعة بربح 25 هي الافضل للتاجر

انا اسف على الاطالة و بتمنى دائما الخير للجميع و لوطننا اولا و انشاء الله بينمحق الدولار و بيصير ب 50 ليرة وانا متأكد ان وقتها الكل رح يكون سعيد

[ميرا]

اقتباس: المشاركة الأصلية كتبت بواسطة aboalfawares    يا شباب اللي فهمان شي يفهمنا يعني ما في يورو من المركزي ؟؟؟وطلع ....فاشوش؟؟

مابعتقد هل المرة مافي تدخل والا المركزي رح يفقد مصداقيتو للأبد .
صورة القرار اللي نزلها الأخ الليرة السورية مشكورا
واضح جدا" :
تقديم طلبات الشراء بتاريخ 22/ 5 / 2013 ، هاد مابيعني التدخل والضخ هو اليوم .

[لقماان]

اقتباس: المشاركة الأصلية كتبت بواسطة shereen    مساء الخير مين مصحح لنناقش الى اين الدولار من هللق للخميس القادم

مساء الخير
تفضلي آنسة شيرين

[AYMTAL]

اقتباس: المشاركة الأصلية كتبت بواسطة rana-h    مساء الخير اليوم صرفنا حواله ببنك بركه قادمه من السعوديه عل 139.52ل س

هلا و غلا شو وين كنتي غايبة